Steinasel 8, Vesturhús 12, Akurgerði 38, Langholtsvegur 143, Einarsnes 56A, Háteigsvegur 3, Hverfisgata 125, Hörpugata 2, Smárastígur, Vesturgata 51C, Víðihlíð 43, Þverholt 7, Vesturhöfnin, Skipholt 50A, Garðastræti 23, Bjallavað 7-11, Gvendargeisli 54-76, Leirubakki 34-36, Ólafsgeisli 113 - 117, Víkurbakki 30, Þverársel 4, Bergstaðastræti 56, Óðinsgata 14, Laufásvegur 77, Reitur 1.190.3, Grettisgata 51, Hringbraut 89, Urðarstígur 8A, Reitur Menntaskólans í Reykjavík, Þórsgata 6, Gufunes, Norðlingaholt suður, Réttarháls 2,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

82. fundur 2005
Ár 2005, föstudaginn 26. ágúst kl. 10:20, hélt Skipulagsfulltrúi Reykjavíkur 82. embættisafgreiðslufund sinn til afgreiðslu mála án staðfestingar skipulags- og byggingarnefndar. Fundurinn var haldinn á skrifstofu skipulagsfulltrúa Borgartúni 3, 3. hæð. Fundinn sátu: Ágústa Sveinbjörnsdóttir og Lilja Grétarsdóttir. Eftirtaldir embættismenn kynntu mál á fundinum: Nikulas Úlfar Másson, Ólöf Örvarsdóttir, Jóhannes S. Kjarval og Björn Axelsson. Ritari var Helga Björk Laxdal.
Þetta gerðist:

1.05 Steinasel 8,
Lagt fram bréf byggingarfulltrúa, dags. 24. ágúst 2005, varðandi byggingarleyfisumsókn vegna Steinasels 8 þar sem sótt er um samþykki fyrir áður gerðri stækkun aukaíbúðar og bílgeymslu í áður óuppfyllt sökkulrými ásamt leyfi til þess að byggja viðbyggingu við austurhlið 1. og 2. hæðar, reisa þak yfir verönd við suðurhlið 2. hæðar með hálflokaðri glerhlið að garði og breyta gluggum 1. hæðar íbúðarhússins á lóð nr. 8 við Steinasel. Bréf hönnuðar dags. 5. apríl og 21. júní 2005, útskrift úr gerðabók embættisafgreiðslufundar skipulagsfulltrúa frá 13. maí 2005 og umsögn skipulagsfulltrúa dags. 11. maí 2005 og 25. ágúst 2005.
Ekki gerð athugasemd við erindi byggingarfulltrúa með vísan til umsagnar skipulagsfulltrúa dags. 25. ágúst 2005.
2.05 Vesturhús 12, áður gerð stækkun og gl.
Lagt fram bréf frá afgreiðslufundi byggingarfulltrúa 23. ágúst 2005. Sótt er um samþykki fyrir áður gerðu íbúðarherbergi ásamt stækkun í sökkulrými og áður gerðum breytingum á norðvestur- og suðausturhlið hússins á lóðinni nr. 12 við Vesturhús, samkv. uppdr. 101 arkitekta, dags. 17.02.05.
Jafnframt er erindi 29514 dregið til baka.
Stærð: Stækkun í sökkulrými 74,6 ferm., 201,4 rúmm.
Gjald kr. 5.700 + 11.480
Ekki er gerð athugasemd við fjölgun íbúða þar sem gildandi deiliskipulag heimilar aukaíbúð í húsinu. Gera þarf ráð fyrir einu bílastæði á lóð fyrir aukaíbúðina.
3.05 Akurgerði 38, (fsp) stækkun
Lögð fram fyrirspurn Ásdísar Elvu Aðalsteinsdóttur, dags. 19.08.05, varðandi stækkun húss nr. 38 við Akurgerði.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst. Samþykki meðeiganda þarf að liggja fyrir.
4.05 Langholtsvegur 143, fsp. stækkun á bílskúr.
Lögð fram fyrirspurn Ólafs Ásgeirssonar dags. 23. ágúst 2005 um leyfi til að stækka bílskúr inn á lóðina til suðurs.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst. Samþykki meðeiganda þarf að liggja fyrir auk samþykki lóðarhafa aðlægra lóða þar sem byggt er í lóðamörkum.
5.05 Einarsnes 56A, fsp. heimagisting.
Lögð fram fyrirspurn Guðjóns Páls Einarssonar um að reka heimagistingu að Einarsnesi 56A.
Ekki eru gerðar skipulagslegar athugasemdir við erindið enda stendur húsið á íbúðasvæði. Fyrirspyrjanda er bent á að lögreglustjóri veitir leyfi til heimagistingar og sækja ber um leyfi til byggingarfulltrúa ef breyta þarf fyrirkomulagi innanhúss.
6.05 Háteigsvegur 3, byggja ofaná o.fl.
Að lokinni grenndarkynningu er lagt fram bréf frá afgreiðslufundi byggingarfulltrúa frá 5.07.05. Sótt er um leyfi til að byggja eina hæð, rishæð og hanabjálka ofan á húsið nr. 3 við Háteigsveg. Jafnframt er sótt um leyfi til að breyta atvinnuhúsnæði á annarri hæð í þrjár íbúðir og koma fyrir þrem íbúðum á þriðju hæð og þremur á fjórðu hæð, samtals níu íbúðir, og tengdar breytingar. Ennfremur verði gerðar svalir á austur- og norðurhliðar og húsið steinað að utan með ljósri steiningu. Grenndarkynning stóð yfir frá 14.07 til 11.08 2005. Lagðar fram athugasemdir frá Sævari Hilbertssyni Þverholti 30, dags. 31.07.05, Hartmanni Guðmundssyni Þverholti 32, dags. 2.08.05 og 10.08.05, Ingvari Hjálmarssyni Rauðarárstíg 41, dags. 4.08.05, Karli Valdimarssyni Rauðarárstíg 41, dags. 3.08.05, Ásthildi Helgadóttur Þverholti 30, dags. 8.08.05, Gunnars Zoega Þverholti 32, dags. 9.08.05, Kristínu Magnússon Þverholti 30, dags. 4.08.05, Andrési Sigurvinssyni Rauðarárstíg 41, mótt. 10.08.05, Bryndísi Einarsdóttur Rauðarárstíg 41, dags. 10.08.05, Herði Guðmundssyni Rauðarárstíg 41, dags. 9.08.05, 4 samhljóða bréf íbúa við Rauðarárstíg 41, dags. 3.08.05, Bergljót Haraldsdóttir Þverholti 32, dags. 10.08.05 og íbúar Háteigsvegi 4, dags. 10.08.05.
Stækkun: 871,5 ferm. og 1992,4 rúmm
Gjald kr. 5.700 + 113.566
Vísað til skipulagsráðs.
7.05 Hverfisgata 125, (fsp) nýtt fjölbýlishús
Lagt fram bréf frá afgreiðslufundi byggingarfulltrúa frá 25.01.05. Spurt er hvort leyft yrði að byggja fjögurra hæða steinsteypt fjölbýlishús með 15 íbúðum á lóðinni nr. 125 við Hverfisgötu í líkingu við meðfylgjandi frumdrög. Einnig lagt fram skuggavarp, dags. 23.08.05.
Ekki er gerð athugasemd við uppbyggingu í líkingu við framlögð drög. Áhersla er þó lögð á að draga þarf verulega úr stærð svala og skoða dýpt byggingarreits. Byggingarleyfisumsókn verður grenndarkynnt þegar hún berst.
8.05 Hörpugata 2, Hörpugata 4, breyting á deiliskipulagi
Lögð fram tillaga Teiknistofunnar Byggingar og skipulagshönnun efh, dags. 11.08.05, að breytingu á deiliskipulagi á lóðinni nr. 2 við Hörpugötu.
Samþykkt að grenndarkynna framlagða tillögu fyrir hagsmunaaðilum að Hörpugötu 1, 3 og 4 og Reykjavíkurvegi 35 þegar uppdrættir hafa verið lagfærðir
9.05 Smárastígur, staðsetning dreifistöðvar
Lögð fram bréf Orkuveitu Reykjavíkur, dags. 1.02.05 og 31.03.05, varðandi staðsetningu smádreifistöðvar við Smárastíg. Einnig lagt fram bréf Hornsteina arkitekta ehf, dags. 03.03.05 og umsögn skipulagsfulltrúa dags. 22. ágúst 2005.
Ekki er gerð athugasemd við erindið með vísan til umsagnar skipulagsfulltrúa.
10.05 Vesturgata 51C, (fsp) hækka þak
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyft yrði að hækka þak og setja kvisti á hús á lóðinni nr. 51C við Vesturgötu.
Vísað til umsagnar hverfisarkitekts.
11.05 Víðihlíð 43, (fsp) stækka lóð
Lagt fram bréf frá afgreiðslufundi byggingarfulltrúa frá 19. júlí 2005. Spurt er hvort leyft yrði að stækka að göngustíg við Suðurhlíð lóðina nr. 43 við Víðihlíð. Einnig lögð fram umsögn skipulagsfulltrúa dags. 24. ágúst 2005.
Ekki eru gerðar skipulagslegar athugasemdir við mögulega lóðarstækkun. Um nánari skilyrði og tillögu að útfærslu vísast til umsagnar skipulagsfulltrúa.
12.05 Þverholt 7, (fsp) bílskúr
Lagt fram bréf frá afgreiðslufundi byggingarfulltrúa frá 9. ágúst 2005. Spurt er hvort leyft yrði að byggja tvöfaldan bílskúr í líkingu við fyrirliggjandi uppdrætti á baklóð lóðar nr. 7 við Þverholt, samkv. uppdr. Arkform, dags. júlí 2005. Einnig lögð framumsögn skipulagsfulltrúa dags. 24. ágúst 2005.
Neikvætt. Samræmist ekki deiliskipulagi.
13.05 Vesturhöfnin, v/Fiskislóðar 1
Að lokinni grenndarkynningu er lögð fram að nýju tillaga Arkitekta Gunnar og Reynis sf, dags. 22. júní 2005, að breytingu á deiliskipulagi á lóðinni nr. 1 við Fiskislóð. Einnig lagt fram bréf Faxaflóahafna, dags. 6. júlí 2005. Kynningin stóð yfir frá 27. júlí til 24. ágúst 2005. Engar athugasemdir bárust.
Vísað til skipulagsráðs.
14.05 Skipholt 50A, breyting á deiliskipulagi
Að lokinni grenndarkynningu er lögð fram tillaga Teiknistofunnar Tak að breytingu á deiliskipulagi lóðarinnar, dags. 06.06.05, mótt. 30.06.05. Einnig lagt fram skuggavarp, dags. 18.07.05. Grenndarkynning stóð yfir frá 27.07 til 24.08 2005. Eftirfarandi aðilar sendu inn athugasemdir: Bergfell, Skipholti 50B, dags. 8.08.05, Fotoval Skipholti 50A, dags. 12.08.05, Áhrif ehf, Skipholti 50A, dags. 23.08.05, Guðberg K. Jónsson f.h. eigenda íbúða við Skipholt 50, dags. 24.08.05, ARKÍS ehf, f.h. Byggingafélags námsmanna og húsfélaganna Skipholti b, c, og d, dags. 24.08.05.
Athugasemdir kynntar. Frestað. Óskað er eftir upplýsingum um breytingar á skuggavarpi.
15.05 Garðastræti 23, flutningur húss
Lagt fram bréf JP lögmanna, dags. 3. júní 2005, varðandi flutning hússins á lóðinni nr. 23 við Garðastræti.
Kynna formanni skipulagsráðs.
16.05 Bjallavað 7-11, breyting á deiliskipulagi
Lögð fram tillaga ASK Arkitekta ehf, dags. 24.08.05, að breytingu á deiliskipulagi á lóðinni nr. 7-11 við Bjallavað.
Samþykkt að grenndarkynna framlagða tillögu fyrir hagmunaaðilum að Bjallavaði 1-5 og 13-17 (oddatölur)
17.05 Gvendargeisli 54-76, (fsp) bílastæði
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyft yrði að fjölga bílastæðum úr tveimur í þrjú þannig að kantsteinn yrði lækkaður 6 m frá suðvesturhorni lóðanna 66-76 við Gvendargeisla.
Samþykki eigenda Gvendargeisla 54-76 dags. 8. ágúst 2005 fylgir erindinu.

Vísað til umsagnar mannvirkjaskrifstofu Framkvæmdasviðs vegna breytinga á bílastæðum.
18.05 Leirubakki 34-36, stækkun lóðar
Lögð fram fyrirspurn, dags. 22.07.05, um stækkun lóðarinnar nr. 36 við Leirubakka um ca. 3 m í norður inn á opið svæði borgarinnar. Einnig lögð fram umsögn Umhverfissviðs, dags. 18.08.05.
Ekki er gerð athugasemd við lóðarstækkun og færslu stígar með vísan til umsagnar Umhverfissviðs enda verði framkvæmdir alfarið á kostnað lóðarhafa og frágangur á opnu svæði í samráði við garðyrkjustjóra. Umsækjanda ber að láta vinna tillögu að breytingu á deiliskipulagi í samræmi við fyrirspurn, á eigin kostnað sem síðar verður grenndarkynnt.
19.05 Ólafsgeisli 113 - 117, (fsp) br. innkeyrslu ofl.
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyft yrði að breikka innkeyrslur og breyta bílastæðum fyrir íbúðarhúsin á lóð nr. 113-117 við Ólafsgeisla, samkv. uppdr. GLÁMA/KÍM, dags. 16.08.05.
Bréf hönnuðar dags. 16. ágúst 2005 fylgir erindinu.
Vísað til umsagnar mannvirkjaskrifstofu Framkvæmdasviðs vegna breytinga á innkeyrslum.
20.05 Víkurbakki 30, (fsp) stigi
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyft yrði að koma fyrir tröppum út frá svölum á 2. hæð út í garð við raðhús nr. 30 á lóð nr. 22-30 við Víkurbakka.
Vísað til umsagnar hverfisarkitekts.
21.05 Þverársel 4, breyting á deiliskipulagi
Að lokinni grenndarkynningu er lögð fram að nýju tillaga Ellerts Márs Jónssonar, dags. 2.08.05, að breytingu á deiliskipulagi lóðar nr. 4 við Þverársel. Einnig lagt fram samþykki þeirra aðila sem grenndarkynnt var fyrir áritað á uppdrátt.
Vísað til skipulagsráðs.
22.05 Bergstaðastræti 56, svalir, breyting úti
Að lokinni grenndarkynningu er lagt fram bréf frá afgreiðslufundi byggingarfulltrúa 12. júlí 2005, þar sem sótt er um leyfi til þess að setja svalir á suðvesturhlið 1., 2. og 3. hæðar ásamt samþykki fyrir áður gerðri stækkun íbúðar 2. hæðar um hluta 3. hæðar og fyrir stiga á milli 2. og 3. hæðar fjölbýlishússins á lóð nr. 56 við Bergstaðastræti, samkv. uppdr. Á Stofunni arkitekta, dags. 05.07.2005. Grenndarkynning stóð yfir frá 27.07 til 24.08 2005. Athugasemdir bárust frá Magna Þorsteinssyni Bergstaðastræti 54, dags 6.08.05 og Sigrúnu Björnsdóttur Bergstaðastræti 54, dags 6.08.05, Þogerði Jóhönnu Guðmundsdóttur, Bergstaðastræti 54, dags. 08.08.05.
Samþykki meðeigenda ódags. fylgir erindinu.
Gjald kr. 5.700
Vísað til skipulagsráðs.
23.05 Óðinsgata 14, (fsp) breyting úti og inni
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyfti yrði að byggja rishæð með tilheyrandi kvistum ásamt svölum ofan á ósamþykkta viðbyggingu húss á lóð nr. 14 við Óðinsgötu. Ennfremur er spurt um hvort færa megi til útihurð úr eldhúsi á 2. hæð, útbúa glugga fyrir eldhús, stækka eldhús með tilfærslu útveggjar og stækka núverandi verönd.
Vísað til umsagnar hverfisarkitekts.
24.05 Laufásvegur 77, (fsp) tvöfaldur bílskúr ofl.
Að lokinni kynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa frá 12. júlí 2005, spurt er hvort leyft yrði að rífa núverandi bílskúr og byggja nýja tvöfalda bílgeymslu innar á lóð og að íbúðarhúsi ásamt leyfi til þess að setja kvist á norðvesturþekju íbúðarhússins á lóð nr. 77 við Laufásveg, samkv. uppdr. Guðmundar Gunnlaugssonar, arkitekts FAÍ, dags. júlí 2005.
Jákvætt viðhorf nágranna að Laufásvegi 79 dags. 25. janúar 2005 fylgir erindinu. Málið var í kynningu frá 27. júlí til 24. ágúst 2005.
Lagt fram bréf Ólafs Ísleifssonar, Bergstaðastræti 86, dags. 02.08.05.
Ekki er gerð athugasemd við erindið. Byggingarleyfisumsókn verður grenndarkynnt fyrir sömu aðilum og fengu forkynningu á erindinu.
25.05 Reitur 1.190.3, deiliskipulag
Lögð fram tillaga Teiknistofunnar Traðar, dags. 30.06.05, að deiliskipulagi reits 1.190.3., Njálsgötureitur.
Staða verkefnisins kynnt. Frestað.
26.05 Grettisgata 51, (fsp) breytt notkun
Lögð fram fyrirspurn Jóns Baldvinssonar, mótt. 9.08.05, varðandi breytta notkun bakhúss á lóð nr. 51 við Grettisgötu. Einnig lögð fram umsögn skipulagsfulltrúa dags. 25. ágúst 2005.
Ekki er gerð athugasemd við að nýta bakhús til búsetu. Hækkun húss og aðrar breytingar samræmast ekki deiliskipulagi. Athygli er vakin á því að á húsinu er kvöð um niðurrif sem ekki verður fallið frá með vísan til umsagnar skipulagsfulltrúa.
27.05 Hringbraut 89, svalir 1-2 hæð
Lagt fram bréf frá afgreiðslufundi byggingarfulltrúa frá 23. ágúst 2005. Sótt er um leyfi fyrir svölum og verönd á suðurhlið og timburpall í garði sunnanvert við hús á lóð nr. 89 við Hringbraut, samkv. uppdr. AT4 arkitekta, dags. 02.08.05.
Gjald kr. 5.700
Samþykkt að grenndarkynna framlagða umsókn fyrir hagsmunaaðilum að Hringbraut 87 og 91 ásamt Víðimel 66 og 68.
28.05 Urðarstígur 8A, (fsp) þak, ofanábygging, svalir o.fl.
Lagt fram bréf frá afgreiðslufundi byggingarfulltrúa frá 23. ágúst 2005. Spurt er hvort leyft yrði að byggja eina hæð ofan á hús með breyttri þakgerð, byggja við húsið austanvert og koma fyrir svölum á 2. hæð hússins á lóð nr. 8A við Urðarstíg.
Ekki er gerð athugasemd við ofanábyggingu og stækkun hússins en ekki er tekin afstaða til útlits samkvæmt fyrirspurnarteikningum. Nauðsynlegt er að laga byggingu vel að aðlægu húsi.
29.05 Reitur Menntaskólans í Reykjavík, deiliskipulag
Að lokinni auglýsingu er lögð fram tillaga teiknistofunnar Óðinstorgi, dags. 22.12.2004, að deiliskipulagi reits 1.180.0, Menntaskólareits. Einnig lögð fram umsögn húsafriðunarnefndar ríkisins, dags. 31.01.05. Auglýsingin stóð yfir frá 18.07 til 26.08 2005. Engar athugasemdir bárust.
Vísað til skipulagsráðs.
30.05 Þórsgata 6,
Lagt fram bréf eigenda Þórsgötu 8, dags. 22. júní 2005, varðandi fyrirhugaða byggingu húss á lóðinni nr. 6 við Þórsgötu.
Vísað til umsagnar lögfræði og stjórnsýslu.
31.05 Gufunes, umhverfislistaverk
Lagt fram bréf skrifstofu borgarstjórnar, dags. 20. maí 2005, ásamt erindi Hallsteins Sigurðssonar frá 11. þ.m., varðandi land undir listaverk og leigu á listaverkum. Einnig lögð fram drög að tillögu skipulagsfulltrúa dags. 3. júní 2005 að afmörkun svæðisins.
Lögð fram umsögn Framkvæmdasviðs, dags. 17. ágúst 2005.
Vísað til umsagnar hverfisráðs Grafarvogs.
32.05 Norðlingaholt suður, deiliskipulag
Lögð fram drög skipulagsfulltrúa að forsögn að deiliskipulagi í suðurhluta Norðlingaholts dags í ágúst 2005.
Kynna formanni skipulagsráðs.
33.05 Réttarháls 2, breyting á deiliskipulagi
Lögð fram tillaga Nýju Teiknistofunnar, dags. 23.08.05, að breytingu á deiliskipulagi lóðarinnar nr. 2 við Réttarháls.
Vísað til skipulagsráðs þegar uppdrættir hafa verið lagfærðir.