1.171.1 Hljómalindarreitur, Brautarás 1-19, Brekkubær 32-44, Grjótháls 1-3, Háteigsvegur 7, Hlíðargerði 6, Melgerði 1, Sogavegur 152, Bauganes 22, Bergstaðastræti 24B, Austurhöfn, Brekkustígur 4A, Grundarstígsreitur, Hverfisgata 18, Laugavegur 21 - Klapparstígur, Lokastígur 10, Tjarnargata 37, Vesturgata 2, Vatnsmýrarvegur 10, Fylkisvegur 6, íþróttasvæði Fylkis, Hólmsheiði, Fisfélag Reykjavíkur, Geldinganes, Félag Múslima á Íslandi, Öskjuhlíð, Efstasund 13, Esjugrund 33, Bíldshöfði - Hlöllabátar, Tangabryggja 14-16,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

316. fundur 2010
Ár 2010, föstudaginn 3. september kl. 10:05, hélt skipulagsstjóri Reykjavíkur 316. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Þórarinn Þórarinsson, Margrét Þormar, Jóhannes Kjarval, Björn Axelsson, Björn Ingi Edvardsson og Guðfinna Ósk Erlingsdóttir. Ritari var Helga Björk Laxdal.
Þetta gerðist:

1.10 1.171.1 Hljómalindarreitur, breyting á deiliskipulagi
Lagt fram bréf Benedikts Sigurðssonar f.h. Festa ehf. dags. 2. ágúst 2010 með áfangaskiptingu framkvæmda ásamt nýrri og breyttri tillögu Arkitektur.is að breytingu á deiliskipulagi Laugavegs- og Skólavörðustígsreits vegna Hljómalindarreits sem afmarkast af Laugarvegi, Smiðjustíg, Hverfisgötu og Klapparstíg. Í breytingunni felst aukin uppbygging, breyttar götumyndir og fyrirkomulag á opnu torgi á miðju reitsins, samkvæmt uppdráttum, greinargerð og skilmálum arkitektur.is dags. 24. ágúst 2010.
Vísað til umsagnar hjá verkefnisstjóra svæðisins.
2.10 Brautarás 1-19, (fsp) skjólgirðing
Á fundi skipulagsstjóra 27. ágúst 2010 var lagt fram bréf frá afgreiðslufundi byggingarfulltrúa frá 24. ágúst 2010 þar sem spurt er hvort leyfi fengist til að koma fyrir girðingu við lóðarmörk hússins við hliðina á göngustíg Reykjavíkurborgar á lóð nr. 1 við Brautarás. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 2. september 2010.
Bréf frá fyrirspyrjanda dags. 11. ágúst 2010. fylgir fyrirspurninni
Umsögn skipulagsstjóra samþykkt.
3.10 Brekkubær 32-44, (fsp) viðbygging
Lögð fram fyrirspurn Guðmundar S. Ólafssonar dags. 30. ágúst 2010 varðandi byggingu skála undir og framundan svölum á lóð nr. 32-42 við Brekkubæ.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið, á eigin kostnað. Tillagan verður grenndarkynnt þegar hún berst.
4.10 Grjótháls 1-3, bílastæði á borgarlandi
Á fundi skipulagsstjóra 27. ágúst 2010 var lagt fram bréf Tark f.h. Össurar hf. dags. 20. ágúst 2010 varðandi bílastæði á borgarlandi framan við Grjótháls 1-3, norðan götunnar. Erindinu var vísað til meðferðar hjá verkefnisstjóra svæðisins og yfirlögfræðings skipulags- og byggingarsviðs og er nú lagt fram að nýju ásamt minnisblaði skipulagsstjóra dags 1. september 2010.
Minnisblað skipulagsstjóra samþykkt.
5.10 Háteigsvegur 7, orðsending borgarstjóra
Lögð fram orðsending borgarstjóra dags. 31. ágúst 2010 ásamt erindi Guðbjarts Guðbjartssonar dags. 26. ágúst 2010 varðandi rekstur og nýtingu kirkjunnar á lóð nr. 7 við Háteigsveg. Einnig lögð fram umsögn skipulagsstjóra dags 23. mars ásamt samantekt skipulagsstjóra dags. 2. september 2010.
Verkefnisstjóra falið að svara erindinu.
6.10 Hlíðargerði 6, stækkun
Lagt fram bréf frá afgreiðslufundi byggingarfulltrúa frá 31. ágúst 2010 þar sem sótt er um stækkun á stofu úr steinsteypu með timburþaki til suðurs, stækkun á anddyri og að byggja nýjan kvist til suðvesturs sbr. fyrirspurn BN040993 á einbýlishús á lóð nr. 6 við Hlíðargerði.
Samþykki nágranna á Hlíðargerði 4, 5 og 8 og á Melgerði 11 fylgir.
Stærðir fyrir stækkun mhl. 01: 158.,6 ferm., 417,4 rúmm.
Stækkun: 42,7 ferm., 97,1 rúmm.
Stærðir eftir stækkun: 201,3 ferm., 514,5 rúmm.
Bílskúr mhl. 02 er óbreyttur 36,3 ferm.
Gjöld kr. 7.700 + 7.477
Samþykkt að grenndarkynna framlagða umsókn fyrir hagsmunaaðilum að Hlíðargerði 4 og 8 ásamt Melgerði 9, 11 og 13.
7.10 Melgerði 1, lóðarstækkun
Lögð fram að nýju umsókn Magnúsar Jenssonar dags. 16. júlí 2010 um stækkun lóðar nr. 1 við Melgerði skv. uppdrætti dags. 15. júlí 2010. Einnig er lagður fram nýr uppdráttur sem sýnir lóðarstækkunina dags. 31. ágúst 2010.
Vísað til skipulagsráðs, þegar uppdrættir hafa verið lagfærðir.
8.10 9">Sogavegur 152, breytingar úti og reyndarteikningar
Lagt fram bréf frá afgreiðslufundi byggingarfulltrúa frá 31. ágúst 2010 þar sem sótt er um leyfi til að lengja kvist í einingu 0201 um 114 cm, gera svalir yfir garðstofu í einingu 0101, einnig er sótt um samþykkt á reyndarteikningum af innra fyrirkomulagi í einingum 0101 og 0201 í tvíbýlishúsi á lóð nr. 152 við Sogaveg.
Stærðir fyrir stækkun íbúðarhús 220,0 ferm., 642 rúmm.
+ stækkun 3,5 ferm.(birt flatarmál), 4,7 rúmm.
Samtals eftir stækkun 223,5 ferm., rúmm. 646,7 rúmm.
Bílskúr óbreyttur.
Gjald kr. 7.700 + 362
Frestað.
Verkefnisstjóra er falið að kynna fyrirhugaðar svalir yfir garðstofu fyrir lóðarhöfum aðliggjandi lóða.
9.10 Bauganes 22, breyting á deiliskipulagi
Að lokinni grenndarkynningu er lögð er fram að nýju umsókn Alark f.h. Magnúsar Einarssonar dags. 6. mars 2008 um breytingu á deiliskipulagi Skildinganess vegna lóðar nr. 22 við Bauganes skv. uppdrætti, dags. 25. febrúar 2008. Einnig eru lagðar fram athugasemdir frá fyrri grenndarkynningu frá Guðjóni Ólafssyni Kjalarlandi 10 dags. 7. apríl 2008 og Björk Aðalsteinsdóttur Bauganesi 24 dags. 10. apríl 2008 ásamt umsögn skipulagsstjóra dags 23. apríl 2008. Málið var samþykkt þann 25. apríl 2008 en fellt úr gildi 6. júlí 2010. Einnig er lagður fram úrskurður úrskurðarnefndar skipulags- og byggingarmála dags. 6. júlí 2010 ásamt uppdrætti Alark dags. 25. febrúar 2008, endurdags. 23. júlí 2010. Grenndarkynningin stóð yfir frá 30. júlí 2010 til og með 30. ágúst 2010. Athugasemdir bárust frá eftirtöldum aðilum: Björk Aðalsteinsdóttir dags. 30. ágúst 2010. Einnig er lögð fram umsögn skipulagsstjóra dags. 1. september 2010.
Vísað til skipulagsráðs
10.10 Bergstaðastræti 24B, svalir
Lagt fram bréf frá afgreiðslufundi byggingarfulltrúa frá 31. ágúst 2010 þar sem sótt er um leyfi til setja svalir ofan á anddyrisbyggingu með aðgengi frá kvisti á einbýlishúsinu á lóð nr. 24B við Bergstaðastræti. Sbr. erindið BN040178 dags. 13. okt. 2009.
Gjald kr. 7.700
Samþykkt að grenndarkynna framlagða tillögu fyrir hagsmunaaðilum að Bergstaðastræti 24, 26 og 26b og Bjargarstíg 6
11.10 Austurhöfn, breyting á deiliskipulagi
Að lokinni auglýsingu er lagt fram að nýju erindi Portus ehf. dags. 14. nóvember 2009 varðandi breytingu á deiliskipulagi Austurhafnar TRH vegna gatna- og stígatengsla á svæðinu milli Hafnarstrætis og Tónlistahússins samkvæmt uppdrætti Batterísins dags. 14. desember 2009 mótt. 12. apríl 2010. Einnig er lagt fram bréf Faxaflóahafna dags. 5. febrúar 2010, minnisblað Portusar og Austurhafnar dags. 12. febrúar 2010, minnisblað Mannvits dags. 23. október 2009, bókun umhverfis- og samgönguráðs vegna málsins dags. 23. febrúar 2010 og bréf Þjónustumiðstöðvar Miðborgar og Hlíða dags. 28. maí 2010. Tillagan var auglýst frá 12. maí til og með 27. ágúst 2010. Eftirtaldir aðilar sendu inn athugasemdir: Torfi Hjartarson f.h. Eignarhaldsfélagsins Portus ehf dags. 18. júní 2010 og Gunnar Valur Sveinsson f.h. Samtaka Ferðaþjónustunnar dags. 22. júní 2010. Einnig lagt fram bréf borgarráðs dags. 29. júní ásamt afriti af bréfi samtaka Ferðaþjónustunnar til borgarráðs dags. 24. júní 2010. Jafnframt er lagt fram bréf Skipulagsstofnunar dags. 1. júlí 2010 og umhverfisskýrsla skipulagshöfunda dags. í júlí 2010.
Vísað til umsagnar hjá verkefnisstjóra svæðisins.
12.10 Brekkustígur 4A, viðbygging
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 20. júlí 2010. Sótt er um leyfi til að stækka steinsteypt einbýlishús með því að byggja viðbyggingu og svalir á bakhlið og hækka gafla og byggja "Mansard" þak á einbýlishúsið á lóð nr. 4A við Brekkustíg. Kynningin stóð yfir frá 28. júlí 2010 til og með 26. ágúst 2010. Engar athugasemdir bárust.
Meðfylgjandi er bréf umsækjanda dags. 13. júní 2010, bréf sömu til Borgarverkfræðings dags. 2. september 1999, ásamt umsögn skipulagsins dags. 4. mars. Einnig lóðaleigusamningur innfærður til þinglýsingar 7. júlí 2010.
Stærðir fyrir stækkun: 111,1 ferm., 447,2 rúmm.
Stækkun: 74,4 ferm., 118,2 rúmm.
Stærðir eftir stækkun: 185,8 ferm., 565,4 rúmm.
Gjald kr. 7.700 + 7.700 + 9.101
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
13.10 Grundarstígsreitur, forsögn
Að lokinni forkynningu er lögð fram að nýju forsögn skipulags- og byggingarsviðs Reykjavíkur dags. í júní 2010 að deiliskipulagi Grundarstígsreits. Lagður fram tölvupóstur dags. 16. ágúst 2010 þar sem óskað er eftir að kynningartíminn á forsögn Grundarstígsreit verði framlengdur. Kynning stóð yfir frá 22. júlí 2010 til og með 2. september 2010. Eftirtaldir aðilar sendu inn ábendingar: Eigendur og íbúar á Grundarstíg 6 dags. 18. ágúst 2010 og Þröstur Eiríksson, Ragnheiður Jóna Jónsdóttir og Helgi Pétur Gunnarsson Grundarstíg 8 dags. 25. ágúst 2010.
Vísað til meðferðar hjá verkefnisstjóra svæðisins.
14.10 Hverfisgata 18, breytingar innanhúss - endurnýjað veitingaleyfi
Sótt er um leyfi fyrir veitingastað í flokki III í kjallara og á 1. hæð í húsi á lóð nr. 18 við Hverfisgötu.
Bréf frá arkitekt dags. 26. maí 2010 fylgir, útskrift úr gerðabók embættisafgreiðslufundar skipulagsstjóra frá 4. júní 2010 fylgir erindinu ásamt umsögn skipulagsstjóra dags. 4. júní 2010 og mótmælum dags. 31. maí 2010. Meðfylgjandi einnig mótmæli dags. 24. júní.2010. Meðfylgjandi er hljóðvistarskýrsla dags. 29. júní.2010, bréf heilbrigðisfulltrúa dags. 2.júlí 2010 og glugga- og glerskoðun byggingarfulltrúa dags. 5. júlí 2010, hljóðvistarskýrsla 2 dags. 7.7.2010
Gjald kr. 7.700 + 7.700
Frestað.
Vísað til umsagnar hjá verkefnisstjóra svæðisins.
15.10 Laugavegur 21 - Klapparstígur, (fsp) veitingastaður
Á fundi skipulagsstjóra 27. ágúst 2010 var lagt fram bréf frá afgreiðslufundi byggingarfulltrúa frá 24. ágúst 2010 þar sem spurt er hvort leyfi fáist fyrir útiveitingar með aðgang að snyrtingum á Laugavegi 21 frá kl. 11:30 - 22:00 í Sirkusportinu, milli Klapparstígs 30 og Laugavegs 21. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 3. sept. 2010.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
16.10 Lokastígur 10, (fsp) gistiheimili
Á fundi skipulagsstjóra 27. ágúst 2010 var lagt fram bréf frá afgreiðslufundi byggingarfulltrúa frá 24. ágúst 2010 þar sem spurt er hvort veitt yrði leyfi fyrir rekstri gistiheimilis í öllu húsinu sem stendur á lóð nr. 10 við Lokastíg. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 2. september 2010.
Neikvætt með vísan til umsagnar skipulagsstjóra.
17.10 Tjarnargata 37, (fsp) garðskáli
Lögð fram fyrirspurn Jon Nordsteien arkitekts f.h. Heiðarlax dags. 1. september 2010 varðandi byggingu garðsskála austan við húsið á lóð nr. 37 við Tjarnargötu. Einnig lögð fram umsögn Húsafriðunarnefndar dags. 1. september 2010.
Vísað til umsagnar hjá verkefnisstjóra svæðisins.
18.10 Vesturgata 2, breyting á deiliskipulagi Grófar
Lögð fram að nýju umsókn GP arkitekta f.h. Bryn ehf. dags. 28. maí 2010 um breytingu á deiliskipulagi Grófarinnar vegna lóðar nr. 2 við Vesturgötu skv. uppdrætti dags. 25. maí 2010. Óskað er eftir að setja kvisti á norður- og suðurhlið, stækka lóð og grafa út kjallara og hluta lóðar. Einnig lögð fram umsögn Húsafriðunarnefndar dags. mótt. 1. september 2010.
Vísað til skipulagsráðs.
19.10 Vatnsmýrarvegur 10, (fsp) lóð Umferðarmiðstöðvar
Á fundi skipulagsstjóra 20. ágúst 2010 var lögð fram fyrirspurn skilanefndar Landsbanka Íslands dags. 16. júlí 2010 vegna lóðar nr. 10 við Vatnsmýrarveg, Umferðarmiðstöð. Erindinu var vísað til umsagnar hjá verkefnisstjóra svæðisins og er nú lagt fram að nýju.
Frestað.
Vísað til umsagnar hjá skrifstofustjóra Framkvæmda- og eignasviðs Reykjavíkur.
20.10 Fylkisvegur 6, íþróttasvæði Fylkis, breyting á deiliskipulagi, áhorfendastúka
Að lokinni auglýsingu er lagt fram að nýju erindi Erum arkitekta f.h. Íþróttafélagsins Fylkis dags. 25. febrúar 2010 varðandi breytingu á deiliskipulagi Íþróttasvæðis Fylkis við Fylkisveg. Í breytingunni felst breyting á fyrirkomulagi mannvirkja og færsla áhorfendastúku innan lóðarinnar samkvæmt uppdrætti dags. í febrúar, móttekin 25. febrúar 2010. Einnig lögð fram greinargerð móttekin 25. febrúar 2010 og tölvubréf Arnars Hafsteinssonar framkvæmdastjóra Fylkis dags. 15. apríl 2010. Auglýsing stóð yfir frá 21. maí til og með 2. júlí 2010. Eftirtaldir aðilar sendu inn athugasemdir: Magnús Magnússon og E. Kristrún Guðbergsdóttir dags. 30. maí 2010, undirskriftarlisti 12 íbúa við Dísarás dags. 22. júní, Sif Ómarsdóttir, Þórhallur Þráinsson og Sigríður Einarsdóttir dags. 26. júní Gunnlaugur Þráinsson dags. 28. júní, María Ýr Valdimarsdóttir og Rúnar Sigurðsson, Ásta Bárðardóttir og Páll Kolka Ísberg dags. 2. júlí og Jóhannes Guðbjörnsson dags. 3. júlí 2010.
Vísað til skipulagsráðs.
21.10 Hólmsheiði, Fisfélag Reykjavíkur, deiliskipulag athafnasvæðis Fisfélagsins
Á fundi skipulagsstjóra 13. ágúst var lagt fram bréf Skipulagsstofnunar dags. 10 ágúst 2010 þar sem gerðar eru athugasemdir við að birta afgreiðslu erindis í B-deild Stjórnartíðinda. Einnig er lögð fram, að lokinni auglýsingu, umsókn Fisfélags Reykjavíkur dags. 18. janúar 2008 um deiliskipulag athafnasvæðis Fisfélagsins á Hólmsheiði skv. uppdrætti Skapa og Skerpa arkitekta dags. 6. mars 2009. Í tillögunni er gert ráð fyrir tímabundinni afmörkun svæðis fyrir starfsemi Fisfélags Reykjavíkur. Um er að ræða þrískipt svæði, flugbrautir og æfingaaðstaða fyrir vélknúin fis, svæði fyrir bílastæði og flugskýli og svæði fyrir félagsheimili og útivist. Samhljóða tillaga var áður auglýst frá 13. febrúar 2007 til og með 28. mars 2008. Einnig er lagt fram bréf frá Skipulagsstofnun dags. 16. júní 2008, eldri athugasemdir vegna fyrri auglýsingar: Orkuveita Reykjavíkur dags. 30. janúar, Fjáreigendafélag Reykjavíkur dags. 17. mars 2008, hestamannafélagið Fákur dags. 25. mars 2008, Flugmálastjórn Íslands dags. 26. mars 2008, Lögmál f.h. Græðis dags. 26. mars 2008, Þórir Einarsson Skaftahlíð 38 dags. 27. mars 2008 og umsögn umhverfisstjóra skipulags- og byggingarsviðs dags. 15. apríl 2008, bréf Skipulagsstofnunar dags. 6. ágúst 2008, umsagnir Flugmálastjórnar Íslands dags. 29. júlí og 23. október 2008. Auglýsing stóð frá 8. maí til 22. júni 2009. Eftirtaldir aðilar sendu athugasemdir: Orkuveita Reykjavíkur dags. 8. maí, Sigurjón Fjeldsted og Ragnheiður Fjeldsted dags 7. júní, Lögmál f.h. Græðis félags landeigenda dags. 19. júní 2009, Árni Ingason dags. 19. júní, Þórir Einarsson dags. 21. júní, Kristín Harðardóttir og Hörður Jónsson dags 25. júní, Þóri J. Einarssyni og Guðbjarna Eggertssyni hdl. dags. 2. júlí og Helga Kristjánsdóttir, f.h. 4 landeigenda dags. 6. júlí 2009. Einnig er lögð fram umsögn skipulagsstjóra dags. 17. ágúst 2009.
Samþykkt að framlengja frest til að gera athugasemdir við tillöguna og endurbirta auglýsingu vegna málsins.
22.10 Geldinganes, aðstaða fyrir Kayakklúbbinn
Lagt fram bréf Kayakklúbbsins dags. 20. janúar 2010 varðandi aðstöðu fyrir félagið á Geldinganesi samkvæmt uppdrætti Pk-hönnunar dags. 4. janúar 2010. Einnig lögð fram umsögn skipulagsstjóra dags. 28. apríl 2010 og bréf Kayakklúbbsins dags. 31. mars 2010. Á embættisafgreiðslufundi skipulagsstjóra þann 30. apríl 2010 var erindi vísað til umsagnar íþrótta og tómstundaráðs. Erindi er nú lagt fram að nýju ásamt umsögn íþrótta- og tómstundaráðs og mati Framkvæmda- og eignasviðs um erindið.
Kynna formanni skipulagsráðs.
23.10 Félag Múslima á Íslandi, (fsp) staðsetning Mosku
Lögð fram fyrirspurn Félags Múslima á Íslandi dags. 6. maí 2010 þar sem óskað er eftir viðræðum vegna staðsetningar á lóð fyrir Mosku í Reykjavík. Staðsetningar sem bent er á eru, svæði vestan Veðurstofu Íslands, á lóð Íslandsbanka við Kirkjusand og á lóð Sjómannaskólans við Háteigsveg.
Kynna formanni skipulagsráðs.
24.10 Öskjuhlíð, Skógræktarfélag Ísland, lóðarumsókn
Á fundi skipulagsstjóra 21. maí 2010 var lögð fram orðsending borgarstjóra dags. 14. maí 2010 varðandi fyrirspurn Skógræktarfélags Íslands um lóð fyrir höfuðstöðvar félagsins. Erindinu var vísað til umsagnar hjá verkefnisstjóra svæðisins og er nú lagt fram að nýju.
Vísað til skipulagsráðs.
25.10 Efstasund 13, viðbygging, kvistur, breyting á inngangi
Lagt fram bréf frá afgreiðslufundi byggingarfulltrúa frá 27. ágúst 2010 þar sem sótt er um leyfi fyrir áður gerðri viðbyggingu á austurhlið með þaksvölum á, til að breyta innra fyrirkomulagi húss, innrétta íbúðarherbergi í bílskúr og sameina í eina eign tvíbýlishúsið á lóð nr. 13 við Efstasund.
Stækkun: xx ferm., xx rúmm.
Gjald kr. 7.700 + xx
Vísað til umsagnar verkefnisstjóra svæðisins.
26.10 Esjugrund 33, breyting á deiliskipulagi
Að lokinni grenndarkynningu er lagt fram að nýju erindi Sigurbergs Árnasonar arkitekt dags. 18. ágúst 2010 varðandi breytingu á deiliskipulagi Grundarhverfis vegna lóðar nr. 33 við Esjugrund skv. uppdrætti dags. 13. ágúst 2010. Í breytingunni felst að gerður er byggingarreitur fyrir sólstofu. Tillagan var grenndarkynnt frá 25. ágúst 2010 til og með 22. september 2010 en þar sem samþykki hagsmunaaðila liggur fyrir, móttekið 31. ágúst 2010 er tillagan lögð fram að nýju.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
27.10 >Bíldshöfði - Hlöllabátar, (fsp) breyting á deiliskipulagi
Á fundi skipulagsstjóra 7. nóvember 2008 var lagt fram bréf Hlöðvers Sigurðssonar dags. 6. október 2008 vegna lóðar við Bíldshöfða fyrir staðsetningu Hlöllabáta. Erindinu var vísað til meðferðar hjá verkefnisstjóra Höfðahverfis og er nú lagt fram að nýju ásamt umsögn skipulagsstjóra dags. 2. september 2010.
Neikvætt með vísan til umsagnar skipulagsstjóra.
28.10 Tangabryggja 14-16, bílasala
Lagt fram bréf Ingibjargar Tómasdóttur dags. 18. maí 2010 vegna bílasölu á lóð nr. 14-16 við Tangabryggju. Einnig lagt fram bréf forstjóra Björgunar dags. 22. júní 2010 ásamt bréfi formanns íbúasamtaka Bryggjuhverfis dags. 16. júní 2010. Einnig lögð fram umsögn lögfræði- og stjórnsýslu dags. 18. ágúst 2010.
Vísað til skipulagsráðs.