Árvað 5, Hátún 39, Lækjarás 9, Rauðarárstígur 33, Skipholt 40, Svæðisskipulag vatnsverndar á höfuðborgarsvæðinu, Hverafold 130, Kambsvegur 22, Kirkjustétt 28, Skipasund 56, Laufrimi 20 - 24, Haðaland 26, Fossvogsskóli, Borgartúnsreitur vestur 1.216, Austurstræti 8-10, Bankastræti 14, Brávallagata 8, Brekkustígur 7, Skólastræti 1b, Sóleyjargata Tjarnarg, Túnahverfi, Kjalarnes, Melavellir, Elliðaárdalur, Fylkisvegur 6, íþróttasvæði Fylkis, Grænlandsleið 6, Mjóstræti 6, Kjalarnes, Álfsnes,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

282. fundur 2009
Ár 2009, föstudaginn 27. nóvember kl. 10:40, hélt skipulagsstjóri Reykjavíkur 282. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Haraldur Sigurðsson, Guðfinna Ósk Erlingsdóttir, Þórarinn Þórarinsson, Margrét Þormar, Bragi Bergsson, Björn Ingi Edvarsson, Björn Axelsson og Ágústa Sveinbjörnsdóttir. Ritari var Helga Björk Laxdal.
Þetta gerðist:

1.09 Árvað 5, breyting á deiliskipulagi
Lagt fram erindi Framkvæmda- og eignasviðs Reykjavíkur varðandi breytingu á deiliskipulagi Norðlingaholts vegna lóðarinnar nr. 5 við Árvað. Í breytingunni er gert ráð fyrir staðsetningu boltagerðis í austurhluta lóðarinnar samkvæmt uppdrætti, dags. 26. nóvember 2009.
Vísað til skipulagsráðs.
2.09 Hátún 39, (fsp) breyting á þaki
Lögð fram fyrirspurn +Arkitekta, dags. 25. nóvember 2009, ásamt uppdrætti dags. 24. nóvember 2009, um að breyta þaki og þakformi hússins á lóðinni nr. 39 við Hátún.
Vísað til umsagnar hjá verkefnisstjóra svæðisins.
3.09 Lækjarás 9, (fsp) skipta húsi í tvær íbúðir
Lögð fram fyrirspurn Birgis Guðmundssonar, dags. 24. nóvember 2009, um að skipta einbýlishúsi á lóð nr. 9 við Lækjarás í tvær íbúðir.
Vísað til umsagnar hjá verkefnisstjóra svæðisins.
4.09 Rauðarárstígur 33, breyting inni 1. hæð
Lagt fram bréf frá afgreiðslufundi byggingarfulltrúa frá 24. nóvember 2009 þar sem sótt er um leyfi til að breyta innra skipulagi og skilgreina í flokk II veitingahúsi á 1. hæð í íbúðar- og atvinnuhúsinu á lóð nr. 33 við Rauðarárstíg.
Erindi fylgir tölvubréf um skilgreiningu veitingahúss dags. 19. nóvember 2009.
Gjald kr. 7.700
Ekki eru gerðar skipulagslegar athugasemdir við erindið.
5.09 Skipholt 40, tvöföld bílgeymsla
Að lokinni grenndarkynningu er lagt fram að nýju bréf frá afgreiðslufundi byggingarfulltrúa dags. 6. október 2009 þar sem sótt er um leyfi til að byggja tvöfalda bílageymslu úr steinsteypu og með léttu þaki á lóð nr. 40 við Skipholt.
Grenndarkynning stóð frá 22. október til og með 19. nóvember 2009. Engar athugasemdir bárust.
Stærð: 59.6 ferm. 178,4 rúmm. Gjald kr. 7.700 + 13.737
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
6.09 Svæðisskipulag vatnsverndar á höfuðborgarsvæðinu, breyting á mörkum grannsvæðis í landi Kópavogs
Lagt fram bréf skipulagsstjóra Kópavogsbæjar, dags. 15. nóvember 2009, varðandi breytingu á mörkum grannsvæðis vatnsverndar í landi Kópavogs. Einnig lagður fram uppdráttur að breytingu á svæðisskipulagi vatnsverndar á höfuðborgarsvæðinu, dags. 3. nóv. 2009.
Vísað til skipulagsráðs.
7.09 Hverafold 130, málskot
Lagt fram málskot Krystian Gralla dags. 19. nóvember 2009 vegna neikvæðar afgreiðslu skipulagsstjóra frá 15. maí 2009 þar sem spurt er hvort leyfi fengist til að byggja bílskúr 35 ferm. að stærð við parhúsið á lóð nr. 130 við Hverafold. Einnig lagt fram samþykki meðlóðarhafa, dags. 26. nóvember 2009
Vísað til umsagnar hjá verkefnisstjóra svæðisins.
8.09 Kambsvegur 22, kvistur
Lagt fram erindi frá afgreiðslufundi byggingafulltrúa frá 24. nóvember 2009 þar sem sótt er um leyfi til að stækka kvist og byggja nýjan á austurhlið fjölbýlishússins á lóð nr. 22 við Kambsveg.
Jafnframt er erindi BN038273 dregið til baka.
Erindi fylgir bréf umsækjanda dags. 16. nóvember 2009 og samþykki nágranna dags. 28. apríl 2008.
Stækkun: 4,7 ferm., 9,9 rúmm.
Gjald kr. 7.700 + 762
Samþykkt að grenndarkynna framlagða umsókn fyrir hagsmunaaðilum að Kambsvegi 20 og 24 þegar samþykki meðlóðarhafa liggur fyrir.
9.09 Kirkjustétt 28, (fsp) viðbygging
Á fundi skipulagsstjóra 20. nóvember 2009 var lagt fram erindi frá afgreiðslufundi byggingarfulltrúa frá 17. nóvember 2009 þar sem spurt er hvort leyft yrði að byggja viðbyggingu við suðurhlið kjallara og gera svalir ofan á við einbýlishúsið á lóð nr. 28 við Kirkjustétt. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 25. nóvember 2009.
Neikvætt með vísan til umsagnar skipulagsstjóra. Fyrirspyrjanda er bent á uppbyggingarheimildir í gildandi deiliskipulagi.
10.09 Skipasund 56, breyting á deiliskipulagi
Lagt fram erindi Úti og inni arkitekta, dags. 26. nóvember 2009, varðandi breytingu á deiliskipulagi Sunda reitur 1.3 og 1.4 vegna lóðarinnar nr. 56 við Skipasund. Í breytingunni felst færsla á byggingarreit frá norð-vesturhlið á suð-austur gafl samkvæmt uppdrætti, dags. 20. nóvember 2009.
Lagfæra þarf uppdrætti.
Frestað.
11.09 Laufrimi 20 - 24, (fsp) nr. 24 bílskúrar
Á fundi skipulagsstjóra 20. nóvember 2009 var lagt fram erindi frá afgreiðslufundi byggingarfulltrúa frá 17. nóvember 2009 þar sem spurt er hvort leyft yrði að byggja 2 - 5 bílskúra við fjölbýlishúsið nr. 24 á lóð nr. 20-24 við Laufrima. Erindinu var vísað til umsagnar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 25. nóvember 2009.
Neikvætt.
Samræmist ekki gildandi deiliskipulagi.
12.09 Haðaland 26, Fossvogsskóli, breyting á deiliskipulagi
Lagt fram erindi Framkvæmda- og eignasviðs Reykjavíkur varðandi breytingu á deiliskipulagi lóðarinnar nr. 26 við Haðaland, lóð Fossvogsskóla. Í breytingunni felst að heimilt verður að staðsetja boltagerði í suðvesturhluta lóðar, að byggingarreitur fyrir færanlegar stofur verði staðsettur á núverandi boltavelli og færslu og fækkun á bílastæðum samkvæmt uppdrætti, dags. 26. nóvember 2009
Vísað til skipulagsráðs.
13.09 Borgartúnsreitur vestur 1.216, deiliskipulag
Lögð fram drög að tillögu Vinnustofunnar Þverá að deiliskipulagi fyrir Borgartúnsreit vestur staðgr. 1.216 dags. 23. nóvember 2009.
Kynnt.
14.09 Austurstræti 8-10, endurnýjun byggingarleyfis BN038296
Lagt fram erindi frá afgreiðslufundi byggingarfulltrúa frá 24. nóvember 2009 þar sem sótt er um leyfi til að endurnýja erindi BN038296 dags. 20. maí 2008, þar sem veitt var leyfi til að taka niður milliveggi og veitingastaður í flokki III var stækkaður inn í rými sem áður var hárgreiðslustofa, eingig er farið fram á breytingar sem fela í sér að bætta við útiveitngasvæði fyrir 120 manns og ræsting í eldhúsi breytt í ræstiskáp í húsi á lóð nr. 8-10 við Austurstræti.
Tölvupóstur frá hönnuði dags. 11. nóvember 2009.
Gjald kr. 7.700
Ekki eru gerðar skipulagslegar athugasemdir við erindið.
15.09 ">Bankastræti 14, veitingaleyfi í flokki 3
Lögð fram fyrirspurn Vesturports dags. 27. nóvember 2009 varðandi leyfi til reksturs veitingahúss í flokki III og skrifstofu á annari hæð Bankastrætis 14.
Vísað til umsagnar hjá verkefnisstjóra svæðisins.
16.09 Brávallagata 8, þrennar svalir - Ekki gefa út byggingaleyfi - MSS 18/8/09
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 9. júní 2009 þar sem sótt er um leyfi til þess að byggja úr stáli svalir við austurhlið 1. 2. og 3. hæðar fjölbýlishússins á lóð nr. 8 við Brávallagötu. Með umsókninni fylgir bréf dagsett 15.07.08 frá arkitekt þar sem óskað er eftir að málið verði grenndarkynnt. Einnig fylgir bréf eigenda Brávallagötu 10 dags. 5. ágúst 2008. Tillagan var grenndarkynnt frá 18. júní til og með 16. júlí 2009.
Eftirtaldir aðilar sendu inn athugasemdir: Áslaug Sigurðardóttir og Pétur H. Stefánsson, dags. 15. júlí 2009. Erindi var lagt fyrir fund skipulagsstjóra þann 17. júlí 2009 og vísað til umsagnar hjá verkefnisstjóra svæðisins og er nú lagt fram að nýju ásamt nýrri umsögn skipulagsstjóra dags. 26. nóvember 2009.
Ný umsögn skipulagsstjóra samþykkt.
Samþykkt að grenndarkynna framlagða umsókn að nýju þegar uppdrættir hafa verið lagfærðir í samræmi við niðurstöðu í umsögn skipulagsstjóra.
17.09 Brekkustígur 7, garðskúr
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 13. október 2009 þar sem sótt er um leyfi til að koma fyrir garðskúr við einbýlishús á lóð nr. 7 við Brekkustíg. Grenndarkynningin stóð frá 22. október til og með 19. nóvember 2009. Engar athugasemdir bárust.
Erindi fylgir jákv. fsp. dags. 2. júní 2009
Stærð: 12 ferm., 31,3 rúmm.Gjald kr. 7.700 + 2.410
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
Vísað til fullnaðarafgreiðslu byggingarfulltrúa.
18.09 Skólastræti 1b, (fsp.) stækkun á nýbyggingu
Lögð fram fyrirspurn Úlfars Davíðssonar, dags. 23. nóvember 2009, um að nýta byggingarréttinn að Skólastræti 1b með nýbyggingunni við Þingholtsstræti 2-4. Einnig er lögð fram umsögn skipulagsstjóra dags. 27. nóvember 2009.
Umsögn skipulagsstjóra samþykkt.
19.09 Sóleyjargata Tjarnarg, Hljómskáli, br. veitingaleyfi úr flokki 1 í 2
Lagt fram erindi frá afgreiðslufundi byggingarfulltrúa frá 24. nóvember 2009 þar sem sótt er um leyfi til að reiða fram veitingar í flokki II í og við Hljómskálann við Fríkirkjuveg.
Gjald kr. 7.700
Ekki eru gerðar skipulagslegar athugasemdir við erindið.
20.09 Túnahverfi, deiliskipulag staðgreinireitir 1.221.3 og 1.221.4, 1.223.0, 1.223.1, 1.235.0 og 1.2351
Lögð fram tillaga Arkhússins ehf. að deiliskipulagi Túnahverfis dags. 18. nóvember 2009. Einnig er lögð fram forsögn skipulags- og byggingarsviðs dags. apríl 2009. Skipulagssvæðið afmarkast af staðgreinireitum
1.221.3 og 1.221.4, 1.223.0 og 1.223.1, 1.235.0 og 1.2351, Samtúni, Nóatúni, Miðtúni, Hátúni og Höfðatúni.
Frestað.
21.09 Kjalarnes, Melavellir, breyting á deiliskipulagi
Á fundi skipulagsstjóra, dags. 18. september 2009 var lögð fram umsókn Arkþings f.h. Matfugls ehf., dags. 17. sept. 2009, um breytingu á deiliskipulagi jarðarinnar Melavellir á Kjalarnesi skv. uppdrætti, dags. 31. júlí 2009. Sótt er um fjölgun alifuglahúsa á lóðinni. Einnig er lögð fram umhverfisskýrsla verkfræðistofunnar Efla, dags. 18. ágúst 2009. Erindið nú lagt fram að nýju ásamt umsögn Skipulagsstofnunar, dags. 22. október 2009 og umsögn Umhverfisstofnunar, dags, 17. nóvember 2009.
Vísað til skipulagsráðs.
22.09 Elliðaárdalur, breytt deiliskipulag vegna lóða Orkuveitunnar
Á fundi skipulagsstjóra 6. nóvember 2009 var lögð fram umsókn Orkuveitu Reykjavíkur, dags. 5. nóv. 2009, um breytingu á deiliskipulagi Elliðaárdals vegna lóða fyrir borholuhús Orkuveitunnar í dalnum. Einnig lagt fram bréf Landslags ehf., dags. 4. nóv. 2009 ásamt uppdrætti. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt tölvupósti Orkuveitu Reykjavíkur dags. 25. nóvember 2009.
Vísað til skipulagsráðs.
23.09 Fylkisvegur 6, íþróttasvæði Fylkis, deiliskipulag, grasæfingasvæði
Lögð fram tillaga Teiknistofunnar Storð ehf. dags. 10. júlí 2009 að breytingu á deiliskipulagi íþróttasvæðis Fylkis. Deiliskipulagssvæðið afmarkast af gervigrasvelli og lóð Árbæjarsundlaugar til norðurs, göngustíg neðan við Klapparás til austurs og göngustíg meðfram Elliðaám til vesturs samkvæmt uppdrætti dags. 10. júlí 2009. Einnig eru lagðar fram umsagnir Veiðimálastofnunar dags. 19. ágúst 2009 og 23. nóvember 2009 ásamt umsögn Umhverfisstofnunar dags. 30. september 2009.
Vísað til skipulagsráðs.
24.09 Grænlandsleið 6, færsla á bílastæði
Lagt fram erindi Svölu Haukdal Jónsdóttur, dags. 20. nóvember 2009, varðandi færslu á bílastæði á lóð nr. 6 við Grænlandsleið.
Ekki eru gerðar athugasemdir við að lóðarhafar láti vinna tillögu að breytingu á deiliskipulagi, þar sem gert er ráð fyrir færslu á einkastæði í borgarlandi fyrir Grænlandsleið nr. 6, með þeim skilyrðum að samþykki lóðarhafa að Grænlandsleið 2-20 (jöfn númer) fylgi með tillögunni.
25.09 Mjóstræti 6, Garðastræti 17A, sameining lóða
Á fundi skipulagsstjóra 6. nóvember 2009 var lagt fram bréf JP lögmanna f.h. eigenda húseignarinnar að Garðastræti 17, dags. 29. okt. 2009, þar sem farið er fram á að afturkölluð verði samþykki skipulagsráðs á sameiningu lóða nr. 6 við Mjóstræti og nr. 17A við Garðastræti ásamt því að deiliskipulagi Grjótaþorps verði breytt. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði og stjórnsýslu dags. 27. nóvember 2009.
Umsögn lögfræði og stjórnsýslu samþykkt.
26.09 Kjalarnes, Álfsnes, skotsvæði
Lagt fram bréf Fannars Bergssonar f.h. Skotveiðifélags Reykjavíkur, mótt. 23. nóvember 2009, varðandi framtíðar skotsvæði félagsins í nágrenni Reykjavíkur.
Kynnt.