Dvergshöfði 27, Frostafold 28-30, Haukdælabraut 94, Maríubaugur 13-19, Höfðabakki 9, Nauthólsvegur, Landspítali Háskólasjúkrahús, Skáldastígur, Flugvöllur 106745 -Fluggarðar 36, Akurgerði 37, Álftamýri 59-75, Bakkagerði 6, Bauganes 1, Breiðagerði 10, Breiðagerði 20, Einarsnes 33, Granaskjól 3, Hagamelur 15-17, Heiðargerði 18, Kleifarsel 28 - Seljaskóli, Lambasel 14, Nesvegur 68, Réttarholtsvegur 63-79, Bergstaðastræti 4, Grettisgata 53B, Háskóli Íslands, Laugavegur 50, Lokastígur 28, Skúlagata 9, Sölvhólsgata 13, Þórsgata 24-26, Kjalarnes, Norðurkot, Seljabraut 62-84, Sóltún 24-26, Stórholt 17, Flugvallarvegur 5, Bílaleiga Flugleiða, Kjalarnes, Mógilsá, Geldinganes, Öskjuhlíð, Hólmsheiði, jarðvegslosun, Bugðulækur 7, Tunguvegur 19,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

299. fundur 2010
Ár 2010, föstudaginn 30. apríl kl. 10:15 var haldinn 299. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.10 Dvergshöfði 27, (fsp) gistirými 3. hæð
Lagt fram bréf frá afgreiðslufundi byggingarfulltrúa frá 27. apríl 2010 þar sem spurt er hvort leyfi fengist fyrir gistirými fyrir 10 manns á 3. hæð í atvinnuhúsnæðinu á lóð nr. 27 við Dvergshöfða.
Neikvætt.
Samræmist ekki landnotkun samkvæmt gildandi Aðalskipulagi Reykjavíkur.
2.10 Frostafold 28-30, (fsp) bílastæði
Lögð fram fyrirspurn Heiðars B. Hannessonar f.h. húsfélagsins að Frostafoldi 28 dags. 15. apríl 2010 varðandi fjölgun bílastæða við fjölbýlishúsið að Frostafoldi 28.
Frestað. Vísað til meðferðar hjá verkefnisstjóra svæðisins.
3.10 Haukdælabraut 94, byggja einbýlishús
Lagt fram bréf frá afgreiðslufundi byggingarfulltrúa frá 27. apríl 2010 þar sem sótt er um leyfi til að byggja staðsteypt einbýlishús með flötu þaki og sambyggðri bílageymslu á lóð nr. 94 við Haukdælabraut.
Stærð: Einbýlishús 219,8 ferm., 774,2 rúmm. Bílgeymsla 40,2 ferm., 154,7 rúmm. Samtals: 260 ferm., 979,6 rúmm.
Gjald kr. 7.700 + 75.429
Frestað.
Verkefnisstjóra svæðisins falið að funda með umsækjendum.
4.10 Maríubaugur 13-19, (fsp) sólstofa
Á fundi skipulagsstjóra 16. apríl 2010 var lagt fram bréf frá afgreiðslufundi byggingarfulltrúa frá 13. apríl 2010 þar sem spurt er hvort leyfi fengist til að setja upp sólskála á vesturhlið raðhússins nr. 15 á lóð nr. 13 - 19 við Maríubaug 15. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags 29. apríl 2010.
Ekki eru gerðar athugasemdir við að fyrirspyrjandi láti vinna tillögu að deiliskipulagi með þeim skilyrðum sem fram koma í umsögn skipulagsstjóra.
5.10 Höfðabakki 9, breyting inni
Á fundi skipulagsstjóra 16. apríl 2010 var lagt fram bréf frá afgreiðslufundi byggingarfulltrúa frá 13. apríl 2010 þar sem sótt er um leyfi til að innrétta rannsóknastofu,geymslur og búningsaðstöðu fyrir starfsfólk í mhl. 04 í kjallara , innrétta á anddyri, móttöku og opið skrifstofurými með matsal og mötuneytiseldhúsi á 1. og 2. hæð, og koma fyrir svölum sem mynda skyggni yfir inngang inn í atvinnuhúsnæðið á lóð nr. 9 við Höfðabakka.
Bréf frá hönnuði dags. 31. mars. 2010, burðarvirkishönnuði dags. 29. mars 2010 og skýrsla frá brunahönnun dags. 29. mars 2010 fylgir.
Gjald kr. 7.700


Ekki eru gerðar skipulagslegar athugasemdir við erindið en vakin er athygli á því að lagfæra þarf afstöðumynd á þann hátt að gert verði áfram ráð fyrir gróðri á sama hátt og á gildandi afstöðumynd.
6.10 Nauthólsvegur, umhverfisáhrif, bréf Skipulagsstofnunar
Lagt fram bréf Skipulagsstofnunar dags. 29. mars 2010 varðandi umhverfisáhrif bráðabirgðagötunnar Nauthólsvegur. Einnig eru lögð fram drög að svari skipulagsstjóra dags. 30. apríl 2010.
Bréf skipulagsstjóra samþykkt.
7.10 Landspítali Háskólasjúkrahús, frumvarp til laga um stofnun hlutafélags um byggingu nýs Landsspítala
Lagt fram til umsagnar frumvarp Fjárlaganefndar Alþingis til laga um stofnun opinbers hlutafélags um byggingu nýs Landspítala við Hringbraut í Reykjavík, 548. mál.
Vísað til skipulagsráðs.
8.10 Skáldastígur, bréf
Lögð fram orðsending borgarstjóra ásamt bréfi Kristins E. Hrafnssonar, dags. 8. október 2009, varðandi Skáldastíg í Grjótaþorpi.
Kynna formanni skipulagsráðs.
9.10 Flugvöllur 106745 -Fluggarðar 36, (fsp) stöðuleyfi skrifstofugámur
Lagt fram bréf frá afgreiðslufundi byggingarfulltrúa frá 20. apríl 2010 þar sem spurt er hvort leyfi fengist fyrir stöðuleyfi á 30 ferm. skrifstofugám á Reykjavíkurflugvelli lóð 36 við Fluggarða.
Bréf frá Atlantsflugi dags. 9. apríl 2010 og flugvallarstjóra dags. 8. apríl 2010 fylgir erindinu
Neikvætt. Samræmist ekki gildandi deiliskipulagi svæðisins.
10.10 Akurgerði 37, (fsp) bílastæði Akurgerði 35-41
Lagt fram bréf frá afgreiðslufundi byggingarfulltrúa frá 27. apríl 2010 þar sem spurt er hvort leyft yrði að breyta lóðum við parhúsin nr. 35-37 og 39-41 við Akurgerði.
Bréf frá lögfræði og stjórnsýslu dags. 27. apríl 2010.
Vísað til umsagnar hjá verkefnisstjóra svæðisins.
11.10 Álftamýri 59-75, breyting á deiliskipulagi
Að lokinni grenndarkynningu er lagt fram að nýju erindi Sveins Ívarssonar mótt. 16. febrúar 2010 varðandi breytingu á deiliskipulagi Álftamýris vegna lóðanna nr. 59 - 75 við Álftamýri. Í breytingunni felst stækkun á kjallarými samkvæmt uppdrætti, dags. 12. mars 2010. Grenndrakynningin stóð yfir frá 17. mars 2010 til og með 17. apríl 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
12.10 Bakkagerði 6, hækka þak
Lagt fram bréf frá afgreiðslufundi byggingarfulltrúa frá 20. apríl 2010 þar sem sótt er um leyfi til að breyta áður samþykktu erindi BN040306 dags. 25. ágúst 2009 um að byggja staðsteypta viðbyggingu á vesturhlið, breyta kvistum og skipta um glugga, breytingin felur í sér að stækka viðbyggingu og hækka þak um 16,7 ferm frá áður samþykktu erindi í einbýlishúsinu á lóð nr. 6 við Bakkagerði.
Stækkun er 16,7 ferm., 88,0 rúmm.
Gjald kr. 7.700 + 6.776
Ekki eru gerðar athugasemdir við erindið. Samræmist deiliskipulagi.
13.10 Bauganes 1, breyting á deiliskipulagi
Á fundi skipulagsstjóra 16. apríl 2010 var lögð fram umsókn Haralds Helgasonar dags. 26. mars 2010 varðandi breytingu á deiliskipulagi Einarsness vegna lóðarinnar nr 1 við Bauganes. Í breytingunni felst að gert verði ráð fyrir nýjum byggingarreit fyrir sjálfstætt hús á lóðinni.
Frestað. Verkefnastjóra falið að funda með hönnuði.
14.10 Breiðagerði 10, (fsp) hækkun húss
Á fundi skipulagsstjóra 16. apríl 2010 var lögð fram fyrirspurn Friðriks Friðrikssonar dags. 13. apríl 2010 varðandi hækkun á risi á húsinu nr. 10 við Breiðagerði. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 30 apríl 2010.
Jákvætt með þeim skilyrðum sem fram koma í umsögn skipulagsstjóra.
15.10 Breiðagerði 20, deiliskipulag
Að lokinni auglýsingu er lagt fram að nýju erindi Framkvæmda- og eignasviðs Reykjavíkurborgar dags. 11. febrúar 2010 varðandi deiliskipulag lóðarinnar nr. 20 við Breiðagerði. Í tillögunni er gert ráð fyrir að sameina lóð skólans og opið svæði sunnan við skólalóðina, staðsetja boltagerði í suðurhluta lóðar og staðsetja byggingarreit fyrir færanlegar stofur samkvæmt uppdrætti Framkvæmda- og eignasviðs Reykjavíkurborgar dags. 10. febrúar 2010. Auglýsingin stóð yfir frá 15. mars 2010 til og með 29. apríl 2010. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
16.10 Einarsnes 33, (fsp) endurbætur og viðbygging
Lagt fram bréf frá afgreiðslufundi byggingarfulltrúa frá 20. apríl 2010 þar sem spurt er hvort endurbæta megi, stækka og byggja bílskúr við einbýlishúsið á lóðinni nr. 33 við Einarsnes. Einnig lögð fram umsögn skipulagsstjóra dags. 30. apríl 2010.
Neikvætt, með vísan til umsagnar skipulagsstjóra.
17.10 Granaskjól 3, viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 16. mars 2010 þar sem sótt er um leyfi til að byggja nýja forstofu, loka bílskúrshurð á kjallara, breyta kvistum og innra fyrirkomulagi einbýlishússins á lóð nr. 3 við Granaskjól. Grenndarkynningin stóð yfir frá 24. mars til og með 26. apríl 2010. Engar athugasemdir bárust.
Stækkun: 12,4 ferm., 99,3 rúmm.
Gjald kr. 7.700 + xx
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
18.10 Hagamelur 15-17, kvistir á suðurhlið
Lagt fram bréf frá afgreiðslufundi byggingarfulltrúa frá 27. apríl 2010 þar sem sótt er um leyfi til að stækka tvo þakkvisti á suðurhæð fjölbýlishúss á lóð nr. 15-17 við Hagamel.
Samþykki meðeigenda er á teikningu.
Stækkun xx ferm., xx rúmm.Gjald kr. 7.700 + xx
Frestað. Hönnuður hafi samband við verkefnastjóra.
19.10 Heiðargerði 18, (fsp) stækkun
Lagt fram bréf frá afgreiðslufundi byggingarfulltrúa frá 20. apríl 2010 þar sem spurt er hvort leyfi fengist til að byggja c.a 70 ferm. viðbyggingu við einbýlishúsið á lóð nr. 18 við Heiðargerði.

Neikvætt. Samræmist ekki deiliskipulagi.
20.10 Kleifarsel 28 - Seljaskóli, endurgerð á lóð
Á fundi skipulagsstjóra 3. febrúar 2010 var lagt fram bréf Framkvæmda- og eignasviðs, dags. 28. janúar 2010, og tillaga skrifstofustjóra mannvirkjastofu Framkvæmda- og eignasviðs um endurgerð lóðar fyrir Kleifarsel 28, lóð Seljaskóla. Framkvæmda- og eignaráð samþykkti að vísa erindi til Skipulags- og byggingarsviðs. Erindinu var vísað til skoðunar hjá embætti skipulagsstjóra og er nú lagt fram að nýju.
Vísað til vinnu í fyrihugað hverfaskipulag Breiðholts.
21.10 Lambasel 14, málskot
Lagt fram málskot Þorsteins Ó. Hannessonar dags. 19. apríl 2010 neikvæðar afgreiðslu skipulagsstjóra frá 29. maí 2009 að heimila byggingu 14,3 ferm. glerskála á suðvesturhlið einbýlishússins á lóð nr. 14 við Lambasel.
Vísað til skipulagsráðs.
22.10 Nesvegur 68, bílskýli
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 26. janúar 2010. Sótt er um leyfi til að byggja opið bílskýli úr stáli og timbri á norðurhluta lóðar nr. 68 við Nesveg. Grenndarkynningin stóð yfir frá 23. mars 2010 til og með 29. apríl 2010. Engar athugasemdir bárust.
Stærð: 30,7 ferm., 97,8 rúmm.
Gjald kr. 7.700 + 7.531
Samþykkt með vísan til viðauka um embættisafgreiðslur skipulagsstjóra við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
23.10 Réttarholtsvegur 63-79, bílastæði
Lagt fram bréf frá afgreiðslufundi byggingarfulltrúa frá 20. apríl 2010 þar sem sótt er um leyfi til að ganga frá lóð í aðkomu, leggja gangstétt og malbika 14 bílastæði við raðhús á lóð nr. 63-79 við Réttarholtsveg.
Gjald kr 7.700
Ekki eru gerðar athugasemdir við erindið. Samræmist deiliskipulagi.
24.10 Bergstaðastræti 4, (fsp) breytt notkun og klæðing
Lagt fram bréf frá afgreiðslufundi byggingarfulltrúa frá 20. apríl 2010 þar sem spurt er hvort leyft yrði að klæða að utan með bárujárni og innrétta íbúð í mhl. 02, fyrrum skrifstofuhúsi, á lóð nr. 4 við Bergstaðastræti.
Einnig lögð fram umsögn skipulagsstjóra dags. 30. apríl 2010.
Jákvætt, með vísan til umsagnar skipulagsstjóra.
25.10 Grettisgata 53B, (fsp) breyting inni/úti
Á fundi skipulagsstjóra 16. apríl 2010 var lagt fram bréf frá afgreiðslufundi byggingarfulltrúa frá 13. apríl 2010 þar sem spurt er hvort leyft yrði að fjarlægja utanáliggjandi tröppur, grafa frá húsi og gera nýjan inngang á jarðhæð og hvort ósamþykkt íbúð á 2. hæð fengist samþykkt með sýndum breytingum af fjölbýlishúsi á lóð nr. 53B við Grettisgötu. Einnig lögð fram umsögn skipulagsstjóra, dags. 29. apríl 2010.
Ekki gerð athugasemd við erindið með vísan til skilyrða í umsögn skipulagsstjóra.
26.10 Háskóli Íslands, deiliskipulag vestan Suðurgötu, Árnastofnun
Að lokinni auglýsingu lögð fram að nýju umsókn Háskóla Íslands dags. 25. nóvember 2008 varðandi breytingu á deiliskipulagi Háskóla Íslands vestan Suðurgötu. Í breytingunni felst að á reit A3 verður hámarksbyggingarmagn aukið, nýtingarhlutfall á lóð hækkað og hámarkshæð byggingar aukin auk þess sem gert er ráð fyrir þakgarði á húsið með tilheyrandi útgangi samkv. meðfylgjandi uppdrætti Teiknistofu arkitekta Gylfa Guðjónssonar og félaga ehf. dags. 15. nóvember 2008. Tillagan var auglýst frá 19. desember 2008 til og með 5. febrúar 2009. Einnig er lagt fram bréf Teiknistofu Gylfa Guðjónssonar og félaga dags. 2. febrúar 2009. Athugasemd barst frá: Kristínu Björg Helgadóttur, dags., 5. febrúar 2009 f.h. húsfélagsins að Birkimel 8, 8A og 8B. Einnig lagt fram bréf fulltrúa Háskóla Íslands, Félagsstofnun stúdenta og Þjóðminjasafns Íslands, dags. 17. febrúar 2009, þar sem fram kemur samþykki ofantaldra aðila við auglýsta breytingu á deiliskipulagi. Erindinu var vísað til umsagnar verkefnisstjóra vesturbæjar og umhverfis- og samgöngusviðs vegna athugasemda um umferðarmál og er nú lagt fram að nýju ásamt umsögn skipulagsstjóra dags. 27. febrúar 2009 og umsögn umhverfis- og samgöngusviðs dags. 26. febrúar 2009. Einnig lagt fram bréf Háskóla Íslands dags. 10. mars 2009 ásamt drögum af samgöngustefnu HÍ vegna bílastæðamála og fleira.
Kynna formanni skipulagsráðs.
27.10 Laugavegur 50, viðbygging
Lagt fram erindi frá afgreiðslufundi byggingarfulltrúa frá 1. desember þar sem sótt er um leyfi til að byggja við gamalt timburhús sem fellst í að steypa nýjan kjallara og 1. hæð, steypa ofan á hana tvær íbúðarhæðir á austurhluta og setja núverandi timburhús á vesturhluta 1. hæðar og breyta því með kvistum og útbyggingum á lóð nr. 50 við Laugaveg.
Stærðir: Núverandi hús; kjallari xx ferm., 1. hæð xx ferm., Samtals xx ferm., xx rúmm.
Nýbygging; kjallari xx ferm., 1. hæð xx ferm., 2. hæð xx ferm., 3. hæð xx ferm., samtals xx ferm., xx rúmm.
Stækkun kjallari xx ferm., 1. hæð xx ferm. 2. hæð xx ferm., 3. hæð xx ferm.,samtals xx ferm., xx rúmm.
Gjald kr. 7.700 + xx rúmm. x 77 kr
Frestað. Lagfæra þarf uppdrætti.
28.10 Lokastígur 28, (fsp) útiborð við veitingastað
Lögð fram fyrirspurn Þórólfs Antonssonar dags. 27. apríl 2010 um að setja útiborð við hlið hússins nr. 28 við Lokastíg.
Ekki gerðar skipulagslegar athugasemdir við erindi. Framsent til Framkvæmda - og eignasviðs.
29.10 Skúlagata 9, (fsp) uppbygging á lóð
Lögð fram fyrirspurn Olíuverslunar Íslands hf. dags. 26. febrúar 2010 ásamt bréfi dags. 22. febrúar 2010 varðandi byggingu þjónustustöðvar með afgreiðsluplani undir skyggni og bílaþjónustu á lóðinni nr. 9 við Skúlagötu samkvæmt uppdr. Teiknistofu Ingimundar Sveinssonar dags. október 2009. Einnig lagt fram minnisblað skipulagsstjóra frá 29. apríl 2010.
Minnisblaðs skipulagsstjóra frá 29. apríl 2010 samþykkt.
30.10 Sölvhólsgata 13, (fsp) bráðabirgðahús
Lögð fram fyrirspurn Sigríðar Sigþórsdóttur dags. 20. apríl 2010 um að koma fyrir tveimur bráðabirgðahúsum úr timbri á lóð Listaháskóla Íslands við Sölvhólsgötu 13.
Bráðabirgðahúsin eru innan byggingarreits sem nær yfir lóðina og er því erindið í samræmi við deiliskipulag. Litið er svo á að um tímabundna lausn sé að ræða.
31.10 Þórsgata 24-26, breyting á deiliskipulagi
Að lokinni grenndarkynningu er lagt fram að nýju erindi Steinþórs Þorsteinssonar, dags. 19. febrúar 2010, varðandi breytingu á deiliskipulagi reits 1.186.3 vegna lóðarinnar nr. 24-26 við Þórsgötu samkvæmt uppdráttum Sigurðar Einarssonar dags. 16. febrúar 2010. Í breytingunni felst stækkun á byggingarreit svo stækka megi núverandi borðsal samkvæmt uppdrætti Nýju Teiknistofunnar ehf., dags. 16. febrúar 2009. Grenndarkynning stóð frá 24. febrúar til og með 24. mars 2010. Engar athugasemdir bárust.
Lagt fram bréf Skipulagsstofnunar dags. 15. apríl 2010 þar sem gerð er athugasemd við birtingu erindis í B-deild Stjórnartíðinda.
Vísað til verkefnisstjóra.
32.10 Kjalarnes, Norðurkot, framkvæmdaleyfi fyrir malarnámu
Á fundi skipulagsstjóra 26. mars 2010 var lögð fram umsókn Sigurbjörns Hjaltasonar mótt. 22. mars 2010 um framkvæmdaleyfi til efnistöku í námu í landi Norðurkots á Kjalarnesi ásamt umsögn Umhverfisstofnunar dags. 27. janúar 2010. Erindinu var vísað til umsagnar hjá umhverfis- og samgöngusviði og er nú lagt fram að nýju ásamt umsögn umhverfis- og samgöngusviðs dags. 28. apríl 2010. Einnig lögð fram umsögn skipulagsstjóra dags. 30. apríl 2010.
Umsögn skipulagsstjóra samþykkt.
33.10 Seljabraut 62-84, málskot
Lagt fram málskot Magnúsar Valdimarssonar og Grétars Samúelssonar dags. 22. janúar 2010 vegna synjunar skipulagsstjóra frá 25. september 2009 varðandi bílastæði fyrir raðhúsin við Seljabraut 62-84.
Vísað til skipulagsráðs.
34.10 Sóltún 24-26, (fsp) innrétta íbúð
Lagt fram bréf frá afgreiðslufundi byggingarfulltrúa frá 27. apríl 2010 þar sem spurt er hvort leyfi fengist til að innrétta íbúð ca 110 ferm. í mhl. 01 á 2. og 3. hæð atvinnuhúsnæðisins á lóð nr. 24 við Sóltún.
Bréf frá hönnuði fylgir dags. 20. apríl 2010
Ekki gerð athugasemd við erindið. Samræmist deiliskipulagi.
35.10 Stórholt 17, bílskúr
Lagt fram bréf frá afgreiðslufundi byggingarfulltrúa frá 20. apríl 2010 þar sem sótt er um leyfi til að byggja staðsteypta tvöfalda bílageymslu á lóð nr. 17 við Stórholt.
Jákvæð fyrirspurn BN041000 dags. 16.feb. 2010 fylgir erindinu.
Stærð: 57,6 ferm., XX rúmm.
Gjald kr. 7.700
Ekki gerð athugasemd við að byggingarleyfisumsókn verði grenndarkynnt fyrir hagsmunaaðilum að Stórholti 19, Stangarholti 2 og 4, þegar uppdrættir hafa verið lagfærðir og samþykki meðlóðarhafa liggur fyrir.
36.10 Flugvallarvegur 5, Bílaleiga Flugleiða, (fsp) bráðabirgðaleyfi
Á fundi skipulagsstjóra 16. apríl 2010 var lögð fram fyrirspurn Sigfúsar Bjarna Sigfússonar f.h. Bílaleigu Flugleiða dags. 14. apríl 2010 ásamt bréfi dags. 8. apríl 2010 varðandi bráðabirgðaleyfi fyrir 108 fermetra húsnæði á starfsaðstöðu félagsins að Flugvallarvegi 5. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 27. apríl 2010.
Kynna formanni skipulagsráðs.
37.10 Kjalarnes, Mógilsá, (fsp) smádreifistöðvar
Lögð fram fyrirspurn Ara Arthurssonar f.h. Orkuveitu Reykjavíkur dags. 26. apríl 2010 um að koma fyrir tveimur smádreifistöðvum í landi Mógilsár á Kjalarnesi. Einnig lögð fram umsögn skipulagsstjóra das. 29. apríl 2010.
Ekki gerð athugasemd við erindið með vísan til umsagnar skipulagsstjóra enda verði lögð fram umsókn um breytingu á deiliskipulagi.
38.10 Geldinganes, aðstaða fyrir Kayakklúbbinn
Lagt fram bréf Kayakklúbbsins, dags. 20. janúar 2010, varðandi aðstöðu fyrir félagið á Geldinganesi samkvæmt uppdrætti Pk-hönnunar dags. 4. janúar 2010. Einnig lögð fram umsögn skipulagsstjóra, dags. 28. apríl 2010 og bréf Kayakklúbbsins dags. 31. mars 2010.
Vísað til umsagnar íþrótta og tómstundaráðs. Kynna formanni skipulagsráðs.
39.10 Öskjuhlíð, (fsp) skálar
Lögð fram fyrirspurn Björns Guðbrandssonar hjá Arkís f.h. Háskólans í Reykjavík 26. apríl 2010 ásamt bréfi dags. 22. apríl 2010 um að setja 5 skála á skilgreind svæði í Öskjuhlíðinni. Gert er ráð fyrir að skálarnir standi í 72 klukkustundir, en að þeim loknum verði þeir fjarlægðir.
Ekki gerð athugasemd við erindið með vísan til umsagnar skipulagsstjóra.
40.10 Hólmsheiði, jarðvegslosun, framkvæmdaleyfi
Lagt fram bréf Framkvæmda- og eignasviðs dags. 21. apríl 2010 þar sem óskað er eftir framkvæmdaleyfi til jarðvegslosunar á stækkuðu losunarsvæði á Hólmsheiði.
Vísað til skipulagsráðs.
41.10 Bugðulækur 7, (fsp) byggja kvisti, hækka þak
Á fundi skipulagsstjóra 16. apríl 2010 var lagt fram bréf frá afgreiðslufundi byggingarfulltrúa frá 13. apríl 2010 þar sem spurt er hvort leyfi fengist til að hækka þak og byggja kvisti á húsið á lóð nr. 7 við Bugðulæk. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 25. apríl 2010.
Bréf frá eiganda dags. 29. mars 2010 fylgdi erindinu
Ekki gerð athugasemd með vísan til umsagnar skipulagsstjóra. Byggingarleyfisumsókn verður grenndarkynnt berist hún.
42.10 Tunguvegur 19, breyting á deiliskipulagi
Lagt fram að nýju erindi Sæmundar Pálssonar og Ólafíu Magnúsdóttur, mótt. 8. desember 2009, varðandi breytingu á deiliskipulagi Sogavegar vegna lóðarinnar nr. 19 við Tunguveg. Í breytingunni felst m.a. að gera byggingarreit á norðurhluta lóðarinnar, færa tvö bílastæði sem eru við götu inn á lóð og fleira samkvæmt uppdrætti Arkhús ehf., dags. 2. desember 2009. Tillagan var kynnt frá 17. desember til og með 14. janúar 2010. Eftirtaldir aðilar sendu inn athugasemdir: Kári Pálsson og Guðrún María Ólafsdóttir, dags. 12. janúar 2010. Einnig lögð fram umsögn skipulagsstjóra, dags. 9. febrúar 2010.
Lagt fram bréf Skipulagsstofnunar dags. 12. mars 2010 þar sem gerðar eru athugsemdir við auglýsingu í B-deild Stjórnartíðinda
Vísað til skipulagsráðs.