Barðastaðir 25-35, Grensásvegur 44-48, Háaleitisbraut 68, Múlahverfi, Árbæjarsundlaug, Hallsvegur, Rafstöðvarvegur 8, 10, 12, 14, Rafstöðvarvegur 20, Stekkjarbakki, Traðarland 1, Víkingur, Vatnsveituvegur, Eskihlíð 10, Reitur 1.152.5, Reitur 1.172.1, Grjótháls, Höfðabakki 1, Gvendargeisli 104, Jónsgeisli 91, Kleifarsel 18, Hólavað 1-11, Dunhagi 18-20, Hólavallagata 9, Kaplaskjólsvegur 57A, Ránargata 26, Reitur 1.132.0, Norðurstígsreitur, Reitur 1.138, BYKO, Þórsgata 24-28, Hverfisgata 103, Laufásvegur 77, Laugavegur 4-6, Baldursgata 32, Reitir 1.140.3/1.118.5, Lækjartorgs/Simsenreitur, Reitur 1.172.0, Skúlagata 9, Klöpp, Olís, Vesturgata 18, Fitjar,

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar.

98. fundur 2005

Embættisafgreiðslufundur skipulagsfulltrúa Reykjavíkur samkvæmt viðauka 2.4 við samþykkt um stjórn Reykjavíkurborgar. Ár 2005, föstudaginn 16. desember kl. 10:20, hélt Skipulagsfulltrúi Reykjavíkur 98. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sátu: Ágústa Sveinbjörnsdóttir, Bergljót S. Einarsdóttir og Lilja Grétarsdóttir. Eftirtaldir embættismenn kynntu mál á fundinum: Björn Axelsson, Margrét Þormar, Jóhannes S. Kjarval, Nikulás Úlfar Másson, Bergljót S. Einarsdóttir, Ágústa Sveinbjörnsdótir og Þórarinn Þórarinsson. Ritari var Helga B. Laxdal.
Þetta gerðist:


1.05 Barðastaðir 25-35, breyting á deiliskipulagi
Lögð fram tillaga Teiknistofunnar Óðinstorgi, dags. desember 2005, að breytingu á deiliskipulagi á lóðinni nr. 25-35 að Barðastöðum.
Samþykkt að grenndarkynna fyrir hagsmunaaðilum að Barðastöðum 37 - 51, oddatölur, og Bakkastöðum 157 og 161 þegar uppdrættir hafa verið lagfærðir.

2.05 Grensásvegur 44-48, (fsp) ofanábygg. o. fl. nr. 48
Lagt fram bréf frá afgreiðslufundi byggingarfulltrúa frá 13. desember 2005. Spurt er hvort leyft yrði að byggja anddyri undir skyggni á suðurhlið, setja skilti á austurhlið og byggja hæð ofan á hús nr. 48 á lóð nr. 44-48 við Grensásveg.
Umsækjandi hafi samband við embættið.

3.05 Háaleitisbraut 68, (fsp) færa útveggi
Lagt fram bréf frá afgreiðslufundi byggingarfulltrúa frá 13. desember 2005. Spurt er hvort leyft yrði að færa út útveggi hluta 1. hæðar í líkingu við fyrirliggjandi uppdrætti atvinnuhússins á lóð nr. 68 við Háaleitisbraut.
Frestað. Vísað til umsagnar hverfisarkitekts og Framkvæmdasviðs vegna frágangs á götu norðan Austurvers að leikskólanum Austurborg.

4.05 Múlahverfi, Suðurlandsbraut
Að lokinni auglýsingu er lögð fram að nýju greinargerð skipulagsfulltrúa, dags. 10. mars 2005, um mögulega íbúðauppbyggingu við Suðurlandsbraut og í Múlum. Einnig lagðar fram umsagnir byggingarfulltrúa, dags. 06.06.05, Menntasviðs, dags. 22.06.05, forvarnardeildar SHS dags. 17.07.05 og Framkvæmdasviðs dags. 8.8.05. Einnig lögð fram tillaga skipulagsfulltrúa að breytingu á skilmálum deiliskipulags, dags. 09.08.05 og tillaga að breytingu á Aðalskipulagi Reykjavíkur dags. 17. ágúst 2005. Auglýsingin stóð yfir frá 31. október til 12. desember 2005. Engar athugasemdir bárust.
Samþykkt með vísan til b-liðar 2. gr. viðauka 2.4. um embættisafgreiðslur skipulagsfulltrúa, við samþykkt um stjórn Reykjavíkurborgar.

5.05 Árbæjarsundlaug, breyting á deiliskipulagi vegna greiðasölu
Lögð fram að nýju tillaga Úti og Inni að breytingu á deiliskipulagi Árbæjarsundlaugar vegna aðstöðu fyrir greiðasölu á lóðinni, dags. 26.09.05. Einnig lögð fram umsögn Íþrótta- og tómstundasviðs, dags. 14.11.05.
Frestað. Umhverfisstjóra falið að hafa samband við hönnuði.

6.05 Hallsvegur, breyting á aðalskipulagi
Að lokinni auglýsingu er lögð fram að nýju tillaga skipulagsfulltrúa, dags. 30. mars 2005, að breytingu á aðalskipulagi Reykjavíkur í þá átt að eingöngu verði gert ráð fyrir tveggja akreina Hallsvegi. Auglýsingin stóð yfir frá 13. september til 25. október 2005. Þessi sendu inn athugsemdir: Ingvar Guðmundsson, Bakkastöðum 131, dags. 30.09.05, Salóme Kristjánsdóttir Baughúsum 19, dags. 14.10.05, Vilmundur Vilhjálmsson Brúnastöðum 65, dags. 13.10.05, Kristín Árnadóttir Garðhúsum 23, dags. 13.10.05, Margrét Kristjánsdóttir Grundarhúsum 2, dags. 13.10.05, Jóna Björk Elmarsdóttir og Hrafn Árnason, Mururima 15, dags. 16.10.05, Friðrik Lunddal Gestsson, Fífurimi 52, dags. 17.10.05, Ófeigur Sigurðsson, Fannafold 23, dags. 18.10.05, Finnur Sigurðsson og Málfríður Vilmundardóttir, Fannafold 21, dags. 19.10.05, Vignir Bjarnason Hrísrima 30, dags. 20.10.05, Emil Örn Kristjánsson f.h. Íbúasamtaka Grafarvogs, dags. 24.10.05, Hildur E. Karlsdóttir, Fífurimi 52, dags. 25.10.05, Bjarki Júlíusson, Neshömrum 9 og Jón V. Gíslason, Neshömrum 18. dags. 25.10.05.
Athugasemdir kynntar. Athugasemdum sem fram koma í bréfum Íbúasamtaka Grafarvogs og Bjarka Júlíussonar og Jóns Gíslasonar er vísað til umsagnar aðstoðarsviðsstjóra Framkvæmdasviðs.

7.05 Rafstöðvarvegur 8, 10, 12, 14, afmörkun lóðar OR
Lögð fram tillaga Línuhönnunar, dags. 27.11.05, að afmörkun lóðar Orkuveitu Reykjavíkur að Rafstöðvarvegi 8, 10, 12 og 14.
Vísað til skipulagsráðs.

8.05 Rafstöðvarvegur 20, Afmörkun lóðar OR
Lögð fram tillaga Línuhönnunar, dags. 27.11.05, að afmörkun lóðar Orkuveitu Reykjavíkur að Rafstöðvarvegi 20.
Frestað. Umsækjandi láti vinna tillögu að breytingu á deiliskipulagi, á eigin kostnað, í samráði við umhverfisstjóra. Tillagan verður auglýst eða grenndarkynnt þegar hún berst.

9.05 Stekkjarbakki, afmörkun lóðar OR
Lögð fram tillaga Línuhönnunar, dags. 27.11.05, að afmörkun lóðar Orkuveitu Reykjavíkur að Stekkjarbakka
Vísað til skipulagsráðs.

10.05 Traðarland 1, Víkingur, breyting á deiliskipulagi
Lögð fram umsókn Teiknistofu Halldórs Guðmundssonar arkitekts, dags. 16.12.05, að breytingu á deiliskipulagi á íþróttasvæði Víkings að Traðarlandi 1 skv. uppdr., dags. 15.12.05.
Kynna formanni skipulagsráðs.

11.05 ">Vatnsveituvegur, afmörkun lóðar OR
Lögð fram tillaga Línuhönnunar, dags. 27.11.05, að afmörkun lóðar Orkuveitu Reykjavíkur við Hraunbrún að Vatnsveituvegi.
Frestað. Umsækjandi láti vinna tillögu að breytingu á deiliskipulagi, á eigin kostnað, í samráði við umhverfisstjóra. Tillagan verður auglýst eða grenndarkynnt þegar hún berst.

12.05 Eskihlíð 10, breyta verslun í íbúð
Lagt fram bréf frá afgreiðslufundi byggingarfulltrúa frá 13. desember 2005. Sótt er um leyfi til þess að breyta verslunarhúsnæði á jarðhæð (rými 0003) í íbúð í húsinu nr. 10 á lóðinni nr. 10-10A við Eskihlíð, skv. uppdr. Tækniþjónustunnar sf., dags. október 2000, síðast breytt 19. september 2005.
Gjald kr. 5.700
Ekki er gerð athugasemd við erindið.

13.05 Reitur 1.152.5, syðri hluti, Vatnsstígur, Frakkastígur, Lindargata og Hverfisgata, breyting á deiliskipulagi
Að lokinni kynningu fyrir hagsmunaaðila er lagt fram að nýju bréf Atelier arkitekta ehf, dags. 14.10.05, ásamt tillögu, dags. í september 2005, að breytingu á deiliskipulagi reits 1.152.5, syðri hluta. Einnig lagðir fram nýjir uppdrættir mótt. 18. október og 3. nóvember 2005. Kynningin stóð yfir frá 23. nóvember til 7. desember 2005. Eftirfarandi aðilar sendu inn athugasemdir: Hilmar Magnússon hrl. f.h. Þorsteins Steingrímssonar, dags. 07.12.05, 101 Skuggahverfi hf. dags. 06.12.05. Einnig lögð fram umsögn skipulagsfulltrúa, dags. 16. desember 2005.
Kynna formanni skipulagsráðs.

14.05 Reitur 1.172.1, Laugavegur, Vatnsstígur, Hverfisgata og Frakkastígur, breyting á deiliskipulagi
Lagt fram bréf Atelier arkitekta ehf, dags. 15. apríl 2005, ásamt uppdr. dags. í apríl 2005, mótt. 28. apríl 2005, varðandi breyttar hugmyndir að uppbyggingu á reitnum, umsögn skipulagsfulltrúa dags. 28. apríl 2005 ásamt fyrirspurnaruppdráttum Atelier arkitekta vegna verslunarmiðstöðvar og íbúða mótt. 28. október 2005. Einnig lagðir fram nýjir uppdrættir mótt. 10. nóvember 2005 ásamt skuggavarpi, dags. des. 2005.
Kynna formanni skipulagsráðs.

15.05 Grjótháls, bílaþvottastöð
Lagt fram að nýju bréf Bílaþvottastöðvarinnar Löðurs, dags. 09.05.05, varðandi umsókn um lóð fyrir bílaþvottastöð við Grjótháls, samkv. uppdr. Sólark-arkitekta ehf, dags. 06.05.05 og bréf Kristjáns Knútssonar og Ólafs Arnarsonar dags. 29. nóvember 2005. Einnig lögð fram umsögn Framkvæmdasviðs, dags. 15. desember 2005.
Kynna formanni skipulagsráðs.

16.05 Höfðabakki 1, (fsp) áfangaheimili
Lagt fram bréf frá afgreiðslufundi byggingarfulltrúa frá 6. desember 2005. Spurt er hvort leyft yrði að breyta núverandi hótelíbúðum í áfangaheimili með íbúðir fyrir fólk eftir áfengismeðferð í eigu Félagsbústaða á 2. og 3. hæð ásamt hluta 1. hæðar atvinnuhússins á lóð nr. 1 við Höfðabakka. Einnig lögð fram samantekt skipulagsfulltrúa, dags. 12.12.05.
Bréf f.h. Félagsbústaða hf. dags. 1. desember 2005 og ljósrit af eignaskiptayfirlýsingu innfærðri 7. febrúar 1997 fylgja erindinu.
Ekki er gerð athugasemd við erindið með vísan til samantektar skipulagsfulltrúa.

17.05 Gvendargeisli 104, breyting á deiliskipulagi
Lögð fram breytt tillaga Þórhalls Kristjánssonar, dags. 14.12.05, að breytingu á deiliskipulagi á lóðinni nr. 104 við Gvendargeisla.
Samþykkt að grenndarkynna framlagða tillögu fyrir hagsmunaaðilum að Gvendargeisla 88-102 ásamt 104 -116 (jöfn númer).

18.05 Jónsgeisli 91, breyting á deiliskipulagi
Að lokinni grenndarkynningu er lögð fram tillaga Sólark-arkitekta ehf, dags. 22.09.05, að breytingu á deiliskipulagi á lóðinni nr. 91 við Jónsgeisla. Grenndarkynning stóð yfir frá 12.10 til 9.11 2005. Athugasemd barst frá eigendum Jónsgeisla 87, dags. mótt. 3.11.05.
Vísað til skipulagsráðs.

19.05 Kleifarsel 18, breyting á deiliskipulagi
Lögð fram ný tillaga Pálma Guðmundssonar mótt. 16. desember 2005 ásamt bréfi, dags. 12. desember 2005, varðandi breytingu á deiliskipulagi á lóðinni nr. 18 að Kleifarseli. Einnig lögð fram umsögn Framkvæmdasviðs, dags. 15.12.05.
Frestað. Hönnuður leggi fram upplýsingar um breytingar á skuggavarpi.

20.05 Hólavað 1-11, breyting inni og úti
Lagt fram bréf frá afgreiðslufundi byggingarfulltrúa frá 13. nóvember 2005. Sótt er um leyfi til þess að stækka efri hæð allra húsanna yfir bílgeymslu á lóð nr. 1-11 við Hólavað, skv. uppdr. Teiknistofunnar Torgið, dags. 12.12.04, síðast breytt 06.12.05.
Stærð: Samtals stækka raðhús um 48 ferm., 132 rúmm.
Gjald kr. 5.700 + 7.524
Neikvætt. Ofanábygging á bílskúr samræmist ekki ákvæðum deiliskipulags.

21.05 Dunhagi 18-20, (fsp.) landnotkunarbreyting
Lögð fram fyrirspurn Pálma Guðmundssonar, dags. 13.12. 05, um breytingu á notkun hússins að Dunhaga 18-20. Einnig lagðir fram uppdrættir dags. 16. 12.05.
Vísað til umsagnar hverfisarkitekts.

22.05 Hólavallagata 9, svalir 1. hæð
Lagt fram bréf frá afgreiðslufundi byggingarfulltrúa frá 13. desember 2005. Sótt er um leyfi til þess að byggja svalir á 1. hæð suður og austurhliðar, með tröppum niður í garð, hússins á lóð nr. 9 við Hólavallagötu, skv. uppdr. Park, dags. 26.10.05.
Gjald kr. 5.700
Samþykkt að grenndarkynna framlagða umsókn fyrir hagsmunaaðilum að Garðastræti 38, 40 og 42 ásamt Hólavallagötu 7 og 11.

23.05 Kaplaskjólsvegur 57A,
Lagt fram tölvubréf Ólafs Gunnarssonar, dags. 23.11.05 með fyrirspurn um lóðarstækkun. Einnig lögð fram umsögn skipulagsfulltrúa, dags. 8. desember 2005.
Neikvætt með vísan til umsagnar skipulagsfulltrúa.

24.05 Ránargata 26, (fsp)lengja þak og stækka hús
Lagt fram bréf frá afgreiðslufundi byggingarfulltrúa frá 29. nóvember 2005. Spurt er hvort leyft yrði að byggja við og hækka húsið nr. 26 við Ránargötu í samræmi við meðfylgjandi uppdrætti.
Bréf hönnuðar dags. 21. nóvember 2005 fylgir erindinu. Einnig lögð fram umsögn skipulagsfulltrúa, dags. 14.12.05.
Neikvætt með vísan til umsagnar skipulagsfulltrúa.

25.05 Reitur 1.132.0, Norðurstígsreitur, (fsp) breyting á deiliskipulagi vegna Vesturgötu 28
Lögð fram fyrirspurn Pálma Guðmundssonar ark., dags. 12.12.05 ásamt tillögu að breytingu á deiliskipulagi á lóðinni nr. 28 við Vesturgötu, dags. 01.12.05.
Ekki er gerð athugasemd við að fyrirspyrjandi láti vinna tillögu að breytingu á deiliskipulagi, á eigin kostnað, sem síðar verður grenndarkynnt.

26.05 Reitur 1.138, BYKO, Hringbraut, Ánanaust, Sólvallagata og Framnesvegur
Að lokinni kynningu fyrir hagsmunaaðilum er lögð fram tillaga að deiliskipulagi reits 1.138, sem afmarkast af Hringbraut, Ánanaustum, Sólvallagötu og Framnesvegi. Kynningin stóð yfir frá 25. nóvember til 9. desember 2005. Athugasemdabréf bárust frá Ásrúnu Kristjánsdóttur f.h. eigenda Sólvallagötu 77, 79 og Steindórslóðar, dags. 9. desember 2005.
Vísað til umsagnar hverfisarkitekts.

27.05 Þórsgata 24-28, 24 - br. í gistih., viðb. 3.hæð
Lagt fram bréf frá afgreiðslufundi byggingarfulltrúa frá 8. nóvember 2005. Sótt er um leyfi til að byggja ofan á svalir þriðju hæðar hússins nr. 24 á lóðinni nr. 24-28 við Þórsgötu, skv. uppdr. Nýju Teiknistofunnar, dags. 03.10.05.
Jafnframt verði öllu húsinu nr. 24 breytt í gistiheimili og sorpílát færð úr húsi á lóð. Einnig er sótt um leyfi til að sameina mathluta 01 og 03 í nýjan mathluta 03.
Stækkun: viðbygging á 3. hæð 34,5 ferm., 107 rúmm.
Gjald kr. 5.700 + 6.099
Samþykkt að grenndarkynna framlagða umsókn fyrir hagsmunaaðilum að Þórsgötu 22, 22a, 25, 27 og 29.

Helga Björk Laxdal vék af fundi við afgreiðslu málsins.


28.05 Hverfisgata 103, nýbygging
Að lokinni grenndarkynningu er lögð fram tillaga Teiknistofu Halldórs Guðmundssonar, dags. 5.10.05 að breytingu á deiliskipulagi á lóðinni nr. 103 við Hverfisgötu ásamt skýringarmyndum dags. 22. júní 2005. Grenndarkynning stóð yfir frá 19. október til 16. nóvember 2005, en var framlengd til 14. desember 2005. Athugasemdabréf bárust frá Sigurði Friðrikssyni, Hverfisgötu 102a, dags. 3.11.05 og Guðmundi Helga Magnússyni, Barónsstíg 3a, dags. 08.11.05, Húasfélaginu Skúlagötu 40, 40A og 40B, dags. 10.11.05.
Lagður fram leiðréttur uppdráttur, dags. 05.10.05, breytt 09.11.05.

Frestað. Umsækjandi láti fara fram hljóðmælingu og vinna greinargerð vegna hljóðvistar í fyrirhugaðri nýbyggingu.

29.05 Laufásvegur 77, kvistur, bílskúr
Lagt fram bréf frá afgreiðslufundi byggingarfulltrúa frá 8. nóvember 2005. Sótt er um leyfi til þess að rífa núverandi bílskúr og byggja nýja tvöfalda bílgeymlu áfasta íbúðarhúsi. Einnig er sótt um leyfi til þess að setja kvist á norðvesturþekju og koma fyrir setlaug á verönd íbúðarhússins á lóð nr. 77 við Laufásveg, skv. uppdr. Guðmundar Gunnlaugssonar, dags. 01.11.05.
Jákvætt viðhorf nágranna að Laufásvegi 79 dags. 25. janúar 2005 ásamt útskrift úr gerðabók embættisafgreiðslufundar skipulagsfulltrúa frá 26. ágúst 2005 fylgdu fyrirspurnarerindi nr. 32637 sama efnis.
Bílskúr sem rifinn verður:
Matshluti 70, fastanr. 200-9214, landnr. 102711. Stærð 19,8 m² .
Ný bílgeymsla ( verður hluti af matshl. 01) 50 ferm. og 147,8 rúmm.
Stækkun vegna kvistbyggingar 2,9 rúmm.
Heildarstækkun matshluta 01 er því 50 ferm. og 150,7 rúmm.
Gjald kr. 5.700 + 8.590
Vísað til umsagnar hverfisarkitekts.

30.05 Laugavegur 4-6, (fsp) breyting á deiliskipulagi
Lögð fram fyrirspurn Tangram arkitekta, dags. 07.12.05, ásamt bréfi 28.10.05 varðandi breytingu á deiliskipulagi vegna lóða nr. 4-6 við Laugaveg. Einnig lögð fram umsögn skipulagsfulltrúa dags. 18. nóvember 2005, tölvubréf umsækjanda dags. 24. nóvember 2005 og samþykki eigenda að Skólavörðustíg 3, dags. 24. nóvember 2005. Einnig lögð fram umsögn skipulagsfulltrúa, dags. 15.12.05.
Vísað til skipulagsráðs.

31.05 Baldursgata 32, breyting á deiliskipulagi
Lögð fram fyrirspurn T.ark, dags. 11.10.05, að uppbyggingu á lóðinni nr. 32 og 34 við Baldursgötu, vegna byggingar þriggja hæða fjölbýlishúss með inndreginni fjórðu hæð, á lóðinni, samkv. uppdr. dags. 10.10.05. Einnig lögð fram umsögn skipulagsfulltrúa dags. 15.12.05.
Neikvætt með vísan til umsagnar skipulagsfulltrúa.

32.05 Reitir 1.140.3/1.118.5, Lækjartorgs/Simsenreitur, drög að forsögn
Lögð fram drög að forsögn skipulagsfulltrúa dags. í desember 2005.
Kynnt. Frestað.

33.05 Reitur 1.172.0, breyting á deiliskipulagi vegna Laugavegar 23/Hverfisgötu 40
Lögð fram að nýju umsókn Leiguíbúða ehf, dags. 12.08.04, um breytingu á deiliskipulagi reits 1.172.0 Einnig lögð fram tillaga + arkitekta, dags. 30. október 2002, breytt 2. nóvember 2005 að breytingu á deiliskipulagi á lóðinni nr. 23 við Laugaveg og nr. 40 við Hverfisgötu ásamt skuggavarpi dags. 16. nóvember 2005 og skýringarmyndir mótt. 19.12.05. Ennfremur lögð fram umsögn skipulagsfulltrúa, dags. 18.11.05.
Kynna formanni skipulagsráðs.

34.05 Skúlagata 9, Klöpp, Olís,
Lagt fram bréf byggingarfulltrúa, dags. 24.10.05, ásamt bréfi forstjóra Olís, dags. 18.10.05 varðandi lóðir nr. 7 og 9 við Skúlagötu.
Vísað til umsagnar hverfisarkitekts og Framkvæmdasviðs.

35.05 Vesturgata 18, Tryggvagata 10, uppbygging á lóðum
Lögð fram umsókn 101 arkitekta, dags. 9.09.05 ásamt uppdrætti, dags. 7.09.05, um breytingu á deiliskipulagi vegna lóðanna Vesturgata 18 og Tryggvagata 10. Einnig lagt fram bréf + arkitekta ehf, dags. 08.12.05.
Frestað. Umsækjandi leggi fram upplýsingar um skuggavarp.

36.05 Fitjar, (fsp) flutningsh. til bráðab.
Lagt fram bréf frá afgreiðslufundi byggingarfulltrúa frá 13. nóvember 2005. Spurt er hvort leyft yrði að setja húsið sem áður var á lóð nr. 122 við Langagerði til bráðabirgða á land Fitja á Kjalanesi.
Bréf fyrirspyrjanda dags. 7. desember 2005 fylgir erindinu.
Ekki gerð athugasemd við erindið.