Borgartún 8-16, Norðlingaholt, Laugateigur 32, Laugavegur 20B, Nauthólsvegur 89, Njálsgata 51A og B, Sjafnarbrunnur 1-3, Þverársel 26, Flugvöllur 106643, Kjalarnes, Sætún, Bragagata 38, Hverfisgata 112 og 114, Nýlendugata 9, Betri Reykjavík, Deiliskipulagsáætlanir, Reykjavíkurflugvöllur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

421. fundur 2012
Ár 2012, föstudaginn 30. nóvember kl. 10:00, hélt skipulagsstjóri Reykjavíkur 421. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Marta Grettisdóttir Eftirtaldir embættismenn kynntu mál á fundinum: Lilja Grettisdóttir, Valný Aðalsteinsdóttir, Björn Ingi Edvardsson, Margrét Þormar og Guðlaug Erna Jónsdóttir. Ritari var Einar Örn Thorlacius
Þetta gerðist:

1.12 Borgartún 8-16, Bílakjallari, reyndarteikning
Lagt fram erindi frá afgreiðslufundi byggingarfulltrúa frá 27. nóvember 2012 þar sem sótt er um samþykkt á reyndarteikningu af bílakjallara B1 og B2 og sótt um að bílastæðakrafa verði lækkuð úr 1/35 í 1/50 í B1 á lóð nr. 8-16 við Borgartún.
Einnig er sótt um leyfi fyrir breyttu innra fyrirkomulagi í rými 0101 í sama húsi.
Gjald kr. 8.500

Ekki eru gerðar skipulagslegar athugasemdir við erindið með vísan til gildandi skilmála um bílastæði. Ekki er tekið undir óskir um breytingu á bílastæðum ofanjarðar.
2.12 Norðlingaholt, (fsp) breytt notkun vegna lóðanna nr. 1 við Árvað og 4 og 10 við Norðlingabraut
Lögð fram fyrirspurn Ásbjörns Arnarssonar dags. 27. nóvember 2012 varðandi breytta notkun lóðanna nr. 1 við Árvað og 4 og 10 við Norðlingabraut úr atvinnuhúsnæði í íbúðarhúsnæði.. Einnig lögð fram umsögn skipulagsstjóra dags.30. nóvember 2012.

Neikvætt, með vísan til umsagnar skipulagsstjóra dags. 30. nóvember 2012,
3.12 Laugateigur 32, (fsp) stækka kvisti o.fl.
Á fundi skipulagsstjóra 23. nóvember 2012 var lögð fram fyrirspurn Tobias Klose dags. 19. nóvember 2012 um að stækka á kvisti og taka niður stromp á húsinu á lóðinni nr. 32 við Laugateig. Einnig er lagt fram samþykki húseigenda að Laugateigi 30, dags. 19. nóvember 2012. Fyrirspurninni var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 28. nóvember 2012.

Umsögn skipulagsstjóra dags. 28. nóvember 2012 samþykkt.
4.12 Laugavegur 20B, rekstrarleyfi
Lagt fram erindi Sigríðar S. Júlíusdóttur dags 28. nóvember 2012 vegna umsóknar Kalda bars ehf. um rekstrarleyfi fyrir áfengisveitingastað að Laugavegi 20B.

Vísað til umsagnar hjá verkefnisstjóra.
5.12 Nauthólsvegur 89, Bráðabirgðabílastæði fyrir barnaskólann Öskju
Lagt fram erindi frá afgreiðslufundi byggingarfulltrúa frá 27. nóvember 2012 þar sem sótt er um bráðabirgðaleyfi fyrir 24 bílastæði og aðkeyrslu á lóð nr. 89 við Nauthólsveg vegna starfsemi barnaskólans Öskju á lóð nr. 87 við Nauthólsveg.
Gjald kr. 8.500

Vísað til meðferðar hjá verkefnisstjóra.
6.12 Njálsgata 51A og B, breyting á deiliskipulagi
Að lokinni grenndarkynningu er lagt fram að nýju erindi Söru H. M. Guðmundsdóttur dags. 18. október 2012 varðandi breytingu á deiliskipulagi reits 1.190.1 vegna lóðanna nr. 51A og 51B við Njálsgötu. Í breytingunni felst færsla á byggingarreit lóðarinnar nr. 51B og sameining lóðanna nr. 51A og 51B, samkvæmt uppdrætti Krads dags. 18. október 2012. tillagan var grenndarkynnt frá 25. október til og með 22. nóvember 2012. Eftirtaldir aðilar sendu inn athugasemdir: Gunnar Örn Jónsson dags. 2. nóvember 2012 og bréf Gunnars Arnar Jónssonar dags. 7. nóvember þar sem athugasemd er dregin til baka. Guðjón Guðjónsson dags. 23. nóvember 2012,
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
7.12 Sjafnarbrunnur 1-3, Fjölbýlishús
Á fundi skipulagsstjóra 23. nóvember 2012 var lagt fram erindi frá afgreiðslufundi byggingarfulltrúa frá 20. nóvember 2012 þar sem sótt er um leyfi til að byggja staðsteypt fjölbýlishús, fjórar hæðir og kjallari undir hluta húss með 15 íbúðum og bílgeymslu fyrir 14 bíla á lóð nr. 1-3 við Sjafnarbrunn. Erindinu var vísað til meðferðar hjá verkefnisstjóra og er nú lagt fram að nýju.
Jafnframt er óskað eftir leyfi til að nota undanþáguákvæði í grein 17.1.2 í nýrri byggingareglugerð.
Kjallari: 88,4 ferm., 1. hæð bílgeymsla 363 ferm., íbúð 379,4 ferm., 2. hæð 588,4 ferm., 3. hæð 588,4 ferm., 4. hæð 372,8 ferm.
Samtals: 2.380,4 ferm., 7.525,5 rúmm.
Gjald kr. 8.500 + 639.668
Nýir uppdrættir dags.27.nóvember lagðir fram.

Ekki eru gerðar athugasemdir við erindið. Samræmist deiliskipulagi.
8.12 Þverársel 26, (fsp) viðbygging
Lögð fram fyrirspurn Steindórs Steindórssonar dags. 27. nóvember 2012 um að byggja við húsið á lóðinni nr. 26 við Þverársel

Vísað til meðferðar hjá verkefnisstjóra.
9.12 Flugvöllur 106643, Stöðuleyfi - gámur
Á fundi skipulagsstjóra 23. nóvember 2012 var lagt fram erindi frá afgreiðslufundi byggingarfulltrúa frá 20. nóvember 2012 þar sem sótt er um stöðuleyfi fyrir skrifstofugám ca. 17.5 ferm. við flugskýli nr. 6 á Reykjavíkurflugvelli. Erindinu var vísað til meðferðar hjá verkefnisstjóra og er nú lagt fram að nýju.Stærð: XX ferm., XX rúmm.Gjald kr 8.500
Vísað til umsagnar Isavia ohf. Umsagnar óskað fyrir 21. desember 2012.
10.12 Kjalarnes, Sætún, (fsp) sameining lóða o.fl.
Lögð fram fyrirspurn Kjalarnes ehf. dags. 26. nóvember 2012 varðandi breytingu á deiliskipulagi landsins Sætún I á Kjalarnesi. Í breytingunni felst sameining lóða, stækkun á byggingarreit o.fl., samkvæmt uppdr. Einar Ingimarssonar dags. 22 nóvember 2012.

Vísað til meðferðar hjá verkefnisstjóra.
11.12 Bragagata 38, Kvistur á götuhlið (norðvesturhlið)
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. október 2012 þar sem sótt er um leyfi til þess að byggja kvist á norðvesturhlið rishæðar (3.h.) hússins á lóðinni nr. 38 við Bragagötu. Erindi var grenndarkynnt frá 25. október til og með 22. nóvember. Engar athugasemdir bárust.
Samþykki meðeiganda (ódags.) fylgir erindinu.
Stærð: Stækkun, kvistur 3,2 rúmm.
Gjald kr. 8.500 + 272

Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

12.12 Hverfisgata 112 og 114, sameining lóða, nýbygging
Lögð fram fyrirspurn Björns Emilssonar, dags. 29. nóv. 2012, um að sameina lóðirnar Hverfisgötu 112 og 114 og að hin sameinaða lóð yrði auðkennd sem lóð nr. 31 við Snorrabraut. Einnig lagðir fram uppdrættir Björns Emilssonar, dags. 15. ágúst 2012, að stækkun húsa nr. 112 og 114 við Hverfisgötu.

Vísað til umsagnar hjá verkefnisstjóra.
13.12 Nýlendugata 9, (fsp) niðurrif o.fl.
Lögð fram fyrirspurn Svan Gunnars Guðlaugssonar dags. 29. nóvember 2012 um hvor rífa megi húsið á lóðinni nr. 9 við Nýlendugötu og/eða byggja á lóðinni.

Neikvætt. Samræmist ekki deiliskipulagi. Bent er á að steinbærinn verður friðaður frá janúar 2013 skv. nýjum lögum um menningarminjar.
14.12 Betri Reykjavík, Matarmarkaður við höfnina á sumrin
Lögð fram efsta hugmynd í skipulagsflokki á Betri Reykjavík frá 31. október 2012 " Matarmarkaður við höfnina á sumrin" ásamt samantekt af umræðum og rökum.

Vísað til meðferðar hjá verkefnisstjóra.
15.12 Deiliskipulagsáætlanir, bréf skipulagsstofnunar
Lagt fram bréf Skipulagsstofnunar dags. 9. nóvember 2012 um áríðandi tilkynningu varðandi gildi deiliskipulags sem birt hefur verið í Stjórnartíðindum árin 2011 og 2012. Einnig er lagt fram minnisblað Skipulagsstofnunar dags. 9. nóvember ásamt lista ódags.

Kynnt.
16.12 Reykjavíkurflugvöllur, frumvarp til laga
Lagt fram bréf borgarstjóra dags. 14. nóvember 2012 þar sem óskað er umsagnar skipulagsráðs á frumvarpi til laga um miðstöð innanlandsflugs. Einnig er lögð fram umsögn umhverfis- og skipulagssviðs dags. 20. nóvember 2012 og umsögn skrifstofustjóra borgarstjórnar og fulltrúa borgarlögmanns dags. 28. nóvember 2012.



Kynna formanni skipulagsráðs.