Laugavegur 34A, Laugavegur 36, Álftamýri 1-5, Byggðarendi 9, Skeifan 13, Vesturbrún 22, Álagrandi, Skildinganes 4, Stigahlíð 2-4, Aðalstræti 4, Ingólfsstræti 21, Biskupsgata 11-39, Logafold 62, Stangarhylur 7, Vesturberg bílastæði , Víkurvegur, Þingás 12, Þórðarsveigur 11-21, Dugguvogur 6, Fossaleynir 19-21, Melavellir 125655, Lyngháls 2, Engjavegur 8,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

9. fundur 2003
Ár 2003, föstudaginn 14. mars kl. 14:30 var haldinn 9. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir og Bjarnfríður Vilhjálmsdóttir. Eftirtaldir embættismenn gerðu grein fyrir einstökum erindum: Þórarinn Þórarinsson, Margrét Þormar, Jóhannes S. Kjarval, Nikulás Úlfar Másson, Ólöf Örvarsdóttir og Ágústa Sveinbjörnsdóttir. Fundarritari var Ívar Pálsson.
Þetta gerðist:

1.03 Laugavegur 34A, (fsp) smáíbúðir
Lagt fram bréf frá afgreiðslufundi byggingarfulltrúa, dags. 13. mars 2003, þar sem spurt er hvort leyft yrði að byggja "smáíbúðir" á lóðunum nr. 34A við Laugaveg og 36 við Grettisgötu í líkingu við það sem fram kemur á meðfylgjandi frumdrögum Haralds V. Haraldssonar merkt 04.03.03. Einnig lögð fram umsögn skipulagsfulltrúa, dags. 14. mars 2003.
Neikvætt með vísan til umsagnar skipulagsfulltrúa.
2.03 Laugavegur 36, (fsp) atvinnuhúsn.
Lagt fram bréf frá afgreiðslufundi byggingarfulltrúa, dags. 13. mars 2003, þar sem spurt er hvort leyft yrði að byggja atvinnuhúsnæði (verslanir) á lóðinni nr. 36 við Laugaveg í líkingu við meðfylgjandi frumdrög Haralds V. Haraldssonar merkt L01.01 og L02.01.1. Einnig lögð fram umsögn skipulagsfulltrúa, dags. 14. mars 2003.
Jákvætt með vísan til umsagnar skipulagsfulltrúa.
3.03 Álftamýri 1-5, stækkun húss 1 áfangi
Að lokinni grenndarkynningu byggingarleyfisumsóknar er sótt um leyfi til þess að breyta innra fyrirkomulagi í kjallara og á fyrstu hæð og byggja anddyri að norðurhlið fyrstu hæðar hússins á lóðinni nr. 1-5 við Álftamýri.
Jafnframt er sótt um breytingu á fyrirkomulagi bílastæða á lóðinni. Bréf skipulagsfulltrúa dags. 5. maí 2002 fylgir erindinu. Samþykki meðeigenda (á teikn.) fylgir erindinu. Málið var í kynningu frá 5. febrúar til 6. mars 2003. Athugasemdabréf barst frá forsvarsmönnum eignanna Álftamýri 1-5 og Álftamýri 7-9, dags. 24.02.03.
Stærð: Stækkun, viðbygging 60,8 ferm. og 188,5 rúmm.
Gjald kr. 4.800 + 9.048
Kynnt. Vísað til skipulags- og byggingarnefndar.
4.03 Byggðarendi 9, niðurrif - endurbyggja laufskála o.fl.
Lagt fram bréf frá afgreiðslufundi byggingarfulltrúa, dags. 26. febrúar 2003, þar sem sótt er um leyfi til að rífa núverandi "blómaskála" við húsið nr. 9 við Byggðarenda. Jafnframt er sótt um leyfi til að byggja í hans stað fjölskylduherbergi í tengslum við borðstofu, byggja yfir sund milli fjölskylduherbergis og bílgeymslu og setja uppstólað valmaþak á húsið, samkv. uppdr. Finns Björgvinssonar arkitekts, dags. 18.02.03.
Niðurrirf: xx ferm.
Stækkun: xx ferm.
Stærð samtals: xx ferm
Gjald kr. 5.100 + xx
Frestað.
5.03 Skeifan 13, klæðning, stækkun ofl.
Lagt fram bréf frá afgreiðslufundi byggingarfulltrúa, dags. 5. mars 2003, þar sem sótt er um leyfi til þess að sameina matshluta, breyta innra fyrirkomulagi, breyta millipöllum, byggja 240 cm háan vegg utan um sýningarsvæði á austurhlið, breyta og stækka aðalinngang og klæða utan með ljóslitaðri álkllæðningu húsið nr. 13 við Skeifuna á lóðinni nr. 8-14 við Faxafen og 11-19 við Skeifuna, samkv. uppdr. ARKÍS ehf, dags. 24.01.03.
Jafnframt er fyrirkomulagi á lóð breytt og bílastæðum fækkað um 21.
Bréf hönnuða dags. 24. janúar og 24. febrúar 2003 fylgir erindinu. Samþykki f.h. Iðngarða dags. 19. febrúar 2003 fylgir erindinu.
Stærð: Stækkun xx
Gjald kr. 5.100 + xx
Samræmist ekki skipulagi. Jákvætt gagnvart erindinu. Umsækjandi láti vinna á eigin kostnað, í samráði við embættið, tillögu að breytingu á deiliskipulagi svæðisins.
6.03 Vesturbrún 22, Ofanábygging á hluta
Lagt fram bréf frá afgreiðslufundi byggingarfulltrúa, dags. 26. febrúar 2003, þar sem spurt er hvort leyft yrði að byggja ofaná húshluta fjær götu og breyta þakefni, gluggum og lóðarfrágangi einbýlishússins á lóð nr. 22 við Vesturbrún í líkingu við fyrirliggjandi uppdrætti Andrúm arkitekta. Einnig lagt fram skuggavarp, mótt. 10.03.03.
Jákvætt. Grenndarkynna þarf byggingarleyfisumsóknina þegar hún berst.
7.03 Álagrandi, breyting á deiliskipulagi
Lögð fram tillaga skipulagsfulltrúa, dags. 13. mars 2003, að breytingu á deiliskipulagi við Álagranda.
Samþykkt að grenndarkynna tillöguna fyrir hagsmunaaðilum að Grandavegi 35, 37, 39, 39b, Álagranda 2, Bárugranda 1-7 og Aflagranda 6-18.
8.03 Skildinganes 4, breyting á deiliskipulagi
Lögð fram tillaga Málfríðar Kristjánsdóttur arkitekts, dags. 4. mars 2003, að breytingu á deiliskipulagi á lóðinni nr. 4 við Skildinganes.
Samþykkt að grenndarkynna tillöguna fyrir hagsmunaaðilum að Bauganesi 4, 6, 8, Skildinganesi 1, 3, 5, 6, 8 og Einarsnesi 30, 32 og 34.
9.03 Stigahlíð 2-4, reyndarteikn.+lóð
Lagt fram bréf frá afgreiðslufundi byggingarfulltrúa, dags. 11.12.02, þar sem sótt er um samþykki fyrir núverandi innra skipulagi kjallara og leyfi fyrir bílastæðum og skipulagi lóðar við fjölbýlishúsin á lóð nr. 2-4 við Stigahlíð.
Samþykki meðeigenda ódags. og dags. í febrúar 2003 fylgja erindinu.
Gjald kr. 4.800
Ekki gerð athugasemd við erindið.
10.03 Aðalstræti 4, breyting á deiliskipulagi
Lögð fram tillaga Guðna Pálssonar arkitekts, dags. 13.03.03, að breytingu á deiliskipulagi á lóðinni nr. 4 við Aðalstræti. Einnig lagt fram bréf Guðna Pálssonar, dags. 23.01.03.
Vísað til skipulags- og byggingarnefndar.
11.03 Ingólfsstræti 21, (fsp) br. bílsk. í íbúð
Lagt fram bréf frá afgreiðslufundi byggingarfulltrúa, dags. 13. mars 2003, þar sem spurt er hvort leyft yrði að breyta bílgeymslu á lóðinni nr. 21 við Ingólfsstræti í íbúð að mestu í samræmi við meðfylgjandi frumdrög.
Jákvætt að uppfylltum skilyrðum.
12.03 Biskupsgata 11-39, raðhús breytt í fjölbýli
3 raðhús breytt í fjölbýli, íb. 100-120 m2, 10 íb. í húsi, 2. h.
Neikvætt, samræmist ekki skipulagi. Ekki æskilegt að draga úr hlut sérbýlis á svæðinu.
13.03 Logafold 62, fjölgun íbúða
Lagt fram bréf byggingarfulltrúa, dags. 10. mars 2003, varðandi fjölgun íbúða í húsinu að Logafold 62.
Neikvætt, samræmist ekki skipulagi. Ekki leyfðar fleiri en 2 íbúðir í einbýlishúsum á svæðinu.
14.03 Stangarhylur 7, (fsp) Gistiheimili
Lagt fram að nýju bréf frá afgreiðslufundi byggingarfulltrúa, dags. 19. febrúar 2003, þar sem spurt er hvort leyft yrði að innrétta gistiheimili í atvinnuhúsinu á lóð nr. 7 við Stangarhyl. Bréf fyrirspyrjanda dags. 14. febrúar 2003 fylgir erindinu.
Neikvætt. Samræmist ekki aðalskipulagi sbr. skilgreiningu miðsvæðis M6, en þar er að jafnaði ekki gert ráð fyrir hótelum.
15.03 Vesturberg bílastæði , 89-111 þak á bílskúra
Lagt fram bréf frá afgreiðslufundi byggingarfulltrúa, dags. 5. mars 2003, þar sem sótt er um leyfi til að endurnýja og breyta þaki bílskúra á þar til gerðri lóð (landnr. 112042) fyrir húsin nr. 89-111 við Vesturberg, samkv. uppdr. Lúðvíks Leóssonar BFÍ, dags. 08.08.77, síðast breytt 11.11.02.
Stækkun: xx rúmm.
Gjald kr. 5.100 + xx
Samþykkt að grenndarkynna umsóknina fyrir hagsmunaaðilum að Vesturbergi 79-87.
16.03 Víkurvegur, hljóðmön
Lagt fram íbúa við Starengi 120, dags. 5. mars 2003, varðandi framlengingu á hljóðmön við Víkurveg.
Framsent til umhverfis- og tæknisviðs, verkfræðistofu.
17.03 Þingás 12, stækkun lóðar
Lagt fram bréf Sigurhönnu Sigfúsdóttur og Daníels Árnasonar, dags. 10. mars 2003, varðandi stækkun lóðarinnar nr. 12 við Þingás.
Jákvætt. Umsækjandi láti vinna á eigin kostnað, tillögu að breytingu á deiliskipulagi.
18.03 Þórðarsveigur 11-21, breyting á deiliskipulagi
Lagt fram bréf Vektors, dags. 06.03.03, ásamt tillögu að breytingu á deiliskipulagi, dags. 06.03.03, á lóðinni nr. 11-21 við Þórðarsveig. Lögð fram umsögn skipulagshöfunda.
Vísað til umsagnar verkfræðistofu varðandi hljóðvist og útkeyrslu.
19.03 Dugguvogur 6, veitinga- og skemmtist.
Lagt fram bréf frá afgreiðslufundi byggingarfulltrúa, dags. 19. febrúar 2003, þar sem sótt er um leyfi til þess að breyta "lasertagsal" í veitinga- og danssal og breyta innra skipulagi 1. og 2. hæðar matshluta 01 á lóð nr. 6 við Dugguvog, samkv. uppdr. Teiknistofunnar ARKO, dags. 06.02.03.
Gjald kr. 5.100
Samþykkt að grenndarkynna umsóknina fyrir hagsmunaaðilum að Dugguvogi 1B, 3, 4 , 6, 7, 8, 9, 11 og Tranavogi 5.
20.03 Fossaleynir 19-21, og Fossaleynir 23, sameining lóða
Lagt fram bréf lóðarhafa Fossaleynis 23 og Fossaleynis 19-21, dags. 19. febrúar 2003, varðandi sameiningu lóðanna.
Vísað til skipulags- og byggingarnefndar.
21.03 Melavellir 125655, skipta bújörð
Lagt fram bréf frá afgreiðslufundi byggingarfulltrúa, dags. 26. febrúar 2003, þar sem sótt er um leyfi til að skipta bújörðinni Melavellir á Kjalarnesi (landnr. 125655) í tvo sjálfstæða parta. Stærri hlutinn (148.354 ferm.) verði eftir skiptingu notaður fyrir landbúnað en minni hluti jarðarinnar (15.000 ferm.) fyrir núverandi íbúðarhús, samkv. uppdr. Trausta Leóssonar byggingarfræðings, dags. 18.02.03. Jafnframt er sótt um að stærri hlutinn verði nefndur Melavellir en sá minni Melavellir 2. Erindinu fylgir bréf Erlings Sigurgeirssonar dags. 14. feb. 2003. Einnig lögð fram bréf Ólafs Jóns Guðjónssonar og Erlings Sigurgeirssonar, dags. 04.03.03, Erlings Sigurgeirssonar, dags. 13.03.03 og Ólafs Jóns Guðjónssonar, dags. 13.03.03.
Gjald kr. 5.100
Frestað. Vísað til umhverfisstjóra.
22.03 Lyngháls 2, innakstur á lóð frá Hálsabr.
Lagt fram bréf frá afgreiðslufundi byggingarfulltrúa, dags. 19. febrúar 2003, þar sem sótt er um leyfi fyrir breyttu fyrirkomulagi á lóðinni nr. 2 við Lyngháls, samkv. uppdr. Arkþings, dags. 11.02.03. Jafnframt er óskað eftir leyfi fyrir nýrri aðkomu að lóðinni frá Hálsabraut. Einnig lagt fram minnisblað Verkfræðistofu, dags. 12.02.02. Lögð fram tillaga Arkþings og Landslags ehf, dags. 03.03.03, að nýrri staðsetningu innkeyrslu.
Jákvætt með vísan til afgreiðslu málsins á fundi 28. febrúar sl.
23.03 Engjavegur 8, (fsp) íþrótta- og sýningarhöll
Lögð fram tillaga Teiknistofunnar ehf, Brautarholti 6, dags. 16.12.02, að nýrri íþrótta- og sýningarhöll við austurhlið Laugardalshallarinna á lóðinni nr. 8 við Engjaveg. Einnig lagðar fram teikningar dags. 06.01.03.
Kynnt.