Breiðagerði 20, Hlíðargerði 6, Hvammsgerði 8, Lambhóll V/ Þormóðsst 106111, Geldinganes, Lambhagavegur 11A, Flókagata 23, Hátún 39, Lyngháls 7, Tunguháls 17, Stórholt 17, Laugavegur 12, Laugavegur 61-63, Leifsgata 26, Lækjargata 8, Tjarnargata 46, Urðarstígsreitir, Hamarshöfði 2, Engjavegur 6, Sigtún. (Laugardalur),

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

291. fundur 2010

Ár 2010, föstudaginn 12. febrúar kl. 10:30, hélt skipulagsstjóri Reykjavíkur 291. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Bragi Bergsson, Þórarinn Þórarinsson, Lilja Grétarsdóttir, Björn Ingi Edvardsson, Margrét Þormar, Örn Þór Halldórsson og Gunnhildur S Gunnarsdóttir. Ritari var Helga Björk Laxdal.
Þetta gerðist:


1.10 Breiðagerði 20, breyting á deiliskipulagi
Lögð fram tillaga Framkvæmda- og eignasviðs Reykjavíkurborgar, dags. 11. febrúar 2010 að deiliskipulagi lóðarinnar nr. 20 við Breiðagerði. Í tillögunni er gert ráð fyrir að sameina lóð skólans og opið svæði sunnan við skólalóðina, staðsetja boltagerði í suðurhluta lóðar og staðsetja byggingarreit fyrir færanlegar stofur samkvæmt uppdrætti Framkvæmda- og eignasviðs Reykjavíkurborgar, dags. 10. febrúar 2010.
Vísað til skipulagsráðs.

2.10 Hlíðargerði 6, (fsp) stækkun
Á fundi skipulagsstjóra þann 5. febrúar 2010 var lagt fram bréf frá afgreiðslufundi byggingarfulltrúa frá 2. febrúar 2010 þar sem spurt er hvort leyfi fengist til að byggja viðbyggingu við suðurhlið og anddyri á vesturhlið einbýlishússins á lóð nr. 6 við Hlíðargerði. Erindinu var vísað til umfjöllunar verkefnisstjóra svæðisins og er nú lagt fram á ný.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.

3.10 Hvammsgerði 8, svalaskýli á 1. hæð
Lagt fram bréf frá afgreiðslufundi byggingarfulltrúa frá 9. febrúar 2010 þar sem sótt er um leyfi til að byggja svalaskýli úr stálstyrktum prófílum með tvöföldu einangrunargleri og einangrandi plötum á milli svala á 1. og 2. hæð á íbúðarhúsi á lóð nr. 8 við Hvammsgerði.
Meðfylgjandi er grenndarsamþykki meðeigenda á lóð og næstu nágranna, dags. desember 2009 og janúar 2010
Stærðir 11,2 ferm., 29,7 rúmm.
Gjald kr. 7.700 + 2.287
Vísað til umsagnar hjá verkefnisstjóra svæðisins.

4.10 Lambhóll V/ Þormóðsst 106111, innri breyting, bílskúr
Á fundi skipulagsstjóra þann 5. febrúar 2010 var lagt fram bréf frá afgreiðslufundi byggingarfulltrúa frá 2. febrúar 2010 þar sem sótt er um leyfi til að breyta innra skipulagi og gluggum og innrétta sem tómstundaherbergi bílskúr við íbúðarhúsið Lambhól við Þormóðsstaðaveg. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 12. febrúar 2010.
Erindi fylgir neikv. fsp. BN039031, dags. 28. október 2008.
Gjald kr. 7.700
Neikvætt með vísan til umsagnar skipulagsstjóra.

5.10 Geldinganes, aðstaða fyrir Kayakklúbbinn
Á fundi skipulagsstjóra þann 5. febrúar 2010 var lagt fram bréf Kayakklúbbsins, dags. 20. janúar 2010, varðandi aðstöðu fyrir félagið á Geldinganesi skv. uppdrætti Pk-hönnunar, dags. 4. janúar 2010. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra, dags. 8. febrúar 2010.
Kynna formanni skipulagsráðs.

6.10 Lambhagavegur 11A, breyting á deiliskipulagi
Lögð fram tillaga skipulags- og byggingarsviðs, dags. 5. febrúar 2010, að breytingu á deiliskipulagi Vesturlandsvegar-Halla vegna færslu lóðar nr. 11A við Lambhagaveg.
Samþykkt að grenndarkynna framlagða tillögu fyrir hagsmunaaðilum að Lambhagavegi 5 og 11.

7.10 Flókagata 23, (fsp) breyting á kvistum
Á fundi skipulagsstjóra 29. janúar 2010 var lagt fram bréf frá afgreiðslufundi byggingarfulltrúa frá 26. janúar 2010 þar sem spurt er hvort stækka og sameina megi kvisti á suður- og norðurhlið íbúðarhúss á lóð nr. 23 við Flókagötu. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra, dags. 12. febrúar 2010.
Neikvætt með vísan til umsagnar skipulagsstjóra.

8.10 Hátún 39, (fsp) breyting inni og úti
Lagt fram bréf frá afgreiðslufundi byggingarfulltrúa frá 9. febrúar 2010 þar sem spurt er hvort leyfi fengist til að setja kvisti á suður- og norðurhlið einbýlishússins á lóð nr. 39 við Hátún.
Fyrirspurninni er vísað til skoðunar í yfirstandandi deiliskipulagsvinnu á svæðinu.

9.10 Lyngháls 7, (fsp) breyting inni, frystigámur, hleðsluskýli
Á fundi skipulagsstjóra þann 5. febrúar 2010 var lagt fram bréf frá afgreiðslufundi byggingarfulltrúa frá 26. janúar 2010 þar sem spurt er hvort veitt yrði stöðuleyfi til fimm ára fyrir tjaldskemmu framan við hleðsludyr, fyrir þremur frystigámum og til að breyta innra fyrirkomulagi iðnaðarhússins á lóð nr. 7 við Lyngháls. Erindinu var vísað til umfjöllunar hjá verkefnisstjóra svæðisins og er nú lagt fram að nýju ásamt tölvubréfi fyrirspyrjanda dags. 3. febrúar 2010 þar sem fyrirspurnin er afturkölluð.
Erindi fylgir vottun tjaldskemmu, dags. 16. desember 2008, og bréf hönnuðar dags. 22. janúar 2010.
Vísað til afgreiðslu byggingarfulltrúa með vísan til afturköllunar í bréfi fyrirspyrjenda, dags. 3. febrúar 2010.

10.10 Tunguháls 17, breyting á bílastæðum
Á fundi skipulagsstjóra þann 5. febrúar 2010 var lagt fram bréf frá afgreiðslufundi byggingarfulltrúa frá 2. febrúar 2010 þar sem sótt er um leyfi til að breyta aðkomu og bílastæðum við atvinnuhúsið á lóð nr. 17 við Tunguháls. Erindinu var vísað til umfjöllunar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 12. febrúar 2010
Gjald kr. 7.700
Neikvætt með vísan til umsagnar skipulagsstjóra.

11.10 Stórholt 17, (fsp) tvær bílgeymslur
Lagt fram bréf frá afgreiðslufundi byggingarfulltrúa frá 9. febrúar 2010 þar sem spurt er hvort leyfi fengist til að byggja tvær bílageymslur, eina sem er fyrir tvo bíla og er 57,0 ferm og hina fyrir einn bíl og er 32,2 ferm á norðausturhluta lóðar nr. 17 við Stórholt.
Ekki eru gerðar athugasemdir við erindið með þeim skilyrðum að tvöfaldur bílskúr verði ekki stærri en 7,6 x 7,5 m og sá einfaldi 4.0 x 7.0. m.
Byggingarleyfisumsókn verður grenndarkynnt þegar hún berst.


12.10 Laugavegur 12, ( fsp) veitingastaður í flokki II
Lögð fram fyrirspurn Guðfinns Sölva Karlssonar, dags. 11. febrúar 2010, þar sem spurt er hvort reka megi veitingastað í flokki II á lóðinni nr. 12 við Laugaveg.
Vísað til skipulagsráðs.

13.10 Laugavegur 61-63, viðbygging
Lagt fram bréf frá afgreiðslufundi byggingarfulltrúa frá 9. febrúar 2010 þar sem sótt er um leyfi til að stækka rýmið 0205 með því að reisa nýja gluggaeiningu á móts við útbyggingu og nýta skyggni á suðurhlið sem svalir fyrir íbúðir á 2. hæð í atvinnu- og fjölbýlishúsinu nr. 61 á lóð nr. 61-63 við Laugaveg.
Samþykki meðeigenda, dags. 3. nóvember 2007 og 16. apríl 2008.
Stækkun: 5,4 ferm., 13,5 rúmm.
Gjald kr. 7.700 + 1.039
Ekki eru gerðar athugasemdir við erindið. Samræmist deiliskipulagi.

14.10 Leifsgata 26, kvistir, áður gerð stækkun
Lagt fram bréf frá afgreiðslufundi byggingarfulltrúa frá 9. febrúar þar sem sótt er um samþykki fyrir áður gerðum kvistum í rishæð fjölbýlishússins á lóð nr. 26 við Leifsgötu.
Erindi fylgir ástandsskoðun hússins, dags 23. júlí 2009, söluyfirlit dags. 18. júlí 2009 og tölvupóstur, dags. 22. júlí 2009.
Erindi fylgir einnig samþykki tveggja meðeigenda árituð á uppdrátt dags. 11. september og tölvupóstar með samþykkjum hinna eigendanna, dags. 8. og 10. nóvember 2009, ennfremur samþykki nýs eiganda, Sindra Viðarssonar, dags. 10. desember 2009.
Útskrift úr gerðabók embættisafgreiðslufundar skipulagsstjóra frá 9. október 2009 fylgja erindinu.
Áður gerð stækkun kvista: 31,4 rúmm.
Gjald kr. 7.700 + 2.418
Samþykkt að grenndarkynna framlagða umsókn fyrir hagsmunaaðilum að Leifsgötu 24, 28 og Eiríksgötu 29 og 31.

15.10 Lækjargata 8, breyting inni, veitingastaður
Lagt fram bréf frá afgreiðslufundi byggingarfulltrúa frá 9. febrúar 2010 þar sem sótt er um leyfi til að innrétta veitingahús í flokki III á neðri hæð (mhl 01) og í bakhúsi (mhl 02) verslunarhússins á lóð nr. 8 við Lækjargötu.
Erindi fylgir umsögn Húsafriðunarnefndar, dags. 27. janúar, umsögn Minjasafns Reykjavíkur og bréf hönnuðar, dags. 3. febrúar 2010.
Gjald kr. 7.700
Vísað til skipulagsráðs.

16.10 Tjarnargata 46, (fsp) fjölga íbúðum
Lagt fram bréf frá afgreiðslufundi byggingarfulltrúa frá 9. febrúar 2010 þar sem spurt er hvort fjölga megi íbúðum í fimm í einbýlishúsinu á lóð nr. 46 við Tjarnargötu.
Vísað til umsagnar hjá verkefnisstjóra svæðisins.

17.10 Urðarstígsreitir, tillaga að deiliskipulagi. Reitir 1.186.0 og 1.186.4
Lagt fram bréf Skipulagsstofnunar, dags. 5. febrúar 2010, þar sem ítrekaðar eru athugasemdir við erindið.
Vísað til meðferðar hjá verkefnisstjóra svæðisins.

19.10 Hamarshöfði 2, (fsp) breyting á deiliskipulagi
Lögð fram fyrirspurn Arkís ehf. f.h. Tryggingamiðstöðvarinnar h.f., dags. 9. febrúar 2010, um breytingu á deiliskipulagi fyrir lóðina nr. 2 við Hamarshöfða, þar sem skilgreindur verður byggingareitur fyrir þann hluta hússins sem nú er ósamþykktur. Einnig lögð fram umsögn skipulagsstjóra dags. 11. febrúar 2010.
Ekki eru gerðar athugasemdir við að fyrirspyrjandi láti vinna tillögu að deiliskipulagsbreytingu á eigin kostnað lóðarhafa sem síðan verður grenndarkynnt.

20.10 Engjavegur 6, breyting á deiliskipulagi
Lagt fram erindi Bjarna Snæbjörnssonar, dags. 11. febrúar 2010, um breytingu á deiliskipulagi Laugardals, vesturhluta vegna lóðarinnar nr 6 við Engjaveg.
Vísað til meðferðar verkefnisstjóra svæðisins.

21.10 S">Sigtún. (Laugardalur), Engjavegur 6 breyta húsum 1 og 2
Á fundi skipulagsstjóra 29. janúar 2010 var lagt fram bréf frá afgreiðslufundi byggingarfulltrúa 26. janúar 2010 þar sem sótt er um leyfi til að byggja 4. hæðina ofan á mhl. 02 og 04 sem sameinast í mhl 02 og að byggja tengibyggingu sem verður mhl. 03 sem tengir mhl. 02 , 07 og 10, og að byggja geymsluhús sem verður mhl. 05 á lóð nr. 6 við Engjaveg. Erindinu var vísað til meðferðar hjá umhverfisstjóra skipulags- og byggingarsviðs og er nú lagt fram að nýju.
Bréf frá hönnuði dags. 22. desember 2009 og 18. janúar 2010 fylgir. Umsögn burðarvirkishönnuðar dags. 19. janúar 2010
Stækkun: mhl. 02. 466,3 ferm., mhl. 03. 240,7 ferm.og
mhl. 05. 409,2 ferm. Samtals stækkun 1116,2 ferm.,
3897,3 rúmm. Gjald kr. 7.700 + 7.700 + 300.092
Ekki eru gerðar athugasemdir við að umsækjandi láti vinna tillögu að breytingu á deiliskipulagi á eigin kostnað í samráði við skipulagsstjóra.