Básendi 12, Bústaðablettur 10, Bústaðablettur 10, Grensásvegur 62, Hagamelur 15-17, Bergstaðastræti 54, Hverfisgata 18, Hverfisgata 71, Laugavegur 86-94, Skólavörðustígur 40, Skúlagata 4, Tjarnargata 39, Vogar sunnan Skeiðarvogs, Drápuhlíð 21, Klettháls 7, Norðlingabraut 7, Olís, Stuðlaháls 1, Þingás 36, Kjalarnes, Mógilsá, Gvendargeisli 74, Logafold 174, Mosarimi 32-36, Þorláksgeisli, Drápuhlíð 3,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

312. fundur 2010
Ár 2010, föstudaginn 6. ágúst kl. 10:30, hélt skipulagsstjóri Reykjavíkur 312. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sat: Ólöf Örvarsdóttir Eftirtaldir embættismenn kynntu mál á fundinum: Þórarinn Þórarinsson, Margrét Þormar, Bragi Bergsson, Björn Ingi Edvardsson, Lilja Grétarsdóttir og Gunnhildur Gunnarsdóttir. Ritari var Helga Björk Laxdal
Þetta gerðist:

1.10 Básendi 12, bílskúr
Lagt fram bréf frá afgreiðslufundi byggingarfulltrúa frá 27. júlí 2010. Sótt er um leyfi til að byggja staðsteyptan tvöfaldan bílskúr með lagnakjallara á lóð nr. 12 við Básenda.
Fyrirspurn BN034626 dags. 19.sept. 2006 fylgir.
Stækkun lagnakjallari 63,5 ferm., 139,7 rúmm.
1. hæð bílskúr 61,4 ferm., 195,0 rúmm.
Samtals brúttó 347,0 rúmm. með botn.
Gjald kr. 7.700 + 26.719
Samþykkt að grenndarkynna framlagða umsókn fyrir hagsmunaaðilum að Básenda 10 og 14, Tunguvegi 11, 13 og 15 ásamt Garðsenda 12, þegar samþykki aðlægra lóðarhafa liggur fyrir.
2.10 Bústaðablettur 10, (fsp) lítið hús til frambúðar
Lagt fram bréf frá afgreiðslufundi byggingarfulltrúa frá 27. júlí 2010. Spurt er hvort leyft yrði að koma fyrir 25 ferm. timburhúsi með verönd á lóð einbýlishússins á lóð nr. 10 við Bústaðablett.
Vísað til umsagnar hjá verkefnisstjóra svæðisins.
3.10 Bústaðablettur 10, (fsp) stöðuleyfi fyrir lítið hús
Lagt fram bréf frá afgreiðslufundi byggingarfulltrúa frá 27. júlí 2010. Spurt er hvort leyft yrði að koma fyrir timburhúsi, til búsetu eigenda meðan á endurbótum stendur, við einbýlishúsið á lóð nr. 10 við Bústaðablett.
Vísað til umsagnar hjá verkefnisstjóra svæðisins.
4.10 Grensásvegur 62, breyting á deiliskipulagi
Lögð fram umsókn THG f.h. Landspítala, dags. 3. ágúst 2010, um breytingu á deiliskipulagi lóðar Grensásdeildar Landspítalans nr. 62 við Grensásveg skv. uppdrætti, dags. 23. júlí 2010. Tillaga að breytingu gengur út á að byggja opið skýli yfir bílastæði fatlaðra á lóð og breyta fyrirkomulagi bílastæða á lóðinni sunnan megin við aðalbyggingu. Ekki er um neina stærðaraukningu að ræða.
Samþykkt að grenndarkynna framlagða tillögu fyrir hagsmunaaðilum að Brekkugerði 16 og 18, Espigerði 2, ásamt Furugerði 1 og 3.
5.10 Hagamelur 15-17, kvistir á suðurhlið
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 27. apríl 2010 þar sem sótt er um leyfi til að stækka tvo þakkvisti á suðurhæð fjölbýlishúss á lóð nr. 15-17 við Hagamel. Grenndarkynning stóð frá 25. júní til og með 23. júlí 2010. Eftirtaldir aðilar gerðu athugasemdir: Edda Kristjánsdóttir, dags. 14. júlí 2010.
Samþykki meðeigenda er á teikningu.
Stækkun xx ferm., xx rúmm.Gjald kr. 7.700 + xx
Vísað til umsagnar hjá verkefnisstjóra svæðisins og lögfræðings byggingarfulltrúa.
6.10 Bergstaðastræti 54, (fsp) tengja kvisti
Lagt fram bréf frá afgreiðslufundi byggingarfulltrúa frá 27. júlí 2010. Spurt er hvort leyfi fengist til að tengja saman núverandi kvisti á fjölbýlishúsinu nr. 54 og 56 á lóðum nr. 54 og 56 við Bergstaðastræti.
Ljósmyndir fylgja af núverandi kvistum.
Ekki eru gerðar athugasemdir við tengingu kvista á bakhlið. Byggingarleyfisumsókn verður grenndarkynnt þegar hún berst.
7.10 Hverfisgata 18, starfsemi og veitingaleyfi Bar 11
Lagt fram bréf Þjóðleikhússtjóra, mótt. 22. júlí 2010, varðandi starfsemi og veitingaleyfi Bar 11 við Hverfisgötu 18.
Vísað til meðferðar hjá byggingarfulltrúa.
8.10 Hverfisgata 71, (fsp) breyting á deiliskipulagi
Lögð fram umsókn Studio Granda, dags. 28. júlí 2010, varðandi breytingu á deiliskipulagi Skúlagötusvæðis vegna lóðar nr. 71 við Hverfisgötu skv. uppdrætti, dags. 23. júlí 2010. Breytingin gengur út á að húsið standi áfram fremst á lóðinni og að viðbygging verði rifin og ný byggð í hennar stað.
Frestað. Lagfæra þarf uppdrætti.
9.10 Laugavegur 86-94, málskot vegna máls BN041616
Lagt fram málskot Önnu Ólafsdóttur, dags. 26. júlí 2010 vegna synjunar afgreiðslufundar byggingarfulltrúa frá 15. júní 2010 á fyrirspurn um hvort leyfi fengist til að stækka 4. hæð og fjölga íbúðum úr 7 íbúðum í 9 íbúðir í fjölbýlishúsinu á lóð nr. 86-94 við Laugaveg.
Vísað til skipulagsráðs.
10.10 Skólavörðustígur 40, niðurrif og nýbygging
Lagt fram bréf frá afgreiðslufundi byggingarfulltrúa frá 27. júlí 2010. Sótt er um leyfi til að rífa tvö eldri hús og byggja í þeirra stað steinsteypt íbúðar- og verslunarhús, fjórar hæðir og kjallara á lóð nr. 40 við Skólavörðustíg. Einnig er lögð fram umsögn skipulagsstjóra dags. 4. ágúst 2010.
Stærð niðurrifs: Mhl. 01 fastanr. 200-6095, merkt 0101 íbúð: 87,2 ferm. Mhl. 02 fastanr. 200-6096 merkt 0101 geymsla 10,1 ferm. Mhl. 03 fastanr. 200-697 merkt 0101 bílskúr 21,6 ferm.
Niðurrif samtals: 118,7 ferm.
Stærð nýbyggingar: Kjallari 258,7 ferm., 719,5 rúmm., 1. hæð 189,2 ferm., 631,2 rúmm, 2. og 3. hæð 183 ferm., 517,8 rúmm., 4. hæð 122,5 ferm., 386 rúmm.
Samtals: 936,4 ferm., 2824 rúmm.
Samtals B-rými á 1. hæð: 19,3 ferm.
Gjald kr. 7.700 + xx
Frestað.
Lagfæra þarf uppdrætti með vísan til athugasemda í umsögn skipulagsstjóra.
11.10 Skúlagata 4, breyting á deiliskipulagi
Lögð fram umsókn Sigríðar Magnúsdóttur f.h. Sjávarútvegshússins dags. 27. júlí 2010 um breytingu á deiliskipulagi Stjórnarráðsreits vegna hækkunar á skrifstofuálmu í húsi nr. 4 við Skúlagötu um eina hæð.
Vísað til skipulagsráðs.
12.10 Tjarnargata 39, áður gerðar breytingar, þaksvalir og handrið
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 15. júní 2010 þar sem sótt er um samþykki fyrir áður gerðum breytingum á innra fyrirkomulagi, m. a. nýjum íbúðarherbergjum í kjallara og risi og nýjum stigum milli hæða og til að hækka handrið á svölum 3. hæðar og stækka svalir á 2. hæð út á þak viðbyggingar við þríbýlishúsið á lóð nr. 39 við Tjarnargötu. Kynning stóð frá 25. júní til 27. júlí 2010. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
13.10 05">Vogar sunnan Skeiðarvogs, forsögn, deiliskipulag
Að lokinni auglýsingu er lögð fram að nýju tillaga Húss og skipulags ehf. að deiliskipulagi Voga, sunnan Skeiðarvogs mótt. 8. janúar 2010. Einnig eru lagðar fram ábendingar sem bárust við hagsmunaaðilakynningunni og húsakönnun fyrir Vogahverfi, dags. apríl 2010. Erindi var í auglýsingu frá 9. júní 2010 til og með 22. júlí 2010. Eftirtaldir aðilar sendu inn athugasemdir: Vigdís Jónsdóttir f.h. Guðbjargar Lilju Maríusdóttur dags. 21. júní 2010 og eigenda að Gnoðavogi 44-56 dags. 21. júlí 2010. Einng lögð fram umsögn umhverfis- og samgöngusviðs dags. 3. ágúst 2010.
Vísað til skipulagsráðs
14.10 Drápuhlíð 21, (fsp) svalir á suðurgafl í risi
Lagt fram bréf frá afgreiðslufundi byggingarfulltrúa frá 27. júlí 2010. Spurt er hvort leyft yrði að byggja svalir framan við kvist á suðurhlið fjölbýlishússins nr. 21 við Drápuhlíð.
Fallist er á að byggðar verði svalir fyrir framan kvist svo framarlega sem þakkantur haldi sér og handrið svala verði gagnsætt. Sama útfærsla skal vera á hinum helmingi hússins þar sem um parhús er að ræða. Byggingarleyfisumsókn verður grenndarkynnt þegar hún berst.
15.10 Klettháls 7, breyting á deiliskipulagi
Að lokinni grenndarkynningu er lagt fram að nýju erindi Ómars Sigurbergssonar dags. 15. júní 2010 varðandi breytingu á deiliskipulagi Klettháls vegna lóðarinnar nr. 7 við Klettháls. Í breytingunni felst hækkun á nýtingarhlutfalli lóðar samkvæmt uppdrætti Funkis arkitekta dags. 6. júní 2010. Kynning stóð frá 25. júní til 23. júlí 2010. Engar athugsemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.

16.10 Norðlingabraut 7, Olís, veitingaleyfi
Lagt fram bréf Sigríðar Júlíusdóttur, dags. 23. júní 2010, varðandi umsagnarbeiðni lögreglustjórans á höfuðborgarsvæðinu um umsókn Olíuverslunar Íslands hf. um rekstrarleyfi í flokki III, þar sem sótt er um leyfi til áfengisveitinga til kl. 01.00 virka daga og til kl. 03.00 um helgar í veitingasal þjónustustöðvar Olís að Norðlingabraut 7. Einnig lögð fram umsögn lögfræði og stjórnsýslu, dags. 26. júlí 2010.
Umsögn lögfræði og stjórnsýslu samþykkt
17.10 Stuðlaháls 1, (fsp) stækkun byggingarreits
Lögð fram fyrirspurn Gests Ólafssonar f.h. Vífilfells, dags. 28. júlí 2010, um stækkun byggingarreits á lóð nr. 1 við Stuðlaháls skv. uppdrætti, dags. 28. júlí 2010,
Fallist er á að heimila lóðarhafa að láta vinna breytingu á deiliskipulagi þannig að gerður verði byggingareitur og skilmálar fyrir hreinsikerfið. Breytingin verður grenndarkynnt þegar hún berst.
18.10 Þingás 36, breyting á deiliskipulagi
Lögð fram umsókn Ellerts Jónssonar, dags. 29. júlí 2010, um breytingu á deiliskipulagi Suður-Selás vegna lóðar nr. 36 við Þingás skv. uppdrætti, dags. 15. júlí 2010. Breytingin felst m.a. í stækkun byggingarreits og auknu byggingarmagni á lóð. Einnig lagt fram tölvubréf Helga Helgasonar f.h. Orkuveitunnar dags. 4. ágúst 2010 þar sem vísað er til samráðs um breytingu á kvöð Orkuveitunnar um holræsi á lóðinni.
Samþykkt að grenndarkynna framlagða tillögu fyrir hagsmunaaðilum að Þingás 34 og 38.
19.10 Kjalarnes, Mógilsá, breyting á deiliskipulagi
Lögð fram umsókn Landmótunar f.h. Orkuveitu Reykjavíkur, dags. 30. júlí 2010, um breytingu á deiliskipulagi Mógilsár og Kollafjarðar vegna tveggja lóða fyrir dreifistöðvar rafmagns, skv. uppdrætti, dags. 16. júní 2010.
Vísað til skipulagsráðs.
20.10 Gvendargeisli 74, (fsp) skjólgirðing
Lögð fram fyrirspurn Elvu Möller og Hlyns Sigurðssonar dags. 23. júní 2010 varðandi skjólvegg á milli göngustígs og lóðar nr. 74 við Gvendargeisla. Erindi var vísað til meðferðar hjá Framkvæmda- og eignasviði og er nú lagt fram að nýju ásamt bréfi þeirra dags. 26. júlí 2010.
Umsækjanda var svarað með bréfi og afriti af svari FER þann 28. júlí 2010.
21.10 Logafold 174, (fsp) fjölgun bílastæða
Lögð fram fyrirspurn Maríu Gunnarsdóttur, dags. 5. ágúst 2010, varðandi fjölgun bílastæða á lóð nr. 174 við Logafold.
Vísað til umsagnar verkefnisstjóra svæðisins.
22.10 Mosarimi 32-36, (fsp) nr. 36 sólskáli
Spurt er hvort leyft yrði að byggja sólskála við norðvestur enda raðhúss nr. 36 á lóð nr. 32-36 við Mosarima.
Neikvætt. Samræmist ekki deiliskipulagi.
23.10 Þorláksgeisli, nýting borgarlands
Lagt fram bréf Foreldrafélags Geislabaugs, dags. 23. júlí 2010, varðandi nýtingu borgarlands á mótum Þorláksgeisla og Kristnibrautar við Krosstorg sem opinn útivistar- og leikgarð. Einnig lögð fram umsögn skipulagsstjóra dags. 6. ágúst 2010.
Neikvætt með vísan til umsagnar.
24.10 Drápuhlíð 3, (fsp) breytingar á risibúð
Lagt fram bréf frá afgreiðslufundi byggingarfulltrúa frá 27. júlí 2010. Spurt er hvort leyft yrði að koma fyrir yfirbyggingu á svölum risíbúðar fjölbýlishússins á lóð nr. 3 við Drápuhlíð.
Neikvætt.
Bygging skýlis yfir svalir fram á þakbrún samræmist ekki byggðamynstri svæðisins.