Aragata 15, Hólmsheiði, fangelsislóð, Vesturvallareitur 1.134.5, Barónsstígur 28, Laugavegur 20B, Mýrargata 16, Mýrargata 26, Skúlagata 17, Pósthússtræti 11, Kjalarnes, Tindar, Bárugata 21, Fannafold 42, Grettisgata 9, Langholtsvegur 112B, Laufrimi 26-34, Leiðhamrar 46, Seljahverfi, Ránargata 7A, Víðidalur, Fákur, Holtsgöng, nýr Landspítali, Holtsgöng, byggðasvæði nr. 5, Aðalskipulag Reykjavíkur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

371. fundur 2011

Ár 2011, föstudaginn 4. nóvember kl. 11:10 var haldinn 371. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:


1.11 Aragata 15, bílgeymsla
Lagt fram bréf frá afgreiðslufundi byggingarfulltrúa frá 1. nóvember 2011 þar sem sótt er um leyfi til að byggja staðsteyptan bílskúr með timburþaki í stað bílskúrs úr timbri, sem gefin var heimild til að rífa skv. BN042132 dags. 12.10. 2010 á lóð nr. 15 við Aragötu.
Stærðir: 32 ferm., 92,8 rúmm.
Niðurrif sbr. BN042132, 24,5 ferm., 61,2 rúmm.
Gjald kr. 8.000 + 7.424

Samþykkt að grenndarkynna framlagða tillögu fyrir hagsmunaaðilum að Aragötu 13, 14 og 16 ásamt Oddagötu 14 og 16.

2.11 Hólmsheiði, fangelsislóð, (fsp) breyting á deiliskipulagi
Lögð fram fyrirspurn Framkvæmdasýslu ríkisins, dags. 1. nóv. 2011, um breytingu á deiliskipulagi fangelsislóðar á Hólmsheiði skv. rissi, dags. 1. nóv. 2011. Breytingin gengur út á breytta útfærslu girðinga og stærð byggingarreits.

Kynna formanni skipulagsráðs.

3.11 Vesturvallareitur 1.134.5, lýsing, deiliskipulag
Lögð fram drög að deiliskipulagi Vesturvallareits 1.134.5. dags. 1. nóvember 2011. Skipulagssvæðið markast af Vesturvallagötu, Sólvallagötu. Framnesvegi og Holtsgötu. Einnig er lögð fram lýsing dags. 1. apríl 2011, húsakönnun Minjasafns Reykjavíkur dags. í október 2010 og umsögn Skipulagsstofnunar dags. 20. apríl 2011. Jafnframt er lögð fram ábending eigenda að Framnesvegi 31b dags. 19. maí 2011 og Söndru H. Guðmundsdóttur dags. 1. júní 2011.

Vísað til skipulagsráðs.

4.11 Barónsstígur 28, (fsp) uppbygging á lóð
Á fundi skipulagsstjóra 28. október 2011 var lögð fram fyrirspurn Bergs Gunnarssonar dags. 25. október 2011 varðandi uppbyggingu á lóð nr. 28 við Barónsstíg í samræmi við ósamþykkt drög að deiliskipulagi Njálsgötureits 3. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 3. nóvember 2011.

Neikvætt með vísan til umsagnar skipulagsstjóra dags. 3. nóvember 2011.

5.11 Laugavegur 20B, (fsp) breyting á deiliskipulagi
Lögð fram fyrirspurn Stórvals ehf. dags. 2. nóvember 2011 varðandi breytingu á deiliskipulagi 1.171.5 vegna lóðarinnar nr. 20B við Laugaveg. Í breytingunni fest að byggja viðbyggingu á tveimur hæðum, samkvæmt ódags. uppdrætti ADAMSSON ehf.
Einnig liggur fyrir tölvupóstur Húsafriðunarnefndar dags. 31. október 2011 þar sem ekki er gerð athugasemdir við að byggt verði við húsið.

Vísað til umsagnar hjá verkefnisstjóra.

6.11 Mýrargata 16, (fsp) niðurfelling á kvöð
Á fundi skipulagsstjóra 28. október 2011 var lögð fram fyrirspurn Önnu Sigríðar Helgadóttur dags. 27. október 2011 varðandi niðurfellingu á kvöð dags. 18. maí 1956 sem er á húseigninni að Mýrargötu 16. Fyrirspurninni var vísað til umsagnar hjá lögfræði og stjórnsýslu og er nú lögð fram að nýju ásamt umsögn lögfræði- og stjórnsýslu dags. 2. nóvember 2011.

Umsögn lögfræði og stjórnsýslu samþykkt.

7.11 Mýrargata 26, (fsp) breyting á deiliskipulagi
Lögð fram fyrirspurn Glámu/kím f.h. Atafls dags. 14. október 2011 varðandi minnkun og fjölgun íbúða og breytingu á umfangi byggingarinnar á lóðinni nr. 26 við Mýrargötu og fleira., samkvæmt teikningum Glámu/Kím. Einnig er lagt fram bréf Atafls dags. 13. október 2011.

Kynna formanni skipulagsráðs.

8.11 Skúlagata 17, lagt fram bréf
Lagt fram bréf húseiganda og leigutaka á lóð nr. 17 við Skúlagötu mótt. 3. nóvember 2011 vegna synjunar skipulagsráðs þ. 22. júní 2011 á tillögu að deiliskipulagi lóðarinnar sem gerði ráð fyrir fjölgun bílastæða.

Vísað til umsagnar hjá lögfræði og stjórnsýslu.

9.11 Pósthússtræti 11, (fsp) stækkun
Lögð fram fyrirspurn Hótel Borgar dags. 4. október 2011 varðandi aukningu á byggingarmagni lóðarinnar nr. 11 við Pósthússtræti, samkvæmt tillögu THG Arkitekta dags. 12. október 2011.

Vísað til skipulagsráðs.

10.11 Kjalarnes, Tindar, (fsp) breyting á notkun lóðar nr. 3
Á fundi skipulagsstjóra 28. október 2011 var lögð fram fyrirspurn Ragnhildar Ingólfsdóttur dags. 25. október 2011 varðandi breytingu á notkun hússins á lóðinni nr. 3 við Tinda á Kjalarnesi. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 3. nóvember 2011.

Neikvætt með vísan til umsagnar skipulagsstjóra dags. 3. nóvember 2011.

11.11 Bárugata 21, skjólveggur og grindverk
Lagt fram erindi lóðarhafa dags. 2. nóvember 2011 varðandi samþykkt á áður gerðum skjólvegg og grindverki á þaki bílskúrs á lóðinni nr. 21 við Bárugötu. Samþykki lóðarhafa að Bárugötu 19, 21 og 23 liggur fyrir.

Vísað til umsagnar hjá verkefnisstjóra.

12.11 Fannafold 42, opið skýli
Á fundi skipulagsstjóra 28. október 2011 var lagt fram bréf frá afgreiðslufundi byggingarfulltrúa frá 25. október 2011 þar sem sótt er um leyfi til að byggja opið skýli úr timbri á suðvestur hluta á lóð nr. 42 við Fannafold. Erindinu var vísað til umsagnar hjá verkefnisstjóra og er nú lagt fram að nýju ásamt umsögn skipulagsstjóra dags. 3. nóvember 2011.
Samþykki Eiganda aðliggjandi lóðar nr. 40 við Fannafold fylgir.
Stækkun: B- rými XX ferm og rúmm.
Gjald kr. 8.000 + XX

Neikvætt, með vísan til umsagnar skipulagsstjóra dags. 3. nóvember 2011.

13.11 Grettisgata 9, málskot
Lagt fram málskot Plúsarkitekta dags. 2. nóvember 2011 vegna neikvæðrar afgreiðslu skipulagsstjóra frá 16. september 2011 varðandi hækkun hússins nr. 9 við Grettisgötu, samkvæmt uppdr. Plúsarkitekta dags. 30. ágúst 2011

Vísað til skipulagsráðs.

14.11 Langholtsvegur 112B, (fsp) atvinnustarfssemi
Lögð fram fyrirspurn Heimis Barðasonar dags, 2. nóvember 2011 varðandi atvinnustarfssemi í bílskúr á lóðinni nr. 112B við Langholtsveg. Einnig lögð fram umsögn skipulagsstjóra dags. 2. nóvember 2011.

Neikvætt, með vísan til umsagnar skipulagsstjóra dags. 2. nóvember 2011.

15.11 Laufrimi 26-34, (fsp) 30 - loka bílskýli
Lagt fram bréf frá afgreiðslufundi byggingarfulltrúa frá 1. nóvember 2011 þar sem spurt er hvort loka megi bílskýli í húsi á lóð nr. 30 við Laufrima.

Vísað til umsagnar hjá verkefnisstjóra.

16.11 Leiðhamrar 46, (fsp) viðbygging
Á fundi skipulagsstjóra 28. október 2011 var lögð fram fyrirspurn Jóns Grétars Ólafssonar dags. 24. október 2011 varðandi viðbyggingu við húsið á lóðinni nr. 46 við Leiðhamra, samkvæmt uppdrætti Joni Arkitekta dags. 17. október 2011.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.

17.11 Seljahverfi, breyting á deiliskipulagi v/ húsa við Gilja, Gljúfra og Grjótasel
Lögð fram tillaga Skipulags- og byggingarsviðs að breytingu á deiliskipulagi vegna húsa við Gilja, Gljúfra og Grjótasel. Í breytingunni felst að leyfa öllum keðjuhúsum við Gilja, Gljúfra og Grjótasel heimild til að reisa gegnsæja glerbyggingu/sólstofu að fullu eða að hluta yfir svalir efstu hæðar, samkvæmt uppdrætti dags. 3. nóvember 2011, að öðru leiti gilda eldri skilmálar.
Samþykkt að grenndarkynna framlagða tillögu fyrir hagsmunaaðilum að Giljaseli 2-12 og 1-13, Gljúfraseli 2-14 og 1-15 og Grjótaseli 2-16 og 1-21.

18.11 Ránargata 7A, byggja svalir
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 20. september 2011 þar sem sótt er um leyfi til að byggja svalir á 2. hæð og á 3. hæð sem snúa í suður að baklóð fjölbýlishússins á lóð nr. 7A við Ránargötu. Erindi var grenndarkynnt frá 29. september til og með 27. október 2011. Athugasemd barst frá Vilhjálmi S. Símonarsyni dags. 27. október 2011. Einnig lögð fram umsögn skipulagsstjóra dags. 1. nóvember 2011.
Vísað til skipulagsráðs.

19.11 Víðidalur, Fákur, (fsp) stækkun Hvammsvallar, færsla Víðidalsvegar
Lögð fram fyrirspurn hestamannafélagsins Fáks dags. 24. október 2011 um stækkun vallarsvæðis við Hvammsvöll og færslu Víðidalsvegar skv. skissu. Einnig er lögð fram umsögn Umhverfis- og samgöngusviðs dags. 3. nóvember 2011. Einnig lögð fram umsögn skipulagsstjóra dags. 4. nóvember 2011.

Umsögn skipulagsstjóra dags. 4. nóvember 2011 samþykkt.

20.11 Holtsgöng, nýr Landspítali, breyting á aðalskipulagi
Lögð fram drög að tillögu að breytingu á Aðalskipulagi Reykjavíkur 2001-2024 vegna Holtsganga nýr Landspítala dagsett 7. nóvember 2011
Vísað til skipulagsráðs.

21.11 Holtsgöng, byggðasvæði nr. 5, lýsing, breyting á svæðisskipulagi
Lögð fram drög að tillögu að breytingu á Svæðisskipulagi Höfuðborgarsvæðisins 2001-2024 vegna byggðasvæðis 5, dagsett 7. nóvember 2011.
Vísað til skipulagsráðs.

22.11 Aðalskipulag Reykjavíkur, (fsp) miðsvæði M10 Egilsshöll Fossaleyni
Lögð fram fyrirspurn Regins ehf. dags. 28. október 2011 þar sem óskað er eftir því að í yfirstandandi vinnu við endurskoðun Aðalskipulags Reykjavíkur verði sérskilmálum fyrir miðsvæði M10 við Egilshöll Fossaleyni breytt.

Vísað til stýrihóps um aðalskipulag Reykjavíkur.