Fossháls 17-25, Dragháls 18-26, Kjalarnes, Álfsnes, Kjalarnes, Fitjar, Skrauthólar 3, Úlfarsárdalur, Deildarás 21, Geitastekkur 2, Heiðarbær 14, Vesturás 39, Viðarás 1-7, Kambasel 1-21, Dyngjuvegur 2, Háskólinn í Reykjavík, Kirkjuteigur 11, Rauðalækur 10, Skipasund 9, Skútuvogur 2, Skútuvogur 13, Einarsnes 64A, Hjarðarhagi 45-47, Holtsgata 14, Lágholtsvegur 4-10, Nýlendugata 9, Reykjavíkurvegur 27, Tómasarhagi 40, Vesturgata 16b, Njálsgötureitur 1, Njálsgötureitur 2, Njálsgötureitur 3, Vegamótastígur 9, Bergstaðastræti 10, Iðnskólareitur, Brúnastaðir 55, Sóleyjarimi 13, Kópavogur,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

152. fundur 2007

Ár 2007, föstudaginn 16. febrúar kl. 10:30, hélt Skipulagsfulltrúi Reykjavíkur 152. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sátu: Ágústa Sveinbjörnsdóttir og Lilja Grétarsdóttir Eftirtaldir embættismenn kynntu mál á fundinum: Þórarinn Þórarinsson, Bergljót S. Einarsdóttir, Ólöf Örvarsdóttir, Margrét Þormar og Jóhannes S. Kjarval. Ritari var Helga Björk Laxdal
Þetta gerðist:


1.07 Fossháls 17-25, Dragháls 18-26, breyting á deiliskipulagi
Á fundi skipulagsfulltrúa 9. febrúar 2007 var lögð fram umsókn KRark f.h. Norðurhlíðar fasteignafélags, dags. 1. febrúar 2007, um breytingu á deiliskipulagi Hálsahverfis hvað varðar lóðirnar Fossháls 17-25 og Dragháls 18-26. Breytingin felur í sér aukna nýtingu á lóðinni frá 0,7 í 1,5. Á fundinum var erindinu vísað til umsagnar hverfisarkitekts. Erindið er nú lagt fram að nýju ásamt umsögn skipulagsfulltrúa dags. 15. febrúar 2007.
Vísað til umsagnar Framkvæmdasviðs vegna umsóknar um aukna nýtingu og aukins álags á gatnakerfi svæðisins.

2.07 Kjalarnes, Álfsnes, gaslögn að metanáfyllingarstöð við Bíldshöfða, framkvæmdaleyfi
Lagt fram að nýju bréf Orkuveitu Reykjavíkur, dags. 27. nóvember 2006, um framkvæmdaleyfi fyrir metanlögn frá urðunarstað Sorpu í Álfsnesi að metanáfyllingarstöð Olíufélagsins við Bíldshöfða í Reykjavík, alls 10 km. Lögð fram umsögn skipulagsfulltrúa, dags. 19. desember 2006 og Umhverfisstofnunar, dags. 15. janúar 2007. Lagt fram bréf VGK hönnunar, dags. 12.02.07 ásamt umsögnum Umhverfisstofnunar, dags. 1. og 5. febrúar 2007. Einnig lögð fram tillaga skipulagsfulltrúa að framkvæmdaleyfi dags. 15. febrúar.
Framkvæmdaleyfi samþykkt með vísan til d-liðar 2. gr. viðauka 2.4. um embættisafgreiðslur skipulagsfulltrúa við samþykkt um stjórn Reykjavíkurborgar.

3.07 Kjalarnes, Fitjar, breyting á deiliskipulagi
Á fundi skipulagsfulltrúa þann 15. desember 2006 var lögð fram umsókn Einars Ingimarssonar, dags. 30. nóvember 2006, að breytingu á deiliskipulagi lóðarinnar Fitjar á Kjalarnesi vegna brúar yfir Leirvogsá skv. uppdrætti, dags. 29. nóvember 2006. Einnig lögð fram umsögn veiðifélags Leirvogsár, dags. 22. nóvember 2006, umsögn umhverfisráðs, dags. 27. nóvember 2006 og greinargerð Arkþings og Hnit, dags. 8. nóvember 2006. Erindið er nú lagt fram að nýju ásamt umsögn Framkvæmdasviðs, dags. 12. febrúar 2007
Vísað til skipulagsráðs.

4.07 Skrauthólar 3, (fsp) leyfi fyrir skiptingu lóðar og byggingu
Lagt fram bréf frá afgreiðslufundi byggingarfulltrúa frá 6. febrúar 2007. Spurt er hvort leyft yrði að skipta í einbýlishúsalóðir landinu Skrauthólar 3 á Kjalarnesi.
Vísað til umsagnar hverfisarkitekts.

5.07 Úlfarsárdalur, hverfi 4, breyting á skilmálum
Lögð fram tillaga skipulagsfulltrúa, dags. 01. febrúar 2007, að breytingu á skilmálum fyrir Úlfarsárdal, hverfi 4. Breytingin gengur út á að skipulagsráð getur samþykkt að heimila að byggingarhlutar nái lítillega út fyrir byggingarreit, hvort heldur sem er fyrir bundna eða opna byggingarlínu þó aldrei meira en sem nemur 12% samtals af heildar byggingarmagni hverrar lóðar. Einungis má nýta heimild þessa ef aðstæður eru samkvæmt mati skipulagsyfirvalda ekki íþyngjandi fyrir aðliggjandi lóðarhafa.
Vísað til skipulagsráðs.

6.07 Deildarás 21, (fsp) breyting á einbýlishúsi
Lögð fram fyrirspurn Bryndísar Mjallar Gunnarsdóttur dags. 12. febrúar 2007 varðandi heimild til að breyta inngangi með útbyggingu til suðurs út frá núverandi inngangi og efri svölum á lóðinni nr. 21 við Deildarás.

Fyrirspyrjandi hafi samband við embætti skipulagsfulltrúa.

7.07 Geitastekkur 2, (fsp) bílastæði
Á fundi skipulagsfulltrúa 5. janúar 2007 var lagt fram bréf frá afgreiðslufundi byggingarfulltrúa frá 11. júlí 2006. Spurt var hvort samþykkt yrði gerð bílastæðis frá Grænastekk við norðurhlið einbýlishúss á lóð nr. 2 við Geitastekk. Lagt fram að nýju ásamt umsögn framkvæmdasviðs, dags. 2. febrúar 2007.
Bréf byggingarfulltrúa dags. 18. nóvember 2005 og 30. maí 2006 ásamt bréfum fyrirspyrjanda ódags. og dags. 8. júní 2006 fylgja erindi..
Neikvætt. Erindið samræmist ekki upphaflegu gatna- og innkeyrslufyrirkomulagi í gildandi deiliskipulagi. Ekki er fallist á að það beri að endurskoða það fyrirkomulag í heild sinni.

8.07 Heiðarbær 14, áður gerð geymsla
Lagt fram bréf frá afgreiðslufundi byggingarfulltrúa frá 23. janúar 2007. Sótt er um leyfi fyrir áður gerðri viðbyggingu með álklæddum léttum útveggjum við enda bílgeymslu á norðvestur horni einbýlishússins á lóðinni nr. 14 við Heiðarbæ, skv. uppdr. Hallgríms Axelssonar, dags. 28. desember 2006.
Stærðir: xxx ferm., xxxxx rúmm.
Gjald kr. 6.800 + xxxxxx
Ekki eru gerðar athugasemdir við að umsækjandi láti vinna tillögu að breytingu á deiliskipulagi, í samræmi við erindið, sem síðar verður grenndarkynnt.

9.07 Vesturás 39, (fsp) kjallari, gluggar ofl.
Lagt fram bréf frá afgreiðslufundi byggingarfulltrúa frá 11. apríl 2006. Spurt er um leyfi til að stækka íbúð um kjallara, setja glugga, lækka lóð og koma fyrir kjallarainngangi í húsi á lóð nr. 39 við Vesturás. Bréf frá Haraldi Ingvarssyni arkitekt dags. 31. mars 2006 fylgir erindinu., ásamt samþykki meðlóðarhafa áritað á teikningu dags. 11. maí 2006.
Frestað. Meðfylgjandi gögn eru ófullnægjandi. Hönnuður hafi samband við embætti skipulagsfulltrúa.

10.07 Viðarás 1-7, (fsp) blómaskálar úr áli
Lagt fram bréf frá afgreiðslufundi byggingarfulltrúa frá 13. febrúar 2007. Spurt er hvort leyft yrði að byggja blómaskála úr gleri og áli ofaná svalir á raðhúsinu á lóðinni nr. 1-7 við Viðarás, skv. uppdr. Kristins Sveinbjörnssonar, dags. 3. júlí 1997 síðast breytt 1. febrúar 2007.
Ekki eru gerðar athugasemdir við erindið. Samræmist deiliskipulagi.

11.07 Kambasel 1-21, (fsp) viðbygging nr. 19
Lagt fram bréf frá afgreiðslufundi byggingarfulltrúa frá 30.01.07. Spurt er hvort leyft yrði að byggja viðbyggingu við norðausturhlið húss nr. 19 í líkingu við fyrirliggjandi skissu ásamt leyfi til þess að setja upp tröppur frá svölum að garði raðhússins á lóð nr. 1-21 við Kambasel, skv. uppdr. Gláma-Kím, dags. 23.01.07.
Neikvætt. Samræmist ekki deiliskipulagi.

12.07 Dyngjuvegur 2, (fsp) viðbygging
Lögð fram fyrirspurn Davíðs Pitt, dags. 9. febrúar 2007, varðandi viðbyggingu við hús nr. 2 við Dyngjuveg.
Ekki eru gerðar athugasemdir við að byggt verði við húsið og bílskúr innan byggingarreits, í samræmi við eldra hús. Samþykki aðliggjandi lóðarhafa þarf að liggja fyrir vegna byggingar bílskúrs. Byggingarleyfisumsókn verður grenndarkynnt þegar hún berst.

13.07 Háskólinn í Reykjavík, deiliskipulag
Lögð fram forsögn skipulagsfulltrúa að deiliskipulagi svæðis Háskólans í Reykjavík við Hlíðarfót dags. september 2005. Einnig lögð fram drög að tillögu að deiliskipulagi dags. í október 2006 ásamt greinargerð. Jafnframt lögð fram bókun framkvæmdaráðs frá 12. október 2005 og bókun umhverfisráðs frá 17. október 2005.
Vísað til skipulagsráðs.

14.07 Kirkjuteigur 11, (fsp) stækkun bílskúrs
Lagt fram bréf frá afgreiðslufundi byggingarfulltrúa frá 23. janúar 2007. Spurt er hvort leyft yrði að byggja um 35 ferm viðbyggingu norðan við núverandi bílskúr á lóð nr. 11 við Kirkjuteig.
Bréf fyrirspyrjenda dags. 15. janúar 2007 fylgir erindinu.
Leiðrétt er bókun frá embættisafgreiðslufundi skipulagsfulltrúa frá 2. febrúar sl. en þá var bókað eftirfarandi : Heimilt er að stækka bílskúr eins og sýnt er á deiliskipulagi sbr. meðfylgjandi uppdrátt. Samræmist deiliskipulagi.

Ný bókun er: Heimilt er að byggja bílskúr á lóðinni samkvæmt heimildum deiliskipulags Teigahverfis. Fjarlægja þarf eldri skúr ef byggja á nýjan.


15.07 Rauðalækur 10, (fsp) tvöfaldur bílskúr
Lagt fram bréf frá afgreiðslufundi byggingarfulltrúa frá 13. febrúar 2007. Spurt er hvort leyft yrði að byggja tvöfaldan bílskúr og þá hversu stóran, háan og með hvernig þakformi má byggja skúrinn á norðausturhorni lóðar nr. 10 við Rauðagerði. Einnig er lögð fram umsögn skipulagsfulltrúa dags. 14. febrúar 2007.
Ekki eru gerðar athugasemdir við erindið með vísan til umsagnar skipulagsfulltrúa. Byggingarleyfisumsókn verður grenndarkynnt þegar hún berst.

16.07 Skipasund 9, (fsp) nýtt þak
Lagt fram bréf frá afgreiðslufundi byggingarfulltrúa frá 23. janúar 2007. Spurt er hvort leyft yrði að endurnýja þak með því að byggja yfir núverandi steinrennur og með kvistum á austur og vesturþekju í líkingu við meðfylgjandi teikningu á lóð nr. 9 við Skipasund.
Ekki eru gerðar athugasemdir við lagfæringu á þaki. Gæta þarf að nýjir kvistir fari húsi vel. Grenndarkynna þarf byggingarleyfisumsókn þegar hún berst.

17.07 Skútuvogur 2, hjólaskýli afdrep
Lagt fram bréf frá afgreiðslufundi byggingarfulltrúa frá 23. janúar 2007. Sótt er um að breyta innra skipulagi annarrar hæðar og bæta við fundaraðstöðu við stigahús og barnahorni í mötuneyti og byggja afdrep fyrir reykingafólk og hjólaskýli í tengslum við atvinnuhús á lóð nr. 2 við Skútuvog, skv. uppdr. Ask arkitekta, dags. 04. apríl 2006 síðast breytt 16. janúar 2007. Einnig lögð fram umsögn skipulagsfulltrúa dags. 12. febrúar 2007.
Gjald kr. 6.800
Ekki eru gerðar athugasemdir við hjólaskýli, en ekki er fallist á afdrep á lóðarmörkum með vísan til umsagnar skipulagsfulltrúa.

18.07 Skútuvogur 13, gistiheimili
Lagt fram bréf frá afgreiðslufundi byggingarfulltrúa frá 13. febrúar 2007. Sótt er um leyfi til þess að breyta bráðabirgða svefnaðstöðu langferðabílstjóra á millilofti yfir 0102 í útleiguhúsnæði með svefnaðstöðu á lóð nr. 13 við Skútuvog.
Útskrift úr gerðabók embættisafgreiðsufundar skipulagsfulltrúa frá 2. febrúar 2007 fylgir erindinu. Einnig lagt fram bréf umsækjanda dags. 30. janúar 2007, samkvæmt uppdrætti es. teiknistofunnar dags. í júní 1995. Jafnframt lögð fram útskrift úr gerðabók embættisafgreiðslufundar skipulagsfulltrúa frá 9. febrúar 2007.
Gjald kr. 6.100.
Neikvætt. Samræmist ekki landnotkun samkvæmt Aðalskipulagi Reykjavíkur 2001-2024.

19.07 02">Einarsnes 64A, bílskúr
Lagt fram bréf frá afgreiðslufundi byggingarfulltrúa frá 13. febrúar 2007. Sótt er um leyfi til þess að byggja bílskúr með steinsteypta veggi að suður- og vesturlóðamörkum annars úr timbri við einbýlishúsið á lóð nr. 64A við Einarsnes, samkvæmt uppdrætti Helga Hafliðasonar arkiteks dags. 5. febrúar 2007.
Stærð: Bílskúr 49,5 ferm., 180,2 rúmm.
Gjald kr. 6.800 + 12.254.
Neikvætt. Stærð og staðsetning bílskúrs samræmist ekki deiliskipulagi. Umsóknin samræmist ekki heldur fyrirspurn frá 2004, en þar var umsækjandi upplýstur um að breyta þyrfti deiliskipulagi og láta vinna skuggavarp vegna breytingar.

20.07 Hjarðarhagi 45-47, (fsp) viðbygging, lóðarstækkun
Á fundi skipulagsfulltrúa 9. febrúar 2007 var lögð fram fyrirspurn GP arkitekta f.h. 6-R ehf, dags. 1. febrúar 2007, um lóðarstækkun og byggingu einnar hæðar ofan á viðbyggingu við hús nr. 45 við Hjarðarhaga skv. uppdrætti, dags. 1. febrúar 2007. Lagt fram að nýju ásamt umsögn skipulagsfulltrúa dags. 14. febrúar 2007.
Ekki eru gerðar athugasemdir við ofanábyggingu en vísað er til skilyrða og fyrirvara í umsögn skipulagsfulltrúa.

21.07 Holtsgata 14, (fsp) kvistir
Lögð fram fyrirspurn Önnu Hauksdóttur ark. f.h. Alexanders Smárasonar, dags. 8. febrúar 2007, varðandi gerð kvista á húsi nr. 14 við Holtsgötu skv. uppdrætti, dags. 7. febrúar 2007.
Jákvætt að byggja kvisti í samræmi við ákvæði byggingarreglugerðar. Samþykki aðlægra lóðarhafa þarf að liggja fyrir. Byggingarleyfisumsókn verður grenndarkynnt þegar hún berst.

22.07 Lágholtsvegur 4-10, (fsp) viðbygging
Lögð fram fyrirspurn Gísla Sigurkarlssonar f.h. húsfélagsins Lágholtsvegi 4-10, dags. 13. febrúar 2007, varðandi viðbyggingu við bakdyr húsanna nr. 4-10 við Lágholtsveg. Einnig lagt fram bréf Sveins Ólafssonar, dags. 13. febrúar 2007.
Frestað. Umsækjandi hafi samband við embætti skipulagsfulltrúa.

23.07 Nýlendugata 9, (fsp) aflétt umferðarkvöð
Lögð fram fyrirspurn Jon Nordsteien, dags. 7. febrúar 2007, varðandi afléttingu umferðarkvaðar á lóð nr. 9 við Nýlendugötu (Hlíðarhús).
Vísað til umsagnar hverfisarkitekts.

24.07 Reykjavíkurvegur 27, (fsp) möguleg nýting
Lögð fram fyrirspurn Snorra F. Hilmarsson, dags. 12. febrúar 2007, um að laga bílskúrinn á lóðinni nr. 27 við Reykjavíkurveg, einangra hann og setja á hann risþak og geymsluloft og tyrfa þakið einnig að setja gróðurhús sunnan við hann.
Ekki eru gerðar athugasemdir við erindið. Byggingarleyfisumsókn verður grenndarkynnt þegar hún berst. Samþykki lóðarhafa að Hörpugötu 7 þarf að liggja fyrir þegar sótt verður um byggingarleyfi.

25.07 Tómasarhagi 40, bílskúr
Lagt fram bréf frá afgreiðslufundi byggingarfulltrúa frá 13. febrúar 2007. Sótt er um leyfi til að byggja einfalda bílgeymslu á norðausturenda lóðarinnar úr steinsteypu upp að bílgeymslu aðliggandi lóðar, skv. uppdr. Verkfræðistofunnar Hamraborg, dags. 15. janúar 2007.
Samþykki meðlóðarhafa fylgir erindinu dags. 15. janúar 2007 og samþykki aðliggandi lóðarhafa nr. 52 dags. 6. febrúar 2007.
Stærðir: 30,0 ferm., 88,9 rúmm.
Gjald kr. 6.800 + 6.045
Samþykkt að grenndarkynna framlagða umsókn fyrir hagsmunaðilum að Tómasarhaga 42.

26.07 Vesturgata 16b, Gröndalshús , fluningshús
Lagt fram bréf borgarstjórnar dags. 7. febrúar 2007 þar sem skipulagsráði er falið að kanna möguleika á að Gröndalshús verði staðsett í miðborginni.
Einnig lagt fram bréf Margrétar Sverrisdóttur dags. 6. febrúar 2007.
Vísað til umsagnar hverfisarkitekta vesturbæjar og miðborgar.

27.07 Njálsgötureitur 1, reitur 1.190.0, deiliskipulag
Að lokinni hagsmunaaðilakynningu er lögð fram að nýju tillaga teiknistofunnar Traðar, dags. 15. júní 2006, breytt nóvember 2006 að deiliskipulagi Njálsgötureits 1.190.0, sem markast af Frakkastíg, Grettisgötu, Vitastíg og Njálsgötu. Einnig lögð fram húsakönnun Minjasafns Reykjavíkur nr. 131 og bréf húsafriðunarnefndar, dags. 23. október 2006. Kynning stóð yfir frá 27. desember til og með 11. janúar 2007. Athugasemdir bárust frá Arndísi Reynisdóttur, Ástu S Stefánsdóttur, dags. 10. janúar 2007, Unnari Karlsyni þann 10. Janúar 2007, 20 íbúum við Grettisgötu, dags. 8. janúar 2007 og Rebekku Sigurðardóttur, dags. 11. janúar 2007. Lögð fram ný tillaga Teiknistofunnar Traðar, dags. 8. febrúar 2007, ásamt greinargerð, dags. 23. janúar 2007.
Vísað til skipulagsráðs.

28.07 Njálsgötureitur 2, reitur 1.190.2, deiliskipulag
Að lokinni hagsmunaaðilakynningu er lögð fram að nýju tillaga teiknistofunnar Traðar, dags. 15. júní 2006, breytt nóvember 2006 að deiliskipulagi Njálsgötureits 1.190.2, sem markast af Frakkastíg, Bergþórugötu, Vitastíg og Njálsgötu. Einnig lögð fram húsakönnun Minjasafns Reykjavíkur nr. 131 og bréf húsafriðunarnefndar ríkisins, dags. 23. október 2006. Kynning stóð yfir frá 27. desember 2006 til og með 11. janúar 2007. Eftirtaldir aðilar sendu inn athugasemdir: Hlynur H Sigurðsson og Sari M Cedergren, dags. 10. janúar 2007, Hörður Torfa, dags. 11. janúar 2007, Hermann Þ. Hermannsson, dags. 10. janúar 2007, Erna Andreassen og Þráinn Jóhannsson, dags. 11. janúar 2007 og Guðmundur Þ. Jónsson, dags. 11. janúar 2007. Einnig lögð fram umsögn húsafriðunarnefndar ríkisins, dags. 13. febrúar 2007. Jafnframt er lögð fram ný tillaga Teiknistofunnar Traðar, dags. 8. febrúar 2007, ásamt greinargerð, dags. 23. janúar 2007.
Vísað til skipulagsráðs.

29.07 Njálsgötureitur 3, reitur 1.190.3, deiliskipulag
Að lokinni hagsmunaaðilakynningu er lögð fram að nýju tillaga teiknistofunnar Traðar, dags. 6. júní 2006, breytt í nóvember 2006, að deiliskipulagi Njálsgötureits 1.190.3, sem markast af Barónsstíg, Bergþórugötu, Vitastíg og Njálsgötu. Kynning stóð yfir frá 13. júní til og með 27. júní 2006. Athugasemdabréf bárust frá James M. Fletcher og Svanhildi Thors, mótt. 26.06.06, Sigurði Kristinssyni Njálsgötu 54, dags. 19.06.06 og Glámu-Kím, dags. 25.06.06. Einnig lögð fram húsakönnun Minjasafns Reykjavíkur nr. 122 og bréf húsafriðunarnefndar, dags. 23. október 2006. Jafnframt er lögð fram ný tillaga Teiknistofunnar Traðar, dags. 8. febrúar 2007, ásamt greinargerð, dags. 23. janúar 2007.
Vísað til skipulagsráðs.

30.07 Vegamótastígur 9, breyting á deiliskipulagi
Lögð fram tillaga Studio Granda ehf., mótt. 15. febrúar 2007, að breytingu á deiliskipulagi lóðarinnar nr. 9 við Vegamótastíg. Breytingin felur í sér nýbyggingu upp á þrjár hæðir og kjallara, en í stað fjórðu hæðarinnar er gamla húsið endurbyggt sem turnbygging á horninu.
Kynna formanni skipulagsráðs.

31.07 Bergstaðastræti 10, (fsp) breyting á notkun
Lögð fram fyrirspurn Harðar Steinssonar, dags. 01. febrúar 2007, um að breyta iðnaðarhúsnæði á lóðinni nr. 10 við Bergstaðastræti í íbúðarhúsnæði.
Ekki eru gerðar athugasemdir við erindið. Samræmist deiliskipulagi.

32.07 Iðnskólareitur, reitur 1.19 deiliskipulag
Að lokinni hagsmunaaðilakynningu er lögð fram að nýju forsögn skipulagsfulltrúa, dags. júní 2004. Einnig lögð fram drög að tillögu Hornsteina móttekin 28. september 2006 að deiliskipulagi Iðnskólareits. Bréf Iðnskólans í Reykjavík dags. 13. júní og 31. ágúst 2005. Jafnframt eru lagðar fram frumtillögur Studio Granda mótteknar 8. mars 2006 að uppbyggingu á Iðnskólareit og húsakönnun Minjasafns Reykjavíkur nr. 129 dags. 2006. Kynning stóð yfir frá 23. október til og með 6. nóvember 2006. Eftirtaldir aðilar sendu inn athugasemdir: Emil Petersen, dags. 29. október 2006, Sverrir Þ. Sverrisson og María Pálmadóttir, dags. 5. nóvember 2006, Eyjólfur Kristjánsson og Guðrún Eysteinsdóttir, dags. 5. nóvember 2006, Júlía Pálmadóttir Sighvats og Vignir Már Sævarsson, dags. 6. nóvember 2006 og 22 íbúar beggja vegna Bergþórugötu og Frakkastígs, dags. 6. nóvember 2006, Ragnheiður Ólafsdóttir, dags. 21. nóvember 2006, Ísleifur Arnarson, dags. 24. nóvember 2006.
Lögð fram drög að deiliskipulagi mótt. 13. febrúar 2007.
Kynna formanni skipulagsráðs.

33.07 Brúnastaðir 55, (fsp) sólskáli
Lagt fram bréf frá afgreiðslufundi byggingarfulltrúa frá 13. febrúar 2007. Spurt er hvort leyft yrði að byggja sólstofu við norðvesturhlið einbýlishússins á lóð nr. 55 við Brúnastaði.
Ekki eru gerðar athugasemdir við að fyrirspyrjandi láti vinna tillögu að breytingu á deiliskipulagi, í samræmi við erindi og á eigin kostnað, sem síðar verður grenndarkynnt.

34.07 Sóleyjarimi 13, (fsp) breyting á landnotkun og skilmálum
Lögð fram fyrirspurn Pálma Guðmundssonar fh. Phoenix fjárfestingar ehf. dags. 15. febrúar 2007 varðandi breytta landnotkun og breytingu á skilmálum vegna byggingar íbúða fyrir 50 ára og eldri.
Kynna formanni skipulagsráðs.

35.07 Kópavogur, stofnlögn vatnsveitu um Heiðmörk, framkvæmdaleyfi
Lagt fram bréf bæjarstjóra Kópavogs, dags. 27. nóvember 2006, varðandi framkvæmdaleyfi fyrir stofnlögn vatnsveitu um land Reykjavíkurborgar í Heiðmörk frá Heiðmerkurgirðingu við Vatnsendakrika að Heiðmerkurgirðingu á Vatnsendaheiði. Einnig lagðar fram umsagnir lögfræðiskrifstofu stjórnsýslu- og starfsmannasviðs Reykjavíkurborgar dags. 15. desember 2007, Orkuveitu Reykjavíkur, dags. 14. febrúar 2007, bréf sviðsstjóra skipulags- og byggingarsviðs til Kópavogsbæjar dags. 15. febrúar 2007, bréf skipulags- og byggingarsviðs til umhverfissviðs dags. 13. febrúar 2007. Einnig eru lagðar fram athugasemdir Skógræktarfélags Reykjavíkur dags. 13. febrúar 2007 ásamt athugasemdum Skipulagsstofnunar dags. 15. febrúar 2007.
Athugasemdum Skipulagsstofnunar er vísað til umsagnar lögfræði og stjórnsýslu. Óskað hefur verið eftir umsögn Umhverfissviðs Reykjavíkurborgar og athugasemdum Kópavogsbæjar við umsögn Orkuveitu Reykjavíkur.