Laufásvegur 6, Laufásvegur 74, Mímisvegur 6, Tryggvagata 11, Tryggvagata 16, Tryggvagata 16, Túngötureitur, Vitastígur 18, Snorrabraut 71, Snorrabraut 71, Lokastígsreitir 2, 3 og 4, Rofabær 7-9, Sóltún 6, Kerfisáætlun 2009, afl- og orkujöfnuður 2012/13, Reiðleiðir á höfuðborgarsvæðinu, Víðidalur, Fákur, Fróðengi 1-11, Spöngin 43, Gylfaflöt 9, Hlíðarfótur 13, Efstasund 84, Nökkvavogur 34, Traðarland 2-8,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

280. fundur 2009

Ár 2009, föstudaginn 13. nóvember kl. 11:00, hélt skipulagsstjóri Reykjavíkur 280. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Lilja Grétarsdóttir, Haraldur Sigurðsson, Björn Ingi Edvardsson, Björn Axelsson, Guðfinna Ósk Erlingsdóttir, Örn Þór Halldórsson, Gunnhildur S Gunnarsdóttir og Þórarinn Þórarinsson. Ritari var Helga Björk Laxdal.
Þetta gerðist:


1.09 Laufásvegur 6, byggja svalir
Lagt fram erindi frá afgreiðslufundi byggingarfulltrúa frá 15. september 2009 þar sem sótt er um leyfi til að rífa núverandi svalir, fjarlægja heitan pott og til að byggja þrennar nýjar svalir á vesturhlið fjölbýlishússins á lóð nr. 6 við Laufásveg.
Umsögn Húsafriðunarnefndar dags. 7. júlí 2009 og Minjasafns Reykjavíkur dags. 9. júlí 2009 fylgja.
Gjald kr. 7.700 + 7.700
Samþykkt að grenndarkynna framlagða umsókn fyrir hagsmunaaðilum að Laufásvegi 4.

2.09 Laufásvegur 74, breytt lóðarmörk
Lagt fram bréf lóðarhafa dags. 29. október 2009 varðandi leiðréttingu á lóðarmörkum á lóðinni nr. 74 við Laufásveg.
Uppfæra þarf mæliblað til samræmis við samþykkt deiliskipulag. Vísað til meðferðar hjá mælingadeild Framkvæmda- og eignasviðs.

3.09 Mímisvegur 6, lyfta þaki
Lagt fram erindi frá afgreiðslufundi byggingarfulltrúa frá 10. nóvember 2009 þar sem sótt er um leyfi til að lyfta þaki og byggja kvisti og koma fyrir svölum á austurálmu íbúðarhússins á lóð nr. 6 við Mímisveg.
Erindi fylgir samþykki eins meðlóðarhafa dags. 30. september 2009.
Stækkun: 53 ferm., 223,3 rúmm.
Gjald kr. 7.700 + 4.081
Samþykkt að grenndarkynna framlagða umsókn fyrir hagsmunaaðilum að Mímisvegi 4 og 8 ásamt Barónsstíg 78 og 80, þegar samþykki meðlóðarhafa hefur verið lagt fram.

4.09 Tryggvagata 11, (fsp) breyta 4.hæð í gistiheimili
Lagt fram erindi frá afgreiðslufundi byggingarfulltrúa frá 10. nóvember 2009 þar sem spurt er hvort leyft yrði að innrétta gistiheimili eða litlar íbúðir á 4. hæð atvinnuhússins á lóð nr. 11 við Tryggvagötu.
Vísað til meðferðar hjá verkefnisstjóra svæðisins.

5.09 Tryggvagata 16, (fsp) breyta 4. hæð i gistiheimili
Lagt fram erindi frá afgreiðslufundi byggingarfulltrúa frá 10. nóvember 2009 þar sem spurt er hvort leyft yrði að innrétta gistiheimili eða litlar íbúðir á 4. hæð atvinnuhússins á lóð nr. 16 við Tryggvagötu.
Vísað til meðferðar hjá verkefnisstjóra svæðisins.

6.09 Tryggvagata 16, (fsp) breyta 5. hæð í gistiheimili
Lagt fram erindi frá afgreiðslufundi byggingarfulltrúa frá 10. nóvember 2009 þar sem spurt er hvort leyft yrði að innrétta gistiheimili eða litlar íbúðir á 5. hæð atvinnuhússins á lóð nr. 16 við Tryggvagötu.
Vísað til meðferðar hjá verkefnisstjóra svæðisins.

7.09 Túngötureitur, deiliskipulag, staðgreinireitur 1.137.4
Lögð fram orðsending borgarstjóra, mótt. 6. nóvember 2009, vegna fundar Haralds Ólafssonar við borgarstjóra varðandi framtíðarskipulags Túngötureits. Einnig er lögð fram umsögn skipulagsstjóra dags. 13. nóvember 2009.
Umsögn skipulagsstjóra samþykkt.

8.09 Vitastígur 18, (fsp) viðbygging
Lagt fram erindi frá afgreiðslufundi byggingarfulltrúa frá 10. nóvember 2009 þar sem spurt er hvort byggja megi við og stækka einbýlishús úr timbri á lóð nr. 18 við Vitastíg.
Frestað.

9.09 Snorrabraut 71, (fsp.) ofanábygging
Lögð fram fyrirspurn Reynis Ö. Guðmundssonar, dags. 9. nóvember 2009, um að byggja hæð ofan á húsið nr. 71 við Snorrabraut. Einnig er lögð fram umsögn skipulagsstjóra dags. 12. nóvember 2009.
Ekki eru gerðar athugasemdir við erindið með þeim skilyrðum sem fram koma í umsögn skipulagsstjóra.

10.09 Snorrabraut 71, (fsp) grindverk
Lagt fram erindi frá afgreiðslufundi byggingarfulltrúa frá 10. nóvember 2009 þar sem spurt er hvort setja megi mannhæðarhátt grindverk við biðskýli á gangstétt við hús á lóð nr. 71 við Snorrabraut.
Vísað til meðferðar hjá verkefnisstjóra svæðisins.

11.09 Lokastígsreitir 2, 3 og 4, deiliskipulag
Að lokinni auglýsingu er lögð fram að nýju tillaga Dennis og Hjördísar ehf. að deiliskipulagi Lokastígsreita dags. í maí 2009. Tillagan var auglýst frá 7. september til og með 19. október 2009. Eftirtaldir aðilar sendu inn athugasemdir: Sigurður H. Þorsteinsson dags. 16. október, íbúasamtök miðborgar dags. 16. október, Ásgeir Guðjónsson og Loftur Ásgeirsson, dags. 18. október, Lilja Gunnarsdóttir og Eyjólfur I. Ásgeirsson dags. 18. október, Friðþjófur Árnason og Líney Símonardóttir, dags. 18. október, Anna D. Steinþórsdóttir, dags. 18. október, Þórólfur Antonsson, dags. 19. október, Dýrleif Bjarnadóttir, dags. 19. október, Bjarni R. Bjarnason, dags. 19. október, Jóhann Gunnar Jónsson dags. 19. október og Zeppelín arkitektar dags. 19. október 2009. Einnig lagt fram bréf Hverfisráðs miðborgar dags. 23. september 2009.
Vísað til skipulagsráðs.

12.09 Rofabær 7-9, breyting á deiliskipulagi, Árbær-Selás, v/ Rofabær 7-9
Á fundi skipulagsstjóra 12. desember 2008 var lögð fram umsókn plan 21 ehf f.h. Sigþórs J. Sigþórssonar, dags 12.12. 2008 ásamt uppdrætti dags 19.11.2008 varðandi breytingu á deiliskipulagi lóðarinnar nr. 7-9 við Rofabæ.
Í breytingunni felst að heimil uppbygging á lóðinni verði íbúðarhúsnæði í stað atvinnuhúsnæðis um er að ræða 4. hæða fölbýlishús með allt að 20 íbúðum. Erindið nú lagt fram að nýju ásamt viðbótargögnum lóðarhafa mótt. 11 júní 2009 og tillögu að nýjum skilmálum fyrir lóðina, mótt. 30. okt. 2009 og umsögn skipulagsstjóra dags. 12. nóvember 2009.
Ekki eru gerðar athugasemdir við að fyrirspyrjandi láti vinna, á eigin kostnað, tillögu að breytingu á deiliskipulagi með þeim skilyrðum sem fram koma í umsögn skipulagsstjóra.

13.09 Sóltún 6, nýting lóðarinnar
Lagt fram erindi Ásgeirs Guðmundssonar og Bergljótu Líndal f.h. Hússtjórna á Regnbogadeild, dags. 10. nóvember 2009, varandi nýtingu lóðarinna nr. 6 við Sóltún.
Kynna formanni skipulagsráðs.

14.09 Kerfisáætlun 2009, afl- og orkujöfnuður 2012/13, erindi Landsnets
Lögð fram orðsending skrifstofu borgarstjórnar, dags. 9. nóv. 2009, ásamt bréfi tækni- og eignastjóra Landsnets frá 2. s.m. um Kerfisáætlun 2009, afl- og orkujöfnuð 2012-13.
Vísað til skipulagsráðs.

15.09 Reiðleiðir á höfuðborgarsvæðinu, fyrirspurn vegna endurskoðunar Aðalskipulags
Lagt fram bréf Bjarna Finnssonar, f.h. hestamannafélagsins Fáks, dags 3. nóvember 2009, varðandi reiðstíga á höfuðborgarsvæðinu í tengslum við endurskoðun Aðalskipulags.
Vísað til skoðunar í stýrihópi um endurskoðun Aðalskipulags Reykjavíkur.

16.09 Víðidalur, Fákur, orðsending borgarstjóra
Lögð fram orðsending borgarstjóra, dags. 6. nóvember 2009, vegna fundar Orra Vigfússonar og Jóns G. Baldvinssonar við borgarstjóra f.h. NASF, verndarsjóð villtra laxastofna, varðandi áhyggjur sínar af vaxandi byggð Reykjavíkur í nágrenni við Elliðaárnar og fyrirhugaðri hesthúsabyggð í Víðidal. Einnig lagt fram bréf Jóns G. Baldvinssonar og Orra Vigfússonar h.f. stjórnar NASF, dags. 18. mars 2009.
Vísað til meðferðar hjá umhverfisstjóra skipulags- og byggingarsviðs.

17.09 Fróðengi 1-11, Spöngin 43, breyting á deiliskipulagi vegna bílastæða
Að lokinni auglýsingu er lagt fram að nýju minnisblað THG, dags. 16. júní 2009 ásamt uppdrætti, dags. 29. júní 2009, varðandi breytingu á deiliskipulagi Spangarinnar við Fróðengi vegna Fróðengi 1-11 og Spangar 43 vegna bílastæða. Einnig lögð fram úttekt THG á bílastæðanotkun hjúkrunarheimila, dags. 9. des. 2008. Tillagan var auglýst frá 26. ágúst til og með 7. október 2009. Eftirtaldir aðilar sendu athugasemdir: Unnar Steinn Jónsson, dags. 5. október, Haraldur Örn Arnarsson og Axel Jón Birgisson, dags. 5. október.
Vísða til skipulagsráðs.

18.09 Gylfaflöt 9, reyndarteikingar
Á fundi skipulagsstjóra 6. nóvember 2009 var lagt fram erindi frá afgreiðslufundi byggingarfulltrúa frá 3. nóvember 2009 þar sem sótt er um leyfi fyrir reyndarteikningum sem fela í sér að byggja áhaldaskýli utan um kælibúnað og breyta innra skipulag á 1. 2. og 3. hæð atvinnuhússins á lóð nr. 9 við Gylfaflöt. Erindinu var vísað til meðferðar hjá verkefnisstjóra svæðisins og er nú lagt fram að nýju.
Ekki eru gerðar athugasemdir við erindið.

19.09 Hlíðarfótur 13, gámur fyrir vagnstjóra Strætó
Lagt fram erindi frá afgreiðslufundi byggingarfulltrúa frá 10. nóvember 2009 þar sem sótt er um leyfi til að koma fyrir til bráðabirgðagám, sem nota á sem aðstöðu vagnstjóra Strætó, á lóð Háskólans í Reykjavík nr. 13 við Hlíðarfót.
Samþykki lóðarhafa dags. 29. október 2009.
Stærð: ??? ferm. ??? rúmm.
Gjald kr. 7.700 + ???
Ekki eru gerðar athugasemdir við erindið.
Bent er á að veiting stöðuleyfis er bundið við eitt ár samkvæmt ákvæðum byggingarreglugerðar.


20.09 Efstasund 84, stækkun kvists
Lagt fram erindi frá afgreiðslufundi byggingarfulltrúa frá 10. nóvember 2009 þar sem sótt er um leyfi til að rífa eldri kvist og byggja nýjan og stærri á vesturhlið einbýlishússins á lóð nr. 84 við Efstasund.
Jafnframt er gerð grein fyrir áður gerðri íbúð í kjallara og bílskúr á sömu lóð.
Erindi fylgir samþykki meðeiganda áritað á uppdrátt.
Stækkun: xx ferm., xx rúmm.
Gjald kr. 7.700 + xx
Ekki eru gerðar athugasemdir við erindið. Samræmist deiliskipulagi.

21.09 Nökkvavogur 34, bílageymsla
Á fundi skipulagsstjóra 9. október 2009 var lagt fram bréf frá afgreiðslufundi byggingarfulltrúa dags. 6. október 2009 þar sem sótt er um leyfi til að byggja bílskúr við einbýlishúsið á lóð nr. 34 við Nökkvavog. Erindinu var vísað til umfjöllunar hjá verkefnisstjóra svæðisins og er nú lagt fram að nýju.
Stærð: 43,5 ferm., 144,6 rúmm.Gjald kr. 7.700 + 11.134
Samþykkt að grenndarkynna framlagða tillögu fyrir hagsmunaaðilum að Karfavogi 25, 27 og 29 ásamt Nökkvavogi 28, 30, 32 og 36.

22.09 Traðarland 2-8, nr. 2 stækkun ofl.
Lagt fram erindi frá afgreiðslufundi byggingarfulltrúa frá 10. nóvember 2009 þar sem sótt er um leyfi til að stækka til austurs, einangra og klæða að utan, koma fyrir setlaug og byggja skjólveggi við einbýlishús nr. 2 á lóð nr. 2-8 við Traðarland.
Erindi fylgir bréf umsækjanda dags. 2. nóvember 2009 og samykki meðlóðarhafa dags. í október 2009.
Stækkun húss: 25,6 ferm., 81,56 rúmm.
Gjald kr. 7.700 + 6.280
Vísað til meðferðar hjá verkefnisstjóra svæðisins.