Geirsgata 11, Grandagarður 1-35, Hraunbær 121, Háskóli Íslands, Lóuhólar 2-6, Mýrargata 2-8, Ránargata 9A, Sjafnargata 11, Stuðlaháls 1, Vesturgata 27, Höfðabakki 1, Templarasund 3, Borgartúnsreitur vestur, Grundargerði 12, Bugðulækur 17, Suðurlandsbraut 58-64 og 66, Leirur, Lóðarumsókn fyrir leikskóla, Úlfarsfell,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

338. fundur 2011
Ár 2011, föstudaginn 18. febrúar kl. 09:25, hélt skipulagsstjóri Reykjavíkur 338. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Margrét Þormar, Bragi Bergsson, Jóhannes Kjarval, Björn Ingi Edvardsson, Lilja Grétarsdóttir og Margrét Leifsdóttir. Ritari var Harri Ormarsson.
Þetta gerðist:

1.11 Geirsgata 11, (fsp) brugghús
Á fundi skipulagsstjóra 6. janúar 2011 var lagt fram bréf frá afgreiðslufundi byggingarfulltrúa frá 21. desember 2010 þar sem spurt er hvort leyfi fengist til að setja upp brugghús á 1. hæð sem framleiðir bjór á staðnum og verður seldur á veitingastað í ótilgreindum flokki. Erindinu var vísað til umsagnar Faxaflóahafna og er nú lagt fram að nýju ásamt umsögn Faxaflóahafna dags. 14. janúar 2011 og skipulagsstjóra dags. 10. febrúar 2011.
Ekki gerð athugasemd við erindið með vísan til umsagnar skipulagsstjóra.
2.11 Grandagarður 1-35, breyting á deiliskipulagi
Lagt fram erindi Faxaflóahafna sf. dags. 14. febrúar 2011 varðandi breytingu á deiliskipulagi Vesturhafnar vegna lóðanna nr. 1, 1a, 1b, 3, 5, 7, 9, 11, 13, 13b, 7-11b og 13a-35 við Grandagarð. Í breytingunni felst að lóðirnar nr. 7-11b og nr. 13b eru felldar út, lóð nr. 13a-35 verður lóð nr. 15-37, lóðirnar 9 og 11 verður ein lóð nr. 9-11 ásamt því að breyting verður á kvöðum, samkvæmt uppdrætti Teiknistofu arkitekta Gylfa Guðjónssonar og félaga ehf. dags. 12. janúar 2011, breyttur 3. febrúar 2011.
Samþykkt að grenndarkynna tillöguna fyrir hagsmunaaðilum að Fiskislóð 2-8, 10 og 12 og Grandagarði 2, þegar uppdrættir hafa verið lagfærðir.
3.11 Hraunbær 121, snyrting og breyta í flokk 2
Lagt fram bréf frá afgreiðslufundi byggingarfulltrúa frá 15. febrúar 2011 þar sem sótt er um leyfi til að breyta erindi BN042474 dags. 25. jan. 2011 þannig að komið verður fyrir salerni og að breyta flokki veitingarstaðarins í rými 0102 úr flokki I í flokk II í verslunarhúsi á lóð nr. 121 við Hraunbæ.
Bréf frá hönnuði dags. 8. febrúar 2011 fylgir.
Gjald kr. 8.000

Vísað til umsagnar hjá verkefnisstjóra svæðisins.
4.11 Háskóli Íslands, deiliskipulag vestan Suðurgötu, Árnastofnun
Að lokinni auglýsingu er lögð fram að nýju erindi Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður byggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsinu samkvæmt uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var áður auglýst frá 19. desember 2008 til og með 5. febrúar 2009. Athugasemd barst frá: Kristínu Björgu Helgadóttur dags. 5. febrúar 2009 f.h. húsfélagsins að Birkimel 8, 8A og 8B. Einnig eru lögð fram bréf fulltrúa Háskóla Íslands, Félagsstofnun stúdenta og Þjóðminjasafns Íslands dags. 17. febrúar 2009, bréf Teiknistofu Gylfa Guðjónssonar og félaga dags. 2. febrúar 2009, umsögn skipulagsstjóra dags. 27. febrúar 2009, umsögn umhverfis- og samgöngusviðs dags. 26. febrúar 2009 ásamt bréfi Háskóla Íslands dags. 10. mars 2009 með drögum af samgöngustefnu HÍ. Tillagan var endurauglýst frá 29. desember 2011 til og með 9. febrúar 2011. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
5.11 Lóuhólar 2-6, tölvupóstur skrifstofu borgarstjórnar
Lagður fram tölvupóstur skrifstofu borgarstjórnar dags. 16. febrúar 2011 þar sem óskað er eftir umsögn um rekstraleyfi fyrir veitingastaði í flokki 2 í Lóuhólum 2-6. Annars vegar vegna umsóknar Sukhotai ehf. um rekstarleyfi fyrir veitingastaðinn Thafood og hinsvegar vegna umsóknar Vörulagersins ehf. um rekstrarleyfi fyrir veitingastaðinn Hlöllabáta.
Vísað til umsagnar hjá verkefnisstjóra svæðisins.
6.11 Mýrargata 2-8, hótel og stækkun 4. hæð
Lagt fram bréf frá afgreiðslufundi byggingarfulltrúa frá 15. febrúar 2011 þar sem sótt er um leyfi til að innrétta hótel, byggja inndregna 4. hæð og sameina tvo matshluta í einn í gamla Slipphúsinu á lóð nr. 2-8 við Mýrargötu.
Stærðir Stækkun : xx ferm., xx rúmm.Samtals: 4.141,2 ferm., 13.741,1 rúmm. Gjöld kr. 8.8000 + xx

Vísað til umsagnar Faxaflóahafna og verkefnisstjóra svæðisins
7.11 Ránargata 9A, (fsp) gistiheimili
Á fundi skipulagsstjóra 11. febrúar 2011 var lögð fram fyrirspurn Skúla Arnar Andréssonar dags. 9. febrúar 2011 varðandi rekstur á gistiheimili að Ránargötu 9A. Fyrirspurninni var vísað til meðferðar hjá verkefnisstjóra svæðisins og er nú lögð fram að nýju. Einnig lagt fram bréf eigenda dags. móttekið 15. febrúar 2011.
Vísað til umsagnar lögfræði og stjórnsýslu.
8.11 Sjafnargata 11, viðbygging og endurbætur
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 11. janúar 2011 þar sem sótt er um leyfi til að byggja við úr steinsteypu nýja innganga til austurs og vesturs, byggja flatt þak yfir svalir, lækka gólf í hluta kjallara og fjarlægja klæðningu utan af húsinu og múra með múrkerfi í ljósum lit, sbr. fyrirspurn BN042289, einbýlishúsið á lóð nr. 11 við Sjafnargötu. Erindið var grenndarkynnt frá 20. janúar 2011 til og með 17. febrúar 2011. Lagt fram bréf Þórdísar Arnljótsdóttur dags. 17. febrúar 2011 þar sem óskað er eftir framlengingu á fresti vegna grenndarkynningar.
Meðfylgjandi er bréf arkitekts dags. 2. nóvember 2010, umsögn skipulagsstjóra dags. 18. nóvember 2010 ásamt útskrift úr gerðabók embættisafgreiðslufundar skipulagsstjóra dags. 19. nóvember 2010.
Stækkun 68 ferm., xx rúmm.
Gjald kr. 7.700 + xx

Samþykkt að framlengja grenndarkynningu til 1. mars 2011.
9.11 Stuðlaháls 1, (fsp) færsla á hreinsistöð
Lögð fram fyrirspurn Gests Ólafssonar dags. 16. febrúar 2011 varðandi færslu á mögulegri hreinsistöð, samkvæmt uppdrætti Skipulags- arkitekta- og verfræðistofunnar ehf. dags. 15. febrúar 2011.
Vísað til umsagnar hjá verkefnisstjóra svæðisins.
10.11 Vesturgata 27, opið skýli úr timbri
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 21. desember 2010 þar sem sótt er um leyfi til að byggja opið skýli úr timbri austan við einbýlishúsið á lóð nr. 27 við Vesturgötu. Tillagan var grenndarkynnt frá 12. janúar 2011 til og með 9. febrúar 2011. Eftirtaldir aðilar sendu inn athugasemdir: Eyjólfur Baldursson og Baldur E. Jensson dags. 11. febrúar 2011.
Frestað.
11.11 Höfðabakki 1, breyting á deiliskipulagi
Lagt fram erindi Nexus arkitekta dags. 15. febrúar 2011 varðandi breytingu á deiliskipulagi Ártúnshöfða eystri vegna lóðarinnar nr. 1 við Höfðabakka. Í breytingunni felst að byggingarreitur er stækkaður fyrir mögulega skemmubyggingu í austurátt, samkvæmt uppdrætti Nexus arkitekta dags. 14. febrúar 2011.
Vísað til umsagnar hjá verkefnisstjóra svæðisins.
12.11 Templarasund 3, (fsp) Templarasund 3/Kirkjutorg 4 - hótelíbúðir
Lagt fram bréf frá afgreiðslufundi byggingarfulltrúa frá 15. febrúar 2011 þar sem spurt er hvort leyft yrði að stækka 4. hæð Kirkjuhvols um 18,3 ferm., koma fyrir lyftu, innrétta 10 hótelíbúðir á 2. 3. og 4. hæð í því húsi, einnig að breyta tveimur íbúðum í hótelíbúðir á 3. hæð húss nr. 3 við Templarasund.
Erindi fylgir minnisblað um brunavarnir frá verkfræðistofunni Mannvit dags. 9. febrúar 2011.
Vísað til umsagnar hjá verkefnisstjóra svæðisins.
13.11 Borgartúnsreitur vestur, deiliskipulag staðgreinireitur 1.216
Að lokinni auglýsingu er lögð fram að nýju tillaga Vinnustofunnar Þverá að deiliskipulagi Borgartúnsreits vestur samkvæmt uppdrætti dags. 30. nóvember 2010. Í tillögunni felst að byggingarmagn er aukið á reitnum, einkum meðfram Guðrúnartúni/ Sætúni, þar sem gert verður ráð fyrir blandaðri byggð. Gert er ráð fyrir bílageymslum neðanjarðar og fækkun bílastæða ofanjarðar. Innan reitsins verður opinn garður. Tillagan var auglýst frá 29. desember 2010 til og með 9. febrúar 2011. Eftirtaldir aðilar sendu inn athugasemdir: Þórdís L. Guðmundsdóttir f.h. hverfisráðs Laugardals dags. 24. janúar 2011, Stólpar dags. 8. febrúar 2011 og THG arkitektar f.h. Húsfélagsins Sætúni 1 dags. 8. febrúar 2011.
Athugasemdir kynntar.
Frestað.
14.11 Grundargerði 12, (fsp) viðbygging - stækka baðherbergi
Lagt fram bréf frá afgreiðslufundi byggingarfulltrúa frá 15. febrúar 2011 þar sem spurt er hvort leyfi fengist til að byggja viðbyggingu á 1. hæð við suðurhlið sem snýr út á baklóð í tveimur pörtum á lóð nr. 12 við Grundargerði. Einnig lögð fram umsögn skipulagsstjóra dags. 18. febrúar 2011.
Ekki gerð athugasemd við erindið. Byggingarleyfisumsókn verður grenndarkynnt berist hún.
15.11 Bugðulækur 17, (fsp) þaksvalir
Lögð fram fyrirspurn Ragnheiðar Hauksdóttur dags. 14. febrúar 2011 um að endurnýja handrið á þaki bílskúrsins á lóð nr. 17 við Bugðulæk.
Vísað til umsagnar hjá verkefnisstjóra svæðisins.
16.11 Suðurlandsbraut 58-64 og 66, (fsp) tengibygging
Á fundi skipulagsstjóra 4. febrúar 2011 var lögð fram fyrirspurn Grundar Markar ehf. dags. 20. janúar 2011 varðandi tengibyggingu á milli húsanna á lóðunum nr. 58-64 og 66 við Suðurlandsbraut, auk þess er fyrirhugað að fjölga bílastæðum, byggja gróðurhús og kofa undir hænsnahald samkvæmt uppdr. Yrki arkitekta dags. 19. janúar 2011. Fyrirspurninni var vísað til umsagnar hjá verkefnisstjóra svæðisins og er nú lögð fram að nýju ásamt umsögn skipulagsstjóra dags. 16. febrúar 2011.
Vísað til umsagnar heilbrigðiseftirlits vegna hænsnakofa.
17.11 Leirur, (fsp) starfsaðstaða v/hundahótels
Á fundi skipulagsstjóra 4. febrúar 2011 var spurt hvort byggja megi úr timbri aðstöðuhús fyrir starfsfólk með kaffistofu, salerni o.fl. við Hundahótelið Leirum á Álfsnesi landnr. 125834. Erindinu var frestað og er nú lagt fram að nýju ásamt umsögn skipulagsstjóra dags. 7. febrúar 2011. Útskrift úr gerðabók embættisafgreiðslufundar skipulagsstjóra frá 21. janúar 2011 fylgir erindinu.
Umsögn skipulagsstjóra samþykkt.
18.11 Lóðarumsókn fyrir leikskóla, bréf
Lagt fram bréf Örnu Hrannar Aradóttur og Konráðs Gylfasonar dags. 8. febrúar 2011 varðandi lóð fyrir einkarekinn leikskóla.
Kynna formanni skipulagsráðs.
19.11 Úlfarsfell, (fsp) fjarskiptarekstur
Á fundi skipulagsstjóra 27. janúar 2011 var lögð fram fyrirspurn Og fjarskipta ehf. dags. 23. desember 2010 varðandi aðstöðu til fjarskiptareksturs á Úlfarsfelli. Einnig lögð fram umsögn Umhverfis- og samgöngusviðs dags. 26. janúar 2011. Fyrirspurninni var vísað til umsagnar hjá Geislavörnum ríkisins og er nú lagt fram að nýju ásamt umsögn Geislavarna ríkisins dags. 16. febrúar 2011.

Kynna formanni skipulagsráðs.