Aðalstræti 7, Ásvallagata 17, Hólmaslóð olíustöð 3, Hringbraut 46, Sjafnargata 11, Slippa- og Ellingsenreitur, Tjarnargata 37, Vesturgata 5B, Borgartún 35, Hólmvað 54-70, Almannadalur 25-29, Skíðaskáli KR 125756, Vegbrekkur 9-15, Leiðhamrar 1, Starengi 50, 52, 80, 82, 106 og 108, Melgerði 1, Sogavegur 73-75, Suðurlandsbraut 14, Reitur 1.180.3, Reykjavíkurflugvöllur,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

326. fundur 2010
Ár 2010, föstudaginn 12. nóvember kl. 13:15, hélt skipulagsstjóri Reykjavíkur 326. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Guðfinna Ósk Erlingsdóttir Eftirtaldir embættismenn kynntu mál á fundinum: Margrét Þormar, Jóhannes S. Kjarval, Lilja Grétarsdóttir, Björn Axelsson og Þórarinn Þórarinsson Ritari var Helga Björk Laxdal
Þetta gerðist:

1.10 Aðalstræti 7, kaffihús 1. hæð
Á fundi skipulagsstjóra 5. nóvember 2010 var lagt fram bréf frá afgreiðslufundi byggingarfulltrúa frá 26. október 2010 þar sem sótt er um leyfi til að breyta notkun 1. hæðar í kaffihús í flokki II í húsi á lóð nr. 7 við Aðalstræti. Einnig er lagt fram bréf GP-arkitekta dags. 8. nóvember 2010. Erindinu var frestað og er nú lagt fram að nýju.
Bréf frá eigendum Vallarstræti 4 fylgir dags. 7. og 14. október 2010.
Gjald kr. 7.700
Ekki eru gerðar skipulagslegar athugasemdir við erindið.
2.10 Ásvallagata 17, stálsvalir
Lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að setja upp járnsvalir á íbúðir 0101, 0102, 0201, 0202, 0301 og 0401í fjölbýlishúsinu á lóð nr. 17 við Ásvallagötu.
Samþykki meðeigenda ódagsett, jafnframt bréf frá umsækjanda ódagsett.
Jákvæð fyrirspurn BN041759 dags. 13. júlí 2010 fylgir erindinu.
Gjald kr. 7.700
Samþykkt að grenndarkynna framlagða tillögu fyrir hagsmunaaðilum að Ásvallagötu 15 og Blómvallagötu 11.
3.10 Hólmaslóð olíustöð 3, uppsetning tveggja stálgeyma
Á fundi skipulagsstjóra 5. nóvember 2010 var lagt fram bréf frá afgreiðslufundi byggingarfulltrúa frá 2. nóvember 2010 þar sem sótt er um leyfi til setja upp tvo stálgeyma fyrir díselolíu, hvor um sig geymir 95 rúmm. af olíu og hvíla á steinsteyptum undirstöðum á lóð nr. 3 við Hólmaslóð olíustöð. Erindinu var vísað til umsagnar hjá verkefnisstjóra svæðisins.
Stærð geyma: XX ferm og XX rúmm.
Gjald kr. 7.700 + XX
Vísað til umsagnar hjá Faxaflóahöfnum.
4.10 Hringbraut 46, klæðning og svalir
Á fundi skipulagsstjóra 5. nóvember 2010 var lagt fram bréf frá afgreiðslufundi byggingarfulltrúa frá 2. nóvember 2010 þar sem sótt er um leyfi til að byggja svalir úr stáli og timbri á 2. hæð og að klæða austurgafl með bárujárnsklæðningu festa á trégrind, einangruð með 50 mm steinull í fjölbýlishúsinu á lóð nr. 46 við Hringbraut. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 12. nóvember 2010.
Samþykki meðeigenda ódags. fylgir.
Gjald kr. 7.700
Frestað.
Lagfæra þarf uppdrætti til samræmis við athugasemdir í umsögn skipulagsstjóra.
6.10 Sjafnargata 11, (fsp) viðbygging
Lagt fram bréf frá afgreiðslufundi byggingarfulltrúa frá 9. nóvember 2010 þar sem spurt er hvort byggja megi anddyri til austurs, annað til vesturs, yfir svalir með flötu þaki, nýjan inngang í kjallara að utan og lækka gólf þar í einbýlishúsi á lóð nr. 11 við Sjafnargötu.
Meðfylgjandi er svar skipulagsstjóra dags. 23.8. 2010 við fyrirspurn.
Vísað til umsagnar hjá verkefnisstjóra svæðisins.
8.10 Slippa- og Ellingsenreitur, breyting á deiliskipulagi vegna reits R16
Að lokinni auglýsingu er lagt fram að nýju erindi Faxaflóahafna dags. 17. september 2010 varðandi breytingu á deiliskipulagi reits Slippa- og Ellingsenreits vegna reits R16 samkvæmt uppdrætti dags. 16. september 2010. Í breytingunni felst að á lóðina verður flutt 20. aldar hús, fiskþurrkunarhúsið Sólfell. Auglýsingin stóð yfir frá 29. september 2010 til og með 10. nóvember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
9.10 Tjarnargata 37, viðbygging, br.úti og inni
Lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að byggja garðskála til austurs úr timbri og breyta gluggum í hurðir í kjallara, færa eldhús og baðherbergi til og hlaða vegg á lóðamörkum með timburskýlum fyrir garðáhöld, hjól og sorp.
Umsögn Minjasafns Reykjavíkur dags. 8. nóvember 2010 fylgir erindinu.
Stækkun 22,1 ferm., 61 rúmm.
Gjald kr. 7.700 + 4.697
Samþykkt að grenndarkynna framlagða tillögu fyrir hagsmunaaðilum að Tjarnargata 35, 39 og 40 ásamt Bjarkargötu 2.
11.10 Vesturgata 5B, breyting á deiliskipulagi Grjótaþorps
Að lokinni auglýsingu er lögð fram að nýju tillaga Argos dags. 14. desember 2007 að breytingu á deiliskipulagi Grjótaþorps vegna flutnings Gröndalshúss á lóð nr. 5B við Vesturgötu. Auglýsingin stóð yfir frá 29. september 2010 til og með 10. nóvember 2010. Engar athugasemdir bárust.
Samþykkt að framlengja frest til að gera athugasemdir við tillöguna 4. janúar 2011
Samþykkt að upplýsa hagsmunaaðila á svæðinu.
12.10 Borgartún 35, (fsp) stækkun húss
Lögð fram fyrirspurn Hlutdeildar, deild vinnudeilusjóðs dags. 8. nóvember 2010 varðandi stækkun á húsi nr. 35 við Borgartún samkvæmt uppdr. GP-arkitekta dags. 3. nóvember 2010. Einnig er lagt fram bréf GP-arkitekta dags. 3. nóvember 2010. Einnig er lögð fram umsögn skipulagsstjóra dags. 12. nóvember 2010.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi sem er í samræmi við niðurstöðu í umsögn skipulagsstjóra, á eigin kostnað. Tillagan verður auglýst.
13.10 Hólmvað 54-70, breyting á deiliskipulagi
Að lokinni auglýsingu er lagt fram að nýju erindi Jóns Guðmundssonar dags. 8. september 2010 varðandi breytingu á deiliskipulagi Norðlingaholts vegna lóðarinnar nr. 54-70 við Hólmvað. Í breytingunni felst að lóð er stækkuð samkvæmt uppdrætti dags. 25. ágúst 2010. Auglýsingin stóð yfir frá 29. september 2010 til og með 10. nóvember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
14.10 Almannadalur 25-29, nr. 25 stækkun á gerði
Lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að stækka gerði um 1,5 metra til norðausturs við hesthús nr. 25, þar sem reiðstígur sem átti að vera hefur verið lagður af vegna hæðarmunar í lóð nr. 25 - 29 við Almannadal.
Tölvupóstur um samþykki frá Hestamannafélaginu Fáki dags. 5. nóv. 2010 fylgir.
Gjald kr. 7.700
Vísað til umsagnar hjá verkefnisstjóra svæðisins.
17.10 Skíðaskáli KR 125756, niðurrif
Lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til niðurrifs skíðaskála Knattspyrnufélags Reykjavíkur með landnúmer 125756 í Skálafelli.
Gert er ráð fyrir að farga skálanum í eldi og nota tækifærið til æfinga fyrir SHS. Meðfylgjandi eru tölvupóstar milli Jónasar Kristinssonar og Jóns Fr. Jóhannssonar SHS.
Gjald kr. 7.700
Frestað.
Umsögn Minjasafns Reykjavíkur liggur ekki fyrir.
18.10 Vegbrekkur 9-15, breyting frá samþ. máli
Lagt fram bréf frá afgreiðslufundi byggingarfulltrúa frá 9. nóvember 2010 þar sem sótt er um leyfi til að breyta áður samþykktu erindi BN041956 dags. 2 nóvember 2010 þannig að komið verður fyrir svalahandriði ofan á taðgeymslu, súlur breikkaðar og stigi breikkaður í hesthúsi nr. 9 á lóð nr. 9 til 15 við Vegbrekkur.
Gjald kr. 7.700
Ekki eru gerðar athugasemdir við erindið. Samræmist deiliskipulagi.
20.10 Leiðhamrar 1, breyting á deiliskipulagi
Lagt fram erindi Sæmundar Sævarssonar dags. 2. nóvember 2010 varðandi breytingu á deiliskipulagi Hamrahverfis vegna lóðarinnar nr. 1 við Leiðhamra. Í breytingunni felst stækkun á húsi samkvæmt uppdrætti Teiknistofu Björns Jóhannssonar dags. 20. október 2010.
Frestað.
Lagfæra þarf uppdrætti.
21.10 Starengi 50, 52, 80, 82, 106 og 108, breyting á deiliskipulagi
Að lokinni auglýsingu er lagt fram að nýju erindi Arkís ehf. dags. 3. september 2010 ásamt uppdrætti dags s.d. varðandi breytingu á deiliskipulagi Engjahverfi, hluta C vegna lóðanna nr. 50, 52, 80, 82, 106 og 108. Í breytingunni felst stækkun lóðanna til austurs um 2 metra. Auglýsingin stóð yfir frá 29. september 2010 til og með 10. nóvember 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
24.10 Melgerði 1, lóðarstækkun
Að lokinni kynningu er lögð fram að nýju umsókn Magnúsar Jenssonar dags. 16. júlí 2010 um stækkun lóðar nr. 1 við Melgerði samkvæmt uppdrætti dags. 27. september 2010. Kynning stóð yfir frá 27. október 2010 til og með 10. nóvember 2010. Eftirtaldir aðilar sendu inn athugasemdir: Guðríður Þorvaldsdóttir dags. 2. nóvember, undirskriftalisti 11 íbúa að Búðagerði 4, 8 og 10 ásamt Byggðarenda 15 og Jón Þorsteinsson dags. 8. nóvember 2010.
Vísað til umsagnar hjá verkefnisstjóra svæðisins.
25.10 Sogavegur 73-75, (fsp) uppbygging
Á fundi skipulagsstjóra 5. nóvember 2010 var lögð fram fyrirspurn Ingvars Ingvarssonar dags. 3. nóvember 2010 varðandi uppbyggingu á lóðinni nr. 75 við Sogaveg. .
Kynna formanni skipulagsráðs.
26.10 Suðurlandsbraut 14, (fsp) bílastæðamál
Lögð fram fyrirspurn Reginn ehf. dags. 9. nóvember 2010 varðandi bílastæði á lóðinni nr. 14 við Suðurlandsbraut.
Vísað til umsagnar hjá verkefnisstjóra svæðisins.
27.10 Reitur 1.180.3, breyting á aðalskipulagi
Lögð fram eftir kynningu fyrir hagsmunaaðilum, tillaga Skipulags- og byggingarsviðs að leiðréttingu á villu á gildandi aðalskipulagsuppdrætti er varðar landnotkun reits 1.180.3. Vegna mistaka í prentun uppdráttar er reiturinn sem afmarkast af Bergstaðastræti til vesturs, Óðinsgötu til austurs og miðborgarsvæði til norðurs merktur sem athafnasvæði en á að vera íbúðarsvæði. Breyting og leiðrétting var kynnt fyrir hagsmunaaðilum á reitnum með bréfi dags. 21. október 2010. Athugasemdarbréf barst frá Lex lögmannsstofu dags. 3. nóvember 2010.
Vísað til afgreiðslu hjá lögfræði og stjórnsýslu.
28.10 Reykjavíkurflugvöllur, (fsp) lóðaafmörkun
Lagt fram erindi Halldórs Guðmundssonar f.h. Isavia dags. 17. nóvember 2010, þar sem spurt er um afmörkun lóðar fyrir flugstjórnarmiðstöð og skrifstofur Isavia innan Reykjavíkurflugvallar.
Vísað til umsagnar hjá verkefnisstjóra svæðisins.