Bláfjöll, Hólmsheiði, Jötnaborgir, Öskjuhlíð, Laugarnestangi 70, Miðborgin, Kjalarnes, Álfsnes, Aragata 15, Háaleitisbraut 58-60, Stekkjarbakki 4-6, Austurstræti 12A, Garðastræti 2, Laugavegur 28, Skólavörðustígur 2, Tryggvagata 16, Týsgata 8, Kjalarnes, Melavellir, Brekkubær 29-39, Bröndukvísl 18, Flókagata 17, Skógarhlíð 10, Snorrabraut 27-29, Norðlingabraut 5, Lokastígsreitir 2, 3 og 4, Flugvallarvegur, Fossvogur, endurskoðun deiliskipulags, Sæviðarsund 59, Sundlaugavegur 37, Laugarásvegur 13, Laugavegur 4-6,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

302. fundur 2010
Ár 2010, föstudaginn 21. maí kl. 10:30, hélt skipulagsstjóri Reykjavíkur 302. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Björn Axelsson, Björn Ingi Edvardsson, Þórarinn Þórarinsson, Bragi Bergsson, Ágústa Sveinbjörnsdóttir, Guðfinna Ósk Erlingsdóttir. Gunnhildur S Gunnarsdóttir, Lilja Grétarsdóttir og Margrét Leifsdóttir. Ritari var Helga Björk Laxdal.
Þetta gerðist:

1.10 Bláfjöll, breyting á deiliskipulagi
Á fundi skipulagsstjóra 7. maí 2010 var lagt fram bréf skipulagsstjóra Kópavogsbæjar dags. 3. maí 2010, þar sem óskað er eftir umsögn Skipulags- og byggingarsviðs um breytingu á deiliskipulagi skíðasvæðis Bláfjalla. Einnig lagður fram uppdráttur Landslags arkitekta ásamt greinargerð og skilmálum dags. 12. mars 2010 og umhverfisskýrsla dags. mars 2010. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 20. maí 2010.
Vísað til skipulagsráðs.
2.10 Hólmsheiði, aðstaða fyrir ferða- og afþreyingariðnað
Á fundi skipulagsstjóra 7. maí 2010 var lagt fram bréf Framkvæmda- og eignasviðs dags. 5. maí 2010 þar sem óskað er eftir umsögn skipulags- og byggingarsviðs á erindi Lárusar Halldórssonar dags. 6. ágúst 2009 varðandi skipulagsþátt vegna afnot af landsvæði Hólmsheiði fyrir ferða- og afþreyingariðnað. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 20. maí 2010.
Umsögn skipulagsstjóra samþykkt.
3.10 Jötnaborgir, (fsp) göngustígur
Lagður fram tölvupóstur Miðgarðs dags. 18. maí 2010 varðandi fyrirspurn Andrésar Erlingssonar um tengingu á enda botnlanga við göngustíga sem liggja fyrir ofan Jötnaborgir.
Erindið er framsent Framkvæmda- og eignasviði Reykjavíkur til afgreiðslu.
4.10 Öskjuhlíð, Skógræktarfélag Ísland, lóðarumsókn
Lögð fram orðsending borgarstjóra dags. 14. maí 2010 varðandi fyrirspurn Skógræktarfélags Íslands um lóð fyrir höfðustöðvar félagsins.
Vísað til umsagnar hjá verkefnisstjóra svæðisins.
5.10 Laugarnestangi 70, veggur
Lagt fram erindi Listasafns Sigurjóns Ólafssonar dags. 12. maí 2010 þar sem óskað er eftir leyfi til að reisa steinsteyptan vegg fyrir tvær bronsafsteypur á lóð Listasafnsins að Laugarnestanga 70.
Vísað til umsagnar hjá verkefnisstjóra svæðisins.
6.10 Miðborgin, opin svæði, torg og göturými, forsögn
Lögð fram forsögn skipulagsstjóra að samræmdu skipulagi fyrir opin svæði, torg og göturými í miðborg Reykjavíkur dags. í nóvember 2007.
Vísað til skoðunar við vinnslu á endurskoðun Aðalskipulags Reykjavíkur.
7.10 Kjalarnes, Álfsnes, skotsvæði
Á fundi skipulagsstjóra 27. nóvember 2009 var lagt fram bréf Fannars Bergssonar f.h. Skotveiðifélags Reykjavíkur mótt. 23. nóvember 2009 varðandi framtíðar skotsvæði félagsins í nágrenni Reykjavíkur. Einnig lagt fram minnisblað skipulagsstjóra dags. 18. maí 2010
Vísað til skipulagsráðs.
8.10 Aragata 15, bílgeymsla og breyting inni
Lagt fram bréf frá afgreiðslufundi byggingarfulltrúa frá 18. maí 2010 þar sem sótt er um leyfi til að byggja bílgeymslu og að breyta inni og úti þar á meðal að flytja inntök heimlagna í húsnæðinu á lóð nr. 15 við Aragötu.
Stækkun: kjallari ?? 1.hæð ?? Bílskýli ??
Gjald kr. 7.700 + ??
Samþykkt að grenndarkynna framlagða umsókn fyrir hagsmunaaðilum að Aragötu 13 og Oddagötu 14 og 16 þegar uppdrættir hafa verið lagfærðir til samræmis við athugasemdir byggingarfulltrúa og þegar samþykki aðlægra lóðarhafa liggur fyrir.
9.10 Háaleitisbraut 58-60, (fsp) viðbótarbílastæði
Á fundi skipulagsstjóra 14. maí 2010 var lögð fram fyrirspurn Guðmundar Kristjánssonar f.h. húsfélagsins Miðbær sf dags. 10. maí 2010 varðandi fjölgun bílastæða á horni Safamýrar og Háaleitisbrautar. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 20. maí 2010.
Neikvætt með vísan til umsagnar skipulagsstjóra.
10.10 Stekkjarbakki 4-6, veitingastaður innréttaður á millilofti og geymslugámur fyrir gas o.fl.
Lagt fram bréf frá afgreiðslufundi byggingarfulltrúa frá 18. maí 2010 þar sem sótt er um leyfi til að innrétta veitingasal fyrir veitingar í fl. II með framleiðslueldhúsi í mhl. 02 á þegar byggðum millipalli, einnig er sótt um leyfi til að staðsetja geymslugám fyrir gas o.fl. í og við Garðheima á lóð nr. 4-6 við Stekkjarbakka.
Jafnframt er erindi BN041470 dregið til baka.
Meðfylgjandi er bréf vegna gasgeymslu dags. 3. maí 2010.
Stærðir xx ferm., xx rúmm.
Gjald kr. 7.700 + xx
Ekki eru gerðar skipulagslegar athugasemdir við veitingasal en þar sem geymslugámur er staðsettur utan byggingarreits þarf umsækjandi að láta vinna tillögu að breytingu á deiliskipulagi þar sem gert er ráð fyrir stækkun byggingarreits. Tekin verður ákvörðun um kynningu þegar tillagan berst.
11.10 Austurstræti 12A, breytingar inni
Lagt fram bréf frá afgreiðslufundi byggingarfulltrúa frá 11. maí 2010 þar sem sótt er um leyfi til að breyta innanhúsfyrirkomulagi og innréttingum fyrir veitingastað í flokki III á öllum hæðum í húsi á lóð nr. 12A við Austurstræti. Einnig er lögð fram umsögn skipulagsstjóra dags. 21. maí 2010.
Gjald kr. 7.700
Ekki eru gerðar athugasemdir við erindið með vísan til umsagnar skipulagsstjóra.
12.10 Garðastræti 2, (fsp) hækkun á þaki
Lögð fram fyrirspurn Basalt arkitekta dags. 8. apríl 2010 um að hækka hluta þaks á húsi nr. 2 við Garðastræti til að geta fengið tvær ósamþykktar íbúðir samþykktar. Einnig lagt fram bréf Ólafs Fannberg f.h. eigenda dags. 16. mars 2010. Einnig er lögð fram umsögn skipulagsstjóra dags. 21. maí 2010.
Umsögn skipulagsstjóra samþykkt.
13.10 Laugavegur 28, innri breytingar
Á fundi skipulagsstjóra 14. maí 2010 var lagt fram bréf frá afgreiðslufundi byggingarfulltrúa frá 11. maí 2010 þar sem sótt er um leyfi til að innrétta veitingasölu í flokki II og móttöku fyrir gistiheimili á 1. hæð og í kjallara gistiskála í húsi á lóð nr. 28 við Laugaveg. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 19. maí 2010.
Erindi fylgir brunahönnun dags. 31. mars 2009, endurskoðuð 13. apríl 2010.
Gjald kr. 7.700
Ekki eru gerðar skipulagslegar athugasemdir við erindið með vísan til niðurstöðu í umsögn skipulagsstjóra.
14.10 Skólavörðustígur 2, (fsp) breyta starfsemi úr verslun í kaffihús/ísbúð
Lagt fram bréf frá afgreiðslufundi byggingarfulltrúa frá 18. maí 2010 þar sem spurt er hvort leyfi fengist til að breyta starfseminni frá því að vera skartgripasala og verkstæði í kaffihús/ísbúð með aðstöðu til að setjast niður í verslunarhúsnæðinu á lóð nr. 14-14b við Bankastræti. Einnig er lögð fram umsögn skipulagsstjóra dags. 21. maí 2010.
Neikvætt með vísan til niðurstöðu í umsögn skipulagsstjóra.
15.10 Tryggvagata 16, útisalerni við Tryggvagötu 21
Lagt fram að nýju bréf frá afgreiðslufundi byggingarfulltrúa frá 23. mars 2010 þar sem sótt er um leyfi til að breyta áður samþykktri staðsetningu útisalernishúss, á horni Tryggvagötu og Nausta, í horn Tryggvagötu og Hafnarstrætis. Einnig lagðar fram umsagnir Framkvæmda- og eignasviðs dags. 30. mars 2010, Bílastæðasjóðs dags. 12. apríl 2010, Höfuðborgarstofu dags. 20. maí 2010 og Umhverfis- og samgöngusviðs dags. 21. maí 2010.

Vísað til skipulagsráðs.
16.10 Týsgata 8, breytingar úti, svalir, gluggar.
Á fundi skipulagsstjóra 7. maí 2010 var lagt fram bréf frá afgreiðslufundi byggingarfulltrúa frá 4. maí 2010 þar sem sótt er um leyfi til að stækka svalir á suðvesturhorni 3. og 4. hæðar, koma fyrir glugga á vesturgafl og hækka svalahandrið svala á norðurhlið hússins á lóð nr. 8 við Týsgötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 21. maí 2010.
Samþykki húseigenda dags. 25. apríl 2010.
Gjald kr. 7.700.
Frestað.
Lagfæra þarf uppdrætti til samræmis við niðurstöðu í umsögn skipulagsstjóra.
17.10 Kjalarnes, Melavellir, breyting á deiliskipulagi
Að lokinni auglýsingu er lögð fram að nýju umsókn Arkþings f.h. Matfugls ehf. dags. 17. september 2009 um breytingu á deiliskipulagi jarðarinnar Melavellir á Kjalarnesi skv. uppdrætti dags. 23. nóvember 2009. Sótt er um fjölgun alifuglahúsa á lóðinni. Einnig er lögð fram umhverfisskýrsla verkfræðistofunnar Efla dags. 23. nóvember 2009. Erindið nú lagt fram að nýju ásamt umsögn Skipulagsstofnunar, dags. 22. október 2009 og umsögn Umhverfisstofnunar, dags. 17. nóvember 2009. Umhverfisskýrsla fylgdi með uppdrættinum í auglýsingu. Auglýsing stóð frá 16. desember 2007 til 27. janúar 2010. Eftirtaldir aðilar sendu athugasemdir: Lögmenn við Austurvöll dags. 26. janúar 2010 f.h. eigenda Ártúns og Bakka. Einnig lögð fram umsögn skipulagsstjóra dags. 8. febrúar 2010.
Ítrekað er óskað eftir umsögn Umhverfisstofnunar til samræmis við erindi skipulags- og byggingarsviðs frá 23. febrúar 2010. Vakin er athygli á að borgarráð Reykjavíkur hefur beðið eftir umsögninni í tæplega þrjá mánuði og hefur beiðni um umsögn verið margítrekuð síðan. Óskað er eftir því að umsóknin liggi fyrir eigi síðar en 1. júní 2010.
18.10 Brekkubær 29-39, (fsp) nr. 33 hárgreiðslustofa og snyrtistofa
Lagt fram bréf frá afgreiðslufundi byggingarfulltrúa frá 18. maí 2010 þar sem spurt er hvort leyfi fengist til að innrétta hárgreiðslu- og snyrtistofu í borðstofu og stofu á 1. hæð raðhússins nr. 33 á lóð nr. 29 - 39 við Brekkubæ. Einnig er lögð fram umsögn skipulagsstjóra dags. 21. maí 2010.
Neikvætt með vísan til umsagnar skipulagsstjóra.
19.10 Bröndukvísl 18, breyting á deiliskipulagi
Lagt fram erindi Eddu Þórsdóttur f.h. Halldórs Jónssonar dags. 19. maí 2010 varðandi breytingu á deiliskpulagi Ártúnsholts vegna lóðarinnar nr. 18 við Bröndukvísl. Í breytingunni felst að byggingarreitur er breikkaður samkvæmt uppdrætti Cubus ehf. dags. 18. maí 2010.
Samþykkt að grenndarkynna framlagða tillögu fyrir hagsmunaaðilum að Bröndukvísl 20.
20.10 Flókagata 17, (fsp) gróðurhús
Lagt fram bréf frá afgreiðslufundi byggingarfulltrúa frá 18. maí 2010 þar sem spurt er hvort byggja megi hefðbundið gróðurhús á bilinu 9-13,5 ferm. í garði húss á lóð nr. 17 við Flókagötu.
Ekki eru gerðar skipulagslegar athugasemdir við erindið. Umsókn um byggingarleyfi verður grenndarkynnt þegar hún berst.
21.10 Skógarhlíð 10, breyting á deiliskipulagi
Á fundi skipulagsstjóra 19. mars 2010 var lögð fram umsókn Arkís f.h. K.S. verktaka dags. 17. mars 2010 um breytingu á deiliskipulagi Skógarhlíðar vegna lóðar nr. 10 skv. uppdrætti dags. 5. mars 2010. Innkeyrslum á lóð er breytt og lóðin stækkuð.
Ítrekað er óskað eftir umsögn umhverfis- og samgöngusviðs til samræmis við beiðni skipulags- og byggingarsviðs frá 19. mars 2010.
Óskað er eftir því að umsóknin liggi fyrir eigi síðar en 1. júní 2010.
22.10 Snorrabraut 27-29, (fsp) nr. 27 kaffihús á 1 hæð
Lagt fram bréf frá afgreiðslufundi byggingarfulltrúa frá 18. maí 2010 þar sem spurt er hvort leyfi fengist til að starfrækja kaffihús í flokki I með léttar veitingar í verslunarhúsnæðinu nr. 27 á lóð nr. 27-29 við Snorrabraut.
Ekki eru gerðar skipulagslegar athugasemdir við erindið. Sækja skal um byggingarleyfi.
23.10 Norðlingabraut 5, breyting á deilsikipulagi
Lagt fram bréf Skipulagsstofnunar dags. 28. apríl 2010. Ekki hægt að taka afstöðu til erindis samkvæmt bréfi. Einnig lögð fram umsögn Vegagerðarinnar dags. 14. maí 2010.
Frestað.
Lagfæra þarf uppdrætti.
24.10 Lokastígsreitir 2, 3 og 4, deiliskipulag
Lagt fram bréf Skipulagsstofnunar, dags. 12. maí 2010, þar sem ekki er gerð athugasemd við birtingu auglýsingu í B-deild Stjórnartíðinda þegar stofnuninni hafa borist endanleg gögn til varðveislu.
Vísað til lokameðferðar verkefnisstjóra svæðisins.
25.10 Flugvallarvegur, (fsp) lóðamál
Lögð fram fyrirspurn Flugbjörgunarsveitar Reykjavíkur dags. 18. maí 2010 varðandi stækkun á lóð, breikkun á innkeyrslu, viðbótarbílastæði, staðsetningu skiltis ásamt frágangi við lóðamörk Flugbjörgunarsveitar Reykjavíkur við Flugvallarveg.
Vísað til umsagnar hjá verkefnisstjórum svæðisins.
26.10 Fossvogur, endurskoðun deiliskipulags, forsögn
Að lokinni hagsmunaaðilakynningu er lögð fram að nýju forsögn skipulags- og byggingarsviðs Reykjavíkur dags. maí 2009 að deiliskipulagi Fossvogshverfis. Svæðið afmarkast af staðgreinireitum 1.849-1.871, Fossvogsdal, Eyrarlandi, Bústaðavegi og Stjörnugróf. Kynning stóð til 18. september. Eftirtaldir aðilar sendu inn ábendingar: Pétur Guðjónsson dags. 1. september 2009, Sigurbjörn Búi Sigurðsson dags. 2 september 2009, Anna og Árni Norðfjörð dags. 3. september 2009, Stefán Svavarsson dags. 7. september 2009, Sigrún Þórðardóttir f.h. 32 íbúa við Markland dags. 10. september 2009, Þröstur Olaf Sigurjónsson dags. 12. september 2009, Bæring Bjarnar Jónsson dags. 17. september 2009, Þorgeir H. Níelsson og Sigrún Þórðardóttir dags. 18. september 2009, eigendur að Kúrlandi 7, 9 ,11 og 13 dags. 17. september 2009, Gylfi Guðmundsson dags .18. september 2009, Katrín Olga Jóhannesdóttir dags. 19. september 2009. Einnig er lagt fram minnisblað VA arkitekta dags. 2. desember 2009 og minnisblað skipulags- og byggingarsviðs Reykjavíkur dags. 17. desember 2009.
Kynnt.
27.10 Sæviðarsund 59, hækka stoðvegg
Lagt fram bréf frá afgreiðslufundi byggingarfulltrúa frá 18. maí 2010 þar sem sótt er um leyfi til að hækka stoðvegg að hluta með gleri við bílskúr á lóð nr. 59 við Sæviðarsund.
Gjald kr. 7.700
Vísað til umfjöllunar hjá verkefnisstjóra svæðisins.
28.10 Sundlaugavegur 37, (fsp) laga hús og stækka
Á fundi skipulagsstjóra 14. maí 2010 var lagt fram bréf frá afgreiðslufundi byggingarfulltrúa frá 11. maí 2010 þar sem spurt er hvort lagfæra megi núverandi hús og byggja lágreista byggð við fyrir gistiheimili og/eða stúdíóíbúðir samtals 1180 ferm. á 1971 ferm. lóð (nhl. 0,6) nr. 37 við Sundlaugarveg. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 19. maí 2010.
Umsögn skipulagsstjóra samþykkt.
29.10 Laugarásvegur 13, bílgeymslur
Að lokinni grenndarkynningu er lagt fram að nýju bréf frá afgreiðslufundi byggingarfulltrúa 30. mars 2010 þar sem sótt er um leyfi til að byggja tvöfaldan bílskúr við fjölbýlishúsið á lóð nr. 13 við Laugarásveg. Grenndarlynning stóð yfir frá 15. apríl 2010 til og með 17. maí 2010. Eftirtaldir aðilar sendu inn athugasemdir: Ögmundur Skarphéðinsson arkitekt f.h. Jóhannesar Nordal dags. 11. maí 2010. Einnig lagt fram bréf Argos ehf. dags. 19. maí ásamt skuggavarpi dags. í maí 2010.
Erindi fylgir þinglýst eignaskiptayfirlýsing dags. í desember 1996.
Bílskúr: 55,7 ferm., 185,2 rúmm.
Gjald kr. 7.700 + 14.261
Vísað til umsagnar hjá verkefisstjóra svæðisins.
30.10 Laugavegur 4-6, mótmæli
Á fundi skipulagsstjóra 14. maí 2010 var lagður fram mótmælalisti 31 nágranna Laugavegar 4-6 dags. 11. maí 2010, varðandi opnunartíma skemmtistaða á lóðunum við Laugaveg 4 og 6. Erindinu var vísað til umsagnar hjá verkefnisstjóra skipulagsstjóra og er nú lagt fram að nýju ásamt umsögn skipulagsstjóra dags. 21. maí 2010.
Umsögn skipulagsstjóra samþykkt.