Gvendargeisli 168, Sæmundarskóli, Haukdælabraut 110, Fylkisvegur 6, íþróttasvæði Fylkis, Kistumelur 20A, Kjalarnes, Melavellir, Bárugata 11, Brekkugerði 20, Efstasund 91, Fannafold 120-122, Fischersund 3, Fossaleynir 1, Egilshöll, Furugerði 3, Hraunbær 102, Kristnibraut 55-59, Lindargata 28-32, Laugavegur 105, Ásvallagata 48, Faxaskjól 26, Klapparstígur 44, Suðurgata 18, Barónsstígur 47,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

384. fundur 2012
Ár 2012, föstudaginn 24. febrúar kl. 11:15 hélt skipulagsstjóri Reykjavíkur 384. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Á Sveinbjörnsdóttir, Björn Axelsson, Valný Aðalsteinsdóttir og Margrét Þormar. Ritari var Einar Örn Thorlacius.
Þetta gerðist:

1.12 Gvendargeisli 168, Sæmundarskóli, (fsp) breyting á deiliskipulagi
Lögð fram fyrirspurn Kanon arkitekta dags. 23. febrúar 2012 varðandi breytingu á deiliskipulagi Grafarholti austur vegna lóðarinnar nr. 168 við Gvendargeisla. Í breytingunni felst að koma fyrir byggingarreit fyrir fimm færanlegar kennslustofur til bráðabirgða austan lóðarmarka grunnskólalóðar Sæmundarskóla á borgarlandi í samræmi við uppdrátt Kanon arkitekta ehf dags. 23. febrúar 2012.
Frestað.
2.12 Haukdælabraut 110, (fsp) breyting á deiliskipulagi
Á fundi skipulagsstjóra 10. febrúar 2012 var lögð fram fyrirspurn Hilmars Einarssonar dags. 7. febrúar 2012 varðandi byggingu þriggja íbúða húss með tveimur bílskúrum á lóð nr. 110 við Haukdælabraut. Fyrirspurnin er nú lögð fram að nýju ásamt umsögn skipulagsstjóra dags. 24. febrúar 2012.
Neikvætt með vísan til umsagnar skipulagsstjóra dags. 24. febrúar 2012
3.12 Fylkisvegur 6, íþróttasvæði Fylkis, breyting á deiliskipulagi, grasæfingasvæði
Lögð fram greinargerð Teiknistofunnar Storð ehf., dags. 10. júlí 2009, að breytingu á deiliskipulagi íþróttasvæðis Fylkis. Deiliskipulagssvæðið afmarkast af gervigrasvelli og lóð Árbæjarsundlaugar til norðurs, göngustíg neðan við Klapparás til austurs og göngustíg meðfram Elliðaám til vesturs samkvæmt uppdrætti, dags. 21. apríl 2010. Einnig eru lagðar fram umsagnir Veiðimálastofnunar, dags. 19. ágúst 2009 og 23. nóvember 2009, ásamt umsögn Umhverfisstofnunar, dags. 30. september 2009,
umsögn umhverfis- og samgöngusviðs, dags. 9. mars 2010 og tölvubréf Arnars Hafsteinssonar framkvæmdastjóra Fylkis dags. 15. apríl 2010. Einnig lagt fram minnisblað skipulagsstjóra dags. 20. apríl 2010.
Vísað til umsagnar hverfaráðs Árbæjar.
4.12 Kistumelur 20A, breyting á deiliskipulagi
Lögð fram tillaga skipulags- og byggingarsviðs dags. 21. febrúar 2012 varðandi breytingu á deiliskipulagi Esjumela vegna lóðarinnar nr. 20A við Kistumel. Í breytingunni felst að lóð er felld úr skipulagi, samkvæmt uppdrætti skipulags- og byggingarsviðs.
Vísað til skipulagsráðs.
5.12 Kjalarnes, Melavellir, breyting á deiliskipulagi
Lagt fram erindi Matfugls ehf. dags. 8. desember 2011 varðandi breytingu á deiliskipulagi jarðarinnar Melavellir á Kjalarnesi. Í breytingunni felst fjölgun alifuglahúsa á lóðinni, skv. uppdrætti dags. 15. febrúar 2012. Einnig er lögð fram umhverfisskýrsla verkfræðistofunnar Efla dags. 15. febrúar 2012.
Vísað til skipulagsráðs.
6.12 Bárugata 11, Skorsteinn fjarlægður - kvistur - br. inni
Á fundi skipulagsstjóra 17. febrúar 2012 var lagt fram bréf frá afgreiðslufundi byggingarfulltrúa frá 14. febrúar 2012 þar sem sótt er um leyfi til að fjarlægja skorstein og koma fyrir lyftu, byggja kvist á rishæð, koma fyrir björgunarsvölum, breyta innra skipulagi og fjölga gistirýmum í fimmtán fyrir samtals 30 gesti í gistiheimili á lóð nr. 11 við Bárugötu. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 23. febrúar.
Gjald kr. 8.500
Neikvætt, með vísan til umsagnar skipulagsstjóra dags. 23. febrúar 2012
7.12 Brekkugerði 20, (fsp) - Garðskáli
Lagt fram bréf frá afgreiðslufundi byggingarfulltrúa frá 21. febrúar 2012 þar sem spurt er hvort byggja megi sólskála tvo metra út fyrir byggingarreit í átt að opnu svæði við einbýlishús á lóð nr. 20 við Brekkugerði.
Ekki er gerð athugasemd við erindið. Byggingarleyfisumsókn verður grenndarkynnt berist hún.
8.12 Efstasund 91, Breyting v/eignaskipta
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 17. janúar 2012 þar sem sótt er um samþykki á áður gerðri íbúð í kjallara og reyndarteikningum af húsinu og fyrir ósamþykktum geymsluskúr á lóðinni nr. 91 við Efstasund. Erindi var grenndarkynnt frá 25. janúar til og með 22. febrúar 2012. Engar athugasemdir bárust.
Bréf frá hönnuði dags. 21. febrúar 2011 og íbúðarskoðun frá 7. febrúar 2008, þinglýst afsal dags 9. nóvember 1966 og frá 27. janúar 2011 og samþykki eigenda Skipasund 84 og Efstasund 89 og 93 fylgja erindinu.
Stærð: Geymsluskúr 8,6 ferm., 26,2 rúmm.
Gjald kr. 8.000 + 2.096
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.

9.12 Fannafold 120-122, breyting á deiliskipulagi
Lagt fram erindi Sigurbjargar Söndru Guðnadóttur dags. 12. febrúar 2012 varðandi breytingu á deiliskipulagi Foldahverfis, 4. og 5. áfanga vegna lóðarinnar nr. 120-122 við Fannafold. Í breytingunni felst að byggingarreitur er stækkaður, samkvæmt uppdrætti Ask Arkitekta ehf. dags. 20. febrúar 2012.
Frestað. Lagfæra þarf uppdrætti.
10.12 Fischersund 3, (fsp) - Gistiheimili
Á fundi skipulagsstjóra 17. febrúar 2012 var lagt fram bréf frá afgreiðslufundi byggingarfulltrúa frá 14. febrúar 2012 þar sem spurt er hvort innrétta megi gistiheimili í einbýlishúsinu á lóð nr. 3 við Fischersund. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 23. febrúar 2012
Jákvætt með vísan til umsagnar skipulagsstjóra dags. 23. febrúar 2012
11.12 Fossaleynir 1, Egilshöll, rekstrarleyfi í flokki III
Lagt fram erindi skrifstofu borgarstjórnar dags. 22. febrúar 2012 þar sem óskað er eftir umsögn um umsókn keiluhallarinnar í Egilshöll um rekstrarleyfi í flokki III.
Vísað til umsagnar lögfræði og stjórnsýslu.
12.12 Furugerði 3, (fsp) breyting á notkun o.fl.
Lögð fram fyrirspurn Þórðar B. Bogasonar dags. 22. febrúar 2012 um að breyta atvinnuhúsnæði í íbúðir, færslu á lóðamörkum, færslu á bílastæðum o.fl.
Vísað til umsagnar hjá verkefnisstjóra.
13.12 Hraunbær 102, (fsp) - 102E,D - Breyta heilsugæslu í 6 íbúðir
Lagt fram bréf frá afgreiðslufundi byggingarfulltrúa frá 21. febrúar 2012 þar sem spurt er hvort leyfi fengist til að breyta heilsugæslu á 1. hæð í sex íbúðir í húsinu nr. 102 E, D á lóð nr. 102 við Hraunbæ.
Vísað til umfjöllunar hjá verkefnisstjóra.
14.12 Kristnibraut 55-59, breyting á deiliskipulagi
Að lokinni grenndarkynningu er lagt fram að nýju erindi Heiðrúnar Harðardóttur dags. 12. desember 2011 varðandi breytingu á deiliskipulagi Grafarholts, svæði 1 vegna lóðarinnar nr. 55-59 við Kristnibraut. Í breytingunni felst bygging á bílgeymslu við austurmörk lóðarinnar, samkvæmt uppdrætti Plúsarkitekta ehf. dags. 29. nóvember 2011. Einnig er lagt fram samþykki Önnu Jóhannsdóttur, Grétars Viðars Grétarssonar og Guðmundar Leifssonar f.h. húsfélaganna að Kristnibraut 55, 57 og 59 ódags. Tillagan var grenndarkynnt frá 20. janúar til og með 17. febrúar 2012. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar
15.12 Lindargata 28-32, (fsp) breyting á deiliskipulagi
Lögð fram fyrirspurn Studio Strik ehf. dags. 14. febrúar 2012 ásamt bréfi dags. 13. febrúar 2012 varðandi breikkun á byggingarreit, byggingu einnar samheldrar byggingu í stað þriggja o.fl. á lóðunum nr. 28-32 við Lindargötu. Lögð fram umsögn skipulagsstjóra dags. 22. febrúar 2012
Neikvætt, með vísan til umsagnar skipulagsstjóra dags.22. febrúar 2012
16.12 Laugavegur 105, (fsp) hótel
Lögð fram fyrirspurn Laugavegs ehf. dags. 2. febrúar 2012 varðandi rekstur á 100-110 herbergja gististað í flokki V í húsinu á lóðinni nr. 105 við Laugaveg.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
17.12 Ásvallagata 48, (fsp) niðurrif og nýbygging
Lögð fram fyrirspurn Arkþing f.h. Canis Minor ehf. dags. 20. janúar 2012 um að rífa núverandi húsnæði og byggja nýtt á lóðinni nr. 48 við Ásvallagötu, samkvæmt meðfylgjandi tillögu Arkþings dags. janúar 2012. Lögð fram umsögn skipulagsstjóra dags.24. febrúar 2012
Jákvætt með vísan til umsagnar skipulagsstjóra.
18.12 Faxaskjól 26, viðbygging og kvistur
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 17. janúar 2012 þar sem sótt er um leyfi til að byggja nýjan bílskúr, byggja við og fjölga kvistum að norðan og sunnan við íbúðarhúsið á lóð nr. 26 við Faxaskjól. Erindi var grenndarkynnt frá 25. janúar til og með 22. febrúar 2012. Eftirtaldir aðilar sendu inn athugasemdir: Íbúar að Sörlaskjóli 17 dags. 5. febrúar 2012.
Stækkun: xx ferm., xx rúmm.
Gjald kr. 8.500 + xx
Vísað til skipulagsráðs.
19.12 Klapparstígur 44, (fsp) útbyggðir gluggar
Lögð fram fyrirspurn Argos ehf. dags. 22. febrúar 2012 varðandi útbyggða glugga fyrir verslunina Pipar og salt á lóð nr. 44 við að Klapparstíg, samkvæmt tillögu Argos ehf. dags. 22. febrúar 2012
Jákvætt með vísan til umsagnar 23. febrúar 2012
20.12 Suðurgata 18, málskot
Lagt fram málskot Stefaníu Helgu Jónsdóttur mótt. 22. febrúar 2012 vegna vegna neikvæðar afgreiðslu skipulagsstjóra 10. febrúar 2012
um að koma fyrir bílastæðum á lóð nr. 18 við Suðurgötu. Einnig eru lagðar fram þrjár ódags. tillögur fyrir bílastæði á lóð.
Vísað til skipulagsráðs.
21.12 Barónsstígur 47, (fsp) gistiheimili á hluta jarðhæðar og 2. hæðar
Lögð fram fyrirspurn Örns Þórs Halldórssonar, dags. 23. feb. 2012, varðandi rekstur gistiheimilis á hluta jarðhæðar og 2. hæðar í húsi nr. 47 við Barónsstíg skv. skissu.
Vísað til umsagnar hjá verkefnisstjóra.