Brekknaás 9, Úlfarsbraut, Íþróttasvæði Fram, Efstaleiti 5, Lambhagavegur 29, Öskjuhlíð, Keiluhöll, Bankastræti 14-14B, Fjölnisvegur 6, Fossaleynir 1, Egilshöll, Furugerði 3, Litlagerði 2, Lokastígur 2 / Þórsgata 1, Njörvasund 6, Suðurgata 18, Veghúsastígur 9, Fossaleynir 19-23, Hagamelur 1, Melaskóli, Súðarvogur 26, Tangabryggja 14-16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

385. fundur 2012
Ár 2012, föstudaginn 2. mars kl. 11:15, hélt skipulagsstjóri Reykjavíkur 385. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Leifsdóttir, Björn Ingi Edvardsson, Margrét Þormar og Ágústa Sveinbjörnsdóttir. Ritari var Einar Örn Thorlacius
Þetta gerðist:

1.12 Brekknaás 9, (fsp) nýbygging
Á fundi skipulagsstjóra 9. desember 2011 var lögð fram fyrirspurn Auðar Eiríksdóttur dags. 6. desember 2011 varðandi byggingu þjónustumiðstöðvar á lóðinni nr. 9 við Brekknaás. Erindi var vísað til umsagnar stjórnar Hestamannafélagins Fáks og er nú lagt fram að nýju ásamt umsögn Lögmanna Laugavegi 3, dags. 28. febrúar 2012, f.h. stjórnar hestamannafélagsins Fáks.
Vísað til umsagnar hjá verkefnisstjóra.
2.12 Úlfarsbraut, Íþróttasvæði Fram, breytt deiliskipulag
Lögð fram tillaga framkvæmda- og eignasviðs dags. 8. febrúar 2012 að skipulagi íþróttasvæðis Fram við Úlfarsbraut og eystri hluta lóðar Úlfarsbrautar 122-124.
Vísað til skipulagsráðs.
3.12 Efstaleiti 5, rekstrarleyfi
Lagt fram erindi skrifstofu borgarstjórnar dags. 29. febrúar 2012 þar sem óskað er eftir umsögn á umsókn Logos Lögmannsþjónustu um rekstarleyfi fyrir veitingastofu og greiðasölu að Efstaleiti 5.
Vísað til umsagnar hjá lögfræði og stjórnsýslu.
4.12 Lambhagavegur 29, (fsp) færsla á byggingarreit o.fl.
Á fundi skipulagsstjóra 3. febrúar 2012 var lögð fram fyrirspurn Jóns Hrafns Hlöðverssonar dags. 1. febrúar 2012 varðandi færslu á byggingarreit og fleira, samkvæmt uppdrætti Mansard - Teiknistofu ehf. dags. 11. október 2011. Fyrirspurninni var frestað og er nú lögð fram að nýju.
Neikvætt að breyta deiliskipulagi til samræmis við fyrirspurn.
5.12 Öskjuhlíð, Keiluhöll, breyting á deiliskipulagi
Lögð er fram tillaga GP arkitekta að leiðréttum uppdrætti vegna stækkunar á húsnæði Keiluhallarinnar í Öskjuhlíð, dags. 22. september 2011
Kynna formanni skipulagsráðs.
6.12 Bankastræti 14-14B, (fsp) - Breyting á starfsemi
Lagt fram bréf frá afgreiðslufundi byggingarfulltrúa frá 28. febrúar 2012 þar sem spurt er hvort leyfi fengist til að breyta starfsemi sem er í dag ísbúð og sala á ferðaþjónustu í veitingaverslun (take away) í húsnæðið á lóð nr. 14-14B við Bankastræti.
Vísað til umsagnar hjá verkefnisstjóra.
7.12 Fjölnisvegur 6, (fsp) hækkun á þaki o.fl.
Lögð fram fyrirspurn Einars Ólafssonar dags. 27. febrúar 2012 varðandi hækkun á þaki hússins á lóðinni nr. 6 við Fjölnisveg ásamt byggingu stigagangs, kvista og svala, samkvæmt uppdrætti Arkiteo dags. 27. febrúar 2012.
Vísað til umsagnar verkefnisstjóra.
8.12 Fossaleynir 1, Egilshöll, rekstrarleyfi í flokki III
Á fundi skipulagsstjóra 24. febrúar 2012 var lagt fram erindi skrifstofu borgarstjórnar dags. 22. febrúar 2012 þar sem óskað er eftir umsögn um umsókn keiluhallarinnar í Egilshöll um rekstrarleyfi í flokki III. Erindinu var vísað til umsagnar lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 29.febrúar 2012
Umsögn lögfræði og stjórnsýslu dags.29. janúar 2012 samþykkt.
9.12 Furugerði 3, (fsp) breyting á notkun o.fl.
Á fundi skipulagsstjóra 24. febrúar 2012 var lögð fram fyrirspurn Þórðar B. Bogasonar dags. 22. febrúar 2012 um að breyta atvinnuhúsnæði í íbúðir, færslu á lóðamörkum, færslu á bílastæðum o.fl. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 27. febrúar 2012.
Kynna formanni skipulagsráðs.
10.12 Litlagerði 2, (fsp) - Bílskúr
Lagt fram bréf frá afgreiðslufundi byggingarfulltrúa frá 28. febrúar 2012 þar sem spurt er hvort leyft yrði að byggja aukaíbúð og tvöfaldan bílskúr við einbýlishús á lóð nr. 2 við Litlagerði.
Erindi fylgir bréf umsækjanda ódagsett.
Vísað til umsagnar hjá verkefnisstjóra.
11.12 Lokastígur 2 / Þórsgata 1, (fsp) sameining lóða o.fl.
Lögð fram fyrirspurn Bjarna Hákonarsonar dags. 24. febrúar 2012 varðandi sameiningu lóðanna nr. 1 við Þórsgötu og 2 við Lokastíg, tímabundna opnun yfir lóðamörk með tengibyggingu ásamt aukningu á nýtingarhlutfalli.
Kynna formanni skipulagsráðs.
12.12 Njörvasund 6, Kvistur, svalir, skýli o.fl.
Lagt fram bréf frá afgreiðslufundi byggingarfulltrúa frá 28. febrúar 2012 þar sem sótt er um leyfi til að lengja kvist á austurhlið, byggja svalir á suðurhlið, skýli framan við bílskúr, innrétta íbúðarherbergi í kjallara, koma fyrir setlaug á verönd og gera hurð út í garð einbýlishúss á lóð nr. 6 við Njörvasund.
Erindi fylgja jákv. fsp. BN043276 og BN043363 og samþykki sumra lóðarhafa aðliggjandi lóða árituð á uppdrátt.
Stækkun: xx rúmm.
Gjald kr. 8.500 + xx
Samþykkt að grenndarkynna framlagða tillögu fyrir hagsmunaaðilum að Njörvasundi 3, 4, 5 og 8, Sæviðarsundi 61 og 63 og Hólmasundi 20.
13.12 Suðurgata 18, (fsp) bílastæði á lóð
Lögð fram fyrirspurn Stefaníu Helgu Jónsdóttur mótt. 29. febrúar 2012 um bílastæði á lóð nr. 18 við Suðurgötu.
Kynna formanni skipulagsráðs.
14.12 Veghúsastígur 9, (fsp) - Gistiheimili
Lagt fram bréf frá afgreiðslufundi byggingarfulltrúa frá 28. febrúar 2012 þar sem spurt er hvort innrétta megi gistiheimili, sem rekið verður með aðstöðu starfsfólks, móttöku gesta og þjónustu í tengslum við gistiheimili á Hverfisgötu 45 og Veghúsastíg 7, í þriggja hæða þríbýlishúsi frá 1908 á lóð nr. 9 við Veghúsastíg.
Ekki eru gerðar skipulagslegar athugasemdir við erindið. Erindið verður kynnt hagsmunaaðilum.
15.12 Fossaleynir 19-23, (fsp) aukning á byggingarmagni
Á fundi skipulagsstjóra 10. febrúar 2012 var lögð fram fyrirspurn Haralds R. Jónssonar forstjóra Innes ehf. dags. 9. febrúar 2012 varðandi aukningu á byggingarmagni á lóðinni nr. 19-23 við Fossaleyni, samkvæmt tillögu Arkþing dags. janúar 2012. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 2.mars 2012
Umsögn skipulagsstjóra dags. 2.mars 2012 samþykkt.
16.12 Hagamelur 1, Melaskóli, breyting á deiliskipulagi
Lagt fram erindi framkvæmda- og eignasviðs dags. 1. mars 2012 varðandi breytingu á skipulagi Mela og Grímsstaðaholts vegna lóðarinnar nr. 1 við Hagamel, Melaskóla.
Í breytingunni felst að staðsetja boltagerði á suð-austurhluta lóðarinnar samkvæmt uppdrætti dags. 1. mars 2012.
Kynna formanni skipulagsráðs.
17.12 Súðarvogur 26, (fsp) viðbygging
Lögð fram fyrirspurn Einars Ásgeirssonar dags. 1. mars 2012 þar sem sótt er um að hækka húsið nr. 26 við Súðarvog um eina hæð og byggja við vestan megin við húsið samkvæmt uppdrætti es teiknistofan Suðurlandsbraut 50 dags. 29. febrúar 2012.
Vísað til umsagnar hjá verkefnisstjóra.
18.12 Tangabryggja 14-16, (fsp) breyting á deiliskipulagi
Lögð fram fyrirspurn Gunnars K. Ottóssonar og THG arkitekta dags. 1. mars 2012 varðandi breytingu á skipulagi Bryggjuhverfis vegna lóðarinnar nr. 14-16 við Tangarbryggju.
Í breytingunni felst að breyta verslunar- og skrifstofuhúsnæði í íbúðarhúsnæði.
Vísað til umsagnar hjá verkefnisstjóra.