Kleppsvegur 150-152, Tunguvegur 19, Vínlandsleið 1, Granaskjól 3, Kleifarsel 28 - Seljaskóli, Hagamelur 1, Melaskóli, Hagamelur 1, Melaskóli, Heiðargerði 98, Austurhöfn, Ásvallagata 7, Laugavegur 86-94, Skúlagata 9, Klapparstígur 17, Borgartúnsreitur vestur, Húsverndarsjóður Reykjavíkur, Flókagata 23, Háteigsvegur 7, Skógarhlíð 10, Árbæjarsundlaug, Geldinganes, Kjalarnes, Brautarholt,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

295. fundur 2010
Ár 2010, föstudaginn 19. mars kl. 10:20 var haldinn 295. embættisafgreiðslufundur skipulagsstjóra Reykjavíkur. Fundurinn var haldinn að Borgartúni 12-14, 2 hæð. (Stardal).Viðstaddir voru:
Þetta gerðist:

1.10 Kleppsvegur 150-152, (fsp) nr. 152 bílaþvottastöð
Lagt fram erindi frá afgreiðslufundi byggingarfulltrúa frá 16. mars 2010 þar sem spurt er hvort innrétta og reka megi bílaþvottastöð í húsi á lóð nr. 152 við Kleppsveg.
Neikvætt. Samræmist ekki deiliskipulagi.
Starfsemin hentar þar að auki ekki innan íbúðarsvæðis og er ekki fallist á að breyta gildandi deiliskipulagi til samræmis við erindið.
2.10 Tunguvegur 19, breyting á deiliskipulagi
Að lokinni grenndarkynningu er lagt fram að nýju erindi Sæmundar Pálssonar og Ólafíu Magnúsdóttur, mótt. 8. desember 2009, varðandi breytingu á deiliskipulagi Sogavegar vegna lóðarinnar nr. 19 við Tunguveg. Í breytingunni felst m.a. að gera byggingarreit á norðurhluta lóðarinnar, færa tvö bílastæði sem eru við götu inn á lóð og fleira samkvæmt uppdrætti Arkhús ehf., dags. 2. desember 2009. Tillagan var kynnt frá 17. desember til og með 14. janúar 2010. Eftirtaldir aðilar sendu inn athugasemdir: Kári Pálsson og Guðrún María Ólafsdóttir, dags. 12. janúar 2010. Einnig lögð fram umsögn skipulagsstjóra, dags. 9. febrúar 2010.
Lagt fram bréf Skipulagsstofnunar dags. 12. mars 2010 þar sem gerðar eru athugsemdir við auglýsingu í B-deild Stjórnartíðinda
Vísað til meðferðar hjá verkefnisstjóra svæðisins.
3.10 Vínlandsleið 1, breyting á deiliskipulagi
Að lokinni auglýsingu er lagt fram að nýju erindi Arkís, dags. 9. desember 2009, varðandi breytingu á deiliskipulagi Grafarholts, athafnasvæðis vegna lóðarinnar nr. 1 við Vínlandsleið. Breytingin felur í sér að koma fyrir byggingarreit fyrir timburlager á suðausturhorni lóðarinnar samkvæmt uppdrætti, dags. 2. desember 2009. Auglýsing stóð yfir frá 13. janúar 2010 til og með 24. febrúar 2010. Eftirtaldir aðilar sendu inn athugasemdir: bókun Hverfisráð Grafarholts og Úlfarsárdals, dags. 22. febrúar 2010, G. Jón Bjarnason, dags. 24. febrúar 2010,
Kynna formanni skipulagsráðs.
4.10 Granaskjól 3, viðbygging
Lagt fram erindi frá afgreiðslufundi byggingarfulltrúa frá 16. mars 2010 þar sem sótt er um leyfi til að byggja nýja forstofu, loka bílskúrshurð á kjallara, breyta kvistum og innra fyrirkomulagi einbýlishússins á lóð nr. 3 við Granaskjól.
Stækkun: 12,4 ferm., 99,3 rúmm.
Gjald kr. 7.700 + xx
Samþykkt að grenndarkynna framlagða tillögu fyrir hagsmunaaðilum að Granaskjóli 1, 4, 5 og 6.
5.10 Kleifarsel 28 - Seljaskóli, endurgerð á lóð
Á fundi skipulagsstjóra 3. febrúar 2010 var lagt fram bréf Framkvæmda- og eignasviðs, dags. 28. janúar 2010, og tillaga skrifstofustjóra mannvirkjastofu Framkvæmda- og eignasviðs um endurgerð lóðar fyrir Kleifarsel 28, lóð Seljaskóla. Framkvæmda- og eignaráð samþykkti að vísa erindi til Skipulags- og byggingarsviðs. Erindinu var vísað til skoðunar hjá embætti skipulagsstjóra og er nú lagt fram að nýju.
Kynna formanni skipulagsráðs.
6.10 Hagamelur 1, Melaskóli, deiliskipulag
Lögð fram samþykkt menntaráðs Reykjavíkur, dags. 10. febrúar 2010, þar sem óskað er eftir því að skólalóð Melaskóla verði deiliskipulögð. Einnig lögð fram bókun menntaráðs, dags. 12. febrúar 2010, varðandi erindi foreldrafélags Melaskóla.
Kynna formanni skipulagsráðs.
7.10 Hagamelur 1, Melaskóli, lóðamál
Lagt fram bréf formanns menntaráðs, dags. 16. mars 2010, ásamt erindi Evu Björnsdóttur vegna lóðar Melaskólans.
Kynna formanni skipulagsráðs.
8.10 Heiðargerði 98, (fsp) hækka þak,bislag
Lagt fram bréf frá afgreiðslufundi byggingarfulltrúa frá 9. mars 2010 þar sem spurt er hvort leyfi fengist til að hækka þakið um 500 mm, koma fyrir anddyri og byggja bílskúr á lóð nr. 98 við Heiðargerði.
Frestað.
9.10 Austurhöfn, breyting á deiliskipulagi
Lagt fram erindi Portus ehf., dags. 14. nóvember 2009, varðandi breytingu á deiliskipulagi Austurhafnar TRH vegna gatna- og stígatengsla á svæðinu milli Hafnarstrætis og Tónlistahússins samkvæmt uppdrætti Batterísins, dags. 14. desember 2009 mótt. 23. febrúar 2010. Einnig er lagt fram bréf Faxaflóahafna, dags. 5. febrúar 2010, minnisblað Portusar og Austurhafnar dagsett 12. febrúar 2010, skýringaruppdráttur Batterísins, dags. 14. desember 2010 mótt. 9. mars 2010 og minnisblað Mannvits, dags. 23. október 2009, ásamt bókun umhverfis- og samgönguráðs vegna málsins, dags. 23. febrúar 2010.
Kynna formanni skipulagsráðs.
10.10 Ásvallagata 7, svalir á suðurhlið
Að lokinni grenndarkynningu er lagt fram að nýju bréf frá afgreiðslufundi byggingarfulltrúa frá 12. janúar 2010 þar sem sótt er um leyfi til að koma fyrir þrennum svölum á suðurhlið fjölbýlishússins á lóð nr. 7 við Ásvallagötu. Að lokinni grenndarkynningu er lagt erindi fram að nýju. Grenndarkynning stóð yfir frá 1. ferbúar til og með 1. mars 2010. Eftirtaldir aðilar sendu athugasemdir: Steinunn María Halldórsdóttir, dags. 18. febrúar, Bjartmar Orri Arnarson, dags. 25. febrúar, Steinunn Harðardóttir f.h. eigenda að Ásvallagötu 5, dags. 28. febrúar 2010.
Erindi fylgir fsp. BN040457, dags. 29. september, og BN039601, dags. 24. mars 2009, ásamt samþykki eiganda kjallaraíbúðar, dags. 18. desember 2009, áritað á uppdrátt.
Áður gerð stækkun: 20,3 ferm., 40,6 rúmm.
Gjald kr. 7.700 + 3.126
Vísað til umsagnar hjá verkefnisstjóra svæðisins.
11.10 Laugavegur 86-94, (fsp) sólstofa
Lögð fram fyrirspurn Arnars Gestssonar, dags. 17. mars 2010, um byggingu sólstofu í suðausturenda 4. hæðar húss nr. 86-94 við Laugaveg skv. skissu.
Vísað til skipulagsráðs.
12.10 Skúlagata 9, (fsp) uppbygging á lóð
Lögð fram fyrirspurn Olíuverslunar Íslands hf., dags. 26. febrúar 2010, ásamt bréfi, dags. 22. febrúar 2010, varðandi byggingu þjónustustöðvar með afgreiðsluplani undir skyggni og bílaþjónustu á lóðinni nr. 9 við Skúlagötu samkvæmt uppdr. Teiknistofu Ingimundar Sveinssonar, dags. október 2009.
Frestað.
13.10 Klapparstígur 17, nýbygging
Lagt fram erindi frá afgreiðslufundi byggingarfulltrúa frá 16. mars 2010 þar sem sótt er um leyfi til að byggja fimm íbúða fjölbýlishús úr forsteyptum einingum með utanáliggjandi stiga, kjallari og þrjár hæðir á lóð nr. 17 við Klapparstíg.
Erindi fylgir bréf hönnuðar dags. 8. mars 2010.
Stærðir: Kjallari 68,3 ferm., 1. hæð 138,3 ferm., 2. hæð 152 ferm., 3. hæð 152 ferm.
A-rými samtals: 510,6 ferm., 1.768,1 rúmm.
B-rými samtals: 59,6 ferm.
Samtals 570,2 ferm., xx rúmm.
Gjald kr. 7.700 + xx
Frestað. Samræmist ekki deiliskipulagi. Vísað til athugasemda á umsóknarblaði.
14.10 Borgartúnsreitur vestur, deiliskipulag staðgreinireitur 1.216
Lögð fram tillaga Vinnustofunnar Þverá að deiliskipulagi Borgartúnsreits vestur dags. mars 2010.
Kynnt.
15.10 Húsverndarsjóður Reykjavíkur, Úthlutun styrkja 2010
Lögð fram drög að tillögu að úthlutun styrkja úr Húsverndarsjóði Reykjavíkur fyrir árið 2010.

Kynnt.
16.10 Flókagata 23, (fsp) kvistir
Lagt fram erindi frá afgreiðslufundi byggingarfulltrúa frá 16. mars 2010 þar sem spurt er hvort stækka megi kvist á suðurhlið og sameina og stækka kvisti á norðurhlið húss, sbr erindi BN040938, á lóð nr. 23 við Flókagötu.
Frestað.
17.10 Háteigsvegur 7, (fsp) samkomuhús
Lagt fram erindi frá afgreiðslufundi byggingarfulltrúa frá 16. mars 2010 þar sem spurt er hvort innrétta megi samkomuhús með fundasal, kaffihúsi og skrifstofum í húsnæði á lóð nr. 7 við Háteigsveg.
Vísað til umsagnar hjá verkefnisstjóra svæðisins.
18.10 Skógarhlíð 10, breyting á deiliskipulagi
Lögð fram umsókn Arkís f.h. K.S. verktaka, dags. 17. mars 2010, um breytingu á deiliskipulagi Skógarhlíðar vegna lóðar nr. 10 skv. uppdrætti, dags. 5. mars 2010. Innkeyrslum á lóð er breytt og lóðin stækkuð.
Vísað til umsagnar umhverfis- og samgöngusviðs.
19.10 Árbæjarsundlaug, (fsp) pylsuvagn
Lögð fram fyrirspurn Hákons Árnasonar, dags. 15. mars 2010, um leyfi fyrir pylsuvagni við Árbæjarsundlaug. Einnig er lögð fram umsögn skipulagsstjóra dags. 18. mars 2010.
Neikvætt með vísan til umsagnar skipulagsstjóra.
20.10 Geldinganes, aðstaða fyrir Kayakklúbbinn
Lagt fram bréf Kayakklúbbsins, dags. 20. janúar 2010, varðandi aðstöðu fyrir félagið á Geldinganesi skv. uppdrætti Pk-hönnunar, dags. 4. janúar 2010. Einnig lögð fram umsögn skipulagsstjóra, dags. 8. febrúar 2010.
Frestað.
21.10 Kjalarnes, Brautarholt, deiliskipulag vegna golfvallar
Á fundi skipulagsstjóra, dags. 12. mars 2010 var lagt fram erindi Bjarna Pálssonar, dags. 5. mars 2010, varðandi deiliskipulag jarðarinnar nr. 1 við Brautarholt á Kjalarnesi. Einnig eru lögð fram drög að fornleifaskráningu Brautarholts og Borgar, dags. 15. febrúar 2010 og bréf Lagastoðar til Heilbrigðiseftirlits Reykjavíkur, ódags. vegna starfsleyfis svínabús. Í tillögunni er gert ráð fyrir golfvelli með allt að 20 golfbrautum og tengdum svæðum samkvæmt uppdrætti Einars Ingimarssonar, dags. 24. febrúar 2010. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulsgsstjóra, dags. 18. mars 2010.
Synjað með vísan til umsagnar skipulagsstjóra.