Gelgjutangi, Seilugrandi, Sævarhöfði, Flugvallarvegur, Baughús 10, Laugarás, Hrafnista, Einarsnes 64, Kúrland 11, Lóð fyrir einkasjúkrahús, Álagrandi 6, Framnesvegur 44, Háskóli Íslands, Hverfisgata 18, Laugavegur 23, Laugavegur 30, Laugavegur 41, Ljósvallagata 18, Skúlagata 13, Templarasund 3, Slippa- og Ellingsenreitur, Vatnsmýrarvegur 10, Vesturgata 40, Þórsgata 29, Háskóli Íslands, Vísindagarðar, Landspítali Háskólasjúkrahús við Hringbraut, Hábær 41, Norðlingabraut 6, Skaftahlíð 24, Stangarholt 14,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

318. fundur 2010
Ár 2010, föstudaginn 17. september kl. 10:45, hélt skipulagsstjóri Reykjavíkur 318. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Björn Ingi Edvardsson, Guðfinna Ósk Erlingsdóttir, Jóhannes S. Kjarval, Gunnhildur Gunnarsdóttir, Ágústa Sveinbjörnsdóttir og Þórarinn Þórarinsson. Ritari var Helga Björk Laxdal.
Þetta gerðist:

1.10 Gelgjutangi, (fsp) dælustöð
Lögð fram fyrirspurn Orkuveitu Reykjavíkur dags. 13. september 2010 um að skilgreind verði lóð fyrir dælustöð fráveitu við Gelgjutanga, samkvæmt tillögu Orkuveitu Reykjavíkur dags. 10. september 2010.
Vísað til umsagnar hjá verkefnisstjóra svæðisins.
2.10 Seilugrandi, (fsp) dælustöð
Lögð fram fyrirspurn Orkuveitu Reykjavíkur dags. 13. september 2010 um að skilgreind verði lóð fyrir dælustöð fráveitu við Seilugranda, samkvæmt tillögu Orkuveitu Reykjavíkur dags. 1. ágúst 2010.
Ekki eru gerðar athugasemdir við að fyrirspyrjandi láti vinna tillögu að lóðaafmörkun til samræmis við erindið.
3.10 Sævarhöfði, breyting á deiliskipulagi
Lagt fram erindi Orkuveitu Reykjavíkur dags. 13. september 2010 varðandi breytingu á deiliskipulagi Elliðaárdals vegna afmörkunar lóðar fyrir dælustöð fráveitu norðan endurvinnslustöðvar Sorpu að Sævarhöfða 21, samkvæmt uppdrætti Orkuveitu Reykjavíkur dags. 10. september 2010.
Frestað.
Lagfæra þarf uppdrætti.
4.10 Flugvallarvegur, málskot
Lagt fram málskot Verkfræðistofu Sigurðar Sigurðssonar f.h. Flugbjörgunarsveitarinnar í Reykjavík dags. 8. september 2010 vegna neikvæðrar afgreiðslu skipulagsstjóra varðandi afnot af grænu svæði, stækkun á lóð og viðbótarbílastæði, breikkun og færslu á núverandi inn- og útkeyrslu ásamt því að leggja nýja innkeyrslu á lóð flugbjörgunarsveitar Reykjavíkur við Flugvallarveg.
Vísað til skipulagsráðs.
5.10 Baughús 10, (fsp) breyting á deiliskipulagi
Á fundi skipulagsstjóra 12. júlí 2010 var lögð fram fyrirspurn lóðarhafa dags. 12. júlí 2010 um breytingu á deiliskipulagi vegna stækkunar aukaíbúðar að Baughúsi 10. Meðfylgjandi eru uppdrættir Lúðvíks Davíðs Björnssonar dags. 27. ágúst 2008. Erindinu var frestað og er nú lagt fram að nýju ásamt umsögn skipulagsstjóra dags. 17. september 2010.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
Vísað er til leiðbeininga í umsögn skipulagsstjóra.
6.10 Laugarás, Hrafnista, breyting á deiliskipulagi
Að lokinni grenndarkynningu er lögð fram að nýju umsókn THG arkitekta f.h. fulltrúaráðs Sjómannadagsins dags. 23. júlí 2010 um breytingu á deiliskipulagi Hrafnistu skv. uppdrætti dags. 12. ágúst 2010. Um er að ræða stækkun á aðalanddyri Hrafnistu. Kynning stóð yfir frá 19. ágúst 2010 til og með 16. september 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
7.10 Einarsnes 64, viðbygging og kvistir
Lagt fram bréf frá afgreiðslufundi byggingarfulltrúa frá 14. september 2010 þar sem sótt er um leyfi til að byggja viðbyggingu með þaksvölum á einni hæð úr timbri á steyptum undirstöðum milli íbúðarhúss og bílskúrs og þrjá þakkvisti á einbýlishús á lóð nr. 64 við Einarsnes.
Stærðir samtals á lóð fyrir stækkun: 268,8 ferm., 608,1 rúmm.
Stækkun: 17,6 ferm., 93,6 rúmm.
Samtals á lóð eftir stækkun: 286,4 ferm., 701,7 rúmm.
Gjald kr. 7.700 + 7.207
Vísað til umsagnar hjá verkefnisstjóra svæðisins.
8.10 Kúrland 11, (fsp) nýr gluggi
Á fundi skipulagsstjóra 10. september 2010 var lagt fram bréf frá afgreiðslufundi byggingarfulltrúa frá 7. september 2010 þar sem spurt er hvort leyft yrði að grafa frá og gera glugga á kjallara raðhúss nr. 11 á lóð nr. 1-29 2-30 við Kúrland. Erindinu var vísað til umfjöllunar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 17. september 2010.
Neikvætt með vísan til umsagnar skipulagsstjóra.
9.10 Lóð fyrir einkasjúkrahús, staðsetning
Lögð fram orðsending skrifstofu borgarstjóra dags. 14. maí 2010 vegna erindis Ástráðar Haraldssonar f.h. undirbúningsfélags um stofnun og rekstur einkasjúkrahúss í Reykjavík dags 22. mars 2010 varðandi staðsetningu fyrir slíkt sjúkrahús innan borgarmarkanna.
Kynna formanni skipulagsráðs.
10.10 Álagrandi 6, (fsp) lóð
Lögð fram fyrirspurn Sigurjóns Ólafssonar dags. 13. september 2010 um að planta lággróðri og þökuleggja á lóð borgarinnar norðan við lóð nr. 6 við Álagranda.
Vísað til meðferðar hjá verkefnisstjóra svæðisins.
11.10 Framnesvegur 44, (fsp) breyta þaki
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyfi fengist til að breyta venjulegu mænisþaki í mansard-þak á fjölbýlishúsinu á lóð nr. 44 við Framnesveg. Einnig er lögð fram umsögn skipulagsstjóra dags. 17. september 2010.
Neikvætt með vísan til umsagnar skipulagsstjóra.
12.10 Háskóli Íslands, deiliskipulag vestan Suðurgötu, Árnastofnun
Að lokinni auglýsingu lögð fram að nýju umsókn Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður hámarksbyggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsið með tilheyrandi útgangi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var auglýst frá 19. desember 2008 til og með 5. febrúar 2009. Athugasemd barst frá: Kristínu Björg Helgadóttur dags. 5. febrúar 2009 f.h. húsfélagsins að Birkimel 8, 8A og 8B. Einnig er lagt fram bréf fulltrúa Háskóla Íslands, Félagsstofnun stúdenta og Þjóðminjasafns Íslands dags. 17. febrúar 2009 þar sem fram kemur samþykki ofantaldra aðila við auglýsta breytingu á deiliskipulagi og bréf Teiknistofu Gylfa Guðjónssonar og félaga dags. 2. febrúar 2009. Erindinu var vísað til umsagnar verkefnisstjóra vesturbæjar og umhverfis- og samgöngusviðs vegna athugasemda um umferðarmál og er nú lagt fram að nýju ásamt umsögn skipulagsstjóra dags. 27. febrúar 2009 og umsögn umhverfis- og samgöngusviðs dags. 26. febrúar 2009. jafnframt er lagt fram bréf Háskóla Íslands dags. 10. mars 2009 ásamt drögum af samgöngustefnu HÍ vegna bílastæðamála og fleira.
Kynna formanni skipulagsráðs.
13.10 Hverfisgata 18, breytingar innanhúss - endurnýjað veitingaleyfi
Á fundi skipulagsstjóra 3. september 2010 var sótt er um leyfi fyrir veitingastað í flokki III í kjallara og á 1. hæð í húsi á lóð nr. 18 við Hverfisgötu. Erindi var frestað og vísað til umsagnar hjá verkefnisstjóra svæðisins og er nú lagt fram að nýju.
Bréf frá arkitekt dags. 26. maí 2010 fylgir, útskrift úr gerðabók embættisafgreiðslufundar skipulagsstjóra frá 4. júní 2010 fylgir erindinu ásamt umsögn skipulagsstjóra dags. 4. júní 2010 og mótmælum dags. 31. maí 2010. Meðfylgjandi einnig mótmæli dags. 24. júní.2010. Meðfylgjandi er hljóðvistarskýrsla dags. 29. júní.2010, bréf heilbrigðisfulltrúa dags. 2.júlí 2010 og glugga- og glerskoðun byggingarfulltrúa dags. 5. júlí 2010, hljóðvistarskýrsla 2 dags. 7.7.2010
Gjald kr. 7.700 + 7.700
Vísað til skipulagsráðs.
14.10 Laugavegur 23, verslun breytt í kaffihús
Á fundi skipulagsstjóra 10. september 2010 var lagt fram bréf frá afgreiðslufundi byggingarfulltrúa frá 7. september 2010 þar sem sótt er um leyfi til að breyta verslun og afgreiðslurými í kaffihús með veitingar í fl. II og kaffiveitingasvæði í leiksvæði á 1. hæð í húsi á lóð nr. 23 við Laugaveg. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 14. september 2010.
Gjald kr. 7.700
Ekki eru gerðar skipulagslegar athugasemdir við erindið með vísan til umsagnar skipulagsstjóra.
15.10 Laugavegur 30, setbekkir og svið í garði
Lagt fram bréf frá afgreiðslufundi byggingarfulltrúa frá 14. september 2010 þar sem sótt er um leyfi fyrir setbekkjum og sviði í garði við hús á lóð nr. 30 við Laugaveg. Einnig er lögð fram umsögn skipulagsstjóra dags. 15. september 2010.
Gjald kr. 7.700
Neikvætt með vísan til umsagnar skipulagsstjóra.
16.10 Laugavegur 41, (fsp) breyting inni, ný starfsemi
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyfi fengist til að opna kaffihús í flokki I í verslunarhúsnæðinu á lóð nr. 41 við Laugaveg. Einnig er lögð fram umsögn skipulagsstjóra dags. 15. september 2010.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
17.10 Ljósvallagata 18, (fsp) sólskáli
Á fundi skipulagsstjóra 10. september 2010 var lagt fram bréf frá afgreiðslufundi byggingarfulltrúa frá 7. september 2010 þar sem spurt er hvort leyfi fengist til að byggja sólskála yfir núverandi svalir á rishæð fjölbýlishússins á lóð nr. 18 við Ljósvallagötu. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 16. september 2010.
Neikvætt með vísan til umsagnar skipulagsstjóra.
18.10 Skúlagata 13, (fsp) bílaleiga
Á fundi skipulagsstjóra 10. september 2010 var lögð fram fyrirspurn Smárahótel ehf. dags. 9. sept. 2010 um hvort starfrækja megi bílaleigu að Skúlagötu 13. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 16. september 2010.
Umsögn skipulagsstjóra samþykkt.
19.10 Templarasund 3, (fsp) veitingahús fl. 3
Á fundi skipulagsstjóra 10. september 2010 var lagt fram bréf frá afgreiðslufundi byggingarfulltrúa frá 7. september 2010 þar sem spurt er hvort leyft yrði að innrétta veitingahús í flokki III í rými 0102 í atvinnuhúsinu á lóð nr. 3 við Templarasund. Erindi var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 14. september 2010.
Ekki eru gerðar skipulagslegar athugasemdir við erindið, að teknu tilliti til skilyrða í umsögn skipulagsstjóra.
20.10 Slippa- og Ellingsenreitur, breyting á deiliskipulagi vegna reits R16
Lagt fram erindi Faxaflóahafna dags. 17. september 2010 varðandi breytingu á deiliskipulagi reits Slippa- og Ellingsenreits vegna reits R16 samkvæmt uppdrætti dags. 16. september 2010. Í breytingunni felst að á lóðina verður flutt 20. aldar hús.
Vísað til skipulagsráðs.
21.10 Vatnsmýrarvegur 10, (fsp) lóð Umferðarmiðstöðvar
Á fundi skipulagsstjóra 20. ágúst 2010 var lögð fram fyrirspurn skilanefndar Landsbanka Íslands dags. 16. júlí 2010 vegna lóðar nr. 10 við Vatnsmýrarveg, Umferðarmiðstöð. Erindi er nú lagt fram að nýju ásamt umsögn Framkvæmda- og eignasviðs dags. 15. september 2010.
Frestað.
22.10 Vesturgata 40, (fsp) breytt notkun
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyft yrði að breyta fyrirkomulagi innanhúss, skipta íbúð á efri hæðum í tvær, svalir á austurgafli, innrétta íbúð í verslunarhúsnæði á 1. hæð og innrétta vinnustofu í kjallara íbúðar- og atvinnuhússins á lóð nr. 40 við Vesturgötu.
Ekki eru gerðar skipulagslegar athugasemdir við erindið.
23.10 Þórsgata 29, málskot
Lagt fram málskot Helgu Gunnarsdóttur f.h. Péturs H. Pálssonar dags. 10. september 2010 vegna neikvæðrar afgreiðslu skipulagsstjóra 9. júlí 2010 varðandi aukningu á byggingarmagni á lóð nr. 29 við Þórsgötu.
Vísað til umsagnar hjá verkefnisstjóra svæðisins.
24.10 Háskóli Íslands, Vísindagarðar, breyting á deiliskipulagi HÍ
Á fundi skipulagsstjóra 2. júlí 2010 var lagt fram erindi Ask Arkitekta dags. 11. desember 2009 f.h. Vísindagarða Háskóla Íslands ehf. vegna breytinga á deiliskipulagi Háskóla Íslands vegna Vísindagarða. Í breytingunni felst m.a. að lóðinni er skipt upp í sjö lóðir fyrir Vísindagarða, Stúdentagarða og spennistöð Orkuveitu Reykjavíkur samkvæmt uppdrætti Ask Arkitekta dags. 23. mars 2010 ásamt greinargerð og skilmálum dags. 29. mars 2010. Einnig eru lagðir fram minnispunktar skipulags- og byggingarsviðs dags. 9. júní 2010 af kynningarfundi vegna málsins sem haldinn var þann 3. júní sl. Auglýsing stóð yfir frá 31. apríl til og með 30. júní 2010. Eftirtaldir aðilar sendu inn athugasemdir: Þorkell Jóhannesson dags. 31. maí, Snorri Bergmann og Védís Húnbogadóttir dags. 22. júní, Helga Þorkelsdóttir, Páll Þorgeirsson, Jóhannes Fossdal og Hilda Hansen dags. 28. júní, Ragnheiður Harðardóttir dags. 10. júní, Ragnheiður Harðardóttir og Jón Sch. Thorsteinsson dags. 29. júní, greinargerð Glámu Kím unnin fyrir íbúa við Odda- og Aragötu dags. 28. júní, Ingibjörg E. Björnsdóttir f.h. Svanhildar Sigurðardóttur dags. 30. júní, Þóra Ellen Þórhallsdóttir og Helgi Björnsson dags. 30. júní, Bjarki Gunnar Halldórsson dags. 30. júní, Baldur Símonarson dags. 30. júní, Jón Jóhannes Jónsson dags. 30. júní og Max Dager f.h. Norræna hússins dags. 1. júlí 2010.
Kynna formanni skipulagsráðs.
25.10 Landspítali Háskólasjúkrahús við Hringbraut, breyting á deiliskipulagi
Lögð fram umsókn Spital ehf. f.h. Nýs Landspítala ohf. dags. 13. september 2010 um vinnslu deiliskipulags Landspítala Háskólasjúkrahúss við Hringbraut. Einnig lagt fram bréf framkvæmdastjóra Nýs Landspítala ohf. dags. 10. sept. 2010.
Vísað til skipulagsráðs.
26.10 Hábær 41, (fsp) gróðurhús
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyfi fengist til að reisa 6,12 ferm. tilbúið gróðurhús á lóð nr. 41 við Hábær.
Vísað til umsagnar verkefnisstjóra svæðisins.
27.10 Norðlingabraut 6, (fsp) aðstaða fyrir langferðarbíla
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyft yrði að byggja aðstöðu fyrir rekstur langferðabíla á lóð nr. 6 við Norðlingabraut.
Vísað til umsagnar hjá verkefnisstjóra svæðisins.
28.10 Skaftahlíð 24, (fsp) stækkun
Á fundi skipulagsstjóra 10. september 2010 var lögð fram fyrirspurn THG Arkitekta dags. 3. september 2010 varðandi stækkun hússins á lóð nr. 24 við Skaftahlíð samkvæmt uppdrætti dags. 25. ágúst 2010. Erindi var vísað til umsagnar hjá verkefnisstjóra svæðisins og er nú lagt fram að nýju.
Kynna formanni skipulagsráðs.
29.10 Stangarholt 14, (fsp) bílskúr
Lagt fram bréf frá afgreiðslufundi byggingarfulltrúa frá 14. september 2010 þar sem spurt er hvort leyfi fengist til að byggja bílskúr við hlið annars bílskúrs sem er fyrir á lóðinni nr. 14 við Stangarholt.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.