Fannafold 190, Logafold 80, Rimaskóli, Hólmvað 6-8, Norðlingaholt, suður, Sandavað 9-11, Úlfarsfell, Skeifan 13, Hátún 6, Hátún 2, Borgartún 32, Sólheimareitur, Sóltún 8-18, Laugardalur/Engjavegur, Landsímahúsið við Austurvöll, Laufásvegur 73, Laugavegur 24, Reitur 1.154.3, Barónsreitur, Reitur 1.182.1, Ölgerðarreitur, Þingholtsstræti 5, Þverholt 15, Dugguvogur 3, Ásvallagata 8, Bræðraborgarstígur 30 og Holtsgata 1, Hringbraut 119, Frostaskjól 9, Grandagarður 8, Kvisthagi 3, Reynimelur 63, Reitur 1.132.0, Norðurstígsreitur, Flókagata 62,

Embættisafgreiðslufundur skipulagsfulltrúa Reykjavíkur samkvæmt viðauka 2.3 við samþykkt um stjórn Reykjavíkurborgar.

60. fundur 2005

Ár 2005, föstudaginn 18. mars kl. 10:06 var haldinn 60. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:


1.05 Fannafold 190, stækkun húss og bygging bílskúrs
Lögð fram fyrirspurn Sveins Ívarssonar arkitekts, dags. 09.03.05, varðandi stækkun hússins og byggingu bílskúrs á lóðinni nr. 190 við Fannafold, samkv. meðfylgjandi tillögu. Einnig lögð fram umsögn hverfisarkitekts, dags. 17. mars 2005.
Ekki er gerð athugasemd við að fyrirspyrjandi láti vinna tillögu að breytingu á deiliskipulagi í samræmi við efni fyrirspurnar, á eigin kostnað, sem síðar verður grenndarkynnt.

2.05 Logafold 80, reyndarteikningar
Lagt fram bréf frá afgreiðslufundi byggingarfulltrúa 8. mars 2005, þar sem sótt er um leyfi til þess að loka stiga, breyta útliti suður- og austurhliðar húss og byggja viðbyggingu að austurhlið bílskúrsins á lóðinni nr. 80 við Logafold, samkv. uppdr. Teiknistofunnar ARKO, dags. í febrúar 2005.
Jafnframt er gerð grein fyrir áður gerðri stækkun hússins í sökkulrými á fyrstu hæð. Samþykki eigenda hússins (ódags.) fylgir erindinu. Einnig lögð fram umsögn hverfisarkitekts, dags. 17. mars 2005.
Stærð: Áður gerð stækkun húss 46,2 ferm. og 113,1 rúmm.
Viðbygging við bílskúr 9,4 ferm. og 28,9 rúmm.
Gjald kr. 5.700 + 8.094
Ekki er gerð athugasemd við að fyrirspyrjandi láti vinna tillögu að breytingu á deiliskipulagi í samræmi við efni fyrirspurnar, á eigin kostnað, sem síðar verður grenndarkynnt.

3.05 Rimaskóli, viðbygging
Lagt fram bréf Rimaskóla, dags. 1. mars 2005, varðandi viðbyggingu við Rimaskóla.
Deiliskipulag Rimaskóla gerir ráð fyrir stækkun skólabyggingarinnar í samræmi við erindið. Erindi framsent Fasteignastofu Framkvæmdasviðs til frekari afgreiðslu.

4.05 Hólmvað 6-8, breyting á deiliskipulagi
Lagt fram bréf Sveins Ívarssonar arkitekts, dags. 10.03.05, ásamt nýrri tillögu að breytingu á deiliskipulagi á lóðinni nr. 6-8 við Hólmvað, dags. 15.02.05.
Vísað til umsagnar skipulagshöfunda; T.ark, teiknistofu.

5.05 Norðlingaholt, suður, sumarbústaður
Lagt fram bréf Frank A. Stefansson, USA, dags. 28. febrúar 2005, varðandi endurbyggingu sumarbústaðar á eignarlandi í Norðlingaholti.
Hverfisarkitekt falið að svara erindinu.

6.05 Sandavað 9-11,
Lögð fram fyrirspurn Alark arkitekta, dags. 01.03.05, varðandi rampa í bílastæðakjallara og byggingu efstu hæðarinnar fram í útbrún. Einnig lögð fram umsögn Verkfræðistofu, dags. 15. mars 2005.
Ekki er gerð athugasemd við fyrirhugaða legu rampa frá bílakjallara með vísan til umsagnar Verkfræðistofu. Neikvætt að breyta deiliskipulagi vegna efstu hæðar.

7.05 Úlfarsfell, Akurholt
Lögð fram bréf ábúenda að Akurholti við Úlfarsfellsveg 33, dags. 25. mars og 2. júlí 2004. Einnig lagt fram bréf skrifstofustjóra Framkvæmdasvið, dags. 17. mars 2005.
Frestað. Kynna formanni Skipulagsráðs.

8.05 Skeifan 13, girðing
Lögð fram fyrirspurn Arkís ehf, dags. 03.03.05, varðandi breytingu á deiliskipulagi á lóðinni nr. 13 við Skeifuna, samkv. uppdr. dags. 24.02.05. Einnig lögð fram umsögn Verkfræðistofu, dags. 16. mars 2005.
Ekki er gerð athugasemd við að fyrirspyrjandi láti vinna tillögu að breytingu á deiliskipulagi í samræmi við efni fyrirspurnar og þær athugasemdir sem koma fram í umsögn Verkfræðistofu, á eigin kostnað, sem síðar verður grenndarkynnt.

9.05 Hátún 6, stækkun kjallara frá samþ. 27.01.2004
Lagt fram bréf frá afgreiðslufundi byggingarfulltrúa 1. mars 2005, þar sem sótt er um leyfi til að hafa kjallara undir húsinu sem samþykkt var 27. jan. 2004 á lóðinni nr. 6 við Hátún. Einnig lögð fram umsögn hverfisarkitekts, dags. 17. mars 2005.
Stækkun: xx
Gjald kr. 5.700 + xx
Ekki er gerð athugasemd við erindið með fyrirvara samkvæmt umsögn hverfisarkitekts.

10.05 Hátún 2, bílastæði
Lögð fram fyrirspurn um bílastæði fyrir fatlaða við Laugaveg, ekið inn á það frá lóð kirkjunnar við Hátún. Einnig lögð fram umsögn Verkfræðistofu, dags. 15. mars 2005 og umsögn hverfisarkitekts, dags. 17. mars 2005.
Neikvætt varðandi bílastæði utan lóðar. Ekki gerð athugasemd við bílastæðafyrirkomulag innan lóðar.

11.05 Borgartún 32, breyting á deiliskipulagi
Lögð fram fyrirspurn Teiknistofu Garðars Halldórssonar, dags. 03.03.05, ásamt hugmynd að breytingu á deiliskipulagi á lóðinni nr. 32 við Borgartún, mótt. 11. mars 2005. Einnig lögð fram umsögn hverfisarkitekts, dags. 17. mars 2005.
Ekki gerð athugasemd við erindið en draga þarf úr byggingarmagni og nýtingu samkvæmt umsögn hverfisarkitekts.

12.05 Sólheimareitur, deiliskipulag
Lögð fram ný tillaga Arkibúllunar ehf, dags. 17. september 2004, að deiliskipulagi Sólheimareits. Eldri tillaga var í auglýsingu frá 17. maí til 28. júní 2002, athugasemdafrestur var til 28. júní 2002. Athugasemdabréf bárust frá Lögmönnum við Austurvöll, f.h. húseigenda að Sólheimum 35, dags. 28.05.02, stjórn Húsfélagsins Sólheimum 27, dags. 11.06.02, stjórn Húsfélagsins Sólheimum 25 f.h. 32 íbúa, dags. 26.06.02 og eigenda íbúða að Sólheimum 42, dags. 27.06.02. Einnig lagt fram samþykki Andrésar H. Hallgrímssonar, Sólheimum 38, dags. 24.06.02. Ennfremur lagðir fram minnispunktar af kynningarfundi með hagsmunaaðilum að Sólheimum 35 frá 27. maí 2002 og samantekt skipulagsfulltrúa, dags. 28.06.02.
Frestað, kynna formanni Skipulagsráðs.

13.05 Sóltún 8-18,
Lagt fram bréf VA-arkitekta vegna landhæða á uppdráttum Sóltúns 8-18 ásamt bráðabirgðahæðablaði dags. í mars 2005.
Ekki er gerð athugasemd við breytingu hæðarkóta. Erindið framsent Gatnamálastofu til afgreiðslu.

14.05 Laugardalur/Engjavegur, (fsp) um afnotarétt af grasflöt
Lagt fram bréf ARKÍS ehf, dags. 22.02.05, varðandi umsókn verslunarinnar Útilífs í Glæsibæ um afnotarétt af grasflöt í Laugardal við Engjaveg og Suðurlandsbraut fyrir tjöld sem sett eru upp til sýninga yfir sumartímann.
Neikvætt. Samræmist ekki deiliskipulagi.

15.05 Landsímahúsið við Austurvöll, hótel
Lagt fram bréf Guðna Pálssonar arkitekts, dags. 17.03.05, varðandi breytingu á Landsímahúsinu við Austurvöll í hótel, samkv. uppdr. dags. í mars 2005.
Frestað. Kynna formanni Skipulagsráðs.

16.05 Laufásvegur 73, bílskúr og jarðhýsi
Lagt fram bréf frá afgreiðslufundi byggingarfulltrúa 8. mars 2005, þar sem sótt er um leyfi til þess að byggja steinsteypt jarðhýsi ásamt steinsteyptum bílskúr fyrir tvo bíla að suðaustur- og norðausturhlið hússins á lóðinni nr. 73 við Laufásveg, samkv. uppdr. Vífils Magnússonar arkitekts, dags. 04.01.05.
Einnig er sótt um leyfi til þess að rífa eldri bílskúr á lóðinni.
Jafnframt er erindi 28900 dregið til baka.
Kennitölur bílskúrs sem rifinn verður: Matshluti 70, Landnúmer 102713, fastanúmer 200-9217. Stærð 24,0 ferm. og 40,0 rúmm.
Samþykki eigenda Laufásvegar 71, Laufásvegar 75 og Bergstaðastrætis 80 dags. í febrúar 2005 fylgja erindinu.
Bréf skrifstofu forseta Íslands dags. 2. apríl 2004 fylgir erindinu.
Útskrift úr gerðabók embættisafgreiðslufundar skipulagsfulltrúa frá 27. september 2002 (v. erindis 28900) og umsögn gatnamálastjóra dags. 17. september 2002 (v. erindis 28900) fylgja erindinu.
Stærð: Bílgeymsla 64,0 ferm. og 184,3 rúmm., jarðhýsi 153,9 ferm. og 433,3 rúmm.
Samtals stækkun 217,9 ferm. og 617,6 rúmm.
Gjald kr. 5.700 + 35.203
Samþykkt að grenndarkynna framlagða umsókn fyrir hagsmunaaðilum að Laufásvegi 70, 71, 72, 74, 75 og Bergstaðastræti 80.

17.05 Laugavegur 24, hótelh. 4. h og hækkuðu risi
Lagt fram bréf frá afgreiðslufundi byggingarfulltrúa 15. febrúar 2005, þar sem sótt er um leyfi til þess að innrétta 5 hóteleiningar á 4. hæð með innangengt að hóteli á lóð nr. 22A við laugaveg, hækka suðurhlið þakhæðar, byggja kvist á norðurhlið þakhæðar og innrétta þar þ.e. á 5. hæð 6 hótelrými í fjöleignarhúsinu á lóð nr. 24 við Laugaveg, samkv. uppdr. Nexus arkitekta, dags. 06.05.05.
Samþykki meðeigenda (á teikningu) og uppáskrift burðarvirkishönnuðar (á teikningu) fylgja erindinu.
Stærð: Stækkun þakhæðar (5. hæð) 36,9 ferm., 222,7 rúmm.
Gjald kr. 5.700 + 12.694
Samþykkt að grenndarkynna framlagða umsókn fyrir hagsmunaaðilum að Laugavegi 23, 25 og 27 ásamt Klapparstíg 35.

18.05 Reitur 1.154.3, Barónsreitur, breyting á deiliskipulagi
Að lokinni kynningu fyrir hagsmunaaðilum eru lagðir fram að nýju uppdrættir teiknistofunnar Úti og inni, dags. 26.08.04, að breytingu á deiliskipulagi á reit 1.154.3, Barónsreit. Þessir sendu inn athugasemdir: 8 eigendur allra íbúða Vitastígs 3, dags. 21.09.04, Sigríður Hrafnkelsdóttir hdl f.h. fasteignafélagsins Stoðir, dags. 27.09.04, Björgvin Þorsteinsson hrl f.h. Neskjörs ehf, dags. 27.09.04. Einnig lagðir fram vinnuuppdrættir, dags. 31.01.05.
Frestað. Kynna formanni Skipulagsráðs.

19.05 Reitur 1.182.1, Ölgerðarreitur, breyting á deiliskipulagi vegna Frakkastígs 16
Að lokinni grenndarkynningu er lögð fram að nýju tillaga Teiknistofunnar Arko, dags. í október 2004, mótt. 29. október 2004, að breytingu á deiliskipulagi Ölgerðarreits vegna Frakkastígs 16. Málið var í kynningu frá 3. nóvember til 1. desember 2004. Athugasemdabréf barst frá BTS Byggingum ehf og Esther Indriðadóttur f.h. eigenda Frakkastígs 14B, dags. 28.11.04. Lagt fram þinglýst samþykki eigenda að Njálsgötu 23, dags. 28. maí 2004 ásamt ódags. uppdráttum. Einnig lagt fram samþykki B.T.S. bygginga ehf, f.h. Njálsgötu 19, áritað á uppdr. dags. 19.02.05.
Vísað til skipulagsráðs.

20.05 Þingholtsstræti 5, br. veitingastaður 1.h.
Lagt fram bréf frá afgreiðslufundi byggingarfulltrúa 15. febrúar 2005, þar sem sótt er um leyfi til þess að breyta innra fyrirkomulagi veitingastaðar á fyrstu hæð hússins á lóðinni nr. 5 við Þingholtsstræti.
Opnunartími veitingahússins er á uppdráttum sagður vera til 24:00 virka daga en til 01:00 um helgar.
Úrskurður úrskurðarnefndar skipulags- og byggingarmála dags. 30. desember 2004 fylgir erindinu. Einnig lögð fram umsögn lögfræði og stjórnsýslu, dags. 24. febrúar 2005.
Gjald kr. 5.700
Vísað til skipulagsráðs.

21.05 Þverholt 15, námsmannaíbúðir
Lögð fram fyrirspurn Byggingafélags námsmanna og Þveráss ehf, dags. 13. janúar 2005, varðandi byggingu fjölbýlishúss á lóðinni nr. 15 við Þverholt. Einnig lagt fram bréf ARKÍS ehf, dags. 16. mars 2005 ásamt frumdrögum að íbúðum, dags. 14.03.05.
Fyrirspurninni er vísað til skoðunar og afgreiðslu við vinnslu deiliskipulags Sól/Víking-reits.

22.05 Dugguvogur 3, (fsp) breytingar á eignarhlut
Lagt fram bréf Heimis Óskarssonar, dags. 21. febrúar 2005, varðandi fyrirspurn um breytingar á eignarhlut 201 og 301 að Dugguvogi 3.
Frestað. Vísað til umsagnar hverfisarkitekts.

23.05 Ásvallagata 8, viðbygging, breytingar
Að lokinni grenndarkynningu byggingarleyfisumsóknar er lagt fram bréf frá afgreiðslufundi byggingarfulltrúa 8. febrúar 2005, þar sem sótt er um leyfi til þess að dýpka kjallara um 40cm, breyta innra fyrirkomulagi á öllum hæðum og byggja viðbyggingu að norðurhlið hússins á lóðinni nr. 8 við Ásvallagötu, samkv. uppdr. ARGOS ehf, dags. í janúar 2005. Jafnframt er sótt um leyfi til þess að byggja garðáhalda- og sorpskýli í norðausturhorni lóðar. Einnig lögð fram umsögn Árbæjarsafns, dags. 18.02.05. Málið var í kynningu frá 15. febrúar til 15. mars 2005. Eftirfarandi aðilar sendu inn athugasemdir: Maggi Jónsson, Álfalandi 1, eigandi 1. hæðar og þakrýmis að Ásvallagötu 6, dags. 15.02.05, Ólafur B. Lárusson f.h. Lárusar B. Björnssonar, eiganda Sólvallagötu 5a, dags. 03.03.05, Elías Gunnarsson og Ingunn Sæmundsdóttir, Sólvallagötu 5, dags. 14.03.05.
Umsögn Húsafriðunarnefndar dags. 10. febrúar 2005 og umsögn Árbæjarsafns dags. 18. febrúar 2005 fylgja erindinu.
Undirskrift burðarvirkishönnuðar fylgir erindinu (á teikn.).
Stærð: Stækkun viðbygging 23,8 ferm. og 127,1 rúmm.
Sorpskýli á lóð: 4,1 ferm. og 8,7 rúmm.
Gjald kr. 5.700 +7.741
Frestað. Vísað til umsagnar hverfisarkitekts og lögfræði og stjórnsýslu.

24.05 Bræðraborgarstígur 30 og Holtsgata 1, fsp.
Lögð fram fyrirspurn Kristins Ragnarssonar arkitekts, dags. 06.02.05 ásamt uppdr. dags. 10.03.05, varðandi nýbyggingu á lóðinni Bræðraborgarstígur 32/Holtsgata 1.
Frestað. Vísað til umsagnar hverfisarkitekts.

25.05 Hringbraut 119, breyting á notkun
Lagt fram bréf Guðna Pálssonar arkitekts, dags. 10.03.05, varðandi breytingu á rými í litla íbúð í húsinu nr. 119 við Hringbraut.
Frestað. Vísað til umsagnar byggingarfulltrúa.

26.05 Frostaskjól 9,
Lögð fram fyrirspurn og tillaga Arkþings ehf, dags. í mars 2005 að raðhúsum á lóðinni nr. 9 við Frostaskjól. Einnig lögð fram umsögn Árbæjarsafns, dags. 18. febrúar 2005 og umsögn hverfisarkitekts dags. 15. mars 2005.
Ekki er gerð athugasemd við erindið með vísan til umsagnar hverfisarkitekts. Byggingarleyfisumsókn verður grenndarkynnt þegar hún berst.

27.05 Grandagarður 8, Sjóminjasafn, viðbygging
Lögð fram fyrirspurn vegna samþykki fyrir núverandi hálfbyggðri viðbyggingu á norð-austur gafli, sem er hluti af Sjóminjasafni.
Ekki er gerð athugasemd við erindið. Byggingarleyfisumsókn verður grenndarkynnt þegar hún berst. Athygli er vakin á því að samþykki meðlóðarhafa þarf að liggja fyrir.

28.05 Kvisthagi 3, (fsp) breyting á þaki
Lögð fram fyrirspurn um breytingar á þaki hússins nr. 3 við Kvisthaga.
Frestað. Ekki er hægt að taka afstöðu til erindisins með vísan til framlagðra gagna. Fyrirspyrjandi þarf að láta vinna skýrari fyrirspurnaruppdrætti áður en hægt er að afgreiða erindið.

29.05 Reynimelur 63, tröppur af svölum
Lagt fram bréf frá afgreiðslufundi byggingarfulltrúa 8. mars 2005, þar sem sótt er um leyfi til þess að gera tröppur af svölum efri hæðar niður á þak bílgeymslu, koma fyrir girðingu á þaki bílgeymslu og setja tröppur af þaki bílgeymslu niður í garð hússins á lóðinni nr. 63 við Reynimel, samkv. uppdr. O.K. arkitekta, dags. 29.11.04, breytt 22.02.05.
Jafnframt eru matshlutar 01, 02 og 03 á lóðinni sameinaðir í einn matshluta.
Samþykki meðeigenda dags. 30. nóvember 2004 og samþykki eigenda Reynimels 65 dags. 17. janúar 2005 fylgir erindinu.
Gjald kr. 5.400
Samþykkt að grenndarkynna framlagða umsókn fyrir hagsmunaaðilum að Reynimel 61, 62, 64, 65 og 66 ásamt Reynimel 44, 46 og 48.

30.05 Reitur 1.132.0, Norðurstígsreitur, breyting á deiliskipulagi vegna Vesturgötu 24
Lögð fram fyrirspurn Þorgeirs Jónssonar, dags. 26.11.04, varðandi breytt deiliskipulag Norðurstígsreits vegna lóðar nr. 24 við Vesturgötu skv uppdr. sama, dags. 23.11.04. Einnig lögð fram umsögn, dags. 9. desember 2004. og umsögn hverfisarkitekts dags. 10. mars 2005
Ekki er gerð athugasemd við að fyrirspyrjandi láti vinna tillögu á eigin kostnað að breytingu á deiliskipulagi í samræmi við leiðbeiningar í umsögn hverfisarkitekts. Tillagan verður grenndarkynnt þegar hún berst.

31.05 Flókagata 62, sólstofa, reyndarteikning
Lagt fram bréf frá afgreiðslufundi byggingarfulltrúa 8. mars 2005, þar sem sótt er um samþykki fyrir áður gerðum breytingum á innra fyrirkomulagi íbúða í kjallara, leyfi til þess að byggja sólstofu á hluta svala og lagfæra svalahandrið efstu hæðar íbúðarhússins á lóð nr. 62 við Flókagötu.
Jafnframt er sótt um leyfi til þess að sameina matshluta 01 og matshluta 70 á lóðinni.
Útskrift úr gerðabók embættisafgreiðslufundar skipulagsfulltrúa (v. fyrirspurnar) frá 16. apríl 2004 fylgir erindinu. Umboð eins eiganda dags. 3. júní 2004 fylgir erindinu. Samþykki meðeigenda (á teikn.) fylgir erindinu.
Stærð: Stækkun sólhýsi x ferm. og x rúmm.
Gjald kr. 5.400 + xx
Samþykkt að grenndarkynna framlagða umsókn fyrir hagsmunaaðilum að Flókagötu 60 og 64 ásamt Úthlíð 9 og 11.