Aðalstræti 9, Austurstræti 20, Framnesvegur 30, Laugavegur 30, Laugavegur 35, Laugavegur 40A, Skólavörðustígur 42, Vitastígur 102529, Hólmasund 4-20, Kringlumýrarbraut, Njörvasund 2A, Skeiðarvogur 17, Bleikargróf 1 og Bleikargróf 5, Sogavegur 50, Hamraberg 26, Nauthólsvík, Fitjar, Klettháls,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

29. fundur 2003

Ár 2003, föstudaginn 8. ágúst kl. 10:00 var haldinn 29. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:


1.03 Aðalstræti 9, (fsp)sorpgeymsla
Lagt fram bréf frá afgreiðslufundi byggingarfulltrúa, dags. 30. júlí 2003, þar sem Hrafnkell Thorlacius, arkitekt, f.h. Aðaleignar ehf. spyr hvort leyft verði að staðsetja sorpgeymslu á lóð hússins nr. 9 við Aðalstræti í líkingu við það sem sýnt er á meðfylgjandi uppdráttum, dags. 07.01.03, síðast breytt 24.07.03.
Málinu fylgir bréf fyrirspyrjanda dags. 25. júlí 2003.
Frestað. Hönnuði bent á að hafa samband við embættið.

2.03 Austurstræti 20, skemmtistaður, breytingar
Að lokinni kynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 16. júlí 2003, þar sem sótt er um leyfi til þess að breyta innra fyrirkomulagi og innrétta skemmtistað í austurhluta hússins á lóðinni nr. 20 við Austurstræti, samkv. uppdr. Pálmars Kristmundssonar arkitekts, dags. 1. júlí 2003. Útliti og aðkomu að húsi Austurstrætismegin er einnig breytt. Málið var í kynningu frá 23. júlí til 6. ágúst 2003. Athugasemdabréf barst frá Jónínu Pálsdóttur, Árnýju Helgadóttur og Páli Wolfram, Lækjargötu 4, dags. 28.07.03.
Gjald kr. 5.100
Vísað til skipulags- og byggingarnefndar.

3.03 Framnesvegur 30, (fsp) bílast. á lóð
Lagt fram bréf frá afgreiðslufundi byggingarfulltrúa, dags. 30. júlí 2003, þar sem spurt er hvort leyft yrði að koma fyrir bílastæðum á baklóð hússins nr. 30 við Framnesveg.
Vísað til lögfræði- og stjórnsýslu.

4.03 Laugavegur 30, versl. í kj., veiting. á bakl.
Að lokinni kynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 16. júlí 2003, þar sem sótt er um leyfi til þess að auka salarhæð í kjallara, breyta kjallaratröppum í gangstétt, breyta landhæð baklóðar, setja inngang frá kjallara að baklóð, leyfi fyrir útiveitingum á baklóð og innrétta verslun í kjallara atvinnuhússins á lóð nr. 30 við Laugaveg, samkv. uppdr. Þormóðs Sveinssonar arkitekts, dags. 04.07.03.
Útskrift úr gerðabók embættisafgreiðslufundar skipulagsfulltrúa frá 4. júlí 2003 og bréf gatnamálastjóra dags. 14. apríl 2003 fylgja erindinu. Málið var í kynningu frá 24. júlí til 7. ágúst 2003. Athugasemdarbréf bárust frá eigendum Laugavegar 32b, dags. 6.08.03 og Aðalheiði Vignisdóttur, dags. 7.08.03.
Stærð: Rúmmálsaukning 38,3 ferm.
Gjald kr. 5.100 + 1.953
Ekki gerð athugasemd við erindið.

5.03 Laugavegur 35, breyting á deiliskipulagi
Að lokinni grenndarkynningu er lögð fram að nýju tillaga Reynis Sæmundssonar arkitekts, dags. 25.06.03, að breytingu á deiliskipulagi á lóðinni nr. 35 við Laugaveg. Málið var í kynningu frá 7. júlí til 5. ágúst 2003. Athugasemdarbréf bárust frá eigendum Laugavegs 37, dags. 5.08.03, Unnari Erni Jónassyni, Laugavegi 33, dags. 05.07.03, mótt. 08.08.03.
Kynnt. Hverfisstjóra falið að vinna umsögn.

6.03 Laugavegur 40A, endurinnrétting
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 4. júní 2003, þar sem sótt er um leyfi til þess að innrétta veitingastað á 1. hæð, tvær nýjar íbúðir á 2. hæð, tvær í stað einnar á 3. hæð og tvær nýjar íbúðir á þakhæð ásamt leyfi til þess að byggja kvisti á norðurþekju, stækka kvist á suðurþekju, setja svalir á suðurhlið og breyta stærð bakhúss á lóð nr. 40B við Laugaveg, samkv. uppdr. Þormóðs Sveinssonar arkitekts, dags. 25.05.03.
Bréf f.h. eigenda Laugavegar 40 dags. 25. apríl 2003 og þinglesið bréf varðandi umferðakvöð dags. 21. október 1929, bréf um samnot af vegg milli Laugavegar 40A og 40B dags. 30. ágúst 1950, bréf hönnuðar um endurbætur m.t.t. hljóðdeyfingar dags. 21. janúar 2003 og greinagerð vegna bílastæða dags. 21. janúar 2003 fylgja erindinu. Málið var í kynningu frá 12. júní til 11. júlí, framlengd til 18. júlí 2003. Athugasemdabréf bárust frá Jónasi Þ. Sigurðssyni f.h. Þráins ehf, dags. 01.06.03, Lögmannsstofu Magnúsar B. Brynjólfssonar hdl. f.h. Glóðar ehf, dags. 27.06.03, Brynjari Arnarsyni og Helenu Geok Ling Pang, Laugavegi 38b, dags. 10.07.03, Sigrúnu Pálsdóttur og Sveini Gíslasyni, Frakkastíg 12a, dags. 11.07.03, Þorsteini Pálssyni f.h. Leiguíbúða ehf, dags. 18.07.03.
Stærð: xxx
Gjald kr. 5.100 + xxx
Kynnt. Hverfisstjóra falið að vinna umsögn í samráði við lögfræði- og stjórnsýslu.

7.03 Skólavörðustígur 42, viðbygging
Lagt fram bréf frá afgreiðslufundi byggingarfulltrúa, dags. 30. júlí 2003, þar sem sótt er um leyfi til þess að breyta gluggum og útliti á norður- og suðurhlið og byggja viðbyggingu og flóttastiga að suðurhlið hússins á lóðinni nr. 42 við Skólavörðustíg, samkv. uppdr. Pálma Guðmundssonar arkitekts, dags. 07.07.03.
Jafnframt er sótt um samþykki fyrir núverandi fyrirkomulagi samþykktrar verslunar á fyrstu hæð og íbúðar á fjórðu hæð.
Teikningar gera grein fyrir gistiheimili á annarri og þriðju hæð hússins þar sem eldri samþykkt sýnir saumastofu og vinnustofur.
Stærð: Stækkun gistiheimilis 54,4 ferm., 190,4 rúmm.
Gjald kr. 5.100 + 9.710
Ekki fallist á fyrirhugaða viðbyggingu. Ekki gerðar athugasemdir að öðru leyti.

8.03 Vitastígur 102529, færanlegar kennslust.
Lagt fram bréf frá afgreiðslufundi byggingarfulltrúa, dags. 30. júlí 2003, þar sem sótt er um leyfi til þess að koma fyrir tveimur færanlegum kennslustofum á norðausturhluta (að Bergþórugötu) lóðar Austurbæjarskóla við Vitastíg.
Stærð: Færanlegar kennslustofur samtals 130,4 ferm., 392 rúmm.
Gjald kr. 5.100 + 19.992
Vísað til skipulags- og byggingarnefndar.

9.03 Hólmasund 4-20, fsp. 18 bílskúrar
Lagt fram bréf frá afgreiðslufundi byggingarfulltrúa, dags. 30. júlí 2003, þar sem spurt er hvort leyft yrði að byggja átján bílskúra norðan og austan vegar í líkingu við fyrirliggjandi mynd á lóð nr. 4-20 við Hólmasund. Einnig lögð fram umsögn skipulagsfulltrúa, dags. 7. ágúst 2003.
Neikvætt með vísan til umsagnar skipulagsfulltrúa.

10.03 Kringlumýrarbraut, Laugavegur, auglýsingaskilti
Lagt fram bréf formanns Knattspyrnufélagsins Fram, dags. 19.06.03, varðandi uppsetningu auglýsingaskiltis við gatnamót Kringlumýrarbrautar og Laugavegar.
Vísað til umsagnar verkfræðistofu.

11.03 Njörvasund 2A, dreifistöð
Að lokinni grenndarkynningu byggingarleyfisumsóknar er lagt fram að nýju bréf frá afgreiðslufundi byggingarfulltrúa, dags. 11.09.02, þar sem sótt er um leyfi til þess að byggja dreifistöð Orkuveitu Reykjavíkur á lóðinni nr 2A við Njörvasund, samkv. uppdr. Ferdinands Alfreðssonar, dags. í sept. 2000. Málið var í kynningu frá 17. sept. til 16. október 2002. Athugasemdabréf barst frá Tuma Tómassyni, Njörvasundi 2, dags. 01.10.02. Einnig lögð fram umsögn skipulagsfulltrúa dags. 6.06.03. Málið var að nýju í kynningu frá 25. júní til 23. júlí 2003. Athugasemdabréf barst frá Hafdísi Hafliðadóttur, Hólmasundi 20, dags. 23. júlí 2003.
Stærð: Dreifistöð 15,3 ferm. og 41,4 rúmm.
Gjald kr. 4.800 + 1.987
Vísað til skipulags- og byggingarnefndar.

13.03 Skeiðarvogur 17, nr. 17 reyndarteikn.
Lagt fram að lokinni hagsmunaaðilakynningu bréf frá afgreiðslufundi byggingarfulltrúa 24.06.03 ásamt uppdr. Davíðs Karlssonar byggfr., dags. 22.04.03. Sótt er um leyfi fyrir áður gerðum breytingum í kjallara raðhúss nr. 17 á lóðinni nr. 13-23 við Skeiðarvog, þar sem gert er ráð fyrir sjálfstæðri íbúð. Samþykki meðlóðarhafa dags. 12. maí 2003 og íbúðarskoðun byggingarfulltrúa dags. 5. maí 2003 fylgja erindinu. Einnig lögð fram umsögn skipulagsfulltrúa, dags. 26. júní 2003.
Stækkun 1,5 ferm. og 4,0 rúmm.
Gjald kr. 5.100 + 204
Vísað til skipulags- og byggingarnefndar.

14.03 Bleikargróf 1 og Bleikargróf 5, breyting og stækkun lóða
Lagt fram bréf eigenda Bleikargrófar 1 og Bleikargrófar 5, dags. 2. júní 2003, mótt. 3. júlí 2003, varðandi breytingu og stækkun lóða, samkv. meðfylgjandi mæliblaði.
Frestað.

15.03 Sogavegur 50, anddyri, fsp.
Lagt fram bréf Ruthar Elfarsdóttur, mótt. 6.08.03, varðandi stækkun anddyris á húsi nr. 50 við Sogaveg.
Neikvætt. Samræmist ekki skipulagi.

16.03 Hamraberg 26, fsp. sólskáli og svalir
Lagt fram bréf frá afgreiðslufundi byggingarfulltrúa, dags. 23. júlí 2003, þar sem spurt er hvort leyft yrði að gera svalir á austur- og vesturhliðar hússins nr. 26 við Hamraberg á lóðinni nr. 24-26 við Hamraberg. Jafnframt er spurt hvort leyft yrði að gera sólstofu undir vestursvölunum, samkv. uppdr. Teiknistofunnar Kvarða, dags. 11.07.03.
Jákvætt. Grenndarkynna þarf byggingarleyfisumsókn berist hún. Samþykki meðlóðarhafa þarf að fylgja með og gæta þarf að samræmi útlits 24 og 26.

17.03 Nauthólsvík, breyting á deiliskipulagi
Að lokinni auglýsingu er lögð fram að nýju tillaga Landslags að breytingu á deiliskipulagi, dags. 21.05.03, ásamt skýringaruppdrætti. Málið var í auglýsingu frá 13. júní til 25. júlí 2003. Engar athugasemdir bárust.
Vísað til skipulags- og byggingarnefndar.

18.03 Fitjar, íbúða- og herbergjaleiga ofl.
Lagt fram bréf frá afgreiðslufundi byggingarfulltrúa, dags. 30. júlí 2003, þar sem sótt er um leyfi til að breyta innra fyrirkomulagi og útliti hússins að Fitjum á Kjalarnesi. Í austurhluta kjallara, þar sem áður var lagnarými, verði komið fyrir sex gistiherbergjum og fylgirýmum við þau, á austurhluta fyrstu hæðar verði tvær íbúðir í stað einnar, í kjallara vesturhluta verði komið fyrir íbúð, en íbúðir á fyrstu hæð vesturhluta verði að mestu óbreyttar. Jafnframt verði komið fyrir gluggum, tröppum o.fl. í samræmi við uppdrætti, jarðvegur lagaður til kringum hús og komið fyrir 15 bílastæðum austan við húsið, samkv. uppdr. Einars Ingimarssonar arkitekts, dags. 7. júlí 2003.
Stækkun: xx
Gjald kr. 5.100 + xx
Ekki gerðar athugasemdir af skipulagslegum ástæðum.

19.03 Klettháls, deiliskipulag
Að lokinni auglýsingu er lögð fram að nýju tillaga Einars V. Tryggvasonar ark. mótt. 3.06.03 að breytingu á deiliskipulagi við Klettháls. Málið var í auglýsingu frá 20. júní til 1. ágúst 2003. Engar athugasemdir bárust.
Vísað til skipulags- og byggingarnefndar.