Bakkastaðir 2, Korpuskóli, Bröndukvísl 18, Dugguvogur 21, Fljótasel 19-35, Hjallaland 1, Jöklasel 25, Kjalarnes, Melavellir, Látrasel 9, Naustavogur - Snarfari, Sifjarbrunnur 10-16, Sifjarbrunnur 10-16, Sigtún 41, Stórhöfði 15, Barmahlíð 54, Brautarholt 18-20, Bræðraborgarstígur 21B, Fálkagata 18, Fossagata 3, Frostaskjól 7, Holtsgata 41B - Stórasel, Hólatorg 2, Laufásvegur 19, Laugavegur 24, Nóatún 17, Óðinsgata 15, Vesturgata 27, Þingholtsstræti 29A, Keldnaholt,

Embættisafgreiðslufundur skipulagsstjóra Reykjavíkur samkvæmt viðauka 2.4 við samþykkt um stjórn Reykjavíkurborgar.

218. fundur 2008

Ár 2008, fimmtudaginn 31. júlí kl. 10:00, hélt skipulagsstjóri Reykjavíkur 218. embættisafgreiðslufund sinn til afgreiðslu mála án staðfestingar skipulagsráðs. Fundurinn var haldinn á skrifstofu skipulagsstjóra Borgartúni 3, 3. hæð. Fundinn sátu: Ólöf Örvarsdóttir og Freydís Bjarnadóttir. Eftirtaldir embættismenn kynntu mál á fundinum: Gunnhildur Gunnarsdóttir, Guðfinna Ósk Erlingsdóttir, Þórarinn Þórarinsson og Bragi Bergsson. Ritari var Elín Ósk Helgadóttir
Þetta gerðist:


1.08 Bakkastaðir 2, Korpuskóli, breyting á deiliskipulagi
Lögð fram umsókn Önnu Pálu Pálsdóttur f.h. Framkvæmda- og eignasviðs Reykjavíkur dags. 30 .júlí 2008. Sótt er um að stækka byggingareit fyrir lausar/færanlegar kennslustofur og færa aðkomu fyrir sorp og vörumóttöku. Meðfylgjandi eru uppdrættir frá Framkvæmdasviði Reykjavíkurborgar dags. 24. júlí 2008.
Samþykkt að grenndarkynna framlagða umsókn fyrir hagsmunaðilum að Barðastöðum 13-15 og Bakkastöðum 77 þegar uppdrættir hafa verið lagfærðir.

2.08 Bröndukvísl 18, bílastæði
Lagt fram bréf frá framkvæmdasviði dags. 31. maí 2006 þar sem lagt er til að fækka bílastæðum um minnst 2-3 fyrir utan svefnherbergisgluggan á Bröndukvísl 18 með vísan í bréf Önnu Dóru Helgadóttur dags. 18. apríl 2006.
Meðfylgjandi eru uppdrættir Björns Inga Edvardssonar og Björns Axelssonar dags. 25. júlí 2008.
Samþykkt að grenndarkynna framlagða umsókn fyrir hagsmunaaðilum að Bröndukvísl 1-21 oddatölur og Bröndukvísl 18-22 sléttar tölur.

3.08 Dugguvogur 21, ofanábygging
Lagt fram erindi frá afgreiðslufundi byggingarfulltrúa frá 15.júlí 2008 þar sem sótt er um leyfi til að byggja rishæð, sbr. erindi nr. 186/73 samþykkt 30. maí 1973 og teikn. samþykkt 12. feb.1953, og gera tvær íbúðir og vinnustofur listamanna í húsi á lóð nr. 21 við Dugguvog.
Erindið er nú lagt fram á ný ásamt umsögn frá skipulagsstjóra dags. 25. júlí 2008.
Ekki eru gerðar athugasemdir við að byggt verði ofan á núverandi byggingu. Neikvætt er tekið í byggingu kvista með vísan til umsagnar skipulagsstjóra.

4.08 Fljótasel 19-35, (fsp) nr.23 kvistur
Lagt fram erindi frá afgreiðslufundi byggingarfulltrúa frá 29. júlí 2008 þar sem spurt er hvað þurfi að uppfylla til að geta hafið framkvæmdir við fyrirhugaðan kvist samsvarandi þeim á nr. 21 á húsi nr. 23 á lóð nr. 19 - 35 við Fljótasel.
Erindinu var vísað til umsagnar skipulagsstjóra.
Vísað til umsagnar hjá austurteymi arkitekta hjá skipulagsstjóra.

5.08 Hjallaland 1, (fsp) bílastæði við hús
Á fundi skipulagsstjóra dags. 25. júlí var lögð fram fyrispurn Dóru Ingvadóttur dags. 22. júlí 2008 um heimild til þess að gera bílastæði við vesturenda raðhúsanna við Hjallaland 1-7.
Erindinu var vísað til meðferðar í austurteymi arkitekta og er nú lagt fram að nýju.
Neikvætt. Samkvæmt skipulagi eru ekki heimiluð bílastæði við gafla raðhúsa í Fossvogi.

6.08 Jöklasel 25, (fsp) stækka íbúð, svalir á ris.
Lögð fram fyrirspurn Bjarka Þórarinssonar dags. 25. júlí 2008. Spurt er hvort breyta þurfi deiliskipulagi með því að nýta rishæð og setja glugga á þak. Einnig spurt hvort leyfilegt sé að rjúfa þakið og búa til svalir.
Vísað til umfjöllunar í austurteymi arkitekta hjá skipulagsstjóra.

7.08 Kjalarnes, Melavellir, breyting á deiliskipulagi
Að lokinni auglýsingu er lögð fram umsókn Matfugls, dags. 21. nóv. 2007, um breytingu á deiliskipulagi á jörðinni Melavellir í Kjalarnesi skv. uppdr. Arkþings, dags. 20. nóv. 2007. Í breytingunni felst að heimila byggingu fjögurra alifuglahúsa sunnan við þegar samþykkt alifuglahús á lóðinni. Lagt fram bréf Umhverfissviðs, dags. 25. janúar 2008. Einnig lagt fram bréf Skipulagsstofnunar, dags. 28. janúar 2008 ásamt skýrslu Línuhönnunar, dags. janúar 2008: "frummatsskýrsla, stækkun kjúklingabús á Melavöllum Kjalarnesi". Einnig lagt fram bréf skrifstofu borgarstjórnar, dags. 29. okt. 2007 ásamt umsögn umhverfissviðs frá 23. s.m og bréf skipulagsstofnunar dags. 27. mars 2008. Auglýsing stóð yfir frá 23. apríl til og með 7. júní 2008 Athugasemdir bárust frá ábúendum á Bakka, dags. 19. maí 2008, Íbúasamtökum Kjalarness, dags. 21. maí 2008.
Auglýsing stóð frá 23. apríl til og með 7. júní 2008.
Athugasemdir kynntar. Vísað til skipulagsráðs.

8.08 Látrasel 9, breyting á deiliskipulagi
Að lokinni grenndarkynningu er lögð fram að nýju umsókn Einars Erlingssonar mótt. 20. júní 2008 um breytingu á deiliskipulagi Seljahverfis vegna lóðarinnar númer 9 við Látrasel skv. meðfylgjandi uppdráttum Ellerts Más Jónssonar mótt. 19. júní 2008. Grenndarkynningin stóð frá 27. júní til og með 25. júlí. Engar athugasemdir bárust.
Samþykkt með vísan til heimilda um embættisafgreiðslur skipulagsstjóra við samþykkt um stjórn Reykjavíkurborgar.

9.08 Naustavogur - Snarfari, geymslutjald -tímabundið
Lagt fram erindi frá Ingólfi Guðlaugssyni f.h. Sea-Safari Ísland ehf. dags. 25. júlí 2008 þar sem óskað er eftir landsvæði fyrir geymslutjald fyrir báta ofan við svæði Snarfara, tímabundið. Meðfylgjandi er mynd af áætluðu svæði úr borgarvefsjá.
Vísað til umsagnar umhverfisstjóra skipulags- og byggingarsviðs.

10.08 Sifjarbrunnur 10-16, breytt deiliskipulag
Á fundi skipulagsstjóra 6. maí 2008 lagt fram bréf Skipulagsstofnunar dags. 28. maí 2008 þar sem stofnunin gerir athugasemdir við birtingu auglýsingu í B-deild Stjórnartíðinda.
Erindinu var vísað til afgreiðslu í austuteymi arkitekta.
Frestað. Hönnuður hafi samband við embætti.

11.08 Sifjarbrunnur 10-16, raðhús
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir stækkun raðhúss sem byggt er úr forsteyptum einingum á lóð nr. 10-16 við Sifjarbrunn.
Stækkun xxxx
Gjald kr. 7.300
Erindinu var vísað til umsagnar skipulagsstjóra.
Neikvætt. Samræmist ekki deiliskipulagi.

12.08 Sigtún 41, þak - kvist
Lagt fram erindi frá afgreiðslufundi byggingarfulltrúa frá 29. júlí 2008 þar sem spurt er hvort endurnýja megi þak og hækka það um 38 cm upp fyrir steyptar þakrennur, breyta kvistum á suðurhlið og setja einn stórann á norðurhlið húss á lóð nr. 41 við Sigtún. Erindinu var vísað til umsagnar skipulagsstjóra.
Ekki eru gerðar athugasemdir við erindið. Samræmist deiliskipulagi.


13.08 Stórhöfði 15, (fsp) stækkun lóðar
Á fundi skipulagsstjóra dags. 25. júlí var lögð fram fyrirspurn Smáhöfða ehf. dags. 2. júlí 2008 varðandi stækkun lóðar nr. 15 við Stórhöfða. Erindið er framsent frá Framkvæmda- og eignasviði með bréfi dags. 22. júlí 2008. Erindinu var vísað til umfjöllunar í austuteymi og er nú lagt fram að nýju.
Vísað til umsagnar umhverfis- og samgöngusviðs vegna umferðarmála.

14.08 Barmahlíð 54, stigi niður frá svölum
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir tröppum úr timbri af svölum íbúðar 0101, mhl. 01 í fjölbýlishúsi á lóð nr. 54 við Barmahlíð.
Meðfylgjandi er undirritað samþykki sumra íbúa nærliggjandi húsa.
Gjald kr. 7.300
Erindinu var vísað til umsagnar skipulagsstjóra.
Ekki eru gerðar athugasemdir við tröppur af svölum niður í garð. Neikvætt að heimila útivist á bílskúr án samþykkis aðlægðra lóða.

15.08 Brautarholt 18-20, (fsp) deiliskipulag
Á fundi skipulagsstjóra var lögð fram fyrirspurn Brautarholts 20 ehf. dags. 17. júlí 2008 þar sem óskað er eftir heimild til að fjarlægja byggingar af lóðinni númer 18 við Brautarholt og hluta af byggingu á Brautarholti 20 í samræmi við uppdrætti KRark dags. 15. júlí 2008.. Óskað er eftir sameiningu lóðanna og að heimilað verði að byggja á þeirri lóð hótel með allt að 170 herbergjum.
Erindinu var vísað til umsagnar vesturteymis arkitekta hjá skipulagsstjóra og er nú lagt fram að nýju ásamt umsögn dags. 31.07.2008.
Neikvætt með vísan til umsagnar skipulagsstjóra.

16.08 Bræðraborgarstígur 21B, viðbygging, breyting inni
Lagt fram erindi frá afgreiðslufundi byggingarfulltrúa frá 22. júlí 2008 þar sem Sótt er um leyfi til að byggja yfir svalir á vesturgafli og gera herbergi þar á 2. hæð, bæta við svölum á 2. hæð á suðurhlið auk minni háttar breytinga á fyrirkomulagi innanhúss í tvílyfta einbýlishúsinu á steypta sökklinum frá 1916 á lóð nr. 21B við Bræðraborgarstíg.
Umsögn Húsafriðunarnefndar dags. 10. júlí 2008 fylgir erindinu.
Stærðir: Eftir stækkun 221,7 ferm., 697,5 rúmm.
Stækkun 65,8 rúmm.
Gjald kr. 7.300 + 4.803
Erindinu var vísað til umsagnar skipulagsstjóra til ákvörðunar um grenndarkynningu
Samþykkt að grenndarkynna framlagða umsókn fyrir hagsmunaaðilum að Bræðraborgarstíg 21, 21C, 23 og 23A ásamt Unnarstíg 4.

17.08 Fálkagata 18, (fsp) ofan á bygging
Lagt fram erindi frá afgreiðslufundi byggingarfulltrúa frá 29. júlí 2008 þar sem spurt er hvort byggja megi eina til tvær íbúðarhæðir ofan á hús á lóð nr. 18 við Fálkagötu.
Erindinu var vísað til umsagnar skipulagsstjóra.
Neikvætt. Samræmist ekki gildandi deiliskipulagi Fálkagötureits.

18.08 Fossagata 3, viðbygging
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir viðbyggingu á einni hæð úr timbri á steyptum kjallara við einbýlishús á lóð nr. 3 við Fossagötu
Stærðir: Núv. 99,4 ferm., 243,4 rúmm.
Stækkun 75,8 ferm., 197,6 rúmm.
Samtals eftir stækkun 175,2 ferm., 441,9 rúmm.
Gjald kr. 7.300 + 14.425
Erindinu var vísað til umsagnar skipulagsstjóra.
Jákvætt að fyrirspyrjandi láti vinna tillögu að breytingu á deiliskipulagi, á eigin kostnað, í samræmi við erindið. Tillagan verður grenndarkynnt þegar hún berst.

19.08 Frostaskjól 7, (fsp) viðbygging
Á fundi skipulagsstjóra dags. 25. júlí var lögð fram fyrirspurn Daníels Guðlaugssonar dags. 17. júlí 2008 að breyttu deiliskipulagi skv. uppdráttum Ask arkitekta dags.16. júlí 2008. Breytingin felst í viðbyggingu til vesturs við núverandi byggingu. Erindinu var vísað til meðferðar í vesturteymi og er nú lagt fram að nýju.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst.

20.08 Holtsgata 41B - Stórasel, orðsending borgarstjóra
Lögð fram orðsending frá skrifstofu borgarstjóra dags. 25. júlí 2008 ásamt erindi frá Sverri Hauki Gunnlaugssyni þar sem óskað er aðgerða við "Stórasel" Höltsgötu 41B.
Vísað til umsagnar lögfræði- og stjórnsýslu.

21.08 Hólatorg 2, breyting á deiliskipulagi
Lögð fram beiðni um framlengdan frest til athugasemda dags. 29. júlí frá íbúum að Hávallagötu 1, Garðar Garðarsson og Sigrún Björnsdóttir.
Samþykkt að framlengja frest til að gera athugasemdir til 26. ágúst nk.

22.08 Laufásvegur 19, innri-br. svalir, sorptunna
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir minni háttar breytingum á innra skipulagi, að koma fyrir svölum á austurhlið og til að koma fyrir sorptunnum til bráðabirgða við inngang íbúðar- og atvinnuhússins á lóð nr. 19 við Laufásveg.
Erindi fylgir samþykki eigenda dags. 21.7. 2008.
Sömuleiðis samþykkt skipulagsráðs og byggingarfulltrúa fyrir tímabundinni staðsetningu sorpíláta úti á gangstétt.
Gjald kr. 7.300
Erindinu var vísað til umsagnar skipulagsstjóra til ákvörðunar á grenndarkynningu.
Samþykkt að grenndarkynna framlagða umsókn fyrir hagsmunaaðilum að Laufásvegi 17 og Skálholtsstíg 6.

23.08 Laugavegur 24, (fsp) breyting á deiliskipulagi
Á fundi skipulagsstjóra 11. júlí 2008 var lögð fram fyrirspurn um breytingu á deiliskipulagi dags. 8. júlí 2008. Breytingin felst í niðurfellingu á kvöð og lokun undirgangna. Meðfylgjandi er bréf frá Landsþingi ehf. dags. 6. júlí 2008. Erindinu var vísað til umfjöllunar í vesturteymi arkitekta hjá skipulagsstjóra og er nú lagt fram að nýju ásamt bréfi frá Höllu Bragadóttur dags. 29. júlí þar sem fram kemur ósk Kraums um að fá leigðan sýningarglugga í hótel Frón.
Kynnt. Vísað til umsagnar í vesturteymi arkitekta skipulagsstjóra.

24.08 Nóatún 17, (fsp) stækkun lóðar
Á fundi skipulagsstjóra dags. 25. júlí 2008 var lögð fram fyrirspurn Saxhóls ehf dags. 15. júlí 2008 ásamt greinargerð dags. 14. júlí og uppdráttum teiknistofu Gunnars Hanssonar dags. 8. júlí 2008 að stækkun húss og/ eða lóðar. Erindinu var vísað til umsagnar í vesturteymi og er nú lagt fram að nýju ásamt umsögn skipulagsstjóra dags. 31.07.2008.
Kynnt. Vísað til umsagnar umhverfis- og samgöngusviðs vegna lóðarstækkunar og bílastæðamála.

25.08 Óðinsgata 15, svalir
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi fyrir svalir með burðarvirki úr stáli og klætt með timbri á austurhlið 3. hæðar íbúðarhúss á lóð nr. 15 við Óðinsgötu.
Gjald kr. 7.300
Frestað. Hönnuður hafi samband við embættið.

26.08 Vesturgata 27, (fsp) þak yfir bílskýli , garðskúr
Lagt fram erindi frá afgreiðslufundi byggingarfulltrúa frá 29. júlí 2008 þar sem spurt er hvort byggja megi þak yfir bílastæði og verkfæraskúr við hús á lóð nr. 27 við Vesturgötu.
Erindinu var vísað til umsagnar skipulagsstjóra.
Ekki eru gerðar athugasemdir við erindið út frá skipulagslegu sjónarmiði. Byggingarleyfisumsókn verður grenndarkynnt þegar hún berst.

27.08 Þingholtsstræti 29A, innri breytingar, gluggar - hurðir, bílskúr og lóð
Lagt fram erindi frá afgreiðslufundi byggingarfulltrúa frá 29. júlí 2008 þar sem sótt er um leyfi til minniháttar breytinga inni í eldra húsinu auk breytinga á gluggum og dyraopum til austurs að garði og ennfremur um leyfi fyrir byggingu bílskúrs með aðkeyrslu að Grundarstíg með baðaðstöðu, geymslum og tæknirými í kjallara og stigatengingu við 1. hæð í einbýlishúsinu Esjubergi á lóð nr. 29 A við Þingholtsstræti.
Meðfylgjandi er bréf frá hönnuðum dags. 22.7.2008. Samþykki flestra nágranna á Þingholtsstræti 29 og á Grundarstíg 12. Sömuleiðis bréf frá Húsafriðunarnefnd dags. 19.6.2008 og Minjasafni Reykjavíkur dags. 26.6.2008.
Stærðir fyrir stækkun 467,7 ferm., 1564 rúmm.
Stækkun íbúð 203,4 ferm., bílskúr 41,4 ferm.
Samtals stækkun 244,8 ferm., 1000,3 rúmm.
Samtals eftir stækkun 712,5 ferm., 2564,3 rúmm.
Gjald kr. 7,300 + 73,022
Erindinu var vísað til umsagnar skipulagsstjóra.
Samþykkt að grenndarkynna framlagða byggingarleyfisumsókn fyrir hagsmunaaðilum að Grunndarstíg 11, 12 og 15 ásamt Þingholtsstræti 29 og 31.

28.08 Keldnaholt, auglýsingaskilti
Á fundi skipulagsstjóra 12. október 2007 var lagt fram erindi frá afgreiðslufundi byggingarfulltrúa dags 18. september 2007 þar sem sótt er um leyfi til að setja upp þríhyrnt flettiskilti, 7, 9 m hátt og 6,4 m breitt, vestan við Vesturlandsveg á lóð með landnúmer 109210 í landi Keldnaholts.
Samkomulag milli landeigenda og eiganda flettiskiltis dags. 15. desember 2006 fylgir erindinu.
Gjald kr. 6.800 Erindinu var vísað til umsagnar Framkvæmdasviðs og er nú lagt fram að nýju ásamt umsögn framkvæmdasviðs dags. 28. júlí 2008.
Kynnt. Frestað.