Flugvallarvegur, Laugarnestangi 70, Nauthólsvegur 6a, Víðidalur, Fákur, Gufunes, útivistarsvæði, Gvendargeisli 74, Logafold 49, Laugalækjarskóli, Tangabryggja 14-16, Austurstræti 6, Fremristekkur 1, Háaleitisbraut 68, Hólaberg 84, Laugavegur 3, Melar, reitur 1.540, Réttarsel 7-9, Seljavegur 27, Sogavegur 69, Týsgata 8, Flókagata 23, Hátún 2, Hólmvað 70, Lækjarvað 14, Skógarhlíð 10, Silungakvísl 21, Silungakvísl 21, Snorrabraut 83, Áland / Furuborg,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

307. fundur 2010
Ár 2010, föstudaginn 25. júní kl. 10:25, hélt skipulagsstjóri Reykjavíkur 307. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Björn Ingi Edvaldsson, Björn Axelsson, Margrét Þormar, Jóhannes S. Kjarval, Margrét Leifsdóttir, Ágústa Sveinbjörnsdóttir, Guðfinna Ósk Erlingsdóttir og Lilja Grétarsdóttir. Ritari var Helga Björk Laxdal
Þetta gerðist:

1.10 Flugvallarvegur, (fsp) lóðamál
Á fundi skipulagsstjóra 11. júní 2010 var lögð fram fyrirspurn Flugbjörgunarsveitar Reykjavíkur dags. 9. og 10. júní 2010 varðandi stækkun á lóð, breikkun á innkeyrslu, viðbótarbílastæði ásamt frágangi við lóðamörk Flugbjörgunarsveitar Reykjavíkur við Flugvallarveg samkvæmt uppdr. dags. í júní 2010. Erindinu var vísað til umsagnar hjá samgöngustjóra Umhverfis- og samgöngusviðs Reykjavíkur og er nú lagt fram að nýju ásamt umsögn dags. 22. júní 2010. Einnig er lögð fram umsögn skipulagsstjóra dags. 24. júní 2010.
Neikvætt með vísan til umsagnar skipulagsstjóra.
2.10 Laugarnestangi 70, veggur
Á fundi skipulagsstjóra 28. maí 2010 var lagt fram erindi Listasafns Sigurjóns Ólafssonar dags. 12. maí 2010 þar sem spurt hvort heimilað verði að reisa steinsteyptan vegg fyrir tvær bronsafsteypur á lóð Listasafnsins að Laugarnestanga 70 ásamt umsögn skipulagsstjóra dags. 27. maí 2010. Erindinu var vísað til umsagnar hjá umhverfis- og samgöngusviði og er nú lagt fram að nýju ásamt umsögn dags. 23. júní 2010 og umsögn skipulagsstjóra dags. 25. júní 2010.
Ekki eru gerðar skipulagslegar athugasemdir við erindið með vísan til umsagnar skipulagsstjóra.
3.10 Nauthólsvegur 6a, breyting á deiliskipulagi Nauthólsvíkur
Lagt fram erindi Orkuveitu Reykjavíkur dags. 11. júní 2010 varðandi breytingu á deiliskipulagi Nauthólsvíkur vegna lóðarinnar nr. 6a við Nauthólsveg. Í breytingunni felst ný staðsetning á smádreifistöð fyrir rafmagn samkvæmt uppdrætti Landmótunar dags. 11. júní 2010.
Vísað til skipulagsráðs.
4.10 Víðidalur, Fákur, framkvæmdaleyfi vegna Landsmóts 2012
Lagt fram bréf framkvæmdastjóra hestamannafélagsins Fáks dags. 15. júní 2010 varðandi leyfi til framkvæmda í Víðidal vegna Landsmóts 2012. Einnig lögð fram umsögn skipulagsstjóra dags. 25. júní 2010.
Vísað til skipulagsráðs.
5.10 Gufunes, útivistarsvæði, framkvæmdaleyfi
Lögð fram umsókn Óskars H. Guðjónssonar dags. 23. júní 2010 um framkvæmdaleyfi fyrir fyrsta hluta þrautabrautarinnar í Gufunesi. Einnig er lögð fram greinargerð og yfirlitsmynd af fyrsta áfanga garðsins dags. 23. júní 2010 og umsögn skipulagsstjóra dags. 25. júní 2010.
Vísað til skipulagsráðs.
6.10 Gvendargeisli 74, (fsp) skjólgirðing
Lögð fram fyrirspurn Elvu Möller og Hlyns Sigurðssonar dags. 23. júní 2010 varðandi skjólvegg á milli göngustígs og lóðar nr. 74 við Gvendargeisla
Ekki eru gerðar skipulagslegar athugasemdir við erindið.
Jafnframt er samþykkt að framsenda erindið Framkvæmda- og eignasviði Reykjavíkur til meðferðar.
7.10 Logafold 49, breyting á deiliskipulagi
Lögð fram erindi VA Arkitekta dags. 10. júní 2010 að breytingu á deiliskipulagi Foldahverfis, áfanga 6 vegna lóðarinnar nr. 49 við Logafold. Í breytingunni felst að útgrafinn kjallari er tekinn í notkun sem hluti íbúðar, samkvæmt uppdrætti VA Arkitekta dags. 23. júní 2010. Einnig lagt fram bréf VA Arkitekta, dags. 24. júní 2010.
Samþykkt að grenndarkynna framlagða tillögu fyrir hagsmunaaðilum að Logafold 47 og 51 þegar uppdrættir hafa verið lagfærðir.
8.10 Laugalækjarskóli, brettagarður
Lögð fram tillaga Framkvæmda- og eignasviðs dags. 15. júní 2010 varðandi breytingu á lóð Laugalækjarskóla vegna Brettagarðs.
Kynna formanni skipulagsráðs.
9.10 Tangabryggja 14-16, bílasala
Lagt fram bréf Ingibjargar Tómasdóttur dags. 18. maí 2010 vegna bílasölu á lóð nr. 14-16 við Tangabryggju. Einnig lagt fram bréf forstjóra Björgunar dags. 22. júní 2010 ásamt bréfi formanns íbúasamtaka Bryggjuhverfis dags. 16. júní 2010.
Kynna formanni skipulagsráðs.
10.10 Austurstræti 6, breyting á deiliskipulagi
Að lokinni auglýsingu er lagt fram að nýju erindi Guðna Pálssonar dags. 7. janúar 2010 um breytingu á deiliskipulagi Kvosarinnar vegna lóðarinnar nr. 6 við Austurstræti. Í breytingunni felst að stækka húsið til suðurs að lóðarmörkum og byggja við norðurhlið að hluta og setja kvisti á efstu hæð, samkvæmt uppdrætti GP Arkitekta dags. 22. mars 2010. Einng lögð fram umsögn Minjasafns Reykjavíkur dags. 4. febrúar 2010 og bréf Þjónustumiðstöðvar Miðborgar og Hlíða dags. 28. maí 2010. Auglýsing stóð yfir frá 5. maí 2010 til og með 16. júní 2010. Engar athugasemdir bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
11.10 Fremristekkur 1, breyting á þaki
Lagt fram bréf frá afgreiðslufundi byggingarfulltrúa frá 22. júní 2010 þar sem sótt er um leyfi til að byggja nýtt valmaþak, loka innigarði, byggja kaldan gróðurskála og loka bílgeymslu á 1. hæð, einnig að stækka kjallara og koma þar fyrir bílskúr, loka inngangi í stigahús og steypa tröppur á lóðamörkum í og við einbýlishús á lóð nr. 1 við Fremristekk.
Stækkun xx fer., xx rúmm.
Gjald kr. 7.700 + xx
Vísað til umsagnar hjá verkefnisstjóra svæðisins.
12.10 Háaleitisbraut 68, (fsp) hækkun á risi
Lögð fram fyrirspurn Sigurðar Björgúlfssonar f.h. Landsvirkjunar hf. dags. 23. júní 2010 varðandi hækkun á risi á húsi nr. 68 við Háaleitisbraut.
Ekki eru gerðar athugasemdir við erindið. Samræmist deiliskipulagi.
13.10 Hólaberg 84, breyting á deiliskipulagi
Að lokinni auglýsingu er lagt fram að nýju erindi Andrésar N. Andréssonar dags. 25. mars 2010 varðandi breytingu á deiliskipulagi Gerðuberg/Hólaberg vegna lóðarinnar nr. 84 við Hólaberg. Um er að ræða breytingu á byggingareitum samkvæmt uppdrætti Hornsteinar arkitektar ehf. dags. 17. mars 2010. Einnig lagt fram bréf Þjónustumiðstöðvar Breiðholts dags. 20. maí 2010. Auglýsing stóð yfir frá 5. maí 2010 til og með 16. júní 2010. Engar athugasemdar bárust.
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
14.10 Laugavegur 3, umferðarkvöð um lóð
Lögð fram fyrirspurn Hjörleifs Stefánssonar ark. f.h. Oddakots ehf. dags. 22. júní 2010 varðandi kvöð um gangandi umferð yfir lóð nr. 3 við Laugaveg.
Vísað til umsagnar hjá lögfræði og stjórnsýslu.
15.10 Melar, reitur 1.540, deiliskipulag
Að lokinni auglýsingu er lögð fram að nýju tillaga Teiknistofunnar Gláma Kím að deiliskipulagi Mela reitur 1.540, samkvæmt deiliskipulagsuppdrætti og skýringamynd dags. í janúar 2010 Skipulagssvæðið afmarkast af Hagamel, Hofsvallagötu, Hringbraut og Furumel. Einnig er lögð fram forsögn að deiliskipulagi Mela dags. apríl 2009 og ábendingar sem bárust við forkynningunni. Auglýsing stóð yfir frá 5. maí 2010 til og með 16. júní 2010. Engar athugasemdir bárust.
Frestað.
16.10 Réttarsel 7-9, (fsp) skipting lóðar
Lögð fram fyrirspurn Höskuldar H. Dungal dags. 15. júní 2010 varðandi skiptingu lóðarinnar nr. 7-9 við Réttarsel.
Vísað til umsagnar hjá verkefnisstjóra svæðisins.
17.10 Seljavegur 27, (fsp) um samþ. svala á þakhæð
Lagt fram bréf frá afgreiðslufundi byggingarfulltrúa frá 22. júní 2010 þar sem spurt er hvort byggja megi svalir á 3. hæð bakhliðar fjölbýlishúss á lóð nr. 27 við Seljaveg.
Ekki eru gerðar athugasemdir við erindið. Samræmist deiliskipulagi.
18.10 Sogavegur 69, breyting deiliskipulag
Á fundi skipulagsstjóra 11. júní var lagt fram erindi PK arkitekta dags. 22. janúar 2010 varðandi breytingu á deiliskipulagi við Sogaveg vegna lóðarinnar nr. 69 við Sogaveg samkvæmt uppdrætti dags. 5. janúar 2010. Erindið nú lagt fram að nýju ásamt lagfærðum uppdrætti dags. 24. júní 2010.
Vísað til skipulagsráðs þegar uppdrættir hafa verið lagfærðir.
19.10 Týsgata 8, breytingar úti, svalir, gluggar.
Á fundi skipulagsstjóra 7. maí 2010 var lagt fram bréf frá afgreiðslufundi byggingarfulltrúa frá 4. maí 2010 þar sem sótt er um leyfi til að stækka svalir á suðvesturhorni 3. og 4. hæðar, koma fyrir glugga á vesturgafl og hækka svalahandrið svala á norðurhlið hússins á lóð nr. 8 við Týsgötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 21. maí 2010 og 23. júní 2010.
Samþykki húseigenda dags. 25. apríl 2010.
Gjald kr. 7.700.
Ekki eru gerðar skipulagslegar athugasemdir við erindið með þeim skilyrðum sem fram koma í umsögn skipulagsstjóra.
Vísað til fullnaðarafgreiðslu byggingarfulltrúa.
20.10 Flókagata 23, málskot
Lagt fram málskot Jóns Eiríks Guðmundssonar dags. 16. júní 2010 vegna neikvæðrar afgreiðslu byggingarfulltrúa frá 11. maí 2010 um stækkun og sameiningu kvista.
Vísað til skipulagsráðs.
21.10 Hátún 2, (fsp) rampi fyrir aðkomu fatlaðra o.fl
Lagt fram bréf frá afgreiðslufundi byggingarfulltrúa frá 22. júní 2010 þar sem spurt er hvort byggja megi skábraut fyrir líkvagna með bílastæðum tímabundið fyrir fatlaða út fyrir lóðamörk að borgarlandi frá bílastæðum að aðalinngangi Hvítasunnukirkjunnar á lóð nr. 2 við Hátún. Einnig er lögð fram umsögn skipulagsstjóra dags. 25. júní 2010.
Neikvætt með vísan til umsagnar skipulagsstjóra.
22.10 Hólmvað 70, (fsp) breyting á lóð
Lögð fram fyrirspurn Hrafnhildar Þorgeirsdóttur og Guðmundar Auðunssonar dags. 16. júní 2010 varðandi breytingu á lóðinni nr. 70 við Hólmvað samkvæmt skissu. Einnig er lögð fram umsögn skipulagsstjóra dags. 24. júní 2010.
Ekki eru gerðar athugasemdir við að fyrirspyrjendur láti vinna tillögu að breytingu á deiliskipulagi á eigin kostnað, til samræmis við erindið, með þeim skilyrðum sem fram koma í umsögn skipulagsstjóra. Tillagan verður grenndarkynnt þegar hún berst.
23.10 Lækjarvað 14, (fsp) setja upp girðingu á milli borgarl. og göngust.
Lagt fram bréf frá afgreiðslufundi byggingarfulltrúa frá 22. júní 2010 þar sem spurt er hvort setja megi upp 120-150 cm háa girðingu á mörkum göngustígs og lóðar nr. 14 við Lækjarvað.
Ekki eru gerðar athugasemdir við erindið með þeim fyrirvara að ekki er gert ráð fyrir hærri girðingum í deiliskipulagi en 120 cm.
Frágangur á lóðamörkum skal gera í samráði við lóðarhafa aðliggjandi lóða.
24.10 Skógarhlíð 10, breyting á deiliskipulagi
Lögð fram umsókn Arkís f.h. K.S. verktaka dags. 17. mars 2010 um breytingu á deiliskipulagi Skógarhlíðar vegna lóðar nr. 10 samkvæmt uppdrætti dags. 5. mars 2010. Innkeyrslum á lóð er breytt og lóðin stækkuð. Einnig lögð fram umsögn umhverfis- og samgöngusviðs dags. 21. júní 2010.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi á eigin kostnað, þar sem gert er ráð fyrir breytingu á innkeyrslu samkvæmt erindi.
Ekki er fallist á tillögu að stækkun lóðar með vísan til umsagnar umhverfis- og samgöngusviðs.
25.10 Silungakvísl 21, (fsp) breikkun á bílastæði
Á fundi skipulagsstjóra 16. júní 2010 var lögð fram fyrirspurn Sigrúnar K. Einarsdóttur dags. 14. júní 2010 varðandi breikkun á bílastæði á lóð nr. 21 við Silungakvísl. Erindinu var vísað til meðferðar hjá verkefnisstjóra svæðisins og er nú lagt fram að nýju.
Neikvætt. Samræmist ekki gildandi deiliskipulagi svæðisins.
26.10 Silungakvísl 21, (fsp) svalir stækkun
Á fundi skipulagsstjóra 16. júní 2010 var lagt fram bréf frá afgreiðslufundi byggingarfulltrúa frá 15. júní 2010 þar sem spurt er hvort stækka megi svalir, sbr. erindi BN039835, við íbúð á efri hæð tvíbýlishússins á lóð nr. 21 við Silungakvísl. Erindinu var vísað til meðferðar hjá verkefnisstjóra svæðisins og er nú lagt fram að nýju.
Ekki eru gerðar athugasemdir við erindið. Samræmist gildandi deiliskipulagi svæðisins.
27.10 Snorrabraut 83, svalalokun á 3. hæð
Lagt fram bréf frá afgreiðslufundi byggingarfulltrúa frá 22. júní 2010 þar sem sótt er um leyfi fyrir svalalokun með álgluggum á þriðju hæð fjölbýlishúss á lóð nr. 83 við Snorrabraut.
Stærðir 3,9 ferm., xx rúmm.
Gjald kr. 7.700 + xx
Vísað til umsagnar hjá verkefnisstjóra svæðisins.
28.10 >Áland / Furuborg, breyting á deiliskipulagi
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 5. mars 2009 varðandi breytingu á deiliskipulagi Borgarspítalans vegna lóðar leikskólans Furuborgar. Í breytingunni felst stækkun lóðar og byggingarreits auk fjölgunar á bílastæðum, samkvæmt uppdrætti dags. 3. mars 2009. Einnig eru lögð fram drög að svifryks- og hljóðvistarmælingum fyrir lóðina. Tillagan var auglýst frá 4. nóvember til og með 16. desember 2009. Engar athugsemdir bárust.
Vísað til skipulagsráðs.