Eddufell 2-8, Gerðhamrar 19, Grjótháls, Ármúli 23, Holtsgata 24, Hraunbær 2-34, Jafnasel, Krummahólar/Kríuhólar, vörubílastæði, Laugavegur 74, Lágmúli 2, Óðinsgata 1, Óðinsgata 14, Rauðarárstígur 23, Skerplugata 4, Skerplugata 6, Skógarás 20, Sogavegur 3, Sogavegur 130, Veltusund 3B, Skarphéðinsgata 6, Lambhagavegur 29, Lambhagavegur 29, Laugardalur, brettavöllur, Úlfarsfell, Bankastræti 14, Bergstaðastræti 49, Dunhagi 18-20, Fiskislóð og Hólmaslóð, Grundarstígsreitur, Kirkjutorg 4, Lindargata 36, Njálsgata 53, 55 og 57, Skeljanes 4, Skeifan 9, Sætún 8, Urðarbrunnur 68-78,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

373. fundur 2011

Ár 2011, föstudaginn 18. nóvember kl. 13:15, hélt skipulagsstjóri Reykjavíkur 373. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Leifsdóttir, Valný Aðalsteinsdóttir og Björn Ingi Edvardsson. Ritari var Harri Ormarsson
Þetta gerðist:


1.11 Eddufell 2-8, (fsp) hækkun nýtingarhlutfalls o.fl.
Á fundi skipulagsstjóra 11. nóvember 2011 var lögð fram fyrirspurn Kristins Ragnarssonar dags. 9. nóvember 2011 varðandi hækkun nýtingarhlutfalls og hæðarskika, stækkun stigahúss og að fella burt stöllun efri hæða, samkvæmt uppdrætti KRark dags. 9. nóvember 2011. Fyrirspurninni var vísað til umsagnar hjá verkefnisstjóra og er nú lögð framað nýju ásamt umsögn skipulagsstjóra dags. 16. nóvember 2011.
Neikvætt, með vísan til umsagnar skipulagsstjóra dags.16. nóvember 2011.

2.11 Gerðhamrar 19, breyting á deiliskipulagi
Að lokinni grenndarkynningu er lagt fram að nýju erindi Plúsarkiteta dags. 14. október 2011 varðandi breytingu á deiliskipulagi Hamrahverfis vegna lóðarinnar nr. 19 við Gerðhamra. Í breytingunni felst stækkun á byggingarreit samkvæmt uppdrætti Plúsarkitekta dags. 12. október 2011. Tillagan var auglýst frá 19. október til og með 16. nóvember 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar

3.11 Grjótháls, (fsp) lóð
Lögð fram fyrirspurn InnX innréttinga ehf. dags. 14. nóvember 2011 varðandi lóð á móti Grjóthálsi 1-3 undir starfssemi InnX innréttinga ehf.
Sú lóð sem óskað er eftir samkvæmt fylgigögnum er ekki byggingarlóð samkvæmt deiliskipulagi, að öðru leiti er erindinu vísað til framkvæmda- og eignasviðs.

4.11 Ármúli 23, (fsp) breyting á notkun
Lögð fram fyrirspurn 105 fasteigna ehf. dags. 16. nóvember 2011 um að breyta safnaðarheimili á 2. hæð hússins nr. 23 við Ármúla í íbúð.
Neikvætt, samræmist ekki landnotkun Aðalskipulags Reykjavíkurborgar.

5.11 Holtsgata 24, bæta við kvistum
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 20. september 2011 þar sem sótt er um leyfi til að byggja tvo kvisti á bakhlið og innrétta þar vinnuherbergi í fjölbýlishúsi á lóð nr. 24 við Holtsgötu. Erindi var grenndarkynnt frá 13. október til og með 10. nóvember 2011. Engar athugasemdir bárust.
Erindi fylgir samþykki meðlóðarhafa dags. 11. september 2011.
Stækkun: 24,5 ferm., 29,7 rúmm. Gjald kr. 8.000
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


6.11 Hraunbær 2-34, (fsp) nr. 12-12A íbúð á jarðhæð
Á fundi skipulagsstjóra 11. nóvember 2011 var lagt fram bréf frá afgreiðslufundi byggingarfulltrúa frá 8. nóvember 2011 þar sem spurt er hvort leyft yrði að breyta íbúðarherbergjum í sameign í íbúð á jarðhæð fjölbýlishúss nr. 12-12A á lóð nr. 2-34 við Hraunbæ. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 14. nóvember 2011.
Ekki gerð athugasemd við erindið með þeim skilyrðum sem fram koma í umsögn skipulagsstjóra dags. 14. nóvember 2011.

7.11 Jafnasel, orðsending skrifstofu borgarstjórnar
Lögð fram orðsending skrifstofu borgarstjórnar R11110047 dags. 14. nóvember 2011 ásamt erindi framkvæmdastjóra Atlantsolíu dags. 10. nóvember 2011 þar sem óskað er eftir lóð við Jafnasel undir rekstur Bensínstöðvar.
Frestað.

8.11 Krummahólar/Kríuhólar, vörubílastæði, (fsp) vörubílastæði
Lögð fram fyrirspurn Hallgríms Jónassonar dags. 25. september 2011 varðandi vörubílastæði við Krummahóla/Kríuhóla. Einnig er lögð fram umsögn Umhverfis og samgöngusviðs dags. 15. nóvember 2011. Einnig lögð fram umsögn skipulagsstjóra dags. 16. november 2011.
Neikvætt, með vísan til umsagnar dags. 16. nóvember 2011.

9.11 Laugavegur 74, (fsp) breyting á notkun
Á fundi skipulagsstjóra 11. nóvember 2011 var lögð fram fyrirspurn Laugar ehf. dags. 10. nóvember 2011 varðandi rekstur veitingastaðar á jarðhæð hússins á lóðinni nr. 74 við Laugaveg í stað verslunar. Einnig eru lagðir fram uppdrættir Zeppelin Arkitekta dags. 3. mars 2011. Fyrirspurninni var vísað til meðferðar hjá verkefnisstjóra og er nú lögð fram að nýju.
Neikvætt, samræmist ekki deiliskipulagi.

10.11 Lágmúli 2, (fsp) atvinnuhúsnæði
Á fundi skipulagsstjóra 11. nóvember 2011 var lögð fram fyrirspurn Rafkaups hf. dags. 10. nóvember 2011 varðandi byggingu atvinnuhúsnæðis sem yrði kjallari og tvær og hálf hæð á lóðinni nr. 2 við Lágmúla, samkvæmt uppdrætti K.J. hönnun ehf. dags. 8. nóvember 2011. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 15. nóvember 2011.
Neikvætt, með vísan til umsagnar skipulagsstjóra dags. 15. nóvember 2011.

11.11 Óðinsgata 1, (fsp) aukning á byggingarmagni o.fl.
Á fundi skipulagsstjóra dags. 11. nóvember 2011 var lögð fram fyrirspurn Þuríðar Ottesen dags. 10. nóvember 2011 varðandi aukningu á byggingarmagni og breytingar á húseigninni á lóð nr. 1 við Óðinsgötu, samkvæmt uppdrætti K.J. Hönnun ehf. dags. 8. nóvember 2011. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 14. nóvember 2011.
Neikvætt, með vísan til umsagnar skipulagsstjóra dags. 14. nóvember 2011.

12.11 Óðinsgata 14, reyndarteikningar
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 27. september 2011 þar sem sótt er um samþykkt á áður gerðum breytingum og stækkun á einbýlishúsi á lóð nr. 14 við Óðinsgötu. Einnig er lögð fram umsögn skipulagsstjóra dags. 11.október 2011. Erindi var grenndarkynnt frá 19. október til og með 16. nóvember 2011. Eftirtaldir aðilar sendu inn athugasemdir: Tinna Jóhannsdóttir dags. 14. nóvember 2011 og Einar Guðjónsson dags. 16. nóvember 2011. Stækkun: xx ferm., xx rúmm.
Gjald kr. 8.000 + xx
Vísað til umsagnar hjá verkefnisstjóra.

13.11 Rauðarárstígur 23, (fsp) fyrirkomulag bílastæða, svalahurð 5. hæð
Lagt fram bréf frá afgreiðslufundi byggingarfulltrúa frá 15. nóvember 2011 þar sem spurt er hvort leyft yrði að breyta fyrirkomulagi bílastæða og fjölga þeim og til að koma fyrir nýrri hurð út á svalir á 5. hæð húss á lóð nr. 23 við Rauðarárstíg.
Ekki gerðar skipulagslegar athugasemdir við svalahurð, en fjölgun bílastæða samræmist ekki deiliskipulagi.

14.11 Skerplugata 4, bílskúr
Lagt fram bréf frá afgreiðslufundi byggingarfulltrúa frá 15. nóvember 2011 þar sem sótt er um leyfi til að byggja steinsteyptan, bárujárnsklæddan bílskúr austan megin við einbýlishús á lóð nr. 4 við Skerplugötu. Einnig lögð fram umsögn skipulagsstjóra dags. 18.nóvember 2011.
Stærð: 34,8 ferm., 126,9 rúmm.
Gjald kr. 8.000 + 10.152
Neikvætt. Samræmist ekki deiliskipulagi með vísan til umsagnar skipulagsstjóra dags. 18. nóvember 2011.

15.11 Skerplugata 6, bílskúr
Lagt fram bréf frá afgreiðslufundi byggingarfulltrúa frá 15. nóvember 2011 þar sem sótt er um leyfi til að byggja steinsteyptan, bárujárnsklæddan bílskúr vestan megin við einbýlishús á lóð nr. 6 við Skerplugötu.Einnig lögð fram umsögn skipulagsstjóra dags. 18.nóvember 2011.
Stærð: 34,8 ferm., 133,9 rúmm.
Gjald kr. 8.000 + 10.712
Neikvætt. Samræmist ekki deiliskipulagi með vísan til umsagnar skipulagsstjóra dags. 18. nóvember 2011.

16.11 Skógarás 20, aukaíbúð á 1. hæð
Lagt fram bréf frá afgreiðslufundi byggingarfulltrúa frá 15. nóvember 2011 þar sem sótt er um leyfi til að innrétta 71 ferm. aukaíbúð á 1. hæð í íbúðarhúsi á lóð nr. 20 við Skógarás.
Gjald kr 8.000
Neikvætt, samræmist ekki skipulagsskilmálum, en aukaíbúðir mega vera 60 fermetrar. Ekki má fjölga bílastæðum.

17.11 Sogavegur 3, viðbygging
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 11. október 2011 þar sem sótt er um leyfi til að byggja viðbyggingar við austur- og vesturhlið með lagnakjallara undir vestari viðbyggingu við verslunarhús á lóð nr. 3 við Sogaveg. Erindi var grenndarkynnt frá 19. október til og með 16. nóvember 2011. Eftirtaldir aðilar sendu inn athugasemdir: Guðrún Bergmann Reynisdóttir dags. 14. nóvember 2011 og íbúar Akurgerði 1 dags. 14. nóvember 2011.
Erindi fylgir jákvæð fyrirspurn dags. 24. maí 2011 og neikvæð fyrirspurn dags. 29. mars 2011.
Stækkun: 62 ferm., ?? rúmm.
Gjald kr. 8.000 + ??
Vísað til umsagnar hjá verkefnisstjóra.

18.11 Sogavegur 130, (fsp) hækkun nýtingarhlutfalls
Lögð fram fyrirspurn Jóns Þórs Þorvaldssonar f.h. Úti og inni sf dags. 14. nóvember 2011 varðandi hækkun á nýtingarhlutfalli lóðarinnar nr. 130 við Sogaveg.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.

19.11 Veltusund 3B, (fsp) breytt notkun
Lögð fram fyrirspurn Björns Theodórssonar F.h. Hlal Jarah rekstraraðila Texas4you móttekið 17. nóvember 2011 um breytta notkun í rými 010101 á lóðinni nr. 3b við Veltusund.
Ekki er gerð skipulagsleg athugasemd við erindið.

20.11 Skarphéðinsgata 6, (fsp) stækka bílskúr og hækka þak
Lagt fram bréf frá afgreiðslufundi byggingarfulltrúa frá 15. nóvember 2011 þar sem spurt er hvort leyft yrði að hækka og lengja bílskúr á lóð nr. 6 við Skarphéðinsgötu.
Ekki er gerð athugasemd við erindið. Byggingarleyfisumsókn verður grenndarkynnt berist hún.

21.11 Lambhagavegur 29, (fsp) breyting
Á fundi skipulagsstjóra 11. nóvember 2011 var lagt fram bréf frá afgreiðslufundi byggingarfulltrúa frá 8. nóvember 2011 þar sem spurt er hvort meðfylgjandi frumteikningar samræmist gildandi deiliskipulagi frá 3. sept. 2011 fyrir íbúðarhúsið Fífilbrekku á lóð nr. 29 við Lambhagaveg.
Neikvætt. Samræmist ekki deiliskipulagi.

22.11 Lambhagavegur 29, (fsp) niðurrif og nýbygging
Lögð fram fyrirspurn Jóns H. Hlöðverssonar dags. 17. nóvember 2011 um að rífa núverandi húsnæði og byggja nýtt á lóðinni nr. 29 við Lambhagaveg, samkvæmt uppdrætti Mansard - teiknistofunnar ehf dags. 20. október 2011.
Neikvætt. Samræmist ekki deiliskipulagi.

23.11 8">Laugardalur, brettavöllur, breyting á deiliskipulagi
Að lokinni auglýsingu er lagt fram að nýju erindi Framkvæmda- og eignasviðs dags. 8. september 2011 varðandi breytingu á deiliskipulagi Laugardals vegna staðsetningu brettavallar norðan Engjavegar og vestan Þróttheima, skv. deiliskipulagsuppdrætti og skýringaruppdrætti Landslags ehf. dags. september 2011. Jafnframt verða felld úr gildi 186 áður fyrirhuguð bílastæði á svæðinu. Tillagan var auglýst frá 30. september til og með 11. nóvember 2011. Eftirtaldir aðilar sendu inn athugasemdir: Jón Þór Ólafsson dags. 30. september, Grétar Amazeen dags. 9. október, Ágústa Dröfn Sigmarsdóttir dags. 24. október, Regína Unnur Margrétardóttir dags. 31. október, Hildigunnur Einarsdóttir dags. 1. nóvember, Chuai Thongsawat og Jóhann Jónmundsson dags. 1. nóvember, Rannveig Pálmadóttir dags. 1. nóvember, Frímann Ari Ferdinandsson f.h. ÍBR dags. 10. nóvember, Framkvæmdastjórar íþróttamannvirkja í Laugardal dags. 3. nóvember, listi með 12 íbúum dags. 10. nóvember, Stefanía V. Sigurjónsdóttir og Axel Eiríksson dags. 10. nóvember, Jón Á Eiríksson og Elísabet Magnúsdóttir dags. 10. nóvember, Hjalti Þórarinsson og Guðrún Björk Tómasdóttir dags. 10. nóvember og Ágúst H. Bjarnason dags. 10. nóvember 2011.
Vísað til umsagnar hjá verkefnisstjóra.

24.11 Úlfarsfell, framkvæmdaleyfi
Lagt fram erindi Fjarskipta ehf dags. 14. nóvember 2011 varðandi framkvæmdaleyfi vegna lagningar á rafmagnsheimtaug og ljósleiðara í jörðu á Úlfarsfelli, samkvæmt uppdrætti Gautar Þorsteinssonar dags. 20. maí 2011. Einnig er lögð greinargerð dags. 14. nóvember 2011.

Vísað til skipulagsráðs.

25.11 Bankastræti 14, (fsp) stækkun
Á fundi skipulagsstjóra 11. nóvember 2011 var lagt fram bréf GP-arkitekta h.f eigenda Bankastætis 14 dags. 5. október 2011 varðandi stækkun hússins á lóðinni nr. 14 við Bankastræti skv. uppdrætti dags. 5. október 2011. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 18. nóvember 2011.
Kynna formanni skipulagsráðs.

26.11 Bergstaðastræti 49, (fsp) bílgeymsla
Lögð fram fyrirspurn Funkis ehf. dags. 17. nóvember 2011 varðandi byggingu bílgeymslu á lóðinni nr. 49 við Bergstaðastræti, samkvæmt tillögu Funkis ehf. dags. 7. október 2011.
Vísað til umsagnar hjá verkefnisstjóra.

27.11 Dunhagi 18-20, (fsp) breytt notkun og fjölgun íbúða
Á fundi skipulagsstjóra 11. nóvember 2011 var lögð fram fyrirspurn Pálmars Kristmundssonar dags. 9. nóvember 2011 varðandi breytingu á notkun fyrstu hæðar hússins á lóðinni nr. 18-20 við Dunhaga ásamt því að minnka og fjölga íbúðum í húsinu, samkvæmt tillögu PK-Arkitekta dags. nóvember 2011. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 17. nóvember 2011.
Kynna formanni skipulagsráðs.

28.11 Fiskislóð og Hólmaslóð, breyting á deiliskipulagi
Að lokinni auglýsingu er lögð fram að nýju umsókn Faxaflóahafna dags. 5. júlí 2011 að breytingu á deiliskipulagi við Fiskislóð og Hólmaslóð skv. uppdrætti Teiknistofu arkitekta dags. 9 júní 2011. Í breytingunni felst að lóðin Hólmaslóð 3 minnkar og skiptist upp og vestari hluti lóðarinnar skiptist upp í tvær lóðir. Tillagan var auglýst frá 30. september til og með 11. nóvember 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.

29.11 Grundarstígsreitur, forsögn, deiliskipulag
Lagt fram bréf Skipulagsstofnunar dags. 14. október 2011 þar sem gerðar eru athugasemdir við birtingu auglýsingar í B-deild Stjórnartíðinda.
Vísað til meðferðar hjá verkefnisstjóra.

30.11 Kirkjutorg 4, (fsp) stækkun
Lögð fram fyrirspurn Þórsgarðs ehf. dags. 8. nóvember 2011 um að stækka fjórðu hæð hússins á lóðinni nr. 4 við Kirkjutorg, samkvæmt uppdrætti T.ark dags. 8. nóvember 2011
Neikvætt, með vísan til eldri umsagnar skipulagsstjóra dags.11. mars 2011.

31.11 Lindargata 36, málskot
Lagt fram málskot Rent-leigumiðlunar ehf dags. 14. nóvember 2011 vegna neikvæðrar afgreiðslu skipulagsstjóra frá 28. október 2011 um að hækka nýtingarhlutfall á lóðinni nr. 36 við Lindargötu.
Vísað til skipulagsráðs.

32.11 Njálsgata 53, 55 og 57, (fsp) stækkun byggingarreits
Á fundi skipulagsstjóra 11. nóvember 2011 var lögð fram fyrispurn Leiguíbúða ehf. dags. 10. nóvember 2011 varðandi stækkun byggingarreits vegna svalagangs og sameiginlegrar lyftu fyrir húsin á lóðunum nr. 53, 55 og 57 við Njálsgötu, samkvæmt uppdrætti Zeppelin Arkitekta dags. 9. nóvember 2011. Einnig er lagt fram samþykki 7 nágranna mótt. 8. nóvember 2011. Fyrirspurninni var vísað til umsagnar hjá verkefnisstjóra og er nú lögð fram að nýju ásamt umsögn skipulagsstjóra dags. 17. nóvember 2011.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við fyrirspurnina, á eigin kostnað. Tillagan verður grenndarkynnt þegar hún berst.

33.11 Skeljanes 4, geymsla og skúr
Lagt fram bréf frá afgreiðslufundi byggingarfulltrúa frá 15. nóvember 2011 þar sem sótt er um samþykkt á reyndarteikningu af fjölbýlishúsi á lóð nr. 4 við Skeljanes.
Erindi fylgir bréf hönnuðar dags. 10. október 2011.
Gjald kr. 8.000
Frestað.

34.11 Skeifan 9, viðbygging
Lagt fram bréf frá afgreiðslufundi byggingarfulltrúa frá 15. nóvember 2011 þar sem sótt er um leyfi fyrir viðbyggingu á suðurhlið úr ál/timburgluggum og gleri á húsinu á lóð nr. 9 við Skeifuna. Einnig er lögð fram umsögn skipulagsstjóra dags. 17. nóvember 2011.
Stækkun: 1. hæð 15,45 ferm., 47,9 rúmm. 2. hæð 15,45 ferm., 49,4 rúmm. Samtals stækkun 30,9 ferm., 97,3 rúmm.
Gjald kr. 8.000 + 7.784

Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.

35.11 Sætún 8, (fsp) bílastæði
Lögð fram fyrirspurn Þórsgarðar ehf. dags. 16. nóvember 2011 varðandi bílastæði norðan við lóð nr. 8 við Sætún. Einnig er lögð fram umsögn skipulagsstjóra dags. 17. nóvember 2011.
Neikvætt, með vísan til umsagnar skipulagsstjóra dags. 17. nóvember 2011

36.11 Urðarbrunnur 68-78, (fsp) fjölbýlishús í stað parhúsa
Lögð fram fyrirspurn Hauks Óskarssonar dags. 16. nóvember 2011 varðandi byggingu fjölbýlishúss í stað parhúsa á lóðunum nr. 68-70, 72-74 og 76-78 við Urðarbrunn.
Vísað til umsagnar hjá verkefnisstjóra.