Hverafold 130, Kjalarnes, Mógilsá og Kollafjörður, Seilugrandi, Sævarhöfði, Miðhús 2, Mosarimi 32-36, Álagrandi 6, Bakkagerði 14, Háagerði 22, Hlíðargerði 6, Laugavegur 4-6, Skipulagsreglugerð, Bræðraborgarstígur 10, Skáldastígur, Vesturgata 2, Laugavegur 166, Aðalskipulag Reykjavíkur, Haukdælabraut 11-15,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

320. fundur 2010

Ár 2010, föstudaginn 1. október kl. 10:15 var haldinn 320. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:


1.10 Hverafold 130, bílskúr
Á fundi skipulagsstjóra 27. ágúst 2010 var lagt fram erindi frá afgreiðslufundi byggingarfulltrúa frá 10. ágúst 2010 þar sem sótt er um leyfi til að byggja bílskúr sem er steyptur á staðnum og tilheyrir íbúð 01010 í tvíbýlishúsinu á lóð nr. 130 við Hverafold. Erindinu var frestað og er nú lagt fram að nýju.
Samþykki meðlóðarhafa og nágranna af húsum nr. 29 - 35 og 128.
Stærð: 35,2 ferm., 133,9 rúmm.
Gjald kr. 7.700 + 10.310

Vísað til umsagnar hjá verkefnisstjóra svæðisins.

2.10 Kjalarnes, Mógilsá og Kollafjörður, breyting á deiliskipulagi
Lagt fram erindi Vegagerðarinnar dags. 30. september 2010 varðandi breytingu á deiliskipulagi Mógilsár og Kollafjarðar. Breytingin felur í sér gatnamót og stoppistöð fyrir almenningsvagna ásamt nýrri vegtengingu að bílastæðum við gönguleið á Þverfellshorn, samkvæmt uppdrætti Landmótunar dags. 29. september 2010.
Vísað til skipulagsráðs.

3.10 Seilugrandi, lóðaafmörkun
Lagt fram erindi Orkuveitu Reykjavíkur dags. 29. september 2010 varðandi afmörkun á lóð fyrir dælustöð fráveitu við enda Seilugranda, samkvæmt uppdrætti Orkuveitu Reykjavíkur dags. 20. september 2010.
Vísað til skipulagsráðs.

4.10 Sævarhöfði, breyting á deiliskipulagi
Lagt fram erindi Orkuveitu Reykjavíkur dags. 13. september 2010 varðandi breytingu á deiliskipulagi Elliðaárdals vegna afmörkunar lóðar fyrir dælustöð fráveitu norðan endurvinnslustöðvar Sorpu að Sævarhöfða 21, samkvæmt lagfærðum uppdrætti Orkuveitu Reykjavíkur dags. 10. september 2010.
Vísað til skipulagsráðs.

5.10 Miðhús 2, (fsp) breyting á deiliskipulagi
Lögð fram fyrirspurn Unnsteins Grétarssonar dags. 30. september 2010 varðandi breytingu á deiliskipulagi Húsahverfis vegna gangstéttar sem liggur niður með húseigninni Miðhús 2. Í breytingunni fellst að fella niður gangstéttina samkvæmt meðfylgjandi skissu.
Vísað til umsagnar hjá verkefnisstjóra svæðisins.

6.10 Mosarimi 32-36, breyting á deiliskipulagi
Á fundi skipulagsstjóra 10. september 2010 var lögð fram umsókn Plan arkitekta dags. 9. september 2010 um breytingu á deiliskipulagi Rimahverfis G-hluta vegna lóðar nr. 32-36, samkvæmt uppdrætti dags. 8. september 2010. Sótt er um stækkun byggingarreits vegna sólstofu. Erindinu var vísað til meðferðar hjá verkefnistjóra svæðisins og er nú lagt fram að nýju.
Neikvætt. Samræmist ekki deiliskipulagi.

7.10 Álagrandi 6, (fsp) lóð
Á fundi skipulagsstjóra 17. september 2010 var lögð fram fyrirspurn Sigurjóns Ólafssonar dags. 13. september 2010 um að planta lággróðri og þökuleggja á lóð borgarinnar norðan við lóð nr. 6 við Álagranda. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra 30. september 2010.
Neikvætt, með vísan til umsagnar skipulagsstjóra.

8.10 Bakkagerði 14, breyting á deiliskipulagi
Lagt fram erindi Gísla H. Jónssonar dags. 29. september 2010 varðandi breytingu á deiliskipulagi Teigagerðis vegna lóðarinnar nr. 14 við Bakkagerði. Í breytingunni felst að byggingarreitur er stækkaður til vestur svo byggja megi garðstofu á suð-vesturhorn hússins, samkvæmt uppdrætti Sveins Arnarsonar dags. 25. ágúst 2010.
Samþykkt að grenndarkynna framlagða tillögu fyrir hagsmunaaðilum að Bakkagerði 16.

9.10 Háagerði 22, (fsp) bílskúr
Lagt fram bréf frá afgreiðslufundi byggingarfulltrúa frá 28. september 2010 þar sem spurt er hvort leyfi fengist til að byggja bílskúr á lóð nr. 22 við Háagerði.
Vísað til umsagnar hjá verkefnisstjóra svæðisins.

10.10 Hlíðargerði 6, stækkun
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 31. ágúst 2010 þar sem sótt er um stækkun á stofu úr steinsteypu með timburþaki til suðurs, stækkun á anddyri og að byggja nýjan kvist til suðvesturs sbr. fyrirspurn BN040993 á einbýlishús á lóð nr. 6 við Hlíðargerði. Grenndarkynning stóð yfir frá 9. september 2010 til og með 7. október 2010 en þar sem samþykki allra hagsmunaaðila liggur fyrir er erindið nú lagt fram að nýju.
Samþykki nágranna á Hlíðargerði 4, 5 og 8 og á Melgerði 11 fylgir.
Stærðir fyrir stækkun mhl. 01: 158.,6 ferm., 417,4 rúmm.
Stækkun: 42,7 ferm., 97,1 rúmm.
Stærðir eftir stækkun: 201,3 ferm., 514,5 rúmm.
Bílskúr mhl. 02 er óbreyttur 36,3 ferm.
Gjöld kr. 7.700 + 7.477
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.


11.10 Laugavegur 4-6, lokun svæðisins
Lagðar fram tillögur Framkvæmda- og eignasviðs Reykjavíkur að grindverki lóðarinnar nr. 4-6 við Laugaveg.
Kynna formanni skipulagsráðs.

12.10 Skipulagsreglugerð, orðsending skrifstofu borgarstjóra
Lögð fram orðsending skrifstofu borgarstjóra dags. 28. september 2010 ásamt erindi Skipulagsstofnunar sags. 10. september 2010 þar sem óskað er eftir ábendingum um nýja skipulagsreglugerð.
Vísað til umsagnar hjá lögfræði og stjórnsýslu.

13.10 Bræðraborgarstígur 10, (fsp) nýbygging
Lögð fram fyrirspurn S. Grímsson ehf. dags. 24. september 2010 varðandi nýbyggingu á lóð nr. 10 við Bræðraborgarstíg. Einnig lögð fram umsögn skipulagsstjóra dags. 1. október 2010.
Neikvætt, með vísan til umsagnar skipulagsstjóra.

14.10 Skáldastígur, bréf
Lögð fram orðsending borgarstjóra ásamt bréfi Kristins E. Hrafnssonar dags. 8. október 2009 varðandi Skáldastíg í Grjótaþorpi. Einnig er lögð fram umsögn Framkvæmda- og eignasviðs dags. 17. ágúst 2010, tölvupóstur borgarminjavarðar dags. 24. ágúst 2010 og umsögn/tillaga menningar- og ferðamálaráðs dags. 29. september 2010
Vísað til skipulagsráðs.

15.10 Vesturgata 2, breyting á deiliskipulagi Grófar
Lögð fram að nýju umsókn GP arkitekta f.h. Bryn ehf. dags. 28. maí 2010 um breytingu á deiliskipulagi Grófarinnar vegna lóðar nr. 2 við Vesturgötu samkvæmt uppdrætti dags. 25. maí 2010. Óskað er eftir að setja kvisti á norður- og suðurhlið, stækka lóð og grafa út kjallara og hluta lóðar. Einnig lögð fram umsögn Húsafriðunarnefndar dags. mótt. 1. september 2010.
Kynna formanni skipulagsráðs.

16.10 Laugavegur 166, nýtt anddyri
Lagt fram bréf frá afgreiðslufundi byggingarfulltrúa frá 28. september 2010 þar sem sótt er um leyfi til að byggja anddyrir úr áli og gleri á norðurhlið mhl. 01 og fækka bílastæðum um tvö, og samhliða er bílastæðum fyrir hreyfihamlaða fjölgað um eitt í tvö stæði á lóð 166 við Laugaveg.
Bréf frá hönnuði fylgir dags. 21. september 2010.
Samþykki meðeigenda fylgir dags. 21. september 2010
Stækkun: 14,1 ferm., XX rúmm.
Ekki eru gerðar skipulaglegar athugasemdir við erindið.

17.10 Aðalskipulag Reykjavíkur, Selás-Norðlingaholt mislæg göngutenging
Á fundi skipulagsstjóra 24. september 2010 var lögð fram tillaga skipulags- og byggingarsviðs dags. 23. febrúar 2010 um breytingu á Aðalskipulagi Reykjavíkur 2001-2024 varðandi gerð nýrrar mislægrar göngutengingar milli Selás og Norðlingaholts yfir Breiðholtsbraut. Einnig lagt fram bréf Vegagerðarinnar dags. 26. maí 2010. Auglýsing stóð yfir frá 6. ágúst 2010 til og með 17. september 2010. Athugasemd barst frá Hestamannafélaginu Fákur dags. 16. september 2010. Erindinu var vísað til umsagnar hjá verkefnisstjóra Aðalskipulags Reykjavíkur og er nú lagt fram að nýju ásamt umsögn skipulagsstjóra dags.
1. október 2010.
Vísað til skipulagsráðs.

18.10 Haukdælabraut 11-15, minnisblað
Á fundi skipulagsstjóra 24. september 2010 var lagt fram minnisblað Framkvæmda- og eignasviðs móttekið 9. september 2010 varðandi lóðina nr. 11-15 við Haukdælabraut. Erindinu var frestað og er nú lagt fram að nýju ásamt umsögn skipulagsráðgjafa dags. 30. september 2010.
Neikvætt með vísan til umsagnar skipulagsráðgjafa.