Kristnibraut 65-67, Vættaborgir 27, Haukdælabraut 11-15, Laugarásvegur 13, Lofnarbrunnur 36-38, Sundaborg 8, Aðalskipulag Reykjavíkur, Borgartún 8-16, Hábær 41, Norðlingabraut 6, Skaftahlíð 5, Einarsnes 64, Kjalarnes, Saurbær, Kjalarnes, Skógarás, Sogavegur 69, Traðarland 10-16, Bergstaðastræti 20, Bergstaðastræti 24B, Grundarstígsreitur, Skúlagata 28, Þórsgata 29, Hverfisgata 52, Hverfisgata 71, Vatnsmýrarvegur 10, Gelgjutangi, Engey, Heiðmörk, Hólmsheiði, deiliskipulag, Landspítali Háskólasjúkrahús við Hringbraut,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

319. fundur 2010
Ár 2010, föstudaginn 24. september kl. 11:00, hélt skipulagsstjóri Reykjavíkur 319. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Guðfinna Ósk Erlingsdóttir, Gunnhildur Gunnarsdóttir, Ágústa Sveinbjörnsdóttir, Margrét Leifsdóttir, Þórarinn Þórarinsson, Margrét Þormar, Jóhannes S. Kjarval, Björn Ingi Edvardsson og Björn Axelsson. Ritari var Helga Björk Laxdal.
Þetta gerðist:

1.10 Kristnibraut 65-67, breyting á skilmálum
Lögð fram tillaga Eyjólfs Einars Bragasonar f.h. Búseta svf dags. 10. september 2010 að breytingu á skilmálum deiliskipulags Grafarholts, svæðis 3 vegna lóðarinnar nr. 65-67 við Kristnibraut. Í breytingunni felst að fjölga íbúðum hússins um eina, úr 18 íbúðum í 19 íbúðir.
Frestað.
Tillagan verður tekin til kynningar þegar umsókn f.h. lóðarhafa hefur borist skipulags- og byggingarsviði.
2.10 Vættaborgir 27, breytingar inni og úti á 1. hæð
Lagt fram bréf frá afgreiðslufundi byggingarfulltrúa frá 21. september 2010 þar sem sótt er um leyfi til að setja glugga og hurð á vesturhlið kjallara og innrétta þar fyrir innan í óuppfylltu rými kalda geymslu í einbýlishúsi á lóð nr. 27 við Vættaborgir.
Stærðir fyrir breytingu: 248,7 ferm., 854,2 rúmm.
Stækkun: 7,7 ferm., 20,8 rúmm.
Samtals eftir stækkun: 256,4 ferm., 875,2 rúmm.
Stærð lóðar 527,0 ferm., Nýtingarhlutfall 0,486
Gjald kr. 7.700 + 1.602
Neikvætt. Erindið samræmist ekki gildandi deiliskipulagi svæðisins.
3.10 Haukdælabraut 11-15, minnisblað
Á fundi skipulagsstjóra 10. september 2010 var lagt fram minnisblað Framkvæmda- og eignasviðs móttekið 9. september 2010 varðandi lóðina nr. 11-15 við Haukdælabraut. Erindinu var frestað og er nú lagt fram að nýju.
Frestað.
4.10 Laugarásvegur 13, bílgeymslur
Að lokinni grenndarkynningu er lagt fram að nýju bréf frá afgreiðslufundi byggingarfulltrúa 30. mars 2010 þar sem sótt er um leyfi til að byggja tvöfaldan bílskúr við fjölbýlishúsið á lóð nr. 13 við Laugarásveg. Grenndarkynning stóð yfir frá 15. apríl 2010 til og með 17. maí 2010. Athugasemd barst frá Ögmundi Skarphéðinssyni arkitekt f.h. Jóhannesar Nordal dags. 11. maí 2010. Einnig lagt fram bréf Argos ehf. dags. 19. maí ásamt skuggavarpi dags. í maí 2010.
Erindi fylgir þinglýst eignaskiptayfirlýsing dags. í desember 1996.
Bílskúr: 55,7 ferm., 185,2 rúmm.
Gjald kr. 7.700 + 14.261
Frestað.
Óskað er eftir því að umsækjendur leggi fram lagfærða uppdrætti til samræmis við óskir skipulagsstjóra. Grenndarkynningin verður endurtekin þegar ný gögn berast.
5.10 Lofnarbrunnur 36-38, (fsp) innkeyrsla á lóð
Lögð fram fyrirspurn Jóns Bjarna Jónssonar dags. 22. september 2010 varðandi gangstétt við húsið nr. 36-38 við Lofnarbrunn.
Neikvætt. Erindið samræmist ekki deiliskipulagi.
6.10 Sundaborg 8, (fsp) samkomusalur/félagsheimili
Á fundi skipulagsstjóra 10. september 2010 var lagt fram bréf frá afgreiðslufundi byggingarfulltrúa frá 7. september 2010 þar sem spurt er hvort leyft yrði að innrétta félagsheimili í vörugeymslunni á lóð nr. 8 við Sundaborg. Erindi var vísað til umsagnar hjá skipulagsstjóra Faxaflóahafna og verkefnisstjóra svæðisins og er nú lagt fram að nýju ásamt umsögn Faxaflóahafna sf. dags. 21. september 2010 og umsögn skipulagsstjóra dags. 22. september 2010.
Neikvætt með vísan til framlagðra umsagna.
7.10 Aðalskipulag Reykjavíkur, Selás-Norðlingaholt mislæg göngutenging
Að lokinni auglýsingu er lögð fram að nýju tillaga skipulags- og byggingarsviðs dags. 23. febrúar 2010 um breytingu á Aðalskipulagi Reykjavíkur 2001-2024 varðandi gerð nýrrar mislægrar göngutengingar milli Selás og Norðlingaholts yfir Breiðholtsbraut. Einnig lagt fram bréf Vegagerðarinnar dags. 26. maí 2010. Auglýsing stóð yfir frá 6. ágúst 2010 til og með 17. september 2010. Athugasemd barst frá Hestamannafélaginu Fákur dags. 16. september 2010.
Vísað til umsagnar hjá verkefnisstjóra Aðalskipulags Reykjavíkur.
8.10 Borgartún 8-16, (fsp) færsla á byggingarmagni
Lögð fram að nýju fyrirspurn PK Arkitekta dags. 14. apríl 2010 varðandi breytingu á deiliskipulagi Höfðatorgsreits. Einnig er lagt fram erindi PK - Arkitekta dags. 23. september 2010 ásamt uppdráttum.
Kynna formanni skipulagsráðs.
9.10 Hábær 41, (fsp) gróðurhús
Á fundi skipulagsstjóra 17. september 2010 var lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyfi fengist til að reisa 6,12 ferm. tilbúið gróðurhús á lóð nr. 41 við Hábær. Erindi var vísað til umsagnar verkefnisstjóra svæðisins og er nú lagt fram að nýju ásamt umsögn skipulagsstjóra dags. 23. september 2010.
Umsögn skipulagsstjóra samþykkt.
10.10 Norðlingabraut 6, (fsp) aðstaða fyrir langferðarbíla
Á fundi skipulagsstjóra 17. september 2010 var lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyft yrði að byggja aðstöðu fyrir rekstur langferðabíla á lóð nr. 6 við Norðlingabraut. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 20. september 2010.
Umsögn skipulagsstjóra samþykkt.
11.10 Skaftahlíð 5, nýjar svalir á rishæð
Lagt fram bréf frá afgreiðslufundi byggingarfulltrúa frá 21. september 2010 þar sem sótt er um leyfi til að byggja svalir á 3. hæð (rishæð) inndregnar í þak á steyptri plötu fjölbýlishússins á lóð nr. 5 við Skaftahlíð.
Meðfylgjandi á teikningu er samþykki meðeigenda og nágranna á nr. 3.
Samþykkt að grenndarkynna framlagða umsókn fyrir hagsmunaaðilum að Skaftahlíð 3 ásamt Bólstaðarhlíð 4 og 6.
12.10 Einarsnes 64, viðbygging og kvistir
Á fundi skipulagsstjóra 17. september 2010 var lagt fram bréf frá afgreiðslufundi byggingarfulltrúa frá 14. september 2010 þar sem sótt er um leyfi til að byggja viðbyggingu með þaksvölum á einni hæð úr timbri á steyptum undirstöðum milli íbúðarhúss og bílskúrs og þrjá þakkvisti á einbýlishús á lóð nr. 64 við Einarsnes. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 24. september 2010.Stærðir samtals á lóð fyrir stækkun: 268,8 ferm., 608,1 rúmm.
Stækkun: 17,6 ferm., 93,6 rúmm.
Samtals á lóð eftir stækkun: 286,4 ferm., 701,7 rúmm.
Frestað.
Uppfylla þarf skilyrði sem fram koma í umsögn skipulagsstjóra.
13.10 Kjalarnes, Saurbær, sala á lóðarskika
Lagt fram erindi Önnu Sigurðardóttur dags. 22. september 2010 varðandi sölu á lóðarskika úr landi Saurbæjar. Einnig lagt fram bréf Magnúsar Leopoldssonar dags. 15. september 2010.
Vísað til umsagnar hjá verkefnastjóra svæðisins.
14.10 Kjalarnes, Skógarás, sala á lóðarskika
Lagt fram erindi Ingu Magnúsdóttur dags. 22. september 2010 varðandi sölu á lóðarskika úr landi Skógarás. Einnig lagt fram bréf Magnúsar Leopoldssonar dags. 15. september 2010.
Vísað til umsagnar hjá verkefnastjóra svæðisins.
15.10 Sogavegur 69, breyting deiliskipulag
Á fundi skipulagsstjóra 7. júlí 2010 var lagt fram erindi PK Arkitekta dags. 22. janúar 2010 varðandi breytingu á deiliskipulagi við Sogaveg vegna lóðarinnar nr. 69 við Sogaveg samkvæmt uppdrætti dags. 5. janúar 2010. Einnig lagður fram lagfærður uppdráttur dags. 29. júní 2010. Erindinu var frestað og er nú lagt fram að nýju.
Kynna formanni skipulagsráðs.
16.10 Traðarland 10-16, (fsp) stækkun húss og bygging bílskúrs
Lögð fram fyrirspurn Helgu Valsdóttur og Þóris Jensen dags. 23. september 2010 um að byggja bílskúr á lóðinni nr. 10 við Traðarland ásamt stækkun á húsi til suðurs.
Neikvætt. Samræmist ekki deiliskipulagi.
17.10 Bergstaðastræti 20, breyting á deiliskipulagi
Lagt fram erindi Laug ehf. dags. 23. september 2010 varðandi breytingu á deiliskipulagi reits 1.184.0 vegna lóðarinnar nr 20 við Bergstaðastræti. Í breytingunni felst stækkun á byggingarreit samkvæmt uppdrætti Krads arkitektúr dags. 23. september 2010.
Vísað til skipulagsráðs.
18.10 Bergstaðastræti 24B, svalir
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 31. ágúst 2010 þar sem sótt er um leyfi til setja svalir ofan á anddyrisbyggingu með aðgengi frá kvisti á einbýlishúsinu á lóð nr. 24B við Bergstaðastræti. Sbr. erindið BN040178 dags. 13. október 2009. Kynning stóð yfir frá 9. september 2010 til og með 7. október 2010 en þar sem samþykki hagsmunaaðila liggur fyrir móttekið 24. september 2010 er tillagan lögð fram að nýju.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
19.10 Grundarstígsreitur, forsögn
Á fundi skipulagsstjóra 10. september 2010 var lögð fram forsögn skipulags- og byggingarsviðs Reykjavíkur dags. í júní 2010 að deiliskipulagi Grundarstígsreits. Lagður fram tölvupóstur dags. 16. ágúst 2010 þar sem óskað er eftir að kynningartíminn á forsögn Grundarstígsreit verði framlengdur. Kynning stóð yfir frá 22. júlí 2010 til og með 2. september 2010. Eftirtaldir aðilar sendu inn ábendingar: Eigendur og íbúar á Grundarstíg 6 dags. 18. ágúst 2010 og Þröstur Eiríksson, Ragnheiður Jóna Jónsdóttir og Helgi Pétur Gunnarsson Grundarstíg 8 dags. 25. ágúst 2010. Athugasemdir voru kynntar og erindi frestað, lagt fram að nýju. Athugasemd barst frá Sigurði. H. Sigurðssyni dags. 20. september 2010.
Frestað.
20.10 Skúlagata 28, (fsp) breyting inni, hostel
Lagt fram bréf frá afgreiðslufundi byggingarfulltrúa frá 21. september 2010 þar sem spurt er hvort innrétta megi iðnaðarhús í gistiskála, kaffihús og líkamsræktarstöð á 2., 3. og 4. hæð hússins á lóð nr. 28 við Skúlagötu.
Ekki eru gerðar skipulagslegar athugasemdir við erindið.
21.10 Þórsgata 29, málskot
Á fundi skipulagsstjóra 17. september 2010 var lagt fram málskot Helgu Gunnarsdóttur f.h. Péturs H. Pálssonar dags. 10. september 2010 vegna neikvæðrar afgreiðslu skipulagsstjóra 9. júlí 2010 varðandi aukningu á byggingarmagni á lóð nr. 29 við Þórsgötu. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 24. september 2010.
Vísað til skipulagsráðs.
22.10 Hverfisgata 52, svalir á 2. hæð
Lagt fram bréf frá afgreiðslufundi byggingarfulltrúa frá 17. ágúst 2010 þar sem sótt er um leyfi til þess að setja upp svalir við suðurhlið á 2. hæð fjölbýlishússins á lóð nr. 52 við Hverfisgötu. Einnig lögð farm umsögn skipulagsstjóra dags. 24. september 2010.
Samþykki eigenda Vatnsstígs 4, með skilyrðum, innfært 23. maí 2002 ásamt umsögn brunahönnuðar dags. 21. september 2007 fylgja erindinu.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
23.10 Hverfisgata 71, breyting á deiliskipulagi
Að lokinni grenndarkynningu er lögð fram að nýju umsókn Studio Granda dags. 28. júlí 2010 varðandi breytingu á deiliskipulagi Skúlagötusvæðis vegna lóðar nr. 71 við Hverfisgötu, samkvæmt uppdrætti dags. 23. júlí 2010. Breytingin gengur út á að húsið standi áfram fremst á lóðinni og að viðbygging verði rifin og ný byggð í hennar stað. Kynning stóð yfir frá 25. ágúst 2010 til og með 22. september 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
24.10 Vatnsmýrarvegur 10, (fsp) lóð Umferðarmiðstöðvar
Á fundi skipulagsstjóra 3. september 2010 var lögð fram fyrirspurn skilanefndar Landsbanka Íslands dags. 16. júlí 2010 vegna lóðar nr. 10 við Vatnsmýrarveg, Umferðarmiðstöð. Einnig lögð fram umsögn Framkvæmda- og eignasviðs dags. 15. september 2010. Erindinu var frestað og er nú lagt fram að nýju.
Frestað.
25.10 Gelgjutangi, (fsp) dælustöð
Á fundi skipulagsstjóra 17. september 2010 var lögð fram fyrirspurn Orkuveitu Reykjavíkur dags. 13. september 2010 um að skilgreind verði lóð fyrir dælustöð fráveitu við Gelgjutanga, samkvæmt tillögu Orkuveitu Reykjavíkur dags. 10. september 2010. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 22. september 2010.
Neikvætt með vísan til umsagnar skipulagsstjóra.
26.10 Engey, orðsending borgarstjóra
Lögð fram orðsending borgarstjóra dags. 21. september 2010 ásamt erindi Landnámsferða ehf. móttekið sd. varðandi lóð í Engey til að byggja upp landnámsþorp.
Vísað til umsagnar verkefnastjóra svæðisins og Minjasafns Reykjavíkur.
27.10 Heiðmörk, deiliskipulag
Að lokinni auglýsingu er lögð fram að nýju tillaga Landmótunar dags. 8. júlí 2010 að deiliskipulagi fyrir Heiðmörk samkvæmt meðfylgjandi deiliskipulagsuppdrætti. Einnig er lögð fram greinargerð og umhverfisskýrsla ásamt bréfi Skipulagsstofnunar dags. 2. júlí 2009. Auglýsing stóð yfir frá 11. ágúst 2010 til og með 22. september 2010. Eftirtaldir aðilar sendu inn athugasemdir. umsögn/bréf skíðagöngufélagsins Ulls dags. 15. september, Björn Guðmundsson dags. 21. september 2010. Sigurður Sigurðsson f.h. sumarbústaðaeigenda í Heiðmörk dags. 21. september, Garðar Briem dags. 21. september, Samtök Hestamanna: Fákur, Reiðveganefnd í Kjalarnesþingi og Landsamband hestamanna, dags. 21. september, Anna Ólafsdóttir dags. 22. september og Harald og Þórunn dags. 22. september 2010. Einnig lagðar fram umsagnir: Vegagerðarinnar dags. 20. ágúst 2010, Heilbrigðiseftirlits Reykjavíkur dags. 13. september 2010 ásamt bókun Umhverfis- og samgönguráðs s.d., umsögn Fornleifaverndar ríkisins, dags. 14. september 2010, umsögn Landsnets, dags. 14. september 2010, umsögn Orkuveitu Reykjavíkur dags. 21. september 2010, umsögn Veiðimálastofnunar dags. 22. september 2010, umsögn Veiðifélags Elliðavatns dags. 21. september 2010 ásamt rannsóknarskýrslu Veiðimálastofnunar, umsögn og bókun skipulagsnefndar Kópavogs, ásamt beiðni um samráðsfund dags. 22. september 2010. Samrit af erindi Kópavogsbæjar barst frá skrifstofu borgarstóra s.d.
Samþykkt að frestur til að senda inn athugasemdir verði framlengdur til 1. nóvember nk.
28.10 Hólmsheiði, deiliskipulag, jarðvegsfylling
Að lokinni auglýsingu er lögð fram að nýju tillaga Landmótunar dags. 8. júlí 2010 að deiliskipulagi fyrir jarðvegsfyllingu á Hólmsheiði. Tillagan felur í sér heimild til losunar á ómenguðum jarðvegi til ársins 2020. Í tillögunni er gert ráð fyrir því að eldra deiliskipulag á Hólmsheiði sem tók gildi 7. apríl 2010 og deiliskipulag fyrir miðlunargeyma á Hólmsheiði sem tók gildi 30. febrúar 2008, falli úr gildi við samþykkt tillögunnar. Auglýsing stóð yfir frá 11. ágúst 2010 til og með 22. september 2010. Eftirtaldir aðilar sendu athugasemdir: Landeigendur í Hólmsheiði dags. 20. september 2010, Guðmundur Ósvaldsson f.h. Græðis fél. landeigenda dags. 22. september 2010 og Þórir J. Einarsson dags. 22. september 2010.
Vísað til umsagnar verkefnastjóra svæðisins.
29.10 Landspítali Háskólasjúkrahús við Hringbraut, (fsp) breyting á deiliskipulagi
Lögð fram umsókn Spital ehf. f.h. Nýs Landspítala ohf. dags. 13. september 2010 um vinnslu deiliskipulags Landspítala Háskólasjúkrahúss við Hringbraut. Einnig lagt fram bréf framkvæmdastjóra Nýs Landspítala ohf. dags. 10. september 2010.
Samþykkt að skipa Margréti Leifsdóttur og Águstu Sveinbjörnsdóttur fulltrúa skipulags- og byggingarsviðs við endurskoðunarvinnu á skipulagi LSH.

Jafnframt er óskað eftir að sviðsstjórar Framkvæmda- og eignasviðs og Umhverfis- og samgöngusviðs tilnefni fulltrúa. Óskað er eftir því að tilnefning liggi fyrir eins og fljótt og unnt er.