Barðastaðir 25-35, Veghús 21-25, Drápuhlíð 41, Kringlumýrarbraut, Laugavegur 29, Lokastígur 23, Suðurhlíð 35, Granaskjól 48-52, Reitur 1.116, Slippareitur, Reitur 1.13, Nýlendureitur, Árbæjarblettur 62/Þykkvibær 21, Elliðavatnsblettur 35, Geldinganes, Laugardalur, Reykjavegur / Laugard., Traðarland 1, Víkingur, Vesturlandsvegur, Borgartún 41, Gullteigur 4, Kassagerðarreitur, Skipasund 59, Jónsgeisli 95, Rofabær 7-9, Sílakvísl 10-16, Þjóðhildarstígur 2-6, Árland 1, Bústaðavegur 99, Byggðarendi 5, Byggðarendi 23, Fellsmúli 26, Steinagerði 4, Bíldshöfði 2, Kjalarnes, Árvellir, Kjalarnes, Fitjakot, Baldursgata 32, Bragagata 31B, Egilsgata 3, Grjótagata 11, Hverfisgata 102B, Laugavegur 63, Njálsgötureitir, Reitur 1.172.0, Reitur 1.174.1, Baldursgata 33, Langholtsvegur118-120, Skipholt 50A, Þjóðhildarstígur 1,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

102. fundur 2006

Ár 2006, föstudaginn 27. janúar kl. 10:10 var haldinn 102. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:


1.06 Barðastaðir 25-35, breyting á deiliskipulagi
Að lokinni grenndarkynningu er lögð fram tillaga Teiknistofunnar Óðinstorgi, dags. desember 2005, að breytingu á deiliskipulagi á lóðinni nr. 25-35 að Barðastöðum. Grenndarkynningin stóð yfir frá 27. desember til 24. janúar 2006. Athugasemdabréf bárust frá íbúum að Barðastöðum 51, dags. 19.01.06, Þóri Freyssyni og Halldóru Jakobsdóttur, dags. 24.01.06, eigendum Bakkastöðum 157, dags. 23.01.06, eigandi Barðastöðum 23, dags. 20.01.06, undirskriftalisti 14 íbúa, dags. 23.01.06.
Athugasemdir kynntar. Vísað til umsagnar hverfisarkitekts sem falið er að funda með athugasemdaraðilum.

2.06 Veghús 21-25, (fsp) sólstofa á 1. hæð
Lagt fram bréf frá afgreiðslufundi byggingarfulltrúa frá 17.01.06. Surt er hvort leyft yrði að byggja sólstofu við hluta suðvesturhliðar íbúðar 0102 á 1. hæð húss nr. 25 á lóð nr. 21-25 við Veghús. Einnig lögð fram umsögn skipulagsfulltrúa dags. 25. janúar 2006.
Bréf fyrirspyrjanda dags. 16. janúar 2006 fylgir erindinu.
Jákvætt með vísan til umsagnar skipulagsfulltrúa.

3.06 Drápuhlíð 41, (fsp) bílskúr
Lagt fram bréf frá afgreiðslufundi byggingarfulltrúa frá 17.01.06. Spurt er hvort samþykki fengist til þess að byggja bílskúr gegn mótmælum eins meðeiganda á lóðinni nr. 41 við Drápuhlið.
Bílskúr var samþykktur á lóðinni árið 1966 en aldrei byggður. Einnig lögð fram umsögn lögfræði og stjórnsýslu, dags. 26.01.06.
Neikvætt með vísan til umsagnar lögfræði og stjórnsýslu.

4.06 Kringlumýrarbraut, Laugavegur, auglýsingaskilti
Lagt fram bréf borgarstjóra f.h. borgarráðs, dags. 24 nóvember 2005, varðandi auglýsingarskilti við Miklubraut, sbr. erindi Knattspyrnufélagsins Fram frá 3. júní s.l.
Borgarráð samþykkti að fela Skipulagsráði að finna auglýsingaskilti Knattspyrnufélagsins Fram nýjan stað í samræmi við óskir sem fram komu í erindi félagsins 7. júní 2005. Einnig lagðar fram umsagnir skipulagsfulltrúa, dags. 17. nóvember 2003 og 30. júní 2005. Lagðar fram tillögur skipulagsfulltrúa að staðsetningum A og B, dags. í janúar 2006.
Í framhaldi af samþykkt skipulagsráðs 25. jan. sl. er ekki gerð athugasemd við að Knattspyrnufélagið Fram láti vinna tillögu að breytingu á deiliskipulagi Sigtúnsreits sem sýnir staðsetningu auglýsingaskiltis á suðvesturhorni hans. Nákvæmari staðsetningu skal vinna í samráði við Framkvæmdasvið m.a. vegna mögulegrar breikkunar Suðurlandsbrautar til norðurs. Greinargóð kynningargögn sem sýna skiltið í umhverfi sínu skal fylgja tillögunni. Tillagan verður auglýst þegar hún berst.

5.06 Laugavegur 29, (fsp) andd., stigi, útskot, þak
Lagt fram bréf frá afgreiðslufundi byggingarfulltrúa frá 13. desember 2005. Spurt er hvort leyft yrði að breyta aðkomu að efri hæðum með nýju anddyri frá Hverfisgötu og breyttum stiga milli 1. og 2. hæðar, byggja útskot á 2. - 4. hæð að Hverfisgötu og breyta þaki fjöleignarhússins nr. 46 við Hverfisgötu á lóð nr. 29 við Laugaveg, skv. uppdr. +Arkitekta, dags. 22.11.05. Einnig lögð fram umsögn skipulagsfulltrúa dags. 27. janúar 2006.
Bréf hönnuðar dags. 8. desember 2005 fylgir erindinu.
Neikvætt gagnvart breytingu á þakformi. Ekki eru gerðar athugasemdir við erindið að öðru leyti með vísan til umsagnar skipulagsfulltrúa.

6.06 Lokastígur 23, (fsp) breytingar
Lagt fram bréf frá afgreiðslufundi byggingarfulltrúa frá 6. desember 2005. Spurt er hvort leyft yrði að hækka lofthæð í bílskúr við Lokastíg 23 og nota sem hluta af verslun á 1. hæð Skólavörðustígs 42, hvort hækka megi bakbyggingu á lóð nr. 42 við Skólavörðustíg og yfir á lóð nr. 23 við Lokastíg um eina hæð með svölum á áður bílskúrsþaki, tengja 2. hæð þessara húsa og innrétta þar gistirými, skv. uppdr. +Arkitekta, dags. 24. nóvember 2005. Einnig lögð fram umsögn skipulagsfulltrúa, dags. 13. janúar 2006.
Frestað með vísan til umsagnar.

7.06 Suðurhlíð 35, (fsp) niðurrif, nýbygging
Lögð fram fyrirspurn Eggerts Ólafssonar, dags. 24.01.06, varðandi fyrirhugað niðurrif húss á lóð nr. 35 við Suðurhlíð og mögulega uppbyggingu í þess stað.
Ekki er gerð athugasemd við niðurrif húss. Samkvæmt deiliskipulagi dags. 20. janúar 2000, er heimilað að reisa annað húss sömu stærðar á sama stað. Allar breytingar á lóðinni eru háðar samþykki meðlóðarhafa.

8.06 Granaskjól 48-52, viðbygging nr. 48
Lagt fram bréf frá afgreiðslufundi byggingarfulltrúa frá 13. desember 2005. Sótt er um leyfi til þess að stækka eldhús á 1. hæð með glerskála við norðurhlið raðhúss nr. 48 á lóð nr. 48-52 við Granaskjól, skv. uppdr. Gunnlaugs Ó. Johnson, dags. 08.11.05.
Bréf hönnuðar dags. 5. desember 2005 og samþykki meðeigenda dags. 21. og 26. nóvember 2005 fylgja erindinu.
Stærð: Viðbygging 8,6 ferm., 22 rúmm.
Gjald kr. 5.700 + 1.254
Samþykkt að grenndarkynna framlagða umsókn fyrir hagsmunaaðilum að Granaskjóli 50, 52 og Frostaskjóli 61

9.06 Reitur 1.116, Slippareitur, deiliskipulag
Að lokinni kynningu fyrir hagsmunaaðilum á reitnum er lögð fram að nýju tillaga VA arkitekta að deiliskipulagi Slippareits, dags. 30.09.05. Einnig lögð fram bókun stjórnar Faxaflóahafna ásamt forsögn skipulagsfulltrúa dags. 2005. Kynningin stóð yfir frá 1. til 17.11.05. Athugasemdarbréf bárust frá Eon arkitektum, dags. 27.10.05, Jón Sigurðsyni og Guðrúnu Gunnarsdóttur, Geirsgötu 3, dags 17.11.05, Logos Lögmannaþjónustunni f.h. Forval ehf, dags. 16.11.05, Teiknistofu Halldórs Guðmundssonar f.h. Víkurinnar Sjóminjasafns, dags. 17.11.05. Einnig lagt fram bréf Ask arkitekta, dags. 20.01.06.
Vísað til skipulagsráðs.

10.06 Reitur 1.13, Nýlendureitur, deiliskipulag
Lögð fram tillaga VA arkitekta, dags. mótt. 3.11.05, að deiliskipulagi Nýlendureits ásamt forsögn skipulagsfulltrúa dags. 2005.
Kynna formanni skipulagsráðs.

11.06 Árbæjarblettur 62/Þykkvibær 21, lóðarafmörkun
Lögð fram tillaga skipulagsfulltrúa dags. í janúar 2006 að afmörkun lóðarinnar Árbæjarblettur 62/Þykkvibær 21.
Í samræmi við samþykkt skipulagsráðs þann 25. janúar sl. er hverfisarkitekt falið að vinna tillögu að breytingu á deiliskipulagi Árbæjarhverfis þannig að gert verði ráð fyrir lóðinni innan skipulagsins.

12.06 Elliðavatnsblettur 35, (fsp) niðurrif og nýbygging
Lögð fram fyrirspurn AIM ehf, dags. 15.01.06, varðandi niðurrif eldri bústaðar og bygging nýs á lóð nr. 35 við Elliðavatnsblett. Einnig lögð fram umsögn skipulagsfulltrúa dags. 26. janúar 2006.
Frestað. Vísað til umsagnar Umhverfissviðs.

13.06 Geldinganes, Kayakklúbburinn, lóð og bygging
Lögð fram tillaga Tryggva Tryggvasonar, dags. 03.01.06, ásamt bréfi Þorsteins Guðmundssonar, dags. 10.01.06, varðandi lóð og byggingu Kayakklúbbsins á norðausturhorni Geldinganess.
Kynna formanni skipulagsráðs.

14.06 Laugardalur, samgöngur og bílastæði
Lagt fram bréf Íþróttabandalags Reykjavíkur, dags. 15.01.06, varðandi samgöngur og bílastæði í Laugardal. Einnig lagt fram bréf umhverfisstjóra dags. 26. janúar 2006.
Bréf umhverfisstjóra samþykkt.

15.06 Reykjavegur / Laugard., reyndarteikningar
Lagt fram bréf frá afgreiðslufundi byggingarfulltrúa frá 17.01.06. Sótt er um leyfi til þess að fjarlægja núverandi þak yfir stúku og byggja nýtt, stækka kjallararými frá samþykkt 23. nóv. 2004 í áður sökkulrými, breyta innra skipulagi víða, gluggum og hurðum á vesturhlið, stiga að 4. hæð og aðstöðu fyrir sjónvarpsmenn í rýmum á 4. hæð ásamt lóðafrágangi og staðsetningu bílastæð fatlaðra á lóð við Reykjaveg í Laugardal, skv. uppdr. T.ark, dags. 14.09.04 síðast breytt 09.01.06.
Bréf hönnuðar dags. 9. janúar 2006 og bréf brunahönnuðar dags. 12. janúar 2006 fylgja erindinu.
Stærð: Samtals viðbótar stækkun 210,5 ferm., 674,7 rúmm.
Gjald kr. 6.100 + 41.157
Vísað til skipulagsráðs.

16.06 Traðarland 1, Víkingur, breyting á deiliskipulagi
Lögð fram að nýju umsókn Teiknistofu Halldórs Guðmundssonar arkitekts, dags. 16.12.05, að breytingu á deiliskipulagi á íþróttasvæði Víkings að Traðarlandi 1 skv. uppdr., dags. 15.12.05. Einnig lögð fram bókun íþrótta- og tómstundaráðs frá 12.01.06.
Vísað til skipulagsráðs.

17.06 Vesturlandsvegur, lóðarumsókn
Lagt fram bréf skrifstofu borgarstjórnar dags. 23.01.06, ásamt bréfi Bauhaus AG, dags. 16.01.06, og uppdr. ódags.,varðandi lóðarumsókn fyrir Bauhaus Market við Vesturlandsveg.
Kynna formanni skipulagsráðs.

18.06 Borgartún 41, strætóreitur
Lagt fram bréf Klasa fyrir hönd Íslandsbanka dags. 18. nóvember 2005 og minnisblað Línuhönnunar vegna umferðarmála dags. 16. nóvember 2005. Einnig lögð fram greinargerð dags. 21.11.05 ásamt uppdráttum mótt. 30.11.05. Einnig lögð fram umsögn skipulagsfulltrúa dags. 26. janúar 2006.
Ekki er gerð athugasemd við erindið með vísan til skilyrða í umsögn skipulagsfulltrúa.

19.06 Gullteigur 4, breyting á deiliskipulagi
Að lokinni grenndarkynningu er lögð fram að nýju tillaga Arkforms, dags. 14.10.05, að breytingu á deiliskipulagi á lóðinni nr. 4 við Gullteig. Málið var í kynningu frá 15.12.05 til 13.01.06. Eftirtaldir aðilar sendu bréf: Elína Hrund Kristjánsdóttir, dags. 12.01.06, undirskriftalisti með 19 aðilum í næsta nágrenni, dags. 12.01.06 og Friðbjörn Friðbjörnsson, dags. 13.01.06.
Athugasemdir kynntar. Vísað til umsagnar hverfisarkitekts.

20.06 Kassagerðarreitur,
Lögð fram greinargerð/drög að forsögn skipulagsfulltrúa dags. 30. september 2005. Einnig lögð fram bréf hafnarstjórnar Faxaflóahafna, dags. 08.11.05 og 16.01.06.
Kynna formanni skipulagsráðs.

21.06 Skipasund 59, (fsp) viðbyggingar
Lagt fram bréf Sægeima arkitekta, dags 19. janúar 2006, þar sem spurt er hvort leyft yrði að endurbyggja bílskúr á lóð og byggja viðbyggingar að vestur- og suðurhlið hússins nr. 59 við Skipasund.
Ekki er gerð athugasemd við erindið samkv. uppdráttum dags. 18. janúar 2006. Byggingarleyfisumsókn verður grenndarkynnt þegar hún berst.

22.06 Jónsgeisli 95, breyting á deiliskipulagi
Að lokinni grenndarkynningu er lögð fram tillaga Sólark-arkitekta ehf, dags. 20.12.05, að breytingu á deiliskipulagi á lóðinni nr. 95 við Jónsgeisla. Grenndarkynning stóð yfir frá 27.12.05 til 24.01.06. Lagður fram athugasemdarlisti 10 íbúa við Jónsgeisla, mótt. 18.01.06. Einnig lagt fram bréf dýralækna dags. 25. janúar 2005.
Vísað til skipulagsráðs.

23.06 Rofabær 7-9, fsp. breyting á deiliskipulagi
Lagt fram bréf Sigþórs Júlíusar Sigþórssonar, dags. 24. janúar 2006, varðandi mögulega enduruppbyggingu á lóðinni nr. 7-9 við Rofabæ, samkv. uppdrætti Plan 21, dags. mótt. 20. janúar 2006.
Frestað. Umsækjandi leggi fram upplýsingar um breytingar á skuggavarpi.

24.06 Sílakvísl 10-16,
Lagt fram tölvubréf Stefáns Árna Auðólfssonar dags. 21. desember 2005 með fyrirspurn um lóðarstækkun, lóð í fóstur, breytingu á deiliskipulagi og byggingu bílskúra.
Neikvætt. Erindið samræmist ekki deiliskipulagi og ekki er fallist á breytingu samkvæmt erindi.

25.06 Þjóðhildarstígur 2-6, lóðarstækkun
Lagt fram bréf borgarstjóra f.h. borgarráðs varðandi samþykkt borgarráðs 12.01.06 um að vísa til skipulagsráðs erindi Lúðvíks Halldórssonar frá 9.01.06 um lóðarstækkun fyrir bílastæði við Þjóðhildarstíg 2-6.
Kynna formanni skipulagsráðs.

26.06 Árland 1, breyting á deiliskipulagi
Lögð fram umsókn Jón Þórs Þorvaldssonar arkitekts um breytingu á deiliskipulagi vegna Árlands 1 samkvæmt tillögu frá Úti - inni arkitektum, dags. 14. nóvember 2005, mótt. 4. janúar 2006. Einnig lögð fram tölvubréf Jóns Þórs Þorvaldssonar dags. 13. janúar 2006, ásamt ódags. bréfi Úti og inni sf. til skipulagsráðs auk teikninga undirritaða af nágrönnum, mótt. 24.1.06. Einnig lagt fram tölvubréf Jóns Þórs Þorvaldssonar, dags. 26.01.06, ásamt uppdr. Andrúms arkitekta, mótt. 26.01.06, og umsögn skipulagsfulltrúa, dags. 27. janúar 2006.
Ekki er gerð athugasemd við að grenndarkynna tillögu að breytingu að deiliskipulagi samkvæmt erindi, í samræmi við leiðbeiningar og skilyrði í umsögn skipulagsfulltrúa. Samþykki meðlóðarhafa þarf að liggja fyrir áður en grenndarkynning fer fram.

27.06 Bústaðavegur 99, málskot
Lagt fram bréf Sverris Ágústssonar ark., dags. 12.01.06, ásamt uppdráttum dags. 3.01.06, vegna synjunar afgreiðslufundar byggingarfulltrúa 10.01.06 á að hækka rishæð og gera nýjar garðsstofur á suðurhlið og stækka anddyri á norðurhlið fjölbýlishússins á lóð nr. 99 við Bústaðaveg.
Vísað til umsagnar skipulagshöfunda, Alark arkitekta.

28.06 Byggðarendi 5, (fsp.) breyting á þaki
Lögð fram fyrirspurn Snorra B. Ingasonar, dags. 5. janúar 2006, varðandi breytingu þak hússins á lóðinni nr. 5 við Byggðarenda í valmaþak. Einnig lagður fram uppdr. Verkfræðistofu Þráins og Benedikts, dags. júní 2005. Einnig er lögð fram umsögn skipulagsfulltrúa dags. 27. janúar 2006.
Ekki er gerð athugasemd við að fyrirspyrjandi láti vinna tillögu að breytingu á deiliskipulagi á eigin kostnað, í samræmi við fyrirspurn. Tillagan verður grenndarkynnt þegar hún berst.

29.06 Byggðarendi 23, viðbygging
Lögð fram fyrirspurn Björgvins Snæbjörnssonar ark., dags. 19.01.06 ásamt uppdrætti, dags. 5.12.05 um hvort heimilt væri að byggja við húsið til vesturs út fyrir byggingarreit og reisa stoðvegg á lóðamörkum. Einnig er lögð fram umsögn skipulagsfulltrúa dags. 27. janúar 2006.
Ekki er gerð athugasemd við að fyrirspyrjandi láti vinna tillögu að breytingu á deiliskipulagi á eigin kostnað, í samræmi við fyrirspurn. Tillagan verður grenndarkynnt þegar hún berst.

30.06 Fellsmúli 26, (fsp) rífa 6. h, byggja 6. og 7.h
Lagt fram bréf frá afgreiðslufundi byggingarfulltrúa frá 17.01.06. Spurt er hvort leyft yrði að fjarlægja núverandi inndregna 6. hæð og byggja nýja 6. hæð sambærilega og núverandi 5. hæð ásamt inndregna 7. hæð á atvinnuhúsið á lóð nr. 26 við Fellsmúla. Einnig lögð fram umsögn skipulagsfulltrúa dags. 27. janúar 2006.
Samþykkt að útvíkka skipulagssvæði Síðumúlareits þannig að lóðin falli innan svæðisins með vísan til umsagnar skipulagsfulltrúa. Efnisatriði fyrirspurnar verða metin í skipulagsvinnu svæðisins.

31.06 Steinagerði 4, rífa hús og bílsk. og b. nýtt
Sótt er um leyfi til þess að rífa núverandi íbúðarhús og bílskúr og byggja nýtt einlyft einbýlishús úr steinsteyptum einingum með marmarasalla sem ytri áferð ásamt bílskúr úr sambærilegum einingum á lóð nr. 4 við Steinagerði.
Stærð: Niðurrif fastanúmer 203-4886 íbúðarhús 130,3 ferm., bílskúr 42 ferm.
Einbýlishús 146,7 ferm., 733,8 rúmm., bílskúr 42,9 ferm., 156,5 rúmm.
Gjald kr. 6.100 + 54.308
Vísað til umsagnar hverfisarkitekts.

32.06 Bíldshöfði 2, og 2A, breyting á deiliskipulagi
Lögð fram tillaga Ask arkitekta, dags. 13.01.06, að breyttu deiliskipulagi lóða nr. 2 og 2A við Bíldshöfða.
Kynna formanni skipulagsráðs.

33.06 Kjalarnes, Árvellir, (fsp) breyting á deiliskipulagi
Lögð fram fyrirspurn Bjarka Sveinssonar, dags. 20.01.06, varðandi breytingu á deiliskipulagi að Árvöllum í Kjalarnesi.
Vísað til umsagnar hverfisarkitekts.

34.06 Kjalarnes, Fitjakot, breyting á landnotkun
Lögð fram umsókn T.ark, dags. 18.01.06 og 12.01.06, um tímabundna breytingu á landnotkun í landi Fitjakots á Kjalarnesi, en fyrirhugað er að nota landið sem geymslu- og athafnasvæði, skv. uppdrætti dags. 12.01.06.
Vísað til umsagnar hverfisarkitekts.

35.06 Baldursgata 32, breyting á deliskipulagi
Lögð fram fyrirspurn T.ark teiknistofunnar ehf, dags. 24.01.06, að breytingu á deiliskipulagi á lóðinni nr. 32 við Baldursgötu. Einnig lögð fram eldri umsögn skipulagsfulltrúa dags. 15.12.05 í málinu SN50909.
Frestað. Óskað er eftir að umsækjandi leggi fram nánari gögn samkvæmt lið 4 í umsóknareyðublaði s.s. upplýsingar um breytingu á skuggavarpi.

36.06 Bragagata 31B, (fsp) hækka um eina hæð
Lögð fram fyrirspurn Guðmunds G. Ingasonar, dags. 26. janúar 2006 varðandi hækkun hússins nr 31b við Bragagötu um eina hæð. Einnig lagður fram uppdráttur Teiknistofu sf., dags. 4. febrúar 2006.
Vísað til umsagnar hverfisarkitekts.

37.06 Egilsgata 3, (fsp)viðbygging
Lagt fram bréf frá afgreiðslufundi byggingarfulltrúa frá 8. nóvember 2005. Spurt er hvort leyft yrði að byggja tvílyfta viðbyggingu með bílakjallara á tveimur hæðum að vesturhlið Domus Medica á lóð nr. 3 við Egilsgötu.
Vísað til umsagnar hverfisarkitekts.

38.06 Grjótagata 11, (fsp) viðbygging við kj.
Lagt fram bréf frá afgreiðslufundi byggingarfulltrúa frá 10.01.06. Spurt er hvort leyft yrði að byggja viðbyggingu milli kjallara íbúðarhúss og tómstundarstofu með aðkomu frá tómstundarstofu og með svölum fyrir íbúðarhús á þaki viðbyggingar á lóð nr. 11 við Grjótagötu.
Ekki gerð athugasemd við að fyrirspyrjandi láta vinna tillögu að breytingu á deiliskipulagi í samræmi við fyrirspurn, á eigin kostnað, sem síðar verður grenndarkynnt. Athygli fyrirspyrjanda er vakin á því að honum ber að leggja fram umsögn húsafriðunarnefndar ríkisins með umsókn vegna breytinganna.

39.06 ">Hverfisgata 102B, (fsp) breytingar
Lagt fram bréf frá afgreiðslufundi byggingarfulltrúa frá 10.01.06. Spurt er hvort leyft yrði að lyfta þak, byggja kvisti, dýpka kjallara og stækka kjallaraglugga, sameina íbúð á annari hæð og rishæð í eina íbúð í húsi nr. 102B við Hverfisgötu.
Frestað. Fyrirspyrjandi geri betur grein fyrir erindinu og leggi fram betri gögn.

40.06 Laugavegur 63, (fsp) íbúðir 1hæð
Lagt fram bréf frá afgreiðslufundi byggingarfulltrúa frá 10.01.06. Spurt er hvort leyft yrði að breyta verslun í eina eða tvær íbúðir á lóð nr. 63 við Laugaveg.
Ekki gerð athugasemd við erindið.

41.06 Njálsgötureitir, reitir 1.190.0, 1.190.2, 1.190.3
Lagðar fram tillögur teiknistofunnar Tröð, dags. 30.06.05, að deiliskipulagi Njálsgötureita (reitir 1.190.0, 1.190.2, 1.190.3), sem markast af Barónsstíg, Bergþórugötu, Frakkastíg, Grettisgötu, Vitastíg og Njálsgötu.
Tillögur kynntar. Frestað.

42.06 Reitur 1.172.0, breyting á deiliskipulagi vegna Laugavegar 23/Hverfisgötu 40
Lögð fram að nýju umsókn Leiguíbúða ehf, dags. 12. ágúst 2004, um breytingu á deiliskipulagi reits 1.172.0 Einnig lögð fram tillaga + arkitekta, dags. 30. október 2002, breytt 2. nóvember 2005 að breytingu á deiliskipulagi á lóðinni nr. 23 við Laugaveg og nr. 40 við Hverfisgötu ásamt skuggavarpi dags. 16. nóvember 2005. Einnig lagðar fram skýringarmyndir mótt. 19. desember 2005 og líkan mótt. 11. janúar 2006. Ennfremur lögð fram að nýju umsögn skipulagsfulltrúa, dags. 18. nóvember 2005.
Frestað. Umsækjanda ber að leggja fram upplýsingar um hljóðvist auk hljóðmælinga í samræmi við ákvæði reglugerðar um hávaða. Hverfisarkitekt jafnframt falið að vinna samantekt um málið.

43.06 Reitur 1.174.1, (fsp) breyting á deiliskipulagi vegna lóða nr. 95-99 við Laugaveg
Lögð fram fyrirspurn Lögskjals ehf, dags. 20.01.06, varðandi breytingu á deiliskipulagi reits 1.174.1 vegna lóða nr. 95-99 við Laugaveg skv. uppdr. Péturs Björnssonar ark., dags. 18.01.06.
Frestað. Draga þarf úr byggingarmagni til norðurs.

44.06 Baldursgata 33, bílskúr ofl.
Lagt fram bréf frá afgreiðslufundi byggingarfulltrúa frá 24.01.06. Sótt er um leyfi fyrir nýjum bílskúr, stækkun útbyggingar og nýjum kvistum á austur og vesturhlið, ásamt endurgerð ýmisa hluta, á húsinu Baldursgötu 33, skv. uppdr. Hjörleifs Stefánssonar, dags. 16.01.06.
Teikning árituð af eigendum Freyjugötu 11 0g 11a fylgir.
Stærðir: breytingar 39,0 ferm, 152,4 rúmm.
Gjald kr. 6100 + 9.296
Frestað. Umsækjandi leggi fram gögn sem sýna breytingar á skuggavarpi.

45.06 Langholtsvegur118-120, viðbygging yfir svalir aðurgerður garðskáli nr 12Oa
Lagt fram bréf frá afgreiðslufundi byggingarfulltrúa frá 24.01.06. Sótt er um leyfi fyrir viðbyggingu yfir svalir og leyfi fyrir áður gerðum garðskála við húsið Langholtavegur 120a, skv. uppdr. Bjargeyjar Guðmundsdóttur, dags. 10.01.06. Í viðbyggingunni sem er steinsteypt er eitt svefnherbergi.
Stærðir : Laufskáli 14,4 ferm, 43,2 rúmm. Viðbygging 17 ferm, 53,6 rúmm. samtals 96,8 rúmm.
Gjald kr. 6.100 + 5.904
Samþykkt að grenndarkynna framlagða umsókn fyrir hagsmunaaðilum að Langholtsvegi 118, 120, 120a og 120b.

46.06 Skipholt 50A, ofanábygging ofl.
Lagt fram bréf frá afgreiðslufundi byggingarfulltrúa frá 24.01.06. Sótt er um leyfi til að byggja eina hæð úr steinsteypu ofan á bakbyggingu á lóðinni nr. 50A við Skipholt. Á hæðinni verði fimm íbúðir. Jafnframt verði félagsaðstöðu á neðri hæð breytt í fimm íbúðir þannig að samtals verði tíu íbúðir í bakbyggingu, skv. uppdr. Teiknistofunar Tak, dags. 12.12.05.
Samþykki meðeigenda dags. 21. nóvember 2005 fylgir erindinu.
Stærðir: xx
Gjald kr. 5.700 + xx
Samþykkt að grenndarkynna framlagða umsókn fyrir hagsmunaaðilum að Skipholti 44, 46, 48, 50 og 50b.

47.06 Þjóðhildarstígur 1, (fsp) veitingastaður
Lagt fram bréf frá afgreiðslufundi byggingarfulltrúa frá 17.01.06. Spurt er hvort leyft yrði að byggja einnar hæða steinsteypta byggingu fyrir veitingastað KFC á lóð nr. 1 við Þjóðhildarstíg, skv. uppdr. Pálmars Kristmundssonar, dags. 03.01.06.
Hönnuður hafi samband við embætti skipulagsfulltrúa.