Blikastaðavegur 2-8, Arnarbakki/Blöndubakki, Melar, reitur 1.540, Traðarland 2-8, Brekkustígur 7, Bræðraborgarstígur 30, Holtsgata 1-3, Grettisgata 18a, Háskóli Íslands, sunnan Brynjólfsgötu, Hávallagata 13, Ingólfstorg, Laugavegur 3, Laugavegur 100, Skáldastígur, Vatnsstígur 4, Kjalarnes, Norðurkot, Húsahverfi svæði C, Skipholt 40, Skúlagata 51, Vesturhús 6, Laugarnesvegur 48, Bæjarflöt 1-3,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

276. fundur 2009
Ár 2009, föstudaginn 16. október kl. 10:00, hélt skipulagsstjóri Reykjavíkur 276. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir. Eftirtaldir embættismenn kynntu mál á fundinum: Örn Þór Halldórsson, Þórarinn Þórarinsson, Margrét Þormar, Bragi Bergsson, Lilja Grétarsdóttir og Gunnhildur Gunnarsdóttir. Ritari var Helga Björk Laxdal.
Þetta gerðist:

1.09 Blikastaðavegur 2-8, (fsp) gokart braut
Lagt fram erindi frá afgreiðslufundi byggingarfulltrúa frá 13. október 2009 þar sem spurt er hvort leyft yrði að koma fyrir 400 metra langri akstursbraut fyrir go-kart í rými sem merkt er L í verslunarhúsinu á lóð nr. 2-8 við Blikastaðaveg. Einnig er lögð fram umsögn skipulagsstjóra 16. október 2009.
Ekki eru gerðar athugasemdir við erindið með vísan til umsagnar skipulagsstjóra. Samræmist deiliskipulagi.
2.09 Arnarbakki/Blöndubakki, bílastæði
Lögð fram fyrirspurn Steindórs Guðmundssonar fh. þriggja annara dags. 12. október 2009 varðandi bílastæði fyrir stærri gerðir bifreiða á horni Arnarbakka og Blöndubakka samkv. meðfylgjandi skissu.
Neikvætt. Samræmist ekki deiliskipulagi.
3.09 Melar, reitur 1.540, deiliskipulag
Að lokinni hagsmunaaðilakynningu er lögð fram að nýju tillaga skipulags- og byggingarsviðs Reykjavíkur að forsögn deiliskipulags Mela dags. apríl 2009. Skipulagssvæðið afmarkast af Hagamel, Hofsvallagötu, Hringbraut og Furumel. Hagsmunaaðilakynningin stóð til og með 10. júní 2009. Eftirtaldir aðilar sendu inn athugasemdir: Ásdís R. Magnúsdóttir, dags. 28. maí, Ólafur Jónsson, dags. 30. maí, Jón Torfason dags. 3. júni, Guðrún Jóhannesdóttir dags 10.júní.
Vísað til skipulagsráðs.
4.09 Traðarland 2-8, stækkun o. fl.
Á fundi skipulagsstjóra 9. október 2009 var lagt fram bréf frá afgreiðslufundi byggingarfulltrúa dags. 6. október 2009 þar sem sótt er um leyfi til að stækka til austurs, einangra og klæða að utan, til að byggja áhaldaskýli, koma fyrir setlaug og byggja skjólveggi við einbýlishús nr. 2 á lóð nr. 2-8 við Traðarland. Erindinu var vísað til umfjöllunar hjá verkefnisstjóra svæðisins og er nú lagt fram að nýju.
Stækkun húss: 25,6 ferm., 81,56 rúmm.Áhaldaskýli: xx ferm., xx rúmm.Gjald kr. 7.700 + xx

Frestað.
Umsækjandi hafi samband við embætti skipulagsstjóra.
5.09 Brekkustígur 7, garðskúr
Lagt fram erindi frá afgreiðslufundi byggingarfulltrúa frá 13. október 2009 þar sem sótt er um leyfi til að koma fyrir garðskúr við einbýlishús á lóð nr. 7 við Brekkustíg.
Erindi fylgir jákv. fsp. dags. 2. júní 2009.
Stærð: 12 ferm., 31,3 rúmm.Gjald kr. 7.700 + 2.410
Samþykkt að grenndarkynna framlagða umsókn fyrir hagsmunaaðilum að Brekkustíg 5, 5a, 5b og 9
6.09 Bræðraborgarstígur 30, Holtsgata 1-3, breytt deiliskipulag Holtsgötureits
Lögð fram umsókn Krark, dags. 30. sept. 2009 fh. lóðarhafa varðandi breytingu á deiliskipulagi Holtsgötureitar vegan lóðanna nr. 30 við Bræðraborgarstíg og Holtsgötu 1-3. Í breytingunni felst stækkun á 4. hæð til suðurs húsi nr. 30 við Bræðraborgarstíg samkvæmt uppdrætti, dags. 9. október 2009.
Samþykkt að grenndarkynna framlagða tillögu fyrir hagsmunaaðilum að Bræðraborgarstíg 31 og 32 ásamt Holtsgötu 5 og 7b, þegar samþykki meðlóðarhafa liggur fyrir.
7.09 Grettisgata 18a, (fsp) lóðamál
Lagt fram erindi borgarstjóra dags. 15. okt. 2009, um uppbyggingarmöguleika að Grettisgötu 18a vegna óska um að Reykjavíkurborg kaupi fasteignina.
Verkefnisstjóra falið að svara erindinu.
8.09 Háskóli Íslands, sunnan Brynjólfsgötu, breyting á deiliskipulagi reits A1 vestan Suðurgötu
Að lokinni auglýsingu er lagt fram að nýju bréf Ingjalds Hannibalssonar f.h. Háskóla Íslands, dags. 26. júní 2009 ásamt uppdrætti Teiknistofu arkitekta Gylfa Guðjónssonar og félaga ehf. dags. 30. apríl 2009 vegna breytinga á deiliskipulagi Háskóla Íslands, reits A1 vestan Suðurgötu og sunnan Brynjólfsgötu, vegna aukningar á byggingarmagni. Einnig lögð fram umsögn Umhverfis- og samgöngusviðs dags. 24. ágúst 2009. Tillagan var auglýst frá 26. ágúst til og með 7. október 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
9.09 Hávallagata 13, áður gerð stækkun bílskúrs
Lagt fram erindi frá afgreiðslufundi byggingarfulltrúa frá 13. október 2009 þar sem sótt er um samþykki fyrir áður gerðri stækkun bílskúrs við fjölbýlishúsið á lóð nr. 13 við Hávallagötu.
Erindi fylgir samþykki meðeigenda í húsi dags. 8. og 29. september 2009. Áður gerð stækkun: 6,6 ferm., 16,2 rúmm.Gjald kr. 7.700 + 1.247
Eki eru gerðar athugasemdir við erindið. Samræmist deiliskipulagi.
10.09 Ingólfstorg, orðsending borgarstjóra, samráð við áhugahóp
Lögð fram orðsending skrifstofu borgarstjóra R09010129, dags. 15. okt. 2009, varðandi samráð Skipulags- og byggingarsviðs og skipulagsráðs við áhugahóp um skipulag í Kvosinni í skipulagsferlinu.
Kynna formanni skipulagsráðs.
11.09 Laugavegur 3, (fsp) kvöð um umferð
Á fundi skipulagsstjóra 9. október 2009 var lögð fram fyrirspurn Láru V. Júlíusdóttur og Þorsteins Haraldssonar, dags. 2. október 2009, varðandi umferðarkvöð á lóð nr. 3 við Laugaveg. Erindinu var vísað til umsagnar hjá lögfræði og stjórnsýslu og er nú lagt fram að nýju ásamt umsögn lögfræði- og stjórnsýslu dags. 15. október 2009.
Umsögn lögfræði og stjórnsýslu samþykkt.
12.09 Laugavegur 100, bílastæði, aðgangur að baklóð
Á fundi skipulagsstjóra 9. október 2009 var lagt fram bréf Guðrúnar Guðmundsdóttur og Úlfars Guðmundssonar, dags. 5. okt. 2009, varðandi bílastæði og aðgang að baklóð að Laugavegi 100. Erindinu var vísað til meðferðar hjá verkefnisstjóra svæðisins og er nú lagt fram að nýju.
Verkefnisstjóra falið að funda með fulltrúum Framkvæmda- og eignasviðs vegna málsins.
13.09 Skáldastígur, bréf
Lögð fram orðsending borgarstjóra ásamt bréfi Kristins E. Hrafnssonar dags. 8. okt. 2009 varðandi Skáldastíg í Grjótaþorpi. Einnig lögð fram umsögn skipulagsstjóra dags. 13. október 2009.
Kynna formanni skipulagsráðs.
14.09 Vatnsstígur 4, (fsp) niðurrif og nýbygging
Lagt fram erindi frá afgreiðslufundi byggingarfulltrúa frá 13. október 2009 þar sem spurt er hvort leyft yrði að rífa hús sem fyrir er á lóð og byggja nýtt, þrjár hæðir og kjallara, tólf íbúðir með bílgeymslu fyrir fimm bíla í kjallara á lóð nr. 4 við Vatnsstíg.
Kynna formanni skipulagsráðs.
15.09 Kjalarnes, Norðurkot, framkvæmdaleyfi fyrir malarnám
Á fundi skipulagsstjóra 12. júní 2009 var lögð fram umsókn Sigurbjörns Hjaltasonar og Bergþóru Andrésdóttur, dags. 25. maí 2009, um framkvæmdaleyfi til efnistöku í landi Norðurkots á Kjalarnesi. Erindinu var vísað til umsagnar Umhverfisstofnunar og umhverfis- og samgöngusviðs Reykjavíkur. Lögð fram umsögn umhverfis- og samgöngusviðs, dags. 19. júní 2009.
Með vísan til bókunar á afgreiðslufundi skipulagsstjóra frá 12. júní sl. er ítrekað óskað eftir umsögn Umhverfisstofnunar. Óskað er eftir að umsögnin liggi fyrir í síðasta lagi 26. október nk.
16.09 Húsahverfi svæði C, breyting á skilmálum vegna húsagerðar E8 og E9
Að lokinni auglýsingu er lögð fram að nýju tillaga skipulags- og byggingarsviðs Reykjavíkur dags. 8. janúar 2009 breytt 2. júní 2009 að breytingu á skilmálum deiliskipulags "Húsahverfi Grafarvogur III svæði C", vegna húsagerðarinnar E8 og E9. Breytingin felst í því að hækkun heimildar vegna hámarks byggingarmagns og heimildum til útbygginga er breytt. Tillagan var auglýst frá 2. febrúar til og með 16. mars 2009. Eftirtaldir aðilar sendu inn athugasemdir: Lex Lögmannstofa f.h. eigenda að Suðurhúsum 2, dags. 17. febrúar 2009 og 12. mars, Björn Z. Ásgrímsson og Jónína Sóley Ólafsdóttir, dags. 16. mars 2009. Einnig er lagt fram minnisblað skipulags- og byggingarsviðs dags. 10. ágúst 2009 og ný tillaga skipulags- og byggingarsviðs Reykjavíkur dags. 10. ágúst 2009 að breytingu á skilmálum deiliskipulags "Húsahverfi Grafarvogur III svæði C", vegna húsagerðarinnar E8 og E9.
Tillagan var auglýst frá 26. ágúst til og með 7. október 2009.
Eftirtaldir aðilar sendu athugasemdir: Björn A. Bjarnason og Sigurbjörg Hjörleifsdóttir dags. 3. október, Ólafur Bergmann, 3. október, Bryndís Helgadóttir og Baldur P. Erlingsson, dags. 4. október, Elvar M. Ríkharðsson og Valgerður Hilmarsdóttir, dags. 4. október, Lex lögmansstofa, dags. 5. október, Elísabet H. Einarsdóttir og Reynir Elíeserson, dags. 5. október, Bjarni Snorrason og Kristín L. Steingrímsdóttir, dags. 6. október, Guðjón Þorbjörnsson og Christine Savard, dags. 8. október 2009, Inga M. Guðmundsdóttir og Elvar Hallgrímsson, dags. 7. október 2009,
Vísað til umsagnar hjá verkefnisstjóra svæðisins.
17.09 Skipholt 40, tvöföld bílgeymsla
Á fundi skipulagsstjóra 9. október 2009 var lagt fram bréf frá afgreiðslufundi byggingarfulltrúa dags. 6. október 2009 þar sem sótt er um leyfi til að byggja tvöfalda bílageymslu úr steinsteypu og með léttu þaki á lóð nr. 40 við Skipholt. Erindinu var vísað til umfjöllunar hjá verkefnisstjóra svæðisins og er nú lagt fram að nýju.
Stærð: 59.6 ferm. 178,4 rúmm. Gjald kr. 7.700 + 13.737
Samþykkt að grenndarkynna framlagða umsókn fyrir hagsmunaaðilum að Skipholti 36, 38, 42, 44 og 46
18.09 Skúlagata 51, (fsp) breyting á deiliskipulagi
Á fundi skipulagsstjóra 2. október 2009 var lögð fram að fyrirspurn Eignarhaldsfélagsins Kirkjuhvoll ehf. dags. 23. september 2009 varðandi breytingu á deiliskipulagi Borgartúnsreits - 1.220.0 - vegna lóðarinnar nr. 51 við Skúlagötu. Í breytingunni felst breytt notkun hússins samkvæmt uppdrætti THG arkitekta móttekin 23. september 2009. Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstjóra dags. 15. október 2009.
Umsögn skipulagsstjóra samþykkt.
19.09 Vesturhús 6, gluggar á 1. hæð
Lagt fram erindi frá afgreiðslufundi byggingarfulltrúa frá 29. september 2009 þar sem sótt er um leyfi til að koma fyrir þremur gluggum á norðurhlið kjallara, dyrum á suðurhlið og til að byggja skjólvegg og tröppur á suðurhluta lóðar einbýlishússins á lóð nr. 6 við Vesturhús. Jafnframt er gerð grein fyrir óuppfylltu rými í kjallara sem innréttað er sem geymsla með aðgengi utan frá. Einnig er lögð fram umsögn skipulagsstjóra dags. 12. október 2009.
Erindi BN027935 dregið til baka.
Stækkun: 71,5 ferm., 193,1 rúmm.Gjald kr. 7.700 + 14.869
Neikvætt með vísan til umsagnar skipulagsstjóra.
20.09 Laugarnesvegur 48, áður gerð viðbygging við bilskúr
Lagt fram erindi frá afgreiðslufundi byggingarfulltrúa frá 13. október 2009 þar sem sótt er um samþykki fyrir áður gerðri viðbyggingu við suðurhlið bílskúrs á lóð fjölbýlishússins nr. 48 við Laugarnesveg.
Áður gerð stækkun: 3,2 ferm., 16,7 rúmm.
Gjald kr. 7.700 + 1.286
Ekki eru gerðar athugasemdir við erindið. Samræmist deiliskipulagi.
21.09 Bæjarflöt 1-3, br. innra skipulagi, milliloft
Á fundi skipulagsstjóra 9. október 2009 var lagt fram bréf frá afgreiðslufundi byggingarfulltrúa dags. 6. október 2009 þar sem sótt er um leyfi til að byggja milliloft í atvinnuhúsinu á lóð nr. 1-3 við Bæjarflöt.
Stækkun: 92 ferm.Gjald kr. 7.700
Erindinu var vísað til meðferðar hjá verkefnisstjóra svæðisins og er nú lagt fram að nýju ásamt umsögn skipulagsstóra dags. 16. október 2009.
Ekki er gerð athugasemd við að umsækjandi láti breyta deiliskipulagi á eigin kostnað og í samræmi við umsögn skipulagsstjóra. Erindi verður grenndarkynnt þegar það berst.