Suðurhólar 35, Hólaberg 84, Háagerði 39, Suðurlandsbraut Steinahlíð, Þönglabakki 1, Hnitbjargarreitur, reitur 01.194, Laufásvegur 2, Templarasund 3, Bugðulækur 17, Laugarásvegur 48, Heiðarás 11 og 13, Snorrabraut 37, Kjalarnes, Brautarholt 1, Hótel Loftleiðir, Grundarstígsreitur, Hlíðargerði 6, Sogavegur 3, Háskóli Íslands, Vísindagarðar, Háskóli Íslands, Vísindagarðar, Austurhöfn Tónlistarhús, Grettisgata 22B,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

350. fundur 2011
Ár 2011, föstudaginn 20. maí kl. 11:30, hélt skipulagsstjóri Reykjavíkur 350. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Ágústa Sveinbjörnsdóttir,Margrét Þormar, Valný Aðalsteinsdóttir, Lilja Grétarsdótti og Margrét Leifsdóttir Ritari var Helga Björk Laxdal
Þetta gerðist:

1.11 Suðurhólar 35, breyting á deiliskipulagi
Að lokinni grenndarkynningu er lagt fram að nýju erindi Brynju, Hússjóður Öryrkjabandalagsins dags. 29. mars 2011 varðandi breytingu á deiliskipulagi Breiðholt 3, norðurdeild vegna lóðarinnar nr. 35 við Suðurhóla. Í breytingunni felst að sambýli á byggingarreit E verði breytt í þriggja íbúða raðhús, samkvæmt uppdrætti VA arkitekta dags. 25. mars 2011. Tillagan var grenndarkynnt frá 6. apríl til og með 9. maí 2011. Engar athugasemdir bárust.

Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
2.11 Hólaberg 84, breyting á deiliskipulagi
Á fundi skipulagsstjóra 13. maí 2011 var lagt fram erindi Ögmundar Skarphéðinssonar dags. 12. maí 2011 varðandi breytingu á deiliskipulagi Gerðuberg/Hólaberg vegna lóðarinnar nr. 84 við Hólaberg. Í breytingunni felst stækkun á byggingarreit bílageymslu ásamt breytingu á ákvæðum um fjölda bílastæða í bílageymslu, samkvæmt uppdr. Hornsteina arkitekta ehf. dags. 9. maí 2011.
Vísað til skipulagsráðs.
3.11 Háagerði 39, (fsp) viðbygging
Á fundi skipulagsstjóra 1. apríl 2011 var lagt fram bréf frá afgreiðslufundi byggingarfulltrúa frá 29. mars 2011 þar sem spurt er hvort leyft yrði að byggja viðbyggingu á skipulögðum bílskúrsreit við raðhúsið á lóð nr. 39 við Háagerði. Til vara er spurt hvort byggja megi bílskúr sem innangengt væri í og notaðist til íbúðar á sömu lóð. Erindinu var vísað til umsagnar verkefnastjóra svæðisins og er nú lagt fram að nýju ásamt umsögn skipulagsstjóra dags. 19. maí 2011.

Neikvætt með vísan til umsagnar skipulagsstjóra.
4.11 Suðurlandsbraut Steinahlíð, breytt deiliskipulag Vogahverfis vegna leikskólalóðar
Á fundi skipulagsstjóra 13. maí 2011 var lagt fram erindi Framkvæmda- og eignasviðs Reykjavíkur dags. varðandi breytingu á deiliskipulagi Vogahverfis vegna lóðarinnar Steinahlíð við Suðurlandsbraut. Breytingin felst í gerð reits fyrir færanlega leikstofu og fyrirkomulagi bílastæða á lóð, samkvæmt uppdrætti Framkvæmda- og eignasviðs Reykjavíkur dags. 10. maí 2011. Erindinu var frestað og er nú lagt fram að nýju ásamt lagfærðum deiliskipulags- og skýringaruppdráttum dags. 19. maí 2011.

Vísað til skipulagsráðs.
5.11 Þönglabakki 1, breyting á deiliskipulagi
Að lokinni auglýsingu er lagt fram að nýju erindi Reita ehf. dags. 22. febrúar 2011 varðandi breytingu á deiliskipulagi Mjóddar vegna lóðarinnar nr. 1 við Þönglabakka. Í breytingunni felst stækkun á byggingarreit fyrir anddyri, samkvæmt uppdrætti Teiknistofunnar Örk dags. 22. febrúar 2011. Einnig lögð fram fundargerð stjórnarfundar svæðisfélagsins Mjódd frá 29. nóvember 2010. Jafnframt er lagt fram bréf Þjónustumiðstöðvar Breiðholts dags. 11 apríl 2011 vegna afgreiðslu hverfisráðs Breiðholts þar sem ekki er gerð athugasemd við ofangreint erindi. Tillagan var auglýst frá 28. mars 2011 til og með 12. maí 2011. Engar athugasemdir bárust.

Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
6.11 Hnitbjargarreitur, reitur 01.194, lýsing
Lögð fram drög að lýsingu skipulags- og byggingarsviðs Reykjavíkur dags. 20. maí 2011 vegna deiliskipulags Hnitbjargarreits. Skipulagssvæðið markast af Eiríksgötu, Mímisvegi, Freyjugötu, og Njarðargötu. Í lýsingunni koma fram áherslur, upplýsingar um forsendur, fyrirliggjandi stefnu og fyrirhugað skipulagsferli.

Kynnt.
7.11 Laufásvegur 2, (fsp) breyta verslun í gistiheimili
Lögð fram fyrirspurn Úlfars Gunnarssonar dags. 17. maí 2011 varðandi breytta notkun á húsnæðinu nr. 2 við Laufásveg.

Ekki eru gerðar skipulagslegar athugasemdir við erindið. Byggingarleyfisumsókn verður grenndarkynnt þegar hún berst, en athygli fyrirspyrjenda er vakin á því að samþykki meðlóðarhafa þarf að fylgja.
8.11 Templarasund 3, (fsp) útiborð við kaffihús
Á fundi skipulagsstjóra 13. maí 2011 var lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort staðsetja megi 10 útiborð á gangstétt vestan megin við Templarasund við Alþingisgarðinn fyrir barnakaffihúsið Iðunnareplið á lóð nr. 3 við Templarasund.
Frestað.
Beðið er eftir umsögn gatna- og eignaumsýslu.
9.11 Bugðulækur 17, endurnýja handrið
Lagt fram erindi frá afgreiðslufundi byggingarfulltrúa frá 17. maí 2011 þar sem sótt er um leyfi til að endurnýja óleyfishandrið, sbr. erindi BN041643 sem synjað var, á þaki bílskúrs á lóð nr. 17 við Bugðulæk. Einnig er lögð fram eldri umsögn skipulagsstjóra dags. 25. febrúar 2011.
Meðfylgjandi er bréf eigenda ódagsett og samþykki meðeigenda dags. 8. maí 2011
Gjald kr. 8.000

Frestað.
Lagfæra þarf uppdrætti þannig að þeir samræmist þeim skilyrðum sem fram komu í fyrri umsögn skipulagsstjóra dags. 25. febrúar 2011.
10.11 Laugarásvegur 48, (fsp) viðbygging
Á fundi skipulagsstjóra 6. janúar 2011 var lögð fram fyrirspurn Steinþórs Kára Kárasonar dags. 5. janúar 2011 varðandi viðbyggingu við neðri hæð hússins á lóðinni nr. 48 við Laugarásveg. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn Skipulagsstofnunar dags. 10. maí 2011.

Vísað til umsagnar hjá verkefnisstjóra svæðisins.
11.11 Heiðarás 11 og 13, (fsp) lóðarmörk
Lögð fram fyrirspurn Gunnars Rúnars Oddgeirssonar dags. 17. maí 2011 varðandi lóðarmörk milli lóðanna nr. 11 og 13 við Heiðarás.

Erindið er framsent byggingarfulltrúa til meðferðar.
12.11 Snorrabraut 37, (fsp) veitingahús 2. hæð
Lagt fram erindi frá afgreiðslufundi byggingarfulltrúa frá 17. maí 2011 þar sem spurt er hvort breyta megi tveim kvikmyndasölum aftur í veitingastað eins og var í tíð Silfurtunglsins á 2. hæð í húsi Austurbæjarbíós á lóð nr. 37 við Snorrabraut. Einnig er lögð fram umsögn skipulagsstjóra dags. 18. maí 2011.

Ekki eru gerðar skipulagslegar athugasemdir við erindið með vísan til umsagnar skipulagsstjóra.
13.11 Kjalarnes, Brautarholt 1, lýsing, deiliskipulag
Lögð fram lýsing Einars Ingimarssonar fh. lóðarhafa dags 9. febrúar 2011 vegna deiliskipulags golfvallar við Brautarholt á Kjalarnesi. Í lýsingunni koma fram áherslur, upplýsingar um forsendur, fyrirliggjandi stefnu og fyrirhugað skipulagsferli. Lagðar fram umsagnir Fornleifaverndar ríkisins, dags. 12. apríl 2011 og Skipulagsstofnunar dags. 8. apríl 2011.
Einnig er lögð fram tillaga að deiliskipulagi Kjalarnes, Brautarholt 1, samkvæmt uppdrætti Einars Ingimarssonar dags. 12. maí 2011.
Vísað til skipulagsráðs.
14.11 Hótel Loftleiðir, (fsp) endurgerð lóðar
Á fundi skipulagsstjóra 15. apríl 2011 var lögð fram fyrirspurn Reita fasteignafélags hf. dags. 15. apríl 2011 varðandi endurbætur á lóð Hótel Loftleiða og Icelandair. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 18. maí 2011.

Umsögn skipulagsstjóra samþykkt.
15.11 Grundarstígsreitur, forsögn, deiliskipulag
Að lokinni hagsmunaaðilakynningu er lögð fram að nýju tillaga skipulags- og byggingarsviðs að deiliskipulagi Grundarstígsreits dags. 3. mars 2011, reiturinn afmarkast af Grundarstíg, Spítalastíg, Þingholtsstræti og Skálholtsstíg. Í tillögunni felst stefnumörkun um þróun byggðar á reitnum. Einnig er lögð fram forsögn skipulags- og byggingarsviðs Reykjavíkur dags. í júní 2010 ásamt ábendingum sem bárust við forkynningu. Einnig er lögð fram húsakönnun Minjasafns Reykjavíkur dags. í mars 2011. Tillagan var hagsmunaaðilakynnt frá 18. mars 2011 til og með 16. maí 2011. Eftirtaldir aðilar sendu athugasemdir og ábendingar: Einar Örn Thorlacius, dags. 6. apríl og Ragnheiður Jóna Jónsdóttir dags. 7. apríl 2011, eigendur að Grundarstíg 7 dags. 14. maí og Þóra E. Kjeld og Jón Þ. Einarsson dags. 18. maí 2011.
Athugasemdir kynntar.
Vísað til meðferðar verkefnisstjóra.
16.11 Hlíðargerði 6, (fsp) viðbygging
Á fundi skipulagsstjóra 13. maí 2011 var lögð fram fyrirspurn Orra Árnasonar dags. 12. maí 2011 varðandi tveggja hæða viðbyggingu sunnan við húsið á lóð nr. 6 við Hlíðargerði, samkvæmt uppdr. Zeppelin arkitekta dags. 6. maí 2011. Fyrirspurninni var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 19. maí 2011.

Ekki eru gerðar athugasemdir við erindið með vísan til umsagnar skipulagsstjóra. Byggingarleyfisumsókn verður grenndarkynnt þegar berst.
17.11 Sogavegur 3, (fsp) viðbygging
Á fundi skipulagsstjóra 13. maí 2011 var lagt fram bréf frá afgreiðslufundi byggingarfulltrúa frá 10. maí 2011 þar sem spurt er hvort leyft yrði að byggja við til vesturs, breyta aðkomu og fjölga bílastæðum á lóð nr. 3 við Sogaveg. Erindinu var vísað til meðferðar hjá verkefnisstjóra svæðisins og er nú lagt fram að nýju. Einnig er lögð fram umsögn skipulagsstjóra dags. 19. maí 2011.

Ekki eru gerðar athugasemdir við erindið með vísan til umsagnar skipulagsstjóra. Byggingarleyfisumsókn verður grenndarkynnt þegar berst.
18.11 Háskóli Íslands, Vísindagarðar, Aðalskipulag Reykjavíkur
Að lokinni auglýsingu er lögð fram að nýju tillaga skipulags- og byggingarsviðs að breytingu á Aðalskipulagi Reykjavíkur 2002-2024 dags. 9. desember 2010. Í breytingunni felst heimild um byggingu nemendaíbúða á svæði Vísindagarða við Háskóla Íslands. Einnig lagt fram bréf skipulagsstofnunar dags. 11. mars 2011 þar sem ekki er gerð athugasemd við að erindi verði auglýst. Jafnframt lagðar fram umsagnir Kópavogsbæjar dags. 16. febrúar, Seltjarnarnesbæjar dags. 24. febrúar, Mosfellsbæjar dags. 10. mars, umsögn Garðarbæjar dags. 22. mars 2011. Tillagan var auglýst frá 16. mars 2011 til og með 2. maí 2011. Eftirtaldir aðilar sendu inn athugasemdir: Þorkell Jóhannesson dags. 29. mars 2011, Snorri Bergmann og Védís Húnbogadóttir dags. 10. maí, Helgi Björnsson og Þóra Ellen Þórhallsdóttir dags. 10. maí, Jón Sch. Thorsteinsson fh. íbúa við Aragötu og Oddagötu dags. 10. maí, Jón Sch. Thorsteinsson og Ragnheiður Harðardóttir dags. 10. maí 2011 og Valgerður Hallgrímsdóttir og Jens A. Guðmundsson dags. 10. maí 2011.

Vísað til skipulagsráðs.
19.11 Háskóli Íslands, Vísindagarðar, breyting á deiliskipulagi HÍ
Að lokinni auglýsingu er lagt fram að nýju erindi Ask Arkitekta dags. 11. desember 2009 f.h. Vísindagarða Háskóla Íslands ehf. vegna breytinga á deiliskipulagi Háskóla Íslands vegna Vísindagarða. Í breytingunni felst m.a. að lóðinni er skipt upp í sjö lóðir fyrir Vísindagarða, Stúdentagarða og spennistöð Orkuveitu Reykjavíkur samkvæmt uppdrætti Ask Arkitekta dags. 23. mars 2010 ásamt greinargerð og skilmálum dags. 29. mars 2010. Einnig voru lagðir fram minnispunktar skipulags- og byggingarsviðs dags. 9. júní 2010 af kynningarfundi vegna málsins sem haldinn var þann 3. júní sl. og bréf frá stúdentaráði Háskóla Íslands dags. 14. apríl 2011 þar sem lýst er yfir mikilli ánægju með deiliskipulagið. Tillagan var auglýst frá 16. mars til og með 2. maí 2011. Lagður fram tölvupóstur Jóns Sch. Thorsteinssonar dags. 20. apríl 2011 þar sem óskað er eftir að frestur til athugasemda verði framlengdur. Frestur var framlengdur til og með 10. maí 2011. Eftirtaldir aðilar sendu athugasemdir: Þorkell Jóhannesson dags. 29. mars, Vigdís Finnbogadóttir ódags., Orkuveita Reykjavíkur, dags. 14. apríl 2011, Max Dager, f.h. Norræna hússins, dags. 2. maí, íbúar að Aragötu 7, dags. 8. maí, Pétur H. Ármannsson, dags. 9. maí, Helgi Björnsson og Þóra Ellen Þórhallsdóttir, dags. 10. maí, Helga Þorkelsdóttir og Páll Þorgeirsson, dags. 10. maí, Valgerður Hallgrímsdóttir og Jens A. Guðmundsson, dags. 10. maí, Baldur Símonarson dags. 10. maí, 2011, Snorri Bergmann og Védís Húnbogadóttirdags. 10. maí, Jón Sch. Thorsteinsson og Ragnheiður Harðardóttir dags. 10. maí og Jón Sch. Thorsteinsson f.h íbúa við Aragötu og Oddagötu dags. 10. maí ásamt fylgiskjölum: álitsgerð Ingibjargar Þórðardóttur fasteignasala, dags. 9. maí 2011 og álitsgerð Glámu-Kím, dags. 20. júní 2010. Einnig er lögð fram umsögn Heilbrigðiseftirlits Reykjavíkur, dags. 10. maí 2011.

Vísað til skipulagsráðs.
20.11 Austurhöfn Tónlistarhús, hönnun gatnakerfis
Lögð fram bókun umhverfis- og samgönguráðs frá 10. maí 2011 vegna útfærslu umferðarmannvirkja og gönguleiða við Tónlistarhúsið Hörpu


21.11 Grettisgata 22B, umferðarkvöð
Á fundi skipulagsstjóra 13. maí 2011 var lagt fram bréf Lex lögmannsstofu f.h. Karls Axelssonar hrl. dags. 20. janúar 2011 móttekið 9. maí 2011 varðandi umferðarkvöð á lóð nr. 22B við Grettisgötu. Erindinu var vísað til umsagnar lögfræði og stjórnsýslu.

Frestað.