Ármúli 44, Barónsstígur 32, Dofraborgir 3, Hraunbær 102, Langholtsvegur 163, Leifsgata 16, Litlagerði 2, Mávahlíð 20, Nýlendugata 7, Ránargata 12, Samtún 38, Sjafnargata 11, Skipholt 70, Snorrabraut 56, Sóleyjargata 27, Súðarvogur 26, Þverholt 11, Klettasvæði, Skarfabakki, Elliðaárdalur, rafstöðvarsvæði,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

359. fundur 2011
Ár 2011, föstudaginn 12. ágúst kl. 10:40, hélt skipulagsstjóri Reykjavíkur 359. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Helga Björk Laxdal Eftirtaldir embættismenn kynntu mál á fundinum: Valný Aðalsteinsdóttir, Margrét Þormar og Björn Axelsson Ritari var Helga Björk Laxdal
Þetta gerðist:

1.11 Ármúli 44, (fsp) gistheimili/ hótel
Á fundi skipulagsstjóra 5. ágúst 2011 var lagt fram erindi frá afgreiðslufundi byggingarfulltrúa frá 26. júlí 2011þar sem spurt er hvort heimilað yrði að innrétta gistiheimili/hótel á 1. 2. og 3. hæð atvinnuhúss nr. 44 við Ármúla. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 9. ágúst 2011.

Kynna formanni skipulagsráðs.
2.11 Barónsstígur 32, færanleg kennslustofa
Lagt fram bréf frá afgreiðslufundi byggingarfulltrúa frá 9. ágúst 2011 þar sem sótt er um leyfi til að flytja kennslustofu frá Selásskóla og nýta sem viðbót við frístundaheimili á lóð Austurbæjarskóla nr. 32 við Barónsstíg.
Gjald kr. 8.000

Frestað.
Umsóknin samræmist ekki gildandi deiliskipulagi svæðisins. Ekki eru gerðar athugasemdir við að umsækjandi láti vinna tillögu að breytingu á deiliskipulagi, þar sem gert er ráð fyrir reit fyrir færanlegar kennslustofur. Tillagan verður grenndarkynnt þegar hún berst.
3.11 Dofraborgir 3, (fsp) bílskúr
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að stækka íbúðarrými inn í núverandi bílskúr og byggja nýjan bílskúr eins og sýnt er á meðfylgjandi skissu af einbýlishúsi nr. 3 við Dofraborgir.

Neikvætt. samræmist ekki gildandi deiliskipulagi.
Í skilmálum deiliskipulags fyrir Borgarhverfi er ekki gert ráð fyrir meiri byggingarmagni á lóðinni en 215 fermetrum, breytingar samkvæmt fyrirspurninni verða 255 fermetrar. Ekki er fallist á að breyta deiliskipulagi til samræmis við fyrirspurnina.
4.11 Hraunbær 102, (fsp) veitingaleyfi í flokki 3
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort samþykki fáist fyrir veitingaleyfi í flokki III og til útiveitinga við suðurhlið verslunarhúss á lóð nr. 102A við Hraunbæ.

Kynna formanni skipulagsráðs.
5.11 Langholtsvegur 163, bílastæði, grindverk
Lagt fram bréf frá afgreiðslufundi byggingarfulltrúa frá 9. ágúst 2011 þar sem sótt er um leyfi til að bæta við einu bílastæði fyrir hús nr. 163B í suðvesturhorni lóðar og til að skipta í sérnotafleti raðhúsalóð nr. 163 við Langholtsveg.
Gjald kr. 8.000

Neikvætt.
Gildandi deiliskipulag svæðisins gerir ekki ráð fyrir fjölgun bílastæða og innkeyrslu innan lóðar. Ekki er fallist á að breyta deiliskipulagi til samræmis við fyrirspurnina. Ekki eru gerðar skipulagslegar athugasemdir við sérnotafleti innan lóðar.
6.11 Leifsgata 16, (fsp) svalalokun og endurskipulagning
Á fundi skipulagsstjóra 5. ágúst 2011 var lagt fram erindi frá afgreiðslufundi byggingarfulltrúa frá 26. júlí 2011 þar sem spurt er hvort leyfi fengist til að loka svölum rýmis 0101 og útbúa sólstofu með léttum stiga niður í garð og endurskipuleggja kjallarann svo innangengt verði frá íbúð 0101 í fjölbýlishúsinu á lóð nr. 16 við Leifsgötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 10. ágúst 2011.

Neikvætt að byggja sólstofu með vísan til umsagnar skipulagsstjóra, en ekki eru gerðar athugasemdir við stiga út í garð. Byggingarleyfisumsókn verður grenndarkynnt þegar hún berst.
7.11 Litlagerði 2, (fsp) bílskúr og viðbygging
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að byggja viðbyggingu við suðurhlið og tvöfaldan bílskúr norðvestan megin við einbýlishús á lóð nr. 2 við Litlagerði.

Vísað til umsagnar verkefnisstjóra svæðisins.
8.11 Mávahlíð 20, (fsp) bílskúr
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að byggja bílskúr með geymslukjallara við fjölbýlishúsið á lóð nr. 20 við Mávahlíð.
Erindi fylgir þinglýst eignaskiptayfirlýsing dags. 29. mars 1999 og samþykki meðeigenda dags. 24. og 27. júlí 2011.

Vísað til umsagnar hjá verkefnisstjóra svæðisins.
9.11 Nýlendugata 7, breyting á deiliskipulagi
Lagt fram erindi Jónu Guðbjargar Torfadóttur dags. 8. ágúst 2011 varðandi breytingu á deiliskipulagi Norðurstígsreits vegna lóðarinnar nr. 7 við Nýlendugötu. Í breytingunni felst að lóð er stækkuð sem nemur einu bílastæði.
Vísað til umsagnar hjá verkefnisstjóra svæðisins.
10.11 Ránargata 12, (fsp) merkt bílastæði
Lögð fram fyrirspurn Hildar Bjarkar Hörpudóttur forstöðumanns áfangastaðarins að Ránargötu 12 dags. 9. ágúst 2011 varðandi bílastæði fyrir fatlaða eða sérmerkt bílastæði fyrir stofnunina.

Vísað til meðferðar hjá verkefnisstjóra svæðisins.
11.11 Samtún 38, (fsp) sólstofa
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að byggja tveggja hæða sólstofu við suðurhlið parhússins á lóð nr. 38 við Samtún.

Ekki eru gerðar athugasemdir við viðbyggingu í samræmi við skilmála gildandi deiliskipulags. Lögð er áhersla á að endanleg útfærsla sé gerð í samræmi við upphaflegt útlit hússins.
12.11 Sjafnargata 11, (fsp) hækkun útbyggingar
Lögð fram fyrirspurn Páls Gunnlaugssonar ark. dags. 11. ágúst 2011 varðandi hækkun útbyggingar á vesturhlið hússins á lóðinni nr. 11 við Sjafnargötu, samkvæmt uppdrætti ASK Arkitekta ehf. dags. 5. ágúst 2011.
Vísað til umsagnar verkefnisstjóra.
13.11 Skipholt 70, rekstrarleyfi í flokki V-I
Lagt fram erindi Sigríðar S. Júlíusdóttur dags. 9. ágúst 2011 vegna umsóknar Pizza King ehf um rekstrarleyfi í flokki V-I að Skipholti 70, þar sem áður var matvörubúð. Einnig er lögð fram umsögn lögfræði og stjórnsýslu dags. 12. ágúst 2011.

Umsögn lögfræði og stjórnsýslu samþykkt.
14.11 Snorrabraut 56, (fsp) veitingastaður
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að innrétta veitingastað í flokki II í verslunarhúsi á lóð nr. 56 við Snorrabraut.

Ekki eru gerðar athugasemdir við erindið. Landnotkun samræmist ákvæðum Aðalskipulags Reykjavíkur og gildandi deiliskipulags svæðisins.
15.11 Sóleyjargata 27, br. í gistiheimili
Lagt fram bréf frá afgreiðslufundi byggingarfulltrúa frá 9. ágúst 2011 þar sem sótt er um leyfi til að innrétta gististaður flokki II með fimm útleigueiningum og íbúð eiganda í risi og til að síkka glugga, lækka gólf og gera nýjan útgang úr kjallara einbýlishúss á lóð nr. 27 við Sóleyjargötu. Málinu fylgir umsögn skipulagsstjóra vegna fyrirspurnar BN043319 dags. 25. júlí 2011.
Stækkun: 30,9 rúmm.
Gjald kr. 8.000 + 2.472

Samþykkt að grenndarkynna framlagða tillögu fyrir hagsmunaaðilum að Sóleyjargötu 29, Smáragötu 2 og 4, þegar uppdrættir hafa verið lagfærðir í samræmi við athugasemdir byggingarfulltrúa.
17.11 Súðarvogur 26, (fsp) breyta í hótelíbúðir
Lagt fram bréf frá afgreiðslufundi byggingarfulltrúa frá 9. ágúst 2011 þar sem spurt er hvort leyft yrði að innrétta og reka tvær hótelíbúðir í húsi á lóð nr. 26 við Súðarvog.

Vísað til umsagnar hjá lögfræði og stjórnsýslu.
19.11 Þverholt 11, br. notkun og innra frkl.
Lagt fram erindi frá afgreiðslufundi byggingarfulltrúa frá 26. júlí 2011 þar sem sótt er um leyfi til að breyta notkun tímabundið í skóla, fella niður tímabundið níu bílastæði í kjallara og innrétta þar fyrirlestrarsal og til að breyta innra fyrirkomulagi íbúðar- og atvinnuhúsi á lóð nr. 11 við Þverholt.
Erindi fylgir umsögn burðarvirkishönnuðar dags. 15. júlí, minnisblað LHI, bréf hönnuðar og brunahönnun frá EFLA dags. 19. júlí 2011.
Gjald kr. 8.000

Samþykkt að grenndarkynna framlagða tillögu fyrir hagsmunaaðilum að Þverholti 13 og Einholti 2.
20.11 Klettasvæði, Skarfabakki, breyting á deiliskipulagi
Lagt fram bréf Skipulagsstofnunar dags. 4. ágúst 2011 þar sem gerðar eru athugasemdir við birtingu auglýsingar í B-deild Stjórnartíðinda.
Vísað til meðferðar hjá verkefnisstjóra svæðisins.
23.11 Elliðaárdalur, rafstöðvarsvæði, (fsp) fornbílaklúbbshús og Orkuveituhús
Lögð fram fyrirspurn Sigrúnar Guðjónsdóttur dags. 11. ágúst 2011, vegna fornbílaklúbbshúss og Orkuveituhúss í Elliðaárdal.

Kynna formanni skipulagsráðs.