Austurberg, Gufunes, Kollagrund 2, Klébergsskóli, Skólagarðar, Stekkjarbakki, Úlfarsfell, Bragagata 33A, Garðastræti 17, Suðurhólar 35, Sundagarðar 2B, Ránargata 46, Vesturvallareitur 1.134.5, Aragata 15, Samtún 42, Snorrabraut 37, Vættaborgir 15-25 og 27-35, Haukdælabraut 124-126, Háagerði 39, Klettasvæði, Skarfabakki, Langagerði 32, Reykjavíkurflugvöllur, Flugfélag Íslands,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

344. fundur 2011
Ár 2011, föstudaginn 1. apríl kl. 10:40, hélt skipulagsstjóri Reykjavíkur 344. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum:, Björn Ingi Edvardsson, Björn Axelsson, Margrét Þormar, Jóhannes Kjarval og Bragi Bergsson. Ritari var Helga Björk Laxdal
Þetta gerðist:

1.11 Austurberg, (fsp) göngustígur meðfram Austurbergi, vestan megin
Lögð fram fyrirspurn framkvæmda- og eignasviðs f.h. hverfaráðs Breiðholts, dags. 31. mars 2011, varðandi gerð göngustígs meðfram Austurbergi, vestan götu. Stígurinn yrði í framhaldi af göngustíg meðfram Hólabrekkuskóla.
Frestað.
2.11 Gufunes, (fsp) útivistarsvæði
Á fundi skipulagsstjóra 25. mars 2011 var lögð fram fyrirspurn Rótaryklúbbsins dags. 22. mars 2011 varðandi útivistarsvæði fyrir almenning þar sem hægt væri að gróðursetja til að mynda skjól ásamt því að útbúa aðstöðu fyrir grill, nesti og svæði fyrir leiki. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 1.apríl 2011.
Ekki gerð athugasemd við erindið með vísan til umsagnar skipulagsstjóra dags. 1. apríl 2011.
3.11 Kollagrund 2, Klébergsskóli, breyting á deiliskipulagi
Lagt fram erindi Framkvæmda- og eignasviðs dags. 30. mars 2011 varðandi breytingu á deiliskipulagi lóðar Klébergsskóla á Kjalarnesi. Í breytingunni felst að staðsetning og fjöldi bílastæða er breytt, samkvæmt uppdrætti Arkitektur.is dags. 28. mars 2011.
Vísað til skipulagsráðs.
4.11 Skólagarðar, breytt notkun
Á fundi skipulagsstjóra 11. mars 2011 var lögð fram fyrirspurn Framkvæmda- og eignasviðs dags. 17. febrúar 2011 varðandi breytta notkun á húsunum sem standa við skólagarðana við Logafold 106b, Holtaveg 32 og Bjarmaland. Í stað aðstöðu fyrir skólagarða yrði húsnæðið nýtt fyrir dagforeldra. Einnig lögð fram samantekt skipulagsstjóra dags. 10. mars 2011. Fyrirspurninni var vísað til umsagnar hjá hverfaráði Laugardals og Háaleiti ásamt hverfaráði Grafarvogs og er nú lagt fram að nýju ásamt tölvupósti hverfisráðs Háaleitis og Bústaðahverfis dags. 30. mars 2011 og tölvupósti hverfisráðs Laugardals dags. 31. mars 2011.
Samþykkt að framlengja frest til að skila inn umsögn til 15. apríl 2011.
5.11 Stekkjarbakki, (fsp) hjólastígur meðfram Stekkjarbakka, sunnan götu
Lögð fram fyrirspurn framkvæmda- og eignasviðs f.h. hverfaráðs Breiðholts dags. 31. mars 2011, varðandi gerð hjólastígs meðfram Stekkjarbakka, sunnan götu.
Frestað.
6.11 Úlfarsfell, (fsp) fjarskiptarekstur
Lögð fram fyrirspurn Og fjarskipta ehf. dags. 23. desember 2010 varðandi aðstöðu til fjarskiptareksturs á Úlfarsfelli. Einnig lögð fram umsögn Umhverfis- og samgöngusviðs dags. 26. janúar 2011. Fyrirspurninni var vísað til umsagnar hjá Geislavörnum ríkisins og er nú lagt fram að nýju ásamt umsögn Geislavarna ríkisins dags. 16. febrúar 2011.
Vísað til umsagnar verkefnisstjóra.
7.11 Bragagata 33A, (fsp) breyting inni, fjölga íbúðum
Lagt fram bréf frá afgreiðslufundi byggingarfulltrúa frá 29. mars 2011 þar sem spurt er hvort leyfi fengist til að breyta geymslum í mhl. 02 í vinnustofur og innrétta sjálfstæða íbúð í þakhæð fjölbýlishússins á lóð nr. 33A við Bragagötu.
Ekki gerðar skipulagslegar athugasemdir við fjölgun íbúða.
8.11 Garðastræti 17, lóðaafmörkun
Á fundi skipulagsstjóra 17. mars 2011 var lagt fram bréf byggingarfulltrúa dags. 14. mars 2011 varðandi erindi Gests Ólafssonar dags. 11. mars 2011 vegna lóðafmörkunar lóðarinnar nr. 17 við Garðastræti. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 28. mars 2011.
Umsögn lögfræði og stjórnsýslu samþykkt.
9.11 Suðurhólar 35, breyting á deiliskipulagi
Lagt fram erindi Brynju, Hússjóður Öryrkjabandalagsins dags. 29. mars 2011 varðandi breytingu á deiliskipulagi Breiðholt 3, norðurdeild vegna lóðarinnar nr. 35 við Suðurhóla. Í breytingunni felst að sambýli á byggingarreit E verði breytt í þriggja íbúða raðhús, samkvæmt uppdrætti VA arkitekta dags. 25. mars 2011.
Samþykkt að grenndarkynna fyrirliggjandi tillögu fyrir hagsmunaaðilum að Þrastarhólum 6, 8 og 10.
10.11 Sundagarðar 2B, viðbygging, anddyri ofl.
Á fundi skipulagsstjóra 25. mars 2011 var lagt fram erindi frá afgreiðslufundi byggingarfulltrúa dags 15. mars 2011 þar sem sótt er um leyfi til að byggja steinsteypt anddyri einangrað að utan og klætt með álplötum við veitingaskála á lóð nr. 2B við Sundagarða. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 1. apríl 2011.
Meðfylgjandi er samþykki meðeiganda á lóð dags. 22. febrúar 2011
Stækkun: 31,2 ferm., 124 rúmm. Gjald kr. 8.000 + 9.920

Ekki gerð athugasemd við erindið með vísan til umsagnar skipulagsstjóra.
11.11 Ránargata 46, yfirbygging svala, stækkun þakglugga og kvists
Lagt fram bréf frá afgreiðslufundi byggingarfulltrúa frá 29. mars 2011 þar sem sótt er um leyfi til að yfirbyggja svalir, stækka þakglugga og stækka kvist í fjölbýlishúsinu á lóð nr. 46 við Ránargötu
Samþykki meðeigenda á fylgiskjalli fylgir.
Stækkun: XX ferm og XX rúmm.
Gjald kr. 8.000 + XX

Frestað.
12.11 Vesturvallareitur 1.134.5, forsögn
Lögð fram lýsing skipulags- og byggingarsviðs dags. xxxxxx að Vesturvallareit 1.134.5. Svæðið markast af Vesturvallagötu, Sólvallagötu. Framnesvegi og Holtsgötu.
Vísað til skipulagsráðs.
13.11 Aragata 15, (fsp) bílageymsla
Lagt fram bréf frá afgreiðslufundi byggingarfulltrúa frá 29. mars 2011 þar sem spurt er hvort leyfi fengist til að byggja 32 ferm bílskúr sem kemur uppvið einbýlishúsið á lóð nr. 15 við Aragötu.
Ekki eru gerðar athugasemdir við erindið. Byggingarleyfisumsókn verður grenndarkynnt berist hún.
14.11 Samtún 42, (fsp) steyptur veggur við lóðamörk
Lagt fram erindi frá afgreiðslufundi byggingarfulltrúa frá 10. ágúst 2010 þar sem spurt er hvort leyfi fengist til að byggja 180 cm háan steinsteyptan vegg á lóðarmörkum sem snúa að Nóatúni á lóð nr. 42 við Samtún. Erindinu var vísað til umsagnar gatna- og eignaumsýslu og umferðardeildar Framkvæmdasviðs á fundi skipulagsstjóra 13. ágúst 2010 og til umsagnar umhverfis- og samgöngusviðs á fundi skipulagsstjóra 19. nóvember 2010. Á fundi skipulagsstjóra 29. október 2010 var ítrekað óskað eftir umsögnunum frá gatna- og eignaumsýslu og umferðardeild Framkvæmdasviðs. Erindið nú lagt fram að nýju ásamt umsögn Umhverfis- og samgöngusviðs dags. 29. mars 2011 og umsögn skipulagsstjóra dags. 31. mars 2011.
Neikvætt með vísan til umsagnar skipulagsstjóra.
15.11 Snorrabraut 37, (fsp) stækkun á lóð
Lögð fram fyrirspurn Einars Sörla Einarssonar dags. 9. desember 2010 ásamt bréfi dags. 8. desember 2010 varðandi stækkun á lóðinni nr. 37 við Snorrabraut. Fyrirspurninni var vísað til umsagnar hjá Framkvæmda- og eignasviði og Umhverfis- og samgöngusviði vegna lóðarstækkunar. Fyrirspurnin er nú lögð fram að nýju ásamt umsögn Framkvæmda- og eignasviðs dags. 12. janúar 2011 ásamt umsögn Umhverfis- og samgöngusviðs dags. 28. mars 2011.
Kynna formanni skipulagssráðs.
16.11 >Vættaborgir 15-25 og 27-35, breyting á skilmálum
Að lokinni auglýsingu er lögð fram að nýju tillaga Skipulags- og byggingarsviðs Reykjavíkur dags. 6. janúar 2011 að breytingu á skilmálum deiliskipulags Borgarholts 2, Borgarhverfis A vegna lóðanna nr. 15-25 og 27-35 við Vættaborgir. Í breytingunni felst aukning á byggingarmagni en byggingarreitir haldast óbreyttir. Erindið var auglýst frá 9. febrúar 2011 til og með 23. mars 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.

17.11 Haukdælabraut 124-126, (fsp) breyting á deiliskipulagi
Lögð fram fyrirspurn Hilmars Einarssonar dags. 30. mars 2011 varðandi breytingu á deiliskipulagi Reynisvatnsás vegna lóðarinnar nr. 124-126 við Haukdælabraut. Í breytingunni felst færsla á byggingarreit.
Vísað til meðferðar hjá verkefnisstjóra svæðisins.
18.11 Háagerði 39, (fsp) viðbygging
Lagt fram bréf frá afgreiðslufundi byggingarfulltrúa frá 29. mars 2011 þar sem spurt er hvort leyft yrði að byggja viðbyggingu á skipulögðum bílskúrsreit við raðhúsið á lóð nr. 39 við Háagerði.
Til vara er spurt hvort byggja megi bílskúr sem innangengt væri í og notaðist til íbúðar á sömu lóð.
Vísað til umsagnar verkefnastjóra svæðisins.
19.11 Klettasvæði, Skarfabakki, breyting á deiliskipulagi
Lagt fram erindi Faxaflóahafna dags. 28. mars 2011 varðandi breytingu á deiliskipulagi Klettasvæðis, Skarfabakka vegna lóðanna nr. 1-3 við Korngarða og 4 við Klettagarða. Í breytingunni felst að stækka lóðina nr. 4 við Klettagarða til austurs, skipta lóðinni nr. 1-3 við Korngarða í tvær lóðir, lengja Skarfabakka um 200 metra með landfyllingu ásamt því að sjóvarnargarðurinn Ábóti er fjarlægður, samkvæmt uppdrætti ASK arkitekta dags. 23. mars 2011.
Vísað til skipulagsráðs.
20.11 Langagerði 32, risæð, svalir, sólstofa
Lagt fram bréf frá afgreiðslufundi byggingarfulltrúa frá 29. mars 2011 þar sem sótt er um leyfi til að breyta einhalla skúrþaki með því að koma fyrir rishæð með mænisþaki á húsið, með tvo kvisti á sitt hvorri þakhlið, einnig er sótt um að byggja sólstofu á 1. hæð með svölum yfir hluta, í einbýlishúsnæðinu á lóð nr. 32 við Langagerði.
Jákvæð fyrirspurn BN042543 dags. 15. febrúar 2011 þar sem spurt var hvort leyfi fengist til að setja ris með kvistum á einbýlishúsið.
Stækkun: XX ferm., XX rúmm.
Gjald kr. 8.000 + XX
Vísað til meðferðar hjá verkefnisstjóra svæðisins.
21.11 Reykjavíkurflugvöllur, Flugfélag Íslands, breyting á byggingarmagni
Lagt fram erindi Flugfélags Íslands dags. 25. mars 2011 varðandi endurbætur og viðbygginu flugstöðvar Flugfélags Ísland á Reykjavíkurflugvelli samkvæmt tillögu Kurtogpí dags. 25. mars 2011.
Kynna formanni skipulagsráðs.