Grundarstígsreitur, Grundarstígur 8, Haðarstígur 22, Hverfisgata 52, Hverfisgata 52, Hverfisgata 71, Skólavörðustígur 21, Skólavörðustígur 40, Skáldastígur, Sólvallagata 67, Vesturgata 27, Kjalarnes, Móavík, Kjalarnes, Móar, Vatnsmýrarvegur 10, Borgartún 8-16, Mávahlíð 42, Lambhagaland - 189563, Krosshamrar 5, Tangabryggja 14-16, Sjafnargata 11, Háagerði 19, Víðimelur 72-74, Melar, reitur 1.540, Hverafold 130, Esjugrund 33, Kvistaland 18-24,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

314. fundur 2010
Ár 2010, föstudaginn 20. ágúst kl. 11:00, hélt skipulagsstjóri Reykjavíkur 314. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Helena Stefánsdóttir Eftirtaldir embættismenn kynntu mál á fundinum: Margrét Þormar, Bragi Bergsson, Jóhannes Kjarval, Lilja Grétarsdóttir, Björn Ingi Edvardsson, Guðfinna Ósk Erlingsdóttir og Gunnhildur S Gunnarsdóttir. Ritari var Harri Ormarsson
Þetta gerðist:

1.10 Grundarstígsreitur, forsögn
Að lokinni forkynningu er lögð fram að nýju forsögn skipulags- og byggingarsviðs Reykjavíkur dags. í júní 2010 að deiliskipulagi Grundarstígsreits. Lagður fram tölvupóstur dags. 16. ágúst 2010 þar sem óskað er eftir að kynningartíminn á forsögn Grundarstígsreit verði framlengdur. Kynning stóð yfir frá 22. júlí 2010 til og með 19. ágúst 2010. Eftirtaldir aðilar sendu inn ábendingar: Eigendur og íbúar á Grundarstíg 6 dags. 18. ágúst 2010.
Frestur til athugasemda er framlengdur til 2. september 2010.
2.10 Grundarstígur 8, (fsp) svalir
Lögð fram fyrirspurn Brynhildar Birgisdóttur dags. 19. ágúst 2010 um að byggja svalir á suðurgafl á risíbúð nr. 8 við Grundarstíg.
Ekki gerð skipulagsleg athugasemd við erindið.
3.10 Haðarstígur 22, (fsp) breyta þaki kvists
Lagt fram bréf frá afgreiðslufundi byggingarfulltrúa frá 17. ágúst 2010 þar sem spurt er hvort leyfi fengist til að byggja kvist á parhúsið nr. 22 á lóð nr. 20 - 22 við Haðarstíg.
Með fyrirspurninni fylgir synjuð skýringar teikning dags. 13. júlí 1995 af húsi nr. 18 við Haðarstíg
Ekki gerð skipulagsleg athugasemd við erindið. Sækja þarf um byggingarleyfi.
4.10 Hverfisgata 52, svalir á 2. hæð
Lagt fram bréf frá afgreiðslufundi byggingarfulltrúa frá 17. ágúst 2010 þar sem sótt er um leyfi til þess að setja upp svalir við suðurhlið á 2. hæð fjölbýlishússins á lóð nr. 52 við Hverfisgötu.
Samþykki eigenda Vatnsstígs 4, með skilyrðum, innfært 23. maí 2002 ásamt umsögn brunahönnuðar dags. 21. september 2007 fylgja erindinu.
Gjald kr. 6.800
Neikvætt að svo stöddu. Svalir fara yfir lóðamörk, verið er að vinna að breytingu á deiliskipulagi á reitnum og verður umsókninni vísað inn í þá vinnu.
5.10 Hverfisgata 52, (fsp) breyting á notkun
Lögð fram fyrirspurn ASK Arkitekta fh. Eddu Heiðrúnu Backman dags. 19. ágúst 2010 um að breyta verslunarrými á 1. hæð við Hverfisgötu 52 í íbúðarrými.
Vísað til umsagnar verkefnisstjóra svæðisins.
6.10 Hverfisgata 71, (fsp) breyting á deiliskipulagi
Lögð fram umsókn Studio Granda, dags. 28. júlí 2010, varðandi breytingu á deiliskipulagi Skúlagötusvæðis vegna lóðar nr. 71 við Hverfisgötu skv. uppdrætti, dags. 23. júlí 2010. Breytingin gengur út á að húsið standi áfram fremst á lóðinni og að viðbygging verði rifin og ný byggð í hennar stað.
Samþykkt að grenndarkynna framlagða tillögu fyrir hagsmunaaðilum að Lindargötu 56, 58 og 60 ásamt Hverfisgötu 69, 72, 73 og 74.
7.10 Skólavörðustígur 21, (fsp) svalastækkun
Á fundi skipulagsstjóra 13. ágúst 2010 var lagt fram erindi frá afgreiðslufundi byggingarfulltrúa frá 10. ágúst 2010 þar sem spurt er hvort leyft yrði að stækka svalir 2. hæðar á bakhlið íbúðar- og atvinnuhússins á lóð nr. 21 við Skólavörðustíg. Erindinu var vísað til umfjöllunar verkefnastjóra svæðisins og er nú lagt fram að nýju.
Ekki gerð skipulagsleg athugasemd við erindið. Sækja þarf um byggingarleyfi.
8.10 Skólavörðustígur 40, niðurrif og nýbygging
Lagt fram bréf frá afgreiðslufundi byggingarfulltrúa frá 17. ágúst 2010 þar sem sótt er um leyfi til að rífa tvö eldri hús og byggja í þeirra stað steinsteypt íbúðar- og verslunarhús, fjórar hæðir og kjallara, fimm íbúðir, tvær verslanir og veitingastað á lóð nr. 40 við Skólavörðustíg.
Útskrift úr gerðabók embættisafgreiðslufundar skipulagsstjóra frá 6. ágúst 2010 fylgir erindinu ásamt umsögn skipulagsstjóra dags. 4. ágúst 2010.
Einnig fylgir umsögn Minjasafns Reykjavíkur dags. 5. ágúst og Húsafriðunarnefndar dags. 29. júlí 2010.
Stærð niðurrifs: Mhl. 01 fastanr. 200-6095, merkt 0101 íbúð: 87,2 ferm. Mhl. 02 fastanr. 200-6096 merkt 0101 geymsla 10,1 ferm. Mhl. 03 fastanr. 200-697 merkt 0101 bílskúr 21,6 ferm.
Niðurrif samtals: 118,7 ferm.
Stærð nýbyggingar: Kjallari 193,9 ferm., 1. hæð 188,1 ferm., 2. hæð 183 ferm., 3. hæð 181,1 ferm., 4. hæð 116,1 ferm.
A-rými samtals: 862,2 ferm., 2.618,8 rúmm.
B-rými á 1. hæð: 19,3 ferm.
Gjald kr. 7.700 +201.648
Kynna formanni skipulagsráðs.
9.10 Skáldastígur, bréf
Lögð fram að nýju orðsending borgarstjóra ásamt bréfi Kristins E. Hrafnssonar dags. 8. október 2009 varðandi Skáldastíg í Grjótaþorpi. . Einnig er lögð fram umsögn Framkvæmda- og eignasviðs dags. 17. ágúst 2010.
Kynna formanni skipulagsráðs.
10.10 Sólvallagata 67, færanlegar kennslustofur
Lagt fram bréf frá afgreiðslufundi byggingarfulltrúa frá 17. ágúst 2010 þar sem sótt er um leyfi til að flytja færanlega kennslustofur nr. K31-A og K34-A frá lóð nr 1-3 við Arnabakka yfir á lóð Vesturbæjarskóla á lóð nr. 67 við Sólvallagötu.
Stærð kennslustofu K31-A er 60,1 ferm., 222,2 rúmm. og K34-A er 60,1 ferm., 222,2 rúmm. Samtals: 120,2 ferm., 444,4 rúmm.
Gjald kr. 7.700 + 34.219
Tillagan er ekki í samræmi við deiliskipulag Vesturbæjarskóla, en ekki er gerð athugasemd við að stöðuleyfi verði veitt til eins ár.
11.10 Vesturgata 27, (fsp) garðskýli
Lagt fram bréf frá afgreiðslufundi byggingarfulltrúa frá 17. ágúst 2010 þar sem spurt er hvort leyft yrði að byggja garðskýli eins og sýnt er á meðfylgjandi teikningu af einbýlishúsinu á lóð nr. 27 við Vesturgötu.
Ekki gerð athugasemd við erindið af skipulagslegum ástæðum. Byggingarleyfisumsókn verður grenndarkynnt berist hún. Vakin er athygli á að bílastæði sem sýnt er á uppdrætti fyrir framan garðhýsið er ósamþykkt.
12.10 Kjalarnes, Móavík, (fsp) skipting lóðar
Á fundi skipulagsstjóra 18. ágúst 2010 var lögð fram fyrirspurn Verkfræðistofu Suðurlands ehf. dags. 2. júlí 2010 varðandi stofnun nýrrar lóðar úr landi Móavíkur á Kjalarnesi skv. uppdrætti dags.12. júlí 2010. Erindinu var vísað til umsagnar skipulagsstjóra og er nú lagt fram að nýju ásamt umsögn dags. 12. ágúst 2010.
Neikvætt, með vísan til umsagnar skipulagsstjóra.
13.10 Kjalarnes, Móar, afmörkun lóðar o.fl.
Lagt fram erindi Guðmundar Lárussonar dags. 14. janúar 2010 varðandi afmörkun lóðarspildu í landi Móa á Kjalarnesi samkvæmt loftmynd dags. desember 2009 ásamt því að byggja smábýli. Einnig lögð fram umsögn skipulagsstjóra dags. 19. janúar 2010.
Neikvætt, með vísan til umsagnar skipulagsstjóra dags. 19. janúar 2010.
14.10 Vatnsmýrarvegur 10, (fsp) lóð Umferðarmiðstöðvar
Lögð fram fyrirspurn skilanefndar Landsbanka Íslands dags. 16. júlí 2010 vegna lóðar nr. 10 við Vatnsmýrarveg, Umferðarmiðstöð.
Vísað til umsagnar verkefnisstjóra svæðisins.
15.10 Borgartún 8-16, bréf Faxaflóahafna
Á fundi skipulagsráðs 21. janúar 2009 var lagt fram bréf Faxaflóahafna dags. 9. október 2008 vegna byggingar á lóð nr. 8-16 við Borgartún sem skyggir á innsiglingavita Reykjavíkurhafna. Einnig lagður fram tölvupóstur ritara borgarstjóra frá 30. desember 2008 ásamt erindi Sjómannadagsráðs, dags. 16. desember 2008. Erindinu var frestað. Erindið nú lagt fram að nýju ásamt bréfi Samgönguráðuneytisins dags. 17. febrúar 2009. Erindinu var vísað til meðferðar hjá lögfræði og stjórnsýslu og er nú lagt fram að nýju ásamt minnisblaði lögfræði- og stjórnsýslu dags. 23. mars 2009. Lögð fram ítrekun Samgöngu- og sveitarstjórnarráðuneytis dags. 14. júlí 2010 um umsögn vegna erindis.
Kynna formanni skipulagsráðs.
16.10 Mávahlíð 42, endurnýjun á BN029855
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 6. júlí 2010 þar sem sótt er um endurnýjun á samþykkt byggingaráforma BN029855 samþ. 27.7.2004, um að byggja svalir á suðurhlið 3. hæðar fjölbýlishúss á lóð nr. 42 við Mávahlíð. Kynningin stóð yfir frá 14. júlí 2010 til og með 12. ágúst 2010. Engar athugasemdir bárust.
Gjald kr. 7.700
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa

17.10 Lambhagaland - 189563, nýtt deiliskipulag
Lagt fram bréf Skipulagsstofnunar dags. 3. júní 2010 þar sem gerðar eru athugasemdir við birtingu erindis í B-deild Stjórnartíðinda. Einnig lögð fram umsögn skipulagsstjóra dags. 20. ágúst 2010.
Umsögn skipulagsstjóra samþykkt.
18.10 Krosshamrar 5, (fsp) sólskáli
Lagt fram bréf frá afgreiðslufundi byggingarfulltrúa frá 17. ágúst 2010 þar sem spurt er hvort leyft yrði að byggja sólskála við suðurhlið tvíbýlishússins á lóð nr. 5 við Krosshamra.

Samræmist ekki deiliskipulagi. Ekki gerð athugasemd við að unnin verði tillaga að breytingu á deiliskipulagi sem síðan verðu grenndarkynnt.
19.10 Tangabryggja 14-16, bílasala
Lagt fram bréf Ingibjargar Tómasdóttur dags. 18. maí 2010 vegna bílasölu á lóð nr. 14-16 við Tangabryggju. Einnig lagt fram bréf forstjóra Björgunar dags. 22. júní 2010 ásamt bréfi formanns íbúasamtaka Bryggjuhverfis dags. 16. júní 2010.
Kynna formanni skipulagsráðs.
20.10 Sjafnargata 11, (fsp) breytingar á húsi
Á fundi skipulagsstjóra 13. ágúst 2010 var lögð fram fyrirspurn Eddu Þórarinsdóttur, dags. 6. ágúst 2010 varðandi ýmsar breytingar á húseigninni Sjafnargata 11. Erindinu var vísað til umfjöllunar verkefnastjóra svæðisins og er nú lagt fram að nýju.
Ekki gerð athugasemd við erindið með vísan til umsagnar skipulagsstjóra. Byggingarleyfisumsókn verður grenndarkynnt berist hún.
21.10 Háagerði 19, breyting á deiliskipulagi
Að lokinni grenndarkynningu er lagt fram að nýju erindi Önnu Hinriksdóttur dags. 29. júní 2010 varðandi breytingu á deiliskipulagi Háagerði 1-79 og Sogavegur 98-106 vegna lóðarinnar nr. 19 við Háagerði. Í breytingunni felst að byggingarreitur fyrir viðbyggingu er færður samkvæmt uppdrætti Bjargeyjar Guðmundsdóttur dags. 21. júní 2010. Einnig lagt fram samþykki lóðarhafa að Háagerði 11-17. Kynningin stóð yfir frá 14. júlí 2010 til og með 12. ágúst 2010. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.

22.10 Víðimelur 72-74, hænsnahald
Á fundi skipulagsstjóra 13. ágúst 2010 var lagt fram bréf heilbrigðisfulltrúa Reykjavíkur, dags. 10. ágúst 2010, ásamt umsókn, dags. 1. ágúst 2010, um leyfi til að halda hænur á lóðinni 72-74 við Víðimel. Einnig lagt fram bréf íbúa að Víðimel 70 dags. 8. ágúst 2010. Erindinu var vísað til umsagnar verkefnisstjóra og lögfræði- og stjórnsýslu og er nú lagt fram að nýju ásamt umsögn skipulags- og byggingarsviðs dags. 18. ágúst 2010.
Umsögn skipulags- og byggingarsviðs samþykkt.
23.10 Melar, reitur 1.540, deiliskipulag
Að lokinni auglýsingu er lögð fram að nýju tillaga Teiknistofunnar Gláma Kím að deiliskipulagi Mela reitur 1.540, samkvæmt deiliskipulagsuppdrætti og skýringamynd dags. í janúar 2010 Skipulagssvæðið afmarkast af Hagamel, Hofsvallagötu, Hringbraut og Furumel. Einnig er lögð fram forsögn að deiliskipulagi Mela dags. apríl 2009 og ábendingar sem bárust við forkynningunni. Auglýsing stóð yfir frá 5. maí 2010 til og með 16. júní 2010. Engar athugasemdir bárust. Samþykkt var að að framlengja frest til að gera athugasemdir við tillöguna til 13 ágúst 2010. Eftirtaldir aðilar sendu athugasemdir: Örn Úlfar Sævarsson dags. 10. ágúst og Ragnheiður Hákonardóttir, 2 bréf dags. 12. og 13. ágúst, Guðríður Kristjánsdóttir, f.h. eigenda að Hagamel 16-22 dags. 12. ágúst og Hrund Ó. Andradóttir dags. 13. ágúst 2010.
Vísað til umsagnar verkefnisstjóra svæðisins.
24.10 Hverafold 130, bílskúr
Lagt fram erindi frá afgreiðslufundi byggingarfulltrúa frá 10. ágúst 2010 þar sem sótt er um leyfi til að byggja bílskúr sem er steyptur á staðnum og tilheyrir íbúð 010101 í tvíbýlishúsinu á lóð nr. 130 við Hverafold.
Samþykki meðlóðarhafa og nágranna af húsum nr. 29 - 35 og 128.
Stærð: 35,2 ferm., 133,9 rúmm.
Gjald kr. 7.700 + 10.310

Vísað til meðferðar verkefnisstjóra svæðisins.
25.10 Esjugrund 33, breyting á deiliskipulagi
Lögð fram umsókn Sigurbergs Árnasonar arkitekt dags. 18. ágúst 2010 um breytingu á deiliskipulagi Grundarhverfis vegna lóðar nr. 33 við Esjugrund skv. uppdrætti dags. 13. ágúst 2010. Breytingin felst í því að gerður er byggingarreitur fyrir sólstofu.
Samþykkt að grenndarkynna framlagða umsókn fyrir hagsmunaaðilum að Víkurgrund 10 og Esjugrund 23 og 35.
26.10 Kvistaland 18-24, (fsp) stækkun byggingarreits á nr. 18
Lögð fram fyrirspurn Hildar Bjarnadóttur dags. 19. ágúst 2010 um stækkun byggingarreits á lóð nr. 18-24 við Kvistaland. Einnig lögð fram umsögn skipulagsstjóra dags. 20. ágúst 2010.
Ekki gerð athugasemd við erindið með vísan til umsagnar skipulagsstjóra.