Lambhagavegur 11A, Álfheimar 2, Tunguvegur 19, Háskóli Íslands, Vísindagarðar, Faxaskjól 20, Melar, reitur 1.540, Réttarsel 7-9, Ingólfstorg, Laugavegur 3, Skúlagata 4, Slippareitur, Tryggvagata 16, Fremristekkur 1, Snorrabraut 83, Aðalskipulag Reykjavíkur, Reglur um smáhús, Austurhöfn, Austurhöfn Tónlistarhús,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

308. fundur 2010
Ár 2010, föstudaginn 2. júlí kl. 10:15, hélt skipulagsstjóri Reykjavíkur 308. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ágústa Sveinbjörnsdóttir og Marta Grettisdóttir. Eftirtaldir embættismenn kynntu mál á fundinum: Þórarinn Þórarinsson, Björn Ingi Edvardsson, Bragi Bergsson, Margrét Þormar og Lilja Grétarsdóttir. Ritari var Helga Björk Laxdal.
Þetta gerðist:

1.10 Lambhagavegur 11A, dreifistöð
Lagt fram bréf frá afgreiðslufundi byggingarfulltrúa frá 29. júní 2010 þar sem sótt er um leyfi til að reisa dreifistöð OR úr forsteyptum einingum á lóð nr. 11A við Lambhagaveg.
Stærðir 15,3 ferm., 52 rúmm. Gjald kr 7.700 + 4.004
Frestað.
Ekki eru gerðar athugasemdir við að umsækjandi láti vinna tillögu að breytingu á deiliskipulagi, á eigin kostnað, sem gerir ráð fyrir stækkun á spennistöð. Tillagan verður grenndarkynnt þegar hún berst.
2.10 Álfheimar 2, (fsp) bæta við hæð
Lagt fram bréf frá afgreiðslufundi byggingarfulltrúa frá 29. júní 2010 þar sem spurt er hvort byggja megi aðra hæð ofan á suðurálmu verslunarhússins á lóð nr. 2 við Álfheima.
Vísað til umsagnar hjá verkefnisstjóra svæðisins.
3.10 Tunguvegur 19, breyting á deiliskipulagi
Að lokinni auglýsingu er lagt fram að nýju erindi Sæmundar Pálssonar og Ólafíu Magnúsdóttur, mótt. 8. desember 2009, varðandi breytingu á deiliskipulagi Sogavegar vegna lóðarinnar nr. 19 við Tunguveg. Í breytingunni felst m.a. að gera byggingarreit á norðurhluta lóðarinnar auk byggingarreits fyrir svalir, færa tvö bílastæði sem eru við götu inn á lóð og fleira samkvæmt uppdrætti Arkhús ehf., dags. 12. apríl 2010. Auglýsing stóð yfir frá 19. maí 2010 til og með 1. júlí 2010. Eftirtaldir aðilar gerðu athugasemdir: Kári Pálsson og Guðrún M. Ólafsdóttir dags. 6. júní 2010.
Vísað til umsagnar hjá verkefnisstjóra svæðisins.
4.10 Háskóli Íslands, Vísindagarðar, breyting á deiliskipulagi HÍ
Að lokinni auglýsingu er lagt fram að nýju erindi Ask Arkitekta dags. 11. desember 2009 fh. Vísindagarða Háskóla Íslands ehf. vegna breytinga á deiliskipulagi Háskóla Íslands vegna Vísindagarða. Í breytingunni felst m.a. að lóðinni er skipt upp í sjö lóðir fyrir Vísindagarða, Stúdentagarða og spennistöð Orkuveitu Reykjavíkur samkvæmt uppdrætti Ask Arkitekta dags. 23. mars 2010 ásamt greinargerð og skilmálum dags. 29. mars 2010. Einnig eru lagðir fram minnispunktar skipulags- og byggingarsviðs dags. 9. júní 2010 af kynningarfundi vegna málsins sem haldinn var þann 3. júní sl. Auglýsing stóð yfir frá 31. apríl til og með 30. júní 2010. Eftirtaldir aðilar sendu inn athugasemdir: Sigurður Halldórsson dags. 25. maí 2010 fh. Jóns Scheving Thorsteinssonar og Ragnheiðar Harðardóttur, Oddagötu 4 og Snorra Bergmann, Oddagötu 16 þar sem farið fram á að frestur til athugasemda verði framlengdur, Ragnheiður Harðardóttir dags. 10. júní 2010 fh. íbúa við Oddagötu og Aragötu þar sem óskað er eftir að athugasemdafrestur verði framlengdur til 30. júní 2010, Þorkell Jóhannesson dags. 31. maí, Katrín Ragnars f.h Max Dager Forstjóra Norræna hússins dags. 17. júní, Snorri Bergmann og Védís Húnbogadóttir dags. 22. júní, Helga Þorkelsdóttir, Páll Þorgeirsson, Jóhannes Fossdal og Hilda Hansen dags. 28. júní, Ragnheiður Harðardóttir og Jón Sch. Thorsteinsson f.h. íbúa að Oddagötu 4 dags. 29. júní 2010 ásamt greinargerð/umsögn Glámu Kím unnin fyrir íbúa við Odda- og Aragötu dags. 28. júní mótt. 29. júní, Ingibjörg E. Björnsdóttir fh. Svanhildar Sigurðardóttur dags. 30. júní, Max Dager fh. Norræna Húsið dags. 1. júlí, Þóra Ellen Þórhallsdóttir og Helgi Björnsson dags. 30. júní, Bjarki Gunnar Halldórsson dags. 30. júní, Baldur Símonarson dags. 30. júní og Jón Jóhannes Jónsson dags. 30. júní 2010.
Vísað til umsagnar hjá verkefnisstjóra svæðisins.
5.10 Faxaskjól 20, breyting inni
Lagt fram bréf frá afgreiðslufundi byggingarfulltrúa frá 29. júní 2010 þar sem sótt er um leyfi til innanhúsbreytinga sem sameina íbúðir 0101 og 0201 í eina, einnig er sótt um að byggja svalir úr timbri með stiga út í garð á 1. hæð í húsi á lóð nr. 20 við Faxaskjól.
Gjald kr. 7.700
Samþykkt að grenndarkynna framlagða umsókn fyrir hagsmunaaðilum að Faxaskjóli 18 og 22.
6.10 Melar, reitur 1.540, deiliskipulag
Að lokinni auglýsingu er lögð fram að nýju tillaga Teiknistofunnar Gláma Kím að deiliskipulagi Mela reitur 1.540, samkvæmt deiliskipulagsuppdrætti og skýringamynd dags. í janúar 2010 Skipulagssvæðið afmarkast af Hagamel, Hofsvallagötu, Hringbraut og Furumel. Einnig er lögð fram forsögn að deiliskipulagi Mela dags. apríl 2009 og ábendingar sem bárust við forkynningunni. Auglýsing stóð yfir frá 5. maí 2010 til og með 16. júní 2010. Engar athugasemdir bárust.
Samþykkt að framlengja frest til að gera athugasemdir við tillöguna til 13 ágúst nk.
7.10 Réttarsel 7-9, (fsp) skipting lóðar
Á fundi skipulagsstjóra 25. júní 2010 var lögð fram fyrirspurn Höskuldar H. Dungal dags. 15. júní 2010 varðandi skiptingu lóðarinnar nr. 7-9 við Réttarsel. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 29. júní 2010 og minnisblaði lögfræði og stjórnsýslu mótt. 28. júní 2010.
Ekki eru gerðar skipulagslegar athugasemdir við erindið með þeim skilyrðum sem fram koma í framlagðri umsögn og minnisblaði.
8.10 Ingólfstorg, orðsending borgarstjóra
Lögð fram orðsending borgarstjóra dags. 29. júní 2010 þar sem óskað eftir minnisblaði um skipulagsmál og hugmyndir um framtíðarnotkun Ingólfstorgs.
Vísað til umsagnar hjá lögfræði og stjórnsýslu.
9.10 Laugavegur 3, umferðarkvöð um lóð
Á fundi skipulagsstjóra 25. júní 2010 var lögð fram fyrirspurn Hjörleifs Stefánssonar ark. f.h. Oddakots ehf. dags. 22. júní 2010 varðandi kvöð um gangandi umferð yfir lóð nr. 3 við Laugaveg. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn dags. 28. júní 2010.
Framlögð umsögn samþykkt.
10.10 Skúlagata 4, (fsp) hækkun húss
Lögð fram fyrirspurn Sigríðar Magnúsdóttur f.h. Sjávarútvegshússins dags. 30. júní 2010 varðandi hækkun á skrifstofuálmu í húsi nr. 4 við Skúlagötu um tvær hæðir.
Vísað til umsagnar hjá verkefnisstjóra svæðisins.
11.10 Slippareitur, (fsp) lóð fyrir flutningshúsið Sólfell
Lögð fram fyrirspurn Minjaverndar dags. 30. mars 2010 um lóð fyrir saltfiskþurrkunarhúsið Sólfell sem áður stóð að Borgartúni 41. Einnig lögð fram tillaga Argos arkitektastofu dags.í mars 2010 að staðsetningu þess og endurbyggingu á Slippasvæðinu í Reykjavíkurhöfn.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmis við tillögu um staðsetningu við Ægisgarð.
Tillagan verður auglýst þegar hún berst.
12.10 Tryggvagata 16, útisalerni við Tryggvagötu 21
Lagt fram að nýju bréf frá afgreiðslufundi byggingarfulltrúa frá 23. mars 2010 þar sem sótt er um leyfi til að breyta áður samþykktri staðsetningu útisalernishúss, á horni Tryggvagötu og Nausta, í horn Tryggvagötu og Hafnarstrætis. Einnig lagðar fram umsagnir Framkvæmda- og eignasviðs dags. 30. mars 2010, Bílastæðasjóðs dags. 12. apríl 2010, Höfuðborgarstofu dags. 20. maí 2010, Umhverfis- og samgöngusviðs dags. 21. maí 2010 og umsögn skipulagsstjóra dags. 21. maí 2010.
Neikvætt með vísan til umsagnar skipulagsstjóra.
13.10 Fremristekkur 1, breyting á þaki ofl.
Á fundi skipulagsstjóra 25. júní 2010 var lagt fram bréf frá afgreiðslufundi byggingarfulltrúa frá 22. júní 2010 þar sem sótt er um leyfi til að byggja nýtt valmaþak, loka innigarði, byggja kaldan gróðurskála og loka bílgeymslu á 1. hæð, einnig að stækka kjallara og koma þar fyrir bílskúr, loka inngangi í stigahús og steypa tröppur á lóðamörkum í og við einbýlishús á lóð nr. 1 við Fremristekk. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 2. júlí 2010.
Meðfylgjandi er samþykki eigenda Fst. 3 dags. 27.6.2010 vegna frágangs á lóðamörkum, einnig ljósrit á teikn. af samþykki eigenda Fst. 2,3,4 og Gilsárst. 1,2
Stækkun xx fer., xx rúmm.
Gjald kr. 7.700 + xx
Neikvætt með vísan til umsagnar skipulagsstjóra. Samræmist ekki deiliskipulagi.
14.10 Snorrabraut 83, svalalokun á 3. hæð
Á fundi skipulagsstjóra 25. júní 2010 var lagt fram bréf frá afgreiðslufundi byggingarfulltrúa frá 22. júní 2010 þar sem sótt er um leyfi fyrir svalalokun með álgluggum á þriðju hæð fjölbýlishúss á lóð nr. 83 við Snorrabraut. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 30. júní 2010.
Stærðir 3,9 ferm., xx rúmm.
Gjald kr. 7.700 + xx
Neikvætt með vísan til umsagnar skipulagsstjóra. Samræmist ekki gildandi rammaskilmálum um Norðurmýrina.
15.10 Aðalskipulag Reykjavíkur, Selás-Norðlingaholt mislæg göngutenging
Að lokinni forkynningu er lögð fram tillaga skipulags- og byggingarsviðs dags. 23. febrúar 2010 um breytingu á Aðalskipulagi Reykjavíkur 2001-2024 varðandi gerð nýrrar mislægrar göngutengingar milli Selás og Norðlingaholts yfir Breiðholtsbraut. Tillagan var kynnt á vef skipulags- og byggingarsviðs frá 18. maí til og með 30. júní 2010. Tillagan nú lögð fram að nýju ásamt bréfi Vegagerðarinnar dags. 26. maí 2010.
Vísað til skipulagsráðs.
16.10 Reglur um smáhús,
Lögð fram drög að tillögu Skipulags- og byggingarsviðs Reykjavíkur dags. í júlí 2010 að reglum um smáhús.
Kynna formanni skipulagsráðs.
17.10 Austurhöfn, breyting á deiliskipulagi
Að lokinni auglýsingu er lagt fram að nýju erindi Portus ehf. dags. 14. nóvember 2009 varðandi breytingu á deiliskipulagi Austurhafnar TRH vegna gatna- og stígatengsla á svæðinu milli Hafnarstrætis og Tónlistahússins samkvæmt uppdrætti Batterísins dags. 14. desember 2009 mótt. 12. apríl 2010. Einnig er lagt fram bréf Faxaflóahafna dags. 5. febrúar 2010, minnisblað Portusar og Austurhafnar dags. 12. febrúar 2010, minnisblað Mannvits dags. 23. október 2009, bókun umhverfis- og samgönguráðs vegna málsins dags. 23. febrúar 2010 og bréf Þjónustumiðstöðvar Miðborgar og Hlíða dags. 28. maí 2010. Tillagan var auglýst frá 12. maí til og með 24. júní 2010. Eftirtaldir aðilar sendu inn athugasemdir: Torfi Hjartarson f.h. Eignarhaldsfélagsins Portus ehf dags. 18. júní 2010 og Gunnar Valur Sveinsson f.h. Samtaka Ferðaþjónustunnar dags. 22. júní 2010. Einnig lagt fram bréf borgarráðs dags. 29. júní ásamt afriti af bréfi samtaka Ferðaþjónustunnar til borgarráðs dags. 24. júni 2010.
Frestað.
18.10 Austurhöfn Tónlistarhús, hönnun gatnakerfis
Kynnt forhönnun Framkvæmda- og eignasviðs og Verkfræðistofunnar Hnit hf. dags. í júlí 2010 að gatnakerfi við Austurhöfn tónlistarhúss.
Vísað til skipulagsráðs.