Háaleitisbraut 66, Naustabryggja 13-15, Kjósarhreppur, Grettisgata 55, Hlemmur, Laugavegur 20-20A, Sætún 1, Urðarstígsreitur syðri 1.186.4, Vatnagarðar, lóðir Eimskips, Árbær-Selás, Bárugata 11, Breiðagerði 10, Fjólugata 13, Ljárskógar 6, Nauthólsvegur 87, Víðihlíð 38, Saltvík 125744, Úlfarsfell, Fellsmúli,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

393. fundur 2012
Ár 2012, föstudaginn 4. maí kl. 10:00, hélt skipulagsstjóri Reykjavíkur 393. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Helena Stefánsdóttir Eftirtaldir embættismenn kynntu mál á fundinum: Lilja Grétarsdóttir, Haraldur Sigurðsson, Margrét Þormar, Valný Aðalsteinsdóttir, Ágústa Sveinbjörnsdóttir og Björn Ingi Edvardsson. Ritari var Einar Örn Thorlacius
Þetta gerðist:

1.12 Háaleitisbraut 66, (fsp) lóð
Á fundi skipulagsstjóra 13. apríl 2012 var lögð fram fyrirspurn Turnar ehf. dags. 12. apríl 2012 varðandi lóð fyrir söluturn við Háaleitisbraut 66 og endurbyggingu, en söluturn sem þar stóð brann nýlega. Fyrirspurninni var vísað til umsagnar hjá verkefnisstjóra og lögfræði og stjórnsýslu og er nú lagt fram að nýju ásamt umsögn skipulagsstjóra dags. 2. maí 2012.
Umsögn skipulagsstjóra samþykkt.
2.12 Naustabryggja 13-15, (fsp) breyting á notkun
Lögð fram fyrirspurn Dróma hf. dags. 3. maí 2012 varðandi breytingu á notkun hússins á lóðinni nr. 13-15 við Naustabryggju, samkvæmt uppdrætti Úti og inni arkitekta dags. 30. apríl 2012.
Vísað til umfjöllunar hjá verkefnisstjóra.
3.12 Kjósarhreppur, aðal- og deiliskipulagsbreyting í landi Eyrar
Lagður fram tölvupóstur Jóns Eiríks Guðmundssonar skipulags- og byggingarfulltrúa Kjósarhrepps dags. 26. apríl 2012 þar sem kynnt er tillaga að breytingu á aðalskipulagi dags. 9. mars 2012 og deiliskipulagi dags. 24. janúar 2012 í landi Eyrar í Kjósarhreppi.
Ekki eru gerðar athugasemdir við erindið.
4.12 Grettisgata 55, (fsp) hækkun á risi o.fl.
Á fundi skipulagsstjóra 27. apríl 2012 var lögð fram fyrirspurn Helgu Guðmundsdóttur dags. 27. apríl 2012 um að hækka ris, byggja kvisti og byggja verönd við húsið á lóðinni nr. 55 við Grettisgötu. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 3. maí 2012.
Umsögn skipulagsstjóra samþykkt.
5.12 Hlemmur, framtíðarhlutverk staðarins
Lagt fram bréf skrifstofu borgarstjórnar dags. 25. apríl 2012 vegna samþykkt borgarfulltrúa og Reykjavíkurráðs 24. apríl 2012 um að vísa tillögu Arons Eydal Sigurðssonar um viðhald Hlemms og hugmyndir að atvinnusköpun til skipulagsráðs.
Vísað til umsagnar hjá verkefnisstjóra.
6.12 Laugavegur 20-20A, (fsp) staðsetning sorps
Lögð fram fyrirspurn Laugaverks ehf. dags. 30. apríl 2012 varðandi staðsetningu sorps í borgarlandi við lóðina nr. 20-20A við Laugaveg. Einnig er lögð fram umsögn umhverfissviðs dags. 24. febrúar 2012 og umsögn orkuveitunnar dags. 1. febrúar 2012.
Kynna formanni skipulagsráðs.
7.12 Sætún 1, (fsp) stækkun húss
Lögð fram fyrirspurn Ragnars Auðuns Birgissonar f.h. Húsfélagsins Sætúni 1 dags. 3. maí 2012 varðandi stækkun hússins á lóðinni nr. 1 við Sætún, samkvæmt uppdr. THG Arkitekta dags. 23. apríl 2012.
Vísað til umsagnar hjá verkefnisstjóra.
8.12 Urðarstígsreitur syðri 1.186.4, tillaga að deiliskipulagi fyrir reit 1.186.4
Að lokinni auglýsingu er lögð fram að nýju tillaga Adamsson ehf. - arkitektastofu dags. 13. júlí 2009 að deiliskipulagi Urðarstígsreits syðri, reitur 1.186.4. Tillagan var felld úr gildi af úrskurðarnefnd skipulags- og byggingarmála. Er tillagan óbreytt að öðru leyti en því að bætt hefur verið við byggingarreit fyrir sólstofu (einnar hæðar byggingu með svölum á þaki) á Urðarstíg 12 sem borgarráð samþykki 12. nóvember 2009. Tillagan var auglýst frá 7. mars til 24. apríl 2012. Eftirtaldir aðilar sendu athugasemdir: Rúnar Ingimarsson og Birna Eggertsdóttir dags. 23. apríl 2012, Bragi L. Hauksson dags. 24. apríl 2012 og Gunnlaugur Björn Jónsson f.h. eigenda Urðarstígs 16A dags. 24. apríl 2012. Einnig er lögð fram umsögn skipulagsstjóra dags. 3. maí 2012 og umsögn lögfræði og stjórnsýslu dags. 3. maí 2012.
Vísað til skipulagsráðs.
9.12 Vatnagarðar, lóðir Eimskips, breyting á deiliskipulagi
Á fundi skipulagsstjóra 20. apríl 2012 var lagt fram erindi faxaflóahafna sf. dags. 12. apríl 2012 varðandi breytingu á deiliskipulagi Vatnagarða, Sundabakka vegna lóða Eimskips, samkvæmt uppdrætti Arkís dags. 8. mars 2012. Erindinu var vísað til meðferðar hjá verkefnisstjóra og er nú lagt fram að nýju.
Vísað til skipulagsráðs.
10.12 Árbær-Selás, breyting á skilmálum
Lagt fram bréf skipulagsstofnunar dags. 7. mars 2012 þar sem gerðar eru athugasemdir við breytingu á skilmálum deiliskipulags fyrir Árbæ- Selás.

Vísað til skipulagsráðs.
11.12 Bárugata 11, Skorsteinn fjarlægður - kvistur - br. inni
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 6. mars 2012 þar sem sótt er um leyfi til að fjarlægja skorstein og koma fyrir lyftu, byggja kvist á rishæð, koma fyrir björgunarsvölum, breyta innra skipulagi og fjölga gistirýmum í 15 fyrir samtals 30 gesti í gistiheimili á lóð nr. 11 við Bárugötu. Erindi var grenndarkynnt frá 22. mars til 25. apríl 2012. Eftirtaldir aðilar sendu athugasemdir: Helgi Már Björgvinsson og Marta Jónsdóttir dags. 27. mars 2012. Útskrift úr gerðabók embættisafgreiðslufundar skipulagsstjóra frá 24. febrúar 2012 ásamt umsögn skipulagsstjóra dags. 23. febrúar 2012 fylgja erindinu.
Stærðir óbreyttar
Gjald kr. 8.500 + 8.500
Vísað til skipulagsráðs.
12.12 Breiðagerði 10, (fsp) hækkun húss
Lögð fram fyrirspurn Friðriks Friðrikssonar dags. 2. maí 2012 varðandi hækkun hússins á lóðinni nr. 10 við Breiðagerði.
Vísað til umsagnar hjá verkefnisstjóra.
13.12 Fjólugata 13, Endurnýjun BN038946
Að lokinni grenndarkynningur er lagt fram að nýju erindi frá afgreiðslufundi byggingarfulltrúa frá 3. apríl 2012 þar sem sótt er um leyfi til að endurnýja erindið BN038946 dags. 21 júlí 2009 þar sem sótt er um að byggja bílskúr, til að byggja nýtt anddyri á norðurhlið, koma fyrir nýjum gluggum á austurhlið kjallara, grafa frá kjallara og síkka glugga á vesturhlið og til að breyta innra skipulagi og gluggagerð einbýlishússins nr. 13 við Fjólugötu. Erindi var grenndarkynnt frá 20. apríl til og með 22. maí 2012 en þar sem samþykki hagsmunaaðila barst 3. maí 2012 er erindi nú lagt fram að nýju. Viðbygging: 18,3 ferm., 49,5 rúmm. Bílskúr: 38 ferm. 112,7 rúmm. Samtals stækkun: 56,3 ferm., 162,2 rúmm.
Gjald kr. 8.500 + 13.787
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

14.12 Ljárskógar 6, (fsp) sólstofa
Lögð fram fyrirspurn Hróbjarts Jónatanssonar dags. 3. maí 2012 um að byggja sólstofu við húsið á lóðinni nr. 6 við Ljárskóga, samkvæmt uppdr. +Arkitekta dags. 26. júlí 2011.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
15.12 Nauthólsvegur 87, (fsp) viðbygging
Lagt fram bréf frá afgreiðslufundi byggingarfulltrúa frá 6. desember 2011 þar sem spurt er hvort byggja megi kennsluálmu við skóla Hjallastefnunnar á lóð nr. 87 við Nauthólsveg.
Kynna formanni skipulagsráðs.
16.12 Víðihlíð 38, (fsp) sólskáli
Lögð fram fyrirspurn Bylgju Óskarsdóttur dags. 26. apríl 2012 um að byggja sólskála við húsið á lóðinni nr. 38 við Víðihlíð.
Leiðrétt bókun frá síðasta fundi: Jákvætt. Samræmist deiliskipulagi.
17.12 Saltvík 125744, Nýtt aligrísahús og tengibygging
Lagt fram erindi frá afgreiðslufundi byggingarfulltrúa frá 17. apríl 2012 þar sem sótt er um leyfi til að byggja nýtt aligrísahús ásamt tengibyggingu aligrísahúsi mhl 16 og áðurgerðri viðbygginu og þremur fóðursílóum við hús mhl 16 á lóð 125744 við Saltvík Kjalanesi. Stækkun mhl 16 : XX ferm og XX rúmm. Stærðir fóðursílóa: mhl. XX. XX ferm. og XX rúmm mhl. XX. XXferm., XXrúmm. mhl. XX. XX ferm. XX rúmm. Gjald kr. 8.500 + XX.
Frestað.
18.12 Úlfarsfell, Fellsmúli, einbýlishús
Á fundi skipulagsstjóra 27. apríl 2012 var lögð fram fyrirspurn leiguhafa dags. 23. apríl 2012 varðandi leyfi til að setja niður færanlegt einbýlishús á hagbeitarlandinu Fellsmúla við Úlfarsfell. Meðfylgjandi er lóðarleigusamningur dags. 26. janúar 2012, ásamt yfirlitsmyndum af svæðinu. Fyrirspurninni var vísað til meðferðar hjá verkefnisstjóra og er nú lögð fram að nýju. Lögð fram umsögn skipulagsstjóra dags.4. maí 2012.
Neikvætt, með vísan til umsagnar skipulagsstjóra dags. 4. maí 2012