Kjalarnes, Skrauthólar, Kjalarnes, Tindstaðir, Öskjuhlíð, Perlan, Lóðarumsókn fyrir rugbyvöll, Brautarholt 7, 1.172.0 Brynjureitur, 1.171.1 Hljómalindareitur, Tangarbryggja 14-16, Baldursgata 32, Baldursgata 34, Bræðraborgarstígur 10, Grettisgata 16, Haðarstígur 4, Hafnarstræti 19, Lindargata 36, Guðrúnargata 8, Háteigsvegur 4, Lyngháls 4, Nauthólsvegur 87, Skipholt 50A, Þingvað 29, Fjólugata 5,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

388. fundur 2012
Ár 2012, föstudaginn 23. mars kl. 11:00, hélt skipulagsstjóri Reykjavíkur 388. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Björn Ingi Edvardsson, Ágústa Sveinbjörnsdóttir, Margrét Leifsdóttir, Haraldur Sigurðsson, Margrét Þormar og Valný Aðalsteinsdóttir. Ritari var Einar Örn Thorlacius
Þetta gerðist:

1.12 Kjalarnes, Skrauthólar, ósk um álit
Lagt fram bréf framkvæmda- og eignasviðs dags. 20. mars 2012 þar sem óskað er eftir áliti um hvort Reykjavíkurborg þurfi að halda spildum 7 og 8 úr landi jarðarinnar Skrauthóla á Kjalarnesi af skipulagsástæðum.
Vísað til meðferðar hjá verkefnisstjóra aðalskipulags
2.12 Kjalarnes, Tindstaðir, ósk um álit
Lagt fram bréf framkvæmda- og eignasviðs dags. 19. mars 2012 þar sem óskað er eftir áliti um hvort Reykjavíkurborg þurfi að halda spildu úr landi jarðarinnar Tindstaða II á Kjalarnesi af skipulagsástæðum
Vísað til verkefnisstjóra aðalskipulags
3.12 Öskjuhlíð, Perlan, (fsp) viðbygging o.fl.
Lögð fram fyrirspurn THG Arkitekta f.h. Garðars K. Vilhjálmssonar dags. 22. mars 2012 varðandi viðbyggingar og breytingar á Perlunni í Öskjuhlíð, samkvæmt tillögu THG Arkitekta dags. 20. mars 2012.
Vísað til skipulagsráðs.
4.12 Lóðarumsókn fyrir rugbyvöll, framtíðarstaðsetning
Lagt fram bréf íþrótta- og tómstundasviðs dags. 15. mars 2012 ásamt erindi Rugbý Ísland dags. 1. mars 2012 varðandi framtíðarstaðsetningu á rugbyvelli í Reykjavík.
Vísað til umsagnar hjá verkefnisstjóra.
5.12 Brautarholt 7, (fsp) uppbygging námsmannaíbúða
Lögð fram fyrirspurn Arkþings dags. 6. mars 2012 varðandi uppbyggingu námsmannaíbúða á lóðinni nr. 7 við Brautarholt samkvæmt meðfylgjandi uppdrætti.
Vísað til skipulagsráðs.
6.12 1.172.0 Brynjureitur, Verkefnalýsing
Lögð fram verkefnalýsing Regins og Laugavegsreita dags. 22. mars 2012 vegna deiliskipulags á Brynjureit, staðgr. 1.172.0. Skipulagslýsingin gerir grein fyrir stefnumörkun lóðarhafa á reitnum varðandi uppbyggingu, verndun og landnotkun. Skipulagssvæðið afmarkast af Hverfisgötu, Klapparstíg, Laugavegi og Vatnsstíg.
Vísað til skipulagsráðs.
7.12 1.171.1 Hljómalindareitur, Verkefnalýsing
Lögð fram verkefnalýsing Regins og Laugavegsreita dags. 22. mars 2012 vegna deiliskipulags á Hljómalindarreit staðgr. 1.171.1. Skipulagslýsingin gerir grein fyrir stefnumörkun lóðarhafa á reitnum varðandi uppbyggingu, verndun, landnotkun og fyrirhugað skipulagsferli. Skipulagssvæðið afmarkast af Hverfisgötu, Klapparstíg, Laugavegi og Smiðjustíg.
Vísað til skipulagsráðs.
8.12 Tangarbryggja 14-16, (fsp) breyting á deiliskipulagi
Á fundi skiplagsstjóra 2. mars 2012 var lögð fram fyrirspurn Gunnars K. Ottóssonar og THG arkitekta dags. 1. mars 2012 varðandi breytingu á deiliskipulagi Bryggjuhverfis vegna lóðarinnar nr. 14-16 við Tangarbryggju. Í breytingunni felst að breyta verslunar- og skrifstofuhúsnæði í íbúðarhúsnæði. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 22. mars 2012
Neikvætt, með vísan til umsagnar skipulagsstjóra dags. 22. mars 2012
9.12 Baldursgata 32, Fjölbýlishús
Á fundi skipulagsstjóra 16. mars 2012 var lagt fram erindi frá afgreiðslufundi byggingarfulltrúa frá 13. mars 2012 þar sem sótt er um leyfi til að byggja steinsteypt fjölbýlishús, þrjár hæðir og ris á kjallara með átta íbúðum á lóð nr. 32 við Baldursgötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 19,mars 2012. Stærð: Kjallari 124 ferm., 1. 2. og 3. hæð 144,6 ferm., rishæð 96,7 ferm.
Samtals: 569,9 ferm., 1.642,7 rúmm.
Gjald kr. 8.500 + 139.630
Frestað.
Lagfæra þarf uppdrætti með vísan til umsagnar skipulagsstjóra dags. 19. mars 2012
10.12 Baldursgata 34, Fjölbýlishús
Á fundi skipulagsstjóra 16. mars 2012 var lagt fram erindi frá afgreiðslufundi byggingarfulltrúa frá 13. mars 2012 þar sem sótt er um leyfi til að byggja steinsteypt fjölbýlishús, tvær hæðir og ris á kjallara með þremur íbúðum á lóð nr. 34 við Baldursgötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 19.mars 2012. Stærð: Kjallari 40,2 ferm., 1. hæð 47,2 ferm., 2.hæð 63,6 ferm., og rishæð 55,8 ferm. B-rými 23,9 ferm.
Samtals: 206,8 ferm., 592 rúmm.
Gjald kr. 8.500 + 50.320

Frestað.
Lagfæra þarf uppdrætti með vísan til umsagnar skipulagsstjóra dags.19. mars 2012
11.12 Bræðraborgarstígur 10, Hækka ris
Lagt fram erindi frá afgreiðslufundi byggingarfulltrúa frá 20. mars 2012 þar sem sótt er um leyfi til að hækka ris þannig að hægt verð að nota það til íveru í húsinu á lóð nr. 10 við Bræðraborgarstíg.
Stækkun: 43,1 ferm., 98,1rúmm.
Gjald kr. 8.500 + 8.338
Samþykkt að grenndarkynna framlagða tillögu fyrir hagsmunaaðilum að Ránargötu 45, Drafnarstíg 3 og 5 og Bræðraborgarstíg 8, 9 og 12
12.12 Grettisgata 16, (fsp) hækkun á þaki o.fl.
Lögð fram fyrirspurn Arnbjargar Lindu Jóhannsdóttur dags. 16. mars 2012 varðandi hækkun á þaki, setja kvist og innrétta íbúð í risinu ásamt því að setja svalir á húsið á lóð nr. 16 við Grettisgötu, samkvæmt uppdrætti Arkitektur.is ehf. dags. 15. mars 2012.
Vísað til umsagnar hjá verkefnisstjóra.
13.12 Haðarstígur 4, Kvistur - fjarlægja reykháf
Lagt fram erindi frá afgreiðslufundi byggingarfulltrúa frá 20. mars 2012 þar sem sótt er um leyfi til að byggja kvist á suðausturhlið, fjarlægja reykháf ásamt reyndarteikningum af einbýlishúsi á lóð nr. 4 við Haðarstíg.
Erindi fylgir samþykki lóðarhafa aðliggjandi lóða dags. 13. febrúar 2012.
Stærðir stækkun xx ferm., 24 rúmm.
Gjald kr. 8.500 + 2.040
Samþykkt að grenndarkynna framlagða tillögu fyrir hagsmunaaðilum að Haðarstíg 2 og Njarðargötu 29, 31 og 33.
14.12 Hafnarstræti 19, (fsp) breytt notkun
Lögð fram fyrirspurn Gunnars K. Ottóssonar dags. 21. mars 2012 um að breyta annarri og þriðju hæð hússins á lóð nr. 19 við Hafnarstræti í hótelíbúðir. Fyrirspyrjandi hefur hug á að breyta þakhæð útlitslega norðanmegin.

Vísað til umsagnar hjá verkefnisstjóra.
15.12 Lindargata 36, breyting á deiliskipulagi
Að lokinni grenndarkynningu er lagt fram að nýju erindi Rent-leigumiðlunar ehf. dags. 16. febrúar 2012 varðandi breytingu á deiliskipulagi Skuggahverfis vegna lóðarinnar nr. 36 við Lindargötu. Í breytingunni felst dýpkun á byggingarreit, hækkun á nýtingarhlutfalli o.fl., samkvæmt uppdrætti Arko dags. 3. febrúar 2012. Tillagan var grenndarkynnt frá 22. febrúar til og með 21. mars 201. Eftirtaldir aðilar sendu inn athugasemdir: Dýrleif Ýr Örlygsdóttir og Kormákur Geirharðsson dags. 21. mars 2012 og Sindri Páll Kjartansson og Arnþrúður Dögg Sigurðardóttir dags. 21. mars 2012.
Vísað til umsagnar hjá verkefnisstjóra.
16.12 21">Guðrúnargata 8, (fsp) - Gluggar / bílskúr
Á fundi skipulagsstjóra 16. mars 2012 var lagt fram erindi frá afgreiðslufundi byggingarfulltrúa frá 13. mars 2012 þar sem spurt er hvort leyft yrði að grafa frá suðurhlið kjallara, síkka glugga þar og útbúa sérnotaflöt fyrir kjallaraíbúð og hvort leyft yrði að byggja bílskúr í stað eldri bílskúrs sem hefur verið rifinn við fjölbýlishús á lóð nr. 8 við Guðrúnargötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 22.mars 2012.
Jákvætt að uppfylltum þeim skilyrðum er fram koma í umsögn skipulagsstjóra dags. 22. mars 2012
17.12 Háteigsvegur 4, Endurnýjun BN035724
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 14. febrúar 2012 þar sem sótt er um endurnýjun á byggingaleyfi BN035724 sem samþykkt var 6. júní 2007 en þá var veitt leyfi til þess að byggja steinsteyptan bílskúr við vesturmörk lóðarinnar nr. 4 við Háteigsveg. Grenndarkynning stóð frá 22. febrúar til 21. mars 2012. Eftirtaldir aðilar sendu athugasemdir: Guðmundur Sævar Ólafsson, eigandi að Háteigsvegi 2 dags. 19. mars 2012.
Stærð: Bílskúr 36,0 ferm. og 106,2 rúmm.
Eignaskiptayfirlýsing dags. 3. okt. 2001 fylgir.
Gjald kr. 8.500 + 9.027

Frestað
18.12 Lyngháls 4, br. úr veitingaleyfi 2 í leyfi 3
Lagt fram erindi frá afgreiðslufundi byggingarfulltrúa frá 20. mars 2012 þar sem sótt er um leyfi til að auka mögulegan gestafjölda, lengja opnunartíma og breyta flokkun veitingarstaðar úr fl. II í fl. III á Take away Thai matstofu í húsi á lóð nr. 4 við Lyngháls.
Meðfylgjandi er hljóðvistarskýrsla dags. 10.2. 2012.
Gjald kr. 8.000 + 8.000
Vísað til umsagnar hjá lögfræði og stjórnsýslu.
19.12 Nauthólsvegur 87, (fsp) viðbygging
Á fundi skipulagsstjóra 6. janúar 2012 var lagt fram bréf frá afgreiðslufundi byggingarfulltrúa frá 6. desember 2011 þar sem spurt er hvort byggja megi kennsluálmu við skóla Hjallastefnunnar á lóð nr. 87 við Nauthólsveg. Erindinu var frestað og er nú lagt fram að nýju.
Frestað
20.12 Skipholt 50A, (fsp) breyting á notkun
Lögð fram fyrirspurn Magnúsar J. Kristjánssonar dags. 21. mars 2012 um að breyta annarri hæð hússins á lóð nr. 50A við Skipholt úr skrifstofum í tvær til fjórar íbúðir.
Ekki eru gerðar skipulagslegar athugasemdir við erindið. Sækja þarf um byggingarleyfi.
21.12 Þingvað 29, Skriðkjallari/lagnakjallari/BN038348
Lagt fram erindi frá afgreiðslufundi byggingarfulltrúa frá 20. mars 2012 þar sem sótt er um leyfi til að breyta erindi BN038348, þannig að komið verður fyrir skriðkjallara undir hluta af húsinu á lóð nr. 29 við Þingvað.
Stærð skriðkjallara: 108,7 ferm., 194,6 rúmm.
Gjald kr. 8.500 + 16.541
Vísað til umsagnar hjá verkefnisstjóra.
22.12 Fjólugata 5, Viðbygging - niðurrif
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 7. febrúar 2012 þar sem sótt er um leyfi til að rífa eldri viðbyggingu og byggja nýja og stærri í staðinn á suðurhlið ásamt því að endureinangra loft einbýlishússins á lóð nr. 5 við Fjólugötu. Erindi var grenndarkynnt frá 15. febrúar til og með 14. mars 2012. Engar athugasemdir bárust.
Umsögn skipulagsstjóra Reykjavíkur dags. 12 september 2011 og bréf frá hönnuði fylgir.
Niðurrif: 34 ferm., 80 rúmm.
Nýbygging: 64,4 ferm., 185,4 rúmm.
Gjald kr. 8.500 + 1.576]
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.