Grettisgata 9, Fjólugata 5, Eiríksgata 6, Fellsmúli 9, Grensásvegur 11, Haukdælabraut 66, Krókháls 1, Leifsgata 16, Sigluvogur 14, Skipasund 13, Urriðakvísl 22, Laugardalur, brettavöllur, Pósthússtræti 13-15, Sæmundargata,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

363. fundur 2011
Ár 2011, föstudaginn 9. september kl. 13:00, hélt skipulagsstjóri Reykjavíkur 363. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Þormar, Valný Aðalsteinsdóttir Björn Ingi Edvardsson og Björn Axelsson. Ritari var Harri Ormarsson
Þetta gerðist:

1.11 Grettisgata 9, (fsp) hækkun húss
Lögð fram fyrirspurn Plúsarkitekta f.h. Frón Íbúðir ehf. dags. 2. september 2011 varðandi hækkun hússins nr. 9 við Grettisgötu, samkvæmt uppdr. Plúsarkitekta dags. 30. ágúst 2011.

Vísað til umsagnar hjá verkefnisstjóra svæðisins.
2.11 Fjólugata 5, (fsp) viðbygging
Lögð fram fyrirspurn Valdimars Harðarsonar dags. 9. september 2011 um að rífa niður núverandi viðbyggingu við húsið nr. 5 við Fjólugötu og byggja nýja, samkvæmt uppdr. Ask arkitekta dags. 8. september 2011. Einnig er sótt um að hafa tvö bílastæði á lóð.
Vísað til umsagnar hjá verkefnisstjóra svæðisins.
3.11 Eiríksgata 6, garðskáli og br. innanhúss.
Lagt fram bréf frá afgreiðslufundi byggingarfulltrúa frá 6. september 2011 þar sem sótt er um leyfi fyrir þegar byggðum garðskála á lóðamörkum við Eiríksgötu 8 og breytingum innanhúss á 2. hæð sem felast í tilfærslum á innveggjum og snyrtingum í gistiheimili á lóð nr. 6 við Eiríksgötu.
Meðfylgjandi er bréf arkitekts ódags. og samþykki nágranna á nr. 8 dags. 12. júní 2011.
Stærðir: 15,7 ferm., 41,6 rúmm
Gjald kr. 8.000 + 3.328

Samþykkt að grenndarkynna framlagða tillögu fyrir hagsmunaaðilum að Eiríksgötu 8 og Freyjugötu 47 og 49.
4.11 Fellsmúli 9, (fsp) steypa einingar fyrir sorpílát
Lagt fram bréf frá afgreiðslufundi byggingarfulltrúa frá 6. september 2011 þar sem spurt er hvort leyfi fengist til að forsteyptar einingar fyrir sorpílát verði reistar upp við lóðarmörk spennistöðvarinnar sem er á lóð nr. 9A en sorpílátin verða á lóð nr. 9 við Fellsmúla.
Bréf frá eiganda ódags. fylgir.

Ekki er gerð athugasemd við erindið enda fylgi samþykki meðlóðarhafa og orkuveitu Reykjavíkur. Byggingarleyfisumsókn verður grenndarkynnt berist hún.
5.11 Grensásvegur 11, breyting á deiliskipulagi
Að lokinni grenndarkynningu er lögð fram að nýju umsókn Ask arkitekta f.h. Sætrar ehf. dags. 5. ágúst 2011 um breytingu á deiliskipulagi Skeifu/Fen vegna lóðar nr. 11 við Grensásveg, skv. uppdrætti dags. 4. ágúst 2011. Breytingin felur í sér aukið byggingarmagn og breytt fyrirkomulag bílastæða. Tillagan var grenndarkynnt frá 10. ágúst til og með 7. september 2011. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
6.11 Haukdælabraut 66, (fsp) stækkun lóðar
Lögð fram fyrirspurn Gunnars Vilhjálmssonar dags. 5. september 2011 varðandi stækkun lóðarinnar nr. 66 við Haukdælabraut.

Vísað til umsagnar hjá verkefnisstjóra svæðisins.
7.11 Krókháls 1, breyting á deiliskipulagi
Að lokinni grenndarkynningu er lögð fram að nýju umsókn Ask arkitekta f.h. Áframhalds hf. dags. 28. júlí 2011 um breytingu á deiliskipulagi Hálsahverfis vegna lóðar nr. 1 við Krókháls, skv. uppdrætti dags. 27. júlí 2011. Sótt er um stækkun á byggingarreit til austurs. Tillagan var grenndarkynnt frá 10. ágúst til og með 7. september 2011. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
8.11 Leifsgata 16, (fsp) sólstofa
Lögð fram fyrirspurn Guðrúnar Fanneyjar Sigurðardóttur dags. 7. september 2011 um að loka svölum rýmis 0101 og útbúa sólstofu með léttum stiga niður í garð, skv. uppdrætti Tangram arkitekta ehf. dags. 7. september 2011. Einnig er lagt fram samþykki meðeigenda dags. 19. júlí 2011.

Ekki er gerð athugasemd við erindið enda fylgi samþykki meðlóðarhafa. Byggingarleyfisumsókn verður grenndarkynnt berist hún.
9.11 Sigluvogur 14, áður gerður bílskúr
Lagt fram bréf frá afgreiðslufundi byggingarfulltrúa frá 6. september 2011 þar sem sótt er um leyfi fyrir áður gerðum bílskúr úr holsteini, sem var byggður 1960 á lóð nr. 14 við Sigluvog.
Stærð: 46,2 ferm., 126,6 rúmm.
Gjald kr. 8.000 + 10.128

Ekki gerðar athugasemdir við erindið.
10.11 Skipasund 13, kvistir á bakhlið rishæðar
Lagt fram bréf frá afgreiðslufundi byggingarfulltrúa frá 6. september 2011 þar sem sótt er um leyfi til að byggja tvo kvisti á austurhlið þaks fjölbýlishússins á lóð nr. 13 við Skipasund.
Jákvæð fyrirspurn dags. 17. maí 2011 og samþykki meðlóðarhafa dags. 17 ágúst fylgir.
Stækkun: 6,8 ferm., 10 rúmm.
Gjald kr. 8.000 + 800

Samþykkt að grenndarkynna framlagða tillögu fyrir hagsmunaaðilum að Skipasundi 11 og 15.
11.11 Urriðakvísl 22, (fsp) tengibygging ofl.
Lagt fram bréf frá afgreiðslufundi byggingarfulltrúa frá 6. september 2011 þar sem spurt er hvort leyfi fengist til að reisa tengibyggingu á milli íbúðarhúss og bílskúrs, reisa kvist á suðurhlið þaks og breyta gluggum til þess að auka birtu og útsýni á einbýlishúsinu á lóð nr. 22 Urriðakvísl.

Ekki eru gerðar athugasemdir við erindið. Samræmist deiliskipulagi.
12.11 Laugardalur, brettavöllur, breyting á deiliskipulagi
Lagt fram erindi Framkvæmda- og eignasviðs dags. 8. september 2011 varðandi breytingu á deiliskipulagi Laugardals vegna staðsetningu brettavallar norðan Engjavegar og vestan Þróttheima, skv. deiliskipulagsuppdrætti og skýringaruppdrætti Landslags ehf. dags. september 2011. Jafnframt verða felld úr gildi 186 áður fyrirhuguð bílastæði á svæðinu.

Vísað til skipulagsráðs.
13.11 Pósthússtræti 13-15, (fsp) skjólveggir o.fl.
Á fundi skipulagsstjóra 26. ágúst 2011 var lögð fram fyrirspurn Gests Ólafssonar dags. 22. ágúst 2011 varðandi skjólveggi á lóð nr. 13-15 við Pósthússtræti. Einnig er spurt hvort samþykki húsfélags á viðkomandi lóð þurfi fyrir veitingastarfssemi á jarðhæð. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 31. ágúst 2011..

Umsögn skipulagsstjóra samþykkt.
14.11 Sæmundargata, framkvæmdaleyfi
Lagt fram erindi Framkvæmda- og eignasviðs dags. 18. ágúst 2011 varðandi framkvæmdaleyfi vegna 1. áfanga við Sæmundargötu, gatnagerð, jarðvinna á lóð og veitur.

Vísað til skipulagsráðs.