Blönduhlíð 25, Bólstaðarhlíð 47, Háteigsskóli, Hestavað 5-7, Mjölnisholt 12-14, Rofabær 34, Árbæjarskóli, Gnoðarvogur 84, Sundagarðar 4-8, Bíldshöfði 10, Hamarshöfði 1, Aragata 15, Áland / Furuborg, Ljósaland 6, Kjalarnes, Varmidalur, Kjalarnes, Norðurkot, Veltusund 3B, Laugavegur 21, Bergstaðastræti 16-20, Spítalastígur 6b, Freyjugata 44, Bergstaðastræti 13, Hringbraut Landsp., Hverfisgata 103, Ingólfsgarður, Klapparstígur 19, Laufásvegur 68, Laufásvegur 68, Laugavegur 83, Mímisvegur 6, Skólastræti 3b, Skólavörðustígur 14, Stýrimannastígur 14, Vesturvallagata 4, Vesturberg 175, Vættaborgir 9, Borgaskóli, Norðurfell 17-19, Fellaskóli, Skipulagsstjóri, Skipulagsstjóri,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

247. fundur 2009
Ár 2009, föstudaginn 6. mars kl. 10:25, hélt skipulagsstjóri Reykjavíkur 247. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 12 - 14, 2. hæð, Stardalur. Fundinn sátu: Ólöf Örvarsdóttir og Marta Grettisdóttir Eftirtaldir embættismenn kynntu mál á fundinum: Margrét Þormar, Bragi Bergsson, Lilja Grétarsdóttir, Gunnhildur Gunnarsdóttir, Þórarinn Þórarinsson, Örn Þór Halldórsson og Ágústa Sveinbjörnsdóttir. Ritari var Helga Björk Laxdal
Þetta gerðist:

1.09 Blönduhlíð 25, (fsp) bílskúr
Lagt fram erindi frá afgreiðslufundi byggingarfulltrúa frá 3. mars 2009 þar sem spurt er hvort leyfi fengist fyrir byggingu bílgeymslu á lóðinni nr. 25 við Blönduhlíð.
Fyrirspurn BN034882 um sama efni var samþykkt jákvæð þann 07.11.2006
Ekki eru gerðar athugasemdir við erindið með þeim fyrirvara að hæð bílskúrs skal halda í lágmarki. Byggingarleyfisumsókn verður grenndarkynnt þegar hún berst.
2.09 Bólstaðarhlíð 47, Háteigsskóli, breyting á deiliskipulagi fyrir boltagerði
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 11. desember 2008, um breytingu á deiliskipulagi fyrir boltagerði á lóð Háteigsskóla samkvæmt uppdrætti, dags. 24. október 2008. Tillagan var auglýst frá 19. janúar til og með 2. mars 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
3.09 Hestavað 5-7, (fsp) breyting á deiliskipulagi
Lögð fram fyrirspurn Norbygg ehf. dags. 3. mars 2009 varðandi fjölgun íbúða úr 23 í 27 í húsinu nr. 5-7 við Hestavað.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við fyrirspurn. Tillagan verður auglýst þegar hún berst.
4.09 Mjölnisholt 12-14, (fsp) hótel minnkað
Lagt fram erindi frá afgreiðslufundi byggingarfulltrúa frá 24. febrúar 2009 þar sem spurt er hvor skipta megi framkvæmd við hótel á lóð nr. 12 - 14 við Mjölnisholt í tvo áfanga. Núverandi byggingarleyfi verði þar með fellt úr gildi og óskað er eftir nýrri meðferð gjalda. Breytingin felst í að álman við Brautarholt og bílakjallari við Stakkholt verður 1. áfangi en hótelálma við Stakkholt 2. áfangi og sleppt að sinni. Bílakjallarinn verður ekkert notaður, en bílastæði verða á þaki hans. Meðfylgjandi er bréf arkitekts og stærðarútreikningar. Samþykkt mannvirki: 7.538,7 ferm., 23.867,2 rúmm. - 1. áfangi samtals: 4.798,0 ferm., 15.750,0 rúmm. þar af ónotaður bílakjallari 1.531,0 ferm., 4.500,0 rúmm. - Notað rými 1. áfangi: 3.267,0 ferm., 11.250,0 rúmm.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi í samræmi við fyrirspurn. Tillagan verður grenndarkynnt þegar hún berst.
5.09 Rofabær 34, Árbæjarskóli, breyting á deiliskipulagi, Árbær-Selás
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 11. desember 2008, um breytingu á deiliskipulagi Árbær-Selás vegna lóðarinnar nr. 34 við Rofabæ. Í breytingunni felst m.a. staðsetning boltagerðis og breyting á bílastæðum samkvæmt uppdrætti dags. 11. desember 2008. Erindið var í auglýsingu frá 19. janúar til og með 2. mars 2009. Eftirtaldir aðilar sendu inn athugasemdir: Stefán Thors, Hábæ 41, dags. 26. jan. 2009. Einnig er lögð fram umsögn skipulagsstjóra dags. 5. mars 2009.
Vísað til skipulagsráðs.
6.09 Gnoðarvogur 84, (fsp) stækka sólstofu
Lagt fram erindi frá afgreiðslufundi byggingarfulltrúa frá 3. mars 2009 þar sem spurt er hvort leyfi fengist til að og hversu mikið mætti breikka núverandi sólstofu sem ekki liggur byggingarleyfi fyrir í fjölbýlishúsinu á lóð nr. 84 við Gnoðarvog.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst. Athygli er vakin á því að samþykki meðlóðarhafa þarf að fylgja með byggingarleyfisumsókn.
7.09 Sundagarðar 4-8, breyting á deiliskipulagi
Lögð fram umsókn Arkþings, dags. 29. janúar 2009 vegna tillögu að breytingu á deiliskipulagi Sundahafnar frá 1975 vegna lóðarinnar nr. 4-8 við Sundagarða. Í tillögunni felst að gerður er nýr byggingarreitur samsíða Sundabraut samkv. meðfylgjandi uppdrætti Arkþing dags. 13. febrúar 2009.
Vísað til skipulagsráðs.
8.09 Bíldshöfði 10, (fsp) breyting á deiliskipulagi
Lögð fram fyrirspurn Lækjarhlíðar ehf. dags. 2. mars 2009 varðandi breytingu á deiliskipulagi Ártúnshöfða vegna lóðarinnar nr. 10 við Bíldshöfða. Í breytingunni fest að byggt verði nýtt stigahús og inngangur sem er stækkun á núverandi húsi til suðurs samkvæmt uppdrætti Plúsarkitekta dags. 8. desember 2008. Ennig er lögð fram umsögn skipulagsstjóra dags. 4. mars 2009.
Neikvætt með vísan til umsagnar skipulagsstjóra.
9.09 Hamarshöfði 1, (fsp) húsvarðaríbúð
Á fundi skipulagsstjóra 27. febrúar 2009 var lögð fram fyrirspurn Bemar ehf. dags. 26. febrúar 2009 ásamt bréfi Bjarna H. Matthíassonar dags. 24. febrúar 2009 varðandi leyfi til að innrétta húsvarðaríbúð samkvæmt uppdrætti Arkitektar Ólöf og Jon ehf. dags. 3. febrúar 2009. Erindinu var vísað til umsagnar hjá verkefnisstjóra Höfðahverfis og er nú lagt fram að nýju ásamt umsögn skipulagsstjóra dags. 3. mars 2008.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi með þeim skilyrðum sem fram koma í umsögn skipulagsstjóra. Tillagan verður grenndarkynnt þegar hún berst.
10.09 Aragata 15, (fsp) viðbygging
Á fundi skipulagsstjóra 27. febrúar 2009 var lögð fram fyrirspurn Glámu-Kím sf. dags. 24. febrúar 2009 varðandi heimild til að rífa núverandi bílskúr og byggja steinsteypta viðbyggingu við húsið nr. 15. við Aragötu samkvæmt uppdrætti dags. 20. febrúar 2008. Fyrirspurninni var vísað til umsagnar hjá verkefnisstjóra vesturbæjar og er nú lögð fram að nýju ásamt umsögn skipulagsstjóra dags. 6. mars 2009.
Neikvætt með vísan til umsagnar skipulagsstjóra.
11.09 Áland / Furuborg, breyting á deiliskipulagi
Lögð fram umsókn Framkvæmda- og eignasviðs Reykjavíkur, dags. 5. mars 2009 varðandi breytingu á deiliskipulagi Borgarspítalans vegna lóðar leikskólans Furuborgar. Í breytingunni felst stækkun lóðar og byggingarreits, auk fjölgunar á bílastæðum, samkvæmt uppdrætti dags. 3. mars 2009.
Vísað til skipulagsráðs.
12.09 Ljósaland 6, (fsp) stækka íbúð
Lagt fram erindi frá afgreiðslufundi byggingarfulltrúa frá 3. mars 2009 þar sem spurt er hvort leyft yrði að byggja við til suðurs eins og sýnt er á meðfylgjandi teikningum af raðhúsi nr. 6 á lóð nr. 1-25 2-24 við Ljósaland.
Frestað.
Vísað til skoðunar í vinnslu við heildarendurskoðun deiliskipulags Fossvogs.
13.09 Kjalarnes, Varmidalur, malarnám
Á fundi skipulagsstjóra 27. febrúar 2009 var lagt fram bréf heilbrigðisfulltrúa f.h. umhverfis- og samgöngusviðs, dags. 27. janúar 2009, vegna útgáfu starfsleyfis fyrir malarnám við Varmadal. Erindinu var vísað til umsagnar hjá verkefnisstjóra Kjalarness og er nú lagt fram að nýju ásamt umsögn skipulagsstjóra dags. 5. mars 2009.
Neikvætt með vísan til umsagnar skipulagsstjóra.
14.09 4">Kjalarnes, Norðurkot, malarnám
Á fundi skipulagsstjóra 27. febrúar 2009 var lagt fram bréf heilbrigðisfulltrúa f.h. umhverfis- og samgöngusviðs, dags. 27. janúar 2009, vegna útgáfu starfsleyfis fyrir malarnám við Norðurkot. Erindinu var vísað til umsagnar hjá verkefnisstjóra Kjalarness og er nú lagt fram að nýju ásamt umsögn skipulagsstjóra dags. 5. mars 2009.
Neikvætt með vísan til umsagnar skipulagsstjóra.
15.09 Veltusund 3B, breyting inni í veitingahús
Á fundi skipulagsstjóra 6. febrúar 2009 var lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er leyfi um að innrétta skyndibitastað í stað verslunar í atvinnuhúsi á lóð nr. 3B við Veltusund.
Erindinu var vísað til umsagnar hjá verkefnisstjóra miðborgar og er nú lagt fram að nýju ásamt umsögn skipulagsstjóra dags. 6.mars 2009.
Gjald kr. 7.700
Neikvætt með vísan til umsagnar skipulagsstjóra.
16.09 Laugavegur 21, breyting inni
Lagt fram erindi frá afgreiðslufundi byggingarfulltrúa frá 3. mars 2009 þar sem sótt er um leyfi fyrir fyrirkomulagsbreytingu innanhúss á verslun með kaffisölu í kaffihús þar sem boðið verður uppá ýmsan varning til sölu í húsi á lóð nr. 21 við Laugaveg.
Gjald kr. 7.700
Vísað til umsagnar hjá verkefnisstjóra miðborgar.
17.09 Bergstaðastræti 16-20, Spítalastígur 6b, (fsp) breyting á deiliskipulagi Bergstaðastrætisreits
Lögð fram fyrirspurn Laug ehf., dags. 26. febrúar 2009 varðandi breytingu á deiliskipulagi Bergstaðastrætisreits vegna lóðanna nr. 16,18 og 20 við Bergstaðastræti og lóðarinnar nr. 6B við Spítalastíg. Í breytingunni felst að breyta notkun húsnæðisins frá því að vera íbúðarhúsnæði í að vera hótelíbúðir samkvæmt uppdrætti Krads, dags. 25. febrúar 2009.
Vísað til skipulagsráðs.
18.09 Freyjugata 44, (fsp) kvistir
Á fundi skipulagsstjóra 20. febrúar 2009 var lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort leyft yrði að byggja kvisti á norður- og suðurhlið þaks og til að lyfta þaki á göflum eins og sýnt er á teikningum af fjölbýlishúsinu á lóð nr. 44 við Freyjugötu. Erindinu var vísað til umsagnar hjá verkefnisstjóra miðborgar og er nú lagt fram að nýju ásamt umsögn skipulagsstjóra dags. 6. mars 2009.
Neikvætt með vísan til leiðbeininga í umsögn skipulagsstjóra.
19.09 Bergstaðastræti 13, kæliklefi, tímabundið leyfi
Á fundi skipulagsstjóra 27. febrúar 2009 var lögð fram erindi Reynis Sæmundssonar arkitekts f.h. Bernhöftsbakarís, dags. 23 febrúar. 2009, um tímabundið leyfi fyrir kæliklefa á lóð nr. 13 við Bergstaðastræti samkvæmt uppdrætti, dags. 21. maí 2004. Erindinu var vísað til umfjöllunar hjá verkefnisstjóra miðborgar og er nú lagt fram að nýju.
Frestað
20.09 Hringbraut Landsp., breyting inni og breytt sölubúð úti
Lagt fram erindi frá afgreiðslufundi byggingarfulltrúa frá 3. mars 2009 þar sem sótt er um leyfi til að byggja við úr steinsteypu og setja þar nýtt eldhús/sölubúð, fjarlægja núverandi eldhús/sölubúð og komið þar fyrir setustofu í barnaspítala á lóð Landspítalans við Hringbraut.
Stækkun: 18,2 ferm og 82,1 rúmm.
Gjald kr. 7.700 + 6322

Frestað.
Ekki eru gerðar athugasemdir við að umsækjandi láti vinna tillögu að breytingu á deiliskipulagi í samræmi við erindið.
21.09 Hverfisgata 103, breyting á deiliskipulagi
Lagt fram bréf Skipulagsstofnunar dags. 20. febrúar 2009.
Vísað til meðferðar hjá verkefnisstjóra miðborgar.
22.09 Ingólfsgarður, breyting á deiliskipulagi
Á fundi skipulagsstjóra 27. febrúar 2009 var lagt fram erindi Faxaflóahafna dags. 13. febrúar 2009 varðandi breytingu á deiliskipulagi Austurhafnar. Í breytingunni felst að gert er ráð fyrir byggingarreit fyrir félagsheimili siglingaklúbbsins Brokeyjar samkvæmt uppdrætti VA arkitekta, dags. 9. janúar 2009. Erindinu var vísað til meðferðar hjá verkefnisstjóra miðborgar og er nú lagt fram að nýju.
Kynna formanni skipulagsráðs.
23.09 Klapparstígur 19, (fsp) nýbygging
Á fundi skipulagsstjóra 27. febrúar 2009 var lögð fram fyrirspurn Stefáns Guðjónssonar dags. 24. febrúar 2009 varðandi nýbyggingu á lóðinni nr. 19 við Klapparstíg samkvæmt uppdrætti Arkís ehf. dags. 22. janúar 2009. Fyrirspurninni var vísað til umsagnar hjá verkefnisstjóra íbúðasvæðis miðborgar og er nú lagt fram að nýju.
Vísað til skipulagsráðs.
24.09 Laufásvegur 68, breyting úti, heit pottur, hæðarlegða
Á fundi skipulagsstjóra 6. febrúar 2009 var lagt fram erindi frá afgreiðslufundi byggingarfulltrúa frá 3. febrúar 2009 þar sem sótt er um leyfi til að breyta hæðarlegu í suðvesturhorni lóðar, færa heitan pott í garði og bæta gönguhurð á bílgeymslu einbýlishúss á lóð nr. 68 við Laufásveg. Erindinu var frestað og er nú lagt fram að nýju.
Meðfylgjandi er umboð frá Vegvísi, Helga Hrafni Hilmarssyni til Stefáns Hilmars Hilmarssonar vegna umsóknar um byggingarleyfi.Gjald kr. 7.700

Frestað.
Umsækjandi skal leggja fram samþykki lóðarhafa Smáragötu 11, vegna breytingar á hæðarlegu lóðar. Óskað er eftir að umbeðin gögn liggi fyrir þann 20 mars nk.
25.09 Laufásvegur 68, (fsp) geymslurými undir svölum
Á fundi skipulagsstjóra 6. febrúar 2009 var lögð fram fyrirspurn Kjartans Rafnssonar f.h. Vegvísis, dags. 30. janúar 2009, varðandi geymslurými undir svölum á húsi nr. 68 við Laufásveg. Fyrirspurninni var frestað og er nú lögð fram að nýju.
Neikvætt, samræmist ekki deiliskipulagi.
26.09 Laugavegur 83, (fsp) ofanábygging
Á afgreiðslufundi skipulagsstjóra 13. febrúar 2009 var lagt fram erindi frá afgreiðslufundi byggingarfulltrúa frá 10. febrúar 2009 þar sem sótt er um leyfi til að byggja 5. hæðina ofan á íbúðar- og atvinnuhúsið á lóð nr. 83 við Laugaveg. Erindinu var vísað til umfjöllunar hjá verkefnisstjóra miðborgar og er nú lagt fram að nýju ásamt umsögn skipulagsstjóra dags. 4. mars 2009
Neikvætt með vísan til umsagnar skipulagsstjóra. Samræmist ekki deiliskipulagi.
27.09 Mímisvegur 6, (fsp) viðbygging og stækkun svala
Lögð fram fyrirspurn lóðarhafa dags. 2. mars 2009 varðandi stækkun efstu hæðar, endurgerðar og stækkunar svala bæði sunnan og norðan megin á húsinu samkvæmt uppdrætti Arkitektastofu Pálma Guðmundssonar dags. 25. febrúar 2009.
Vísað til meðferðar hjá verkefnisstjóra íbúðasvæðis miðborgar.
28.09 Skólastræti 3b, breyting á deiliskipulagi
Á fundi skipulagsstjóra 19. desember 2008 var lögð fram umsókn Zeppelin arkitekta f.h. Óttars Yngvasonar, dags. 18. des. 2008, um breytingu á deiliskipulagi lóðar nr. 3b við Skólastræti vegna niðurrifs bakhúss og nýbyggingar skv. uppdrætti, dags. 16. des. 2008. Einnig er lögð fram umsögn skipulagsstjóra dags. 18. desember 2008. Erindinu var frestað. Á fundi skipulagsstjóra 16. janúar 2009 var erindið lagt fram að nýju og frestað.
Vísað til skipulagsráðs.
29.09 Skólavörðustígur 14, breyting inni, veitingastaður
Lagt fram erindi frá afgreiðslufundi byggingarfulltrúa frá 3. mars 2009 þar sem sótt er um leyfi til að breyta bakaríi í veitingastað með veitingaleyfi í flokki tvö fyrir 99 gesti og með opnunartíma frá kl. 10:00 til 23:00 í húsi á lóð nr. 14 við Skólavörðustíg.
Gjald kr. 7.700
Frestað. Samþykki meðeiganda skortir.
30.09 Stýrimannastígur 14, (fsp) atvinnustarfsemi, veitingaþjónusta
Á fundi skipulagsstjóra 20. febrúar 2009 var lagt fram erindi frá afgreiðslufundi byggingarfulltrúa frá 17. febrúar 2009 þar sem spurt er hvort leyft yrði að innrétta veislueldhús og veitingaþjónustu í kjallara einbýlishússins á lóð nr. 14 við Stýrimannastíg.
Erindi fylgir virðingargjörð dags. 2. janúar 1944
Erindinu var vísað til meðferðar hjá verkefnisstjóra vesturbæjar og er nú lagt fram að nýju.
Ekki eru gerðar skipulagslegar athugasemdir við erindið. Sækja þarf um byggingarleyfi auk þess sem samþykki allra meðeiganda þarf að fylgja erindinu.
31.09 Vesturvallagata 4, viðbygging
Að lokinni grenndarkynningu er lagt fram að nýju erindi frá afgreiðslufundi byggingarfulltrúa frá 20. maí 2008 þar sem sótt er um leyfi fyrir viðbyggingu á tveim hæðum úr steinsteypu og bárujárnsklæddri timburgrind með timburþaki sbr. fsp. BN036646 við núverandi hús á lóð nr. 4 við Vesturvallagötu. Tillagan var grenndarkynnt frá 18. ágúst til og með 16. september 2008. Athugasemdir bárust frá: Höddu Þorsteinsdóttur Vesturvallagötu 2 dags. 15. sept, Guðna Kára Gylfasyni, dags. 16. sept. með beiðni um framlengingu á fresti, Fjólu Guðmundsdóttur f.h. Húsfélagsins Holtsgötu 17, dags. 16. sept.. ásamt ósk um lengri frest. Athugasemd barst frá Húsfélaginu Holtsgötu 17, dags. 3. okt. 2008, Guðna Kára Gylfasyni, Holtsgötu 17, dags. 3. okt. 2008. Erindið nú lagt fram að nýju ásamt nýjum uppdrætti Batterísins dags. 26. febrúar 2009 og samkomulagi milli húseigenda Holtsgötu 17 og lóðareiganda Vesturvallagötu 4 dags. 27. febrúar 2009.
Samþykkt að grenndarkynna að nýju framlagða umsókn, samkvæmt nýjum uppdráttum, fyrir hagsmunaaðilum að Vesturvallagötu 2 og 6, Holtsgötu 17 og Sólvallagötu 64, þegar uppdrættir hafa verið lagfærðir.

32.09 Vesturberg 175, breyting á deiliskipulagi
Lagt fram erindi lóðarhafa dags. 3. mars 2009 varðandi breytingu á deiliskipulagi Breiðholts 3 vegna lóðarinnar nr. 175 við Vesturberg. Í breytingunni felst að gert er ráð fyrir áðurgerður geymsluskúr auk stækkunar, samkvæmt uppdrætti KRark dags. 2. mars 2009.
Frestað.
33.09 Vættaborgir 9, Borgaskóli, breyting á deiliskipulagi Borgahverfis A-hluta
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 11. desember 2008 varðandi breytingu á deiliskipulagi Borgahverfis A-hluta vegna lóðarinnar nr. 9 við Vættaborgir. Í breytingunni felst að staðsetja boltagerði í suðvesturhluta lóðarinnar, byggingarreitur stækkaður fyrir færanlegar kennslustofur samkvæmt uppdrætti dags. 4. desember 2008. Tillagan var auglýst frá 19. janúar til og með 2. mars 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
34.09 Norðurfell 17-19, Fellaskóli, breyting á deiliskipulagi vegna boltagerðis o.fl.
Að lokinni auglýsingu er lögð fram að nýju umsókn Framkvæmda- og eignasviðs Reykjavíkur dags. 11. desember 2008, um breytingu á deiliskipulagi lóðar Fellaskóla samkvæmt uppdrætti, dags. 9. desember 2008. Breytingin felst m.a. í staðsetningu boltagerðis og breytingu á bílastæðum. Tillagan var auglýst frá 19. janúar til og með 2. mars 2009. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra í viðauka við samþykkt um stjórn Reykjavíkurborgar.
38.09 Skipulagsstjóri, Skýrsla Slökkviliðs höfðuborgarsvæðisins varðandi eldvarnir í atvinnuhúsnæði ásamt skýrslu um búsetu í iðnaðarhúsnæðum í Reykjavík 2008.
Lögð fram skýrsla Slökkviliðsstjóra dags. 23. febrúar 2008 varðandi eldvarnir í atvinnuhúsnæði sem notað er til búsetu án heimildar. Einnig lögð fram samantekt forvarnarsviðs Slökkviliðs höfuðborgarsvæðisins búsetu í iðnaðarhúsnæðum í Reykjavík 2008.
Kynna formanni skipulagsráðs.
39.09 Skipulagsstjóri, samantekt slökkviliðs höfuðborgarsvæðisins á ókláruðum byggingum og húsgrunnum 2009.
Lögð fram samantekt forvarnarsviðs Slökkviliðs höfuðborgarsvæðisins á ókláruðum byggingum og húsgrunnum 2009.
Kynna formanni skipulagsráðs.