Embættisafgreiðsluf. skipulagsfulltrúa nr. 364

Lambhagavegur 23, Reynisvatnsland 53, Fjólugata 5, Grettisgata 9, Lambhagaland - 189563, Öskjuhlíð, Sögusafn, Mávahlíð 20, Þórsgata 26, Þverholt 11, Laugavegur 74, Hverfisgata 40-44, Spítalastígur 4B og 6B, Fossaleynir 1, Egilshöll, Rafstöðvarvegur 9 og 9a, Hringbraut,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

364. fundur 2011

Ár 2011, föstudaginn 16. september kl. 09:50, hélt skipulagsstjóri Reykjavíkur 364. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Helena Stefánsdóttir Eftirtaldir embættismenn kynntu mál á fundinum: Valný Aðalsteinsdóttir, Margrét Þormar og Björn Axelsson. Ritari var Harri Ormarsson

Þetta gerðist:

1.11 Lambhagavegur 23, breyting á deiliskipulagi
Að lokinni grenndarkynningu er lagt fram að nýju erindi Hafbergs Þórissonar dags. 7. júlí 2011 varðandi breytingu á deiliskipulagi Lambhaga við Vesturlandsveg vegna lóðarinnar nr. 23 við Lambhagaveg. Í breytingunni felst stækkun á byggingarreit gróðurhúss, stækkun á lóð undir fyrirhugað íbúðarhús ásamt breytingu á lóð núverandi húss og kvöð um mænisstefnu rýmkuð. Einnig er bætt við heimild til byggingar gróðurskála við hvort einbýlishús fyrir sig, samkvæmt uppdrætti Helga Hafliðasonar dags. 7. júlí 2011. Tillagan var grenndarkynnt frá 17. ágúst til og með 14. september 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar

2.11 Reynisvatnsland 53, (fsp) sumarhús
Lögð fram fyrispurn Jarþrúðar D. Flórentsdóttur dags. 6. júní 2011 varðandi leyfi fyrir þegar byggðu sumarhúsi á lóðinni nr. 53 við Reynisvatnsland. Einnig er lögð fram umsögn skipulagsstjóra dags. 15. september 2011.

Frestað

3.11 Fjólugata 5, (fsp) viðbygging
Á fundi skipulagsstjóra 9. september 2011 var lögð fram fyrirspurn Valdimars Harðarsonar dags. 9. september 2011 um að rífa niður núverandi viðbyggingu, og byggja nýja, við húsið nr. 5 við Fjólugötu, samkvæmt uppdr. Ask arkitekta dags. 8. september 2011. Einnig er sótt um að hafa tvö bílastæði á lóð. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 12. september 2011.
Ekki er gerð athugasemd við erindið með vísan til umsagnar skipulagsstjóra dags. 12. september 2011.

4.11 Grettisgata 9, (fsp) hækkun húss
Á fundi skipulagsstjóra 9. september 2011 var lögð fram fyrirspurn Plúsarkitekta f.h. Frón Íbúðir ehf. dags. 2. september 2011 varðandi hækkun hússins nr. 9 við Grettisgötu, samkvæmt uppdr. Plúsarkitekta dags. 30. ágúst 2011. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 13. september 2011.
Neikvætt, með vísan til umsagnar skipulagsstjóra dags. 13. september 2011.

5.11 Lambhagaland - 189563, breyting á deiliskipulagi vegna dreifistöðva O.R.
Lagt fram erindi Orkuveitu Reykjavíkur dags. 13. sept. 2011 um breytingu á deiliskipulagi Lambhagalands, skv. uppdrætti dags.9. sept. 2011. Breytingin gengur út á skilgreiningu tveggja lóðarreita fyrir smádreifistöðvar, önnur vestan við Lund og hin við Lambhagaveg 23.
Vísað til skipulagsráðs.

6.11 Öskjuhlíð, Sögusafn, bréf
Lagt fram bréf Menningar- og ferðamálasviðs dags. 13. september 2011 ásamt erindi Ernst Backman dags. 1. september 2011 um hugmyndir um að reisa Sögusafn Í Öskjuhlíðinni.
Kynna formanni skipulagsráðs.

7.11 Mávahlíð 20, bílgeymsla
Lagt fram bréf frá afgreiðslufundi byggingarfulltrúa frá 13. september 2011 þar sem sótt er um leyfi til að byggja staðsteyptan bílskúr á lóð fjölbýlishúss á lóð nr. 20 við Mávahlíð.
Erindi fylgir samþykki lóðarhafa Mávahlíðar 22 dags. 22. ágúst 2011 og þinglýst eignaskiptayfirlýsing dags. 1. desember 2000. einnig samþykki lóðarhafa í Mávahlíð 18, 20 og 22 árituð á uppdrátt dags. 5. september 2011.
Einnig fylgir erindi jákvæð fyrirspurn dags. 23. ágúst 2011 og samþykki meðeigenda dags. 24. og 27. júlí 2011 sem fylgdu með fyrirspurn.
Stærð: 27,2 ferm., 79,1 rúmm.
Gjald kr. 8.000 + 6.328
Samþykkt að grenndarkynna framlagða tillögu fyrir hagsmunaaðilum að Mávahlíð 18 og 22 og Drápuhlíð 17, 19 og 21.

8.11 Þórsgata 26, rekstrarleyfi í flokki G-5
Lagt fram erindi skrifstofu borgarstjórnar dags. 14. september 2011 vegna umsóknar Sunnugistingar ehf. um rekstrarleyfi í flokki G-5 fyrir Gistiheimilið Sunnu að Þórsgötu 26.
Vísað til umsagnar lögfræði og stjórnsýslu.

9.11 Þverholt 11, br. notkun og innra frkl.
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 26. júlí 2011 þar sem sótt er um leyfi til að breyta notkun tímabundið í skóla, fella niður tímabundið níu bílastæði í kjallara og innrétta þar fyrirlestrarsal og til að breyta innra fyrirkomulagi íbúðar- og atvinnuhúsi á lóð nr. 11 við Þverholt. Erindi var grenndarkynnt frá 17. ágúst til og með 14. september 2011. Eftirtaldir aðilar sendu inn athugasemdir: Halla Bogadóttir og Helgi Guðmundsson dags. 31. ágúst 2011, Katrín H. Baldursdóttir dags. 1. september 2011, Kristján Indriðason og Nína Kristjánsdóttir dags. 2. september 2011 og Guðjón Ó dags. 1. september 2011.
Vísað til umsagnar hjá verkefnisstjóra svæðisins.

10.11 Laugavegur 74, (fsp) stækkun
Lögð fram fyrirspurn Zeppelin ehf. dags. 9. september 2011 varðandi stækkun gistiheimilis að Laugavegi 74.
Vísað til umsagnar hjá verkefnisstjóra svæðisins.

11.11 Hverfisgata 40-44, (fsp) uppbygging á lóðum
Lögð fram fyrirspurn Folda ehf. dags. 12. júlí 2011 varðandi uppbyggingu á lóðunum nr. 40-44 við Hverfisgötu skv. frumdrögum Arkþings dags. júní 2011
Vísað til skipulagsráðs.

12.11 Spítalastígur 4B og 6B, (fsp) breytt notkun lóðanna
Á fundi skipulagsstjóra dags. 2. september 2011 var lögð fram fyrirspurn Vigdísar Pálsdóttur f.h. 6 íbúa dags. 1. september 2011 varðandi breytta notkun lóðanna nr. 4b og 6b við Spítalastíg þannig að í stað íbúðarhúsalóða komi grænt svæði. Einnig er lögð fram umsögn skipulagsstjóra dags. dags. 16. september 2011.
Neikvætt, með vísan til umsagnar skipulagsstjóra dags. 16. september 2011.

13.11 Fossaleynir 1, Egilshöll, (fsp) breyting á deiliskipulagi
Á fundi skipulagsstjóra 5. ágúst 2011 var lögð fram fyrirspurn Alark arkitekta f.h. Knatthallar ehf. og Kvikmyndahallar ehf. dags. 22. júlí 2011 um breytingu á deiliskipulagi að Fossaleyni 1 skv. uppdráttum Alark dags. 1. júlí 2011. Breytingin gengur út á afmörkun byggingarreits H fyrir nýtt fimleikahús og afmörkun byggingarreits I fyrir sjálfsafgreiðslustöð eldsneytis á bílastæðaplani. Einnig er lagt fram bréf Alark dags. 1. júlí 2011. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 16. september 2011.

Umsögn skipulagsstjóra dags. 16. september 2011 samþykkt.

14.11 Rafstöðvarvegur 9 og 9a, (fsp) notkun
Lögð fram fyrirspurn Ingimars Ingimarssonar hrl. f.h. Sjöstjörnunnar ehf. dags. 15. september 2011 varðandi notkun á fasteignunum að Rafstöðvarvegi 9 og 9a.
Vísað til umsagnar hjá verkefnisstjóra svæðisins.

15.11 Hringbraut, nafngift
Lögð fram orðsending R11010041 frá skrifstofu borgarstjóra dags. 6. júlí 2011 ásamt erindi Einars Sigurðar Jónssonar um að endurskíra Hringbrautina Þórbergsstræti til heiðurs Þórbergi Þórðarsyni skáldi sem bjó við Hringbraut.
Kynna formanni skipulagsráðs.