Reitur 1.174.3, Barónsstígur 13, Aðalstræti 4, Grettisgata 35B, Grjótaþorp, Lindargata 13, Bólstaðarhlíð 15, Mjóahlíð 10, Njarðargata - bílastæði, Skúlagata 51, Þorragata, Efstasund 71, Langholtsvegur 16, Langholtsvegur 115, Norðurbrún 20-22, Hólaberg/Hraunberg, Lóuhólar 2-6, Þjóðhildarstígur 2-6,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

4. fundur 2003

Ár 2003, föstudaginn 7. febrúar kl. 10:00 var haldinn 4. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru:
Þetta gerðist:


1.03 Reitur 1.174.3, Barónsstígur, Laugavegur, Snorrabraut og Grettisgata, bílakjallari
Lögð fram tillaga arkitekta Gunnars og Reynis, dags. 06.02.03, að breytingu á deiliskipulagi Stjörnubíósreits vegna bílakjallara.
Vísað til skipulags- og byggingarnefndar.

2.03 Barónsstígur 13, (fsp) viðbygging
Lagt fram bréf frá afgreiðslufundi byggingarfulltrúa, dags. 5. febrúar 2003, þar sem spurt er hvort hvort leyft yrði að byggja einnar hæðar viðbyggingu fyrir matsal á baklóð hússins á lóð nr. 13 við Barónsstíg, samkv. uppdr. Arkitektastofunnar Austurvöllur, dags. 28.01.03. Einnig lögð fram umsögn skipulagsfulltrúa, dags. 7. febrúar 2003.
Jákvætt með vísan til umsagnar skipulagsfulltrúa.

3.03 Aðalstræti 4, kjallari
Lagt fram bréf Guðna Pálssonar arkitekts, dags. 23.01.03, varðandi nýtingu kjallara undir húsinu Aðalstræti 4.
Jákvætt gagnvart því að umsækjandi láti vinna, á eigin kostnað, tillögu að breytingu á deiliskipulagi í samræmi við umsókn.

4.03 Grettisgata 35B, viðbygging
Að lokinni grenndarkynningu er lagt fram að nýju bréf frá afgreiðslufundi byggingarfulltrúa, dags. 18.12.02, þar sem sótt er um leyfi til þess að byggja út timbri og bárujárni við austurgafl hússins á lóðinni nr. 35B við Grettisgötu, samkv. uppdr. Arkitekta Ólöf & Jon ehf, dags. 12.11.02, breytt 22.11.02. Umsögn Húsafriðunarnefndar dags. 14. nóvember 2002 og umsögn Árbæjarsafns dags. 6. desember 2002 fylgja erindinu. Samþykki nágranna Laugavegi 52 (á teikn.) fylgir erindinu. Málið var í kynningu frá 30. des. 2002 til 27. janúar 2003. Athugasemd bárust frá: Huld Hilmarsdóttur Göethe, dags. 9. janúar 2003 og Hlín Gunnarsdóttur og Sigurgeir Þorbjörnssyni, dags. 3. febrúar 2003.
Stærð: Stækkun viðbygging 11,8 ferm. og 37 rúmm.
Gjald kr. 4.800 + 1.776
Frestað. Vísað til umsagnar forstöðumanns lögfræði og stjórnsýslu.

5.03 Grjótaþorp, breyting á deiliskipulagi, Aðalstræti 16
Lögð fram drög Teiknistofunnar Skólavörðustíg 28 sf, dags. 3. febrúar 2003, að breytingu á deiliskipulagi í Grjótaþorpi,
Vísað til skipulags- og byggingarnefndar. Hönnuður hafi samband við embættið.

6.03 Lindargata 13, flutningshús
Lagt fram bréf Sveins Sigurðar Kjartanssonar, dags. 6. febrúar 2003, varðandi umsókn um lóð fyrir húsið að Lindagötu 13.
Frestað. Hverfisstjóra falið að skoða og vinna umsögn um málið.

7.03 Bólstaðarhlíð 15, (fsp) bílskúr
Lagt fram bréf frá afgreiðslufundi byggingarfulltrúa, dags. 30. janúar 2003, þar sem spurt er hvort leyft yrði að byggja bílskúr norðan hússins á lóðinni nr. 15 við Bólstaðarhlíð. Einnig lögð fram umsögn skipulagsfulltrúa, dags. 7. febrúar 2003.
Jákvætt með vísan til umsagnar skipulagsfulltrúa.

8.03 Mjóahlíð 10, (fsp) bílskúr
Lagt fram bréf frá afgreiðslufundi byggingarfulltrúa, dags. 5. febrúar 2003, þar sem spurt er hvort leyft yrði að byggja bílskúr á lóðinni nr. 10 við Mjóuhlíð.
Skiptasamningur dags. 14. desember 1959 fylgir erindinu. Einnig lögð fram umsögn skipulagsfulltrúa, dags. 7. febrúar 2003.
Jákvætt með vísan til umsagnar skipulagsfulltrúa.

9.03 Njarðargata - bílastæði, (fsp) afgirt bílastæði
Lagt fram bréf frá afgreiðslufundi byggingarfulltrúa frá 12.11.02. Spurt er hvort leyft yrði að útbúa og reka afgirt vaktsvæði fyrir bíla syðst við Njarðargötu.
Hið afgirta bílastæði yrði sjö þúsund (200 x 35) fermetrar að stærð Bréf umsækjanda dags. 4. nóvember 2002 fylgir erindinu. Einnig lagt fram bréf Flugmálastjórnar, dags. 03.01.03.
Jákvætt með vísan til umsagnar flugmálastjóra enda fáist samþykki eiganda lands. Sækja þarf um byggingaleyfi fyrir framkvæmdunum verði ákveðið að ráðast í þær.

10.03 Skúlagata 51, deiliskipulag
Lagt fram bréf Þormóðs Sveinssonar arkitekts, dags. 31.01.03, varðandi deiliskipulag á lóðinni nr. 51 við Skúlagötu.
Frestað. Vísað til umsagnar hverfisstjóra.

11.03 Þorragata, lóðarspilda
Lagt fram bréf Tómthúsa ehf, dags. 01.10.02. Einnig lagt fram bréf Gauts Gunnarssonar dags. 3.10.02 ásamt uppdr. Rýma arkitekta dags. 26.09.02, varðandi tillögu að fjölbýli á lóðarspildu við Þorragötu. Einnig lögð fram umsögn skipulagsfulltrúa, dags. 7. febrúar 2003.
Neikvætt með vísan til umsagnar.

12.03 Efstasund 71, (fsp) bílskúr
Lagt fram bréf frá afgreiðslufundi byggingarfulltrúa, dags. 30.01.03, þar sem spurt er hvort leyft yrði að byggja bílskúr sunnan hússins á lóðinni nr. 71 við Efstasund. Einnig lögð fram umsögn skipulagsfulltrúa, dags. 4. febrúar 2003.
Neikvætt með vísan til umsagnar.

13.03 Langholtsvegur 16, íbúð í risi og svalir
Lagt fram bréf frá afgreiðslufundi byggingarfulltrúa, dags. 30.01.03, þar sem sótt er um leyfi til þess að byggja svalir á norðausturhlið og útbúa íbúð á efri hæð hússins á lóðinni nr. 16 við Langholtsveg, samkv. uppdr. Ágústs Þórðarsonar byggingarfræðings, dags. 18.01.03.
Jafnframt er sótt um leyfi til þess að bæta við einu bílastæði á lóðinni.
Virðingargjörð dags. 10. ágúst 1946 fylgir erindinu. Skoðunarskýrsla byggingarfulltrúa dags. 4. október 2002
Gjald kr. 4.800
Samþykkt að grenndarkynna umsóknina fyrir hagsmunaaðilum að Langholtsvegi 10, 12, 14 og 18 og Hjallavegi 5, 7 og 9.

14.03 Langholtsvegur 115, svalir - handrið
Lagt fram bréf frá afgreiðslufundi byggingarfulltrúa, dags. 5. febrúar 2003, þar sem sótt er um leyfi til þess að útbúa svalir yfir skyggni á suðurhlið fyrstu hæðar hússins nr. 115 við Langholtsveg, samkv. uppdr. Arkþings ehf, dags. 20.01.03.
Gjald kr. 4.800
Jákvætt. Umsækjandi þarf að láta vinna, á eigin kostnað, tillögu að breytingu á deiliskipulagi sem grenndarkynna þarf fyrir hagsmunaaðilum.

15.03 Norðurbrún 20-22, viðbygging
Lagt fram bréf frá afgreiðslufundi byggingarfulltrúa, dags. 30.01.03, þar sem sótt er um leyfi til þess að byggja viðbyggingu úr timbri og gleri að suðurhlið hússins nr. 20 á lóðinni nr. 20-22 við Norðurbrún, samkv. uppdr. Tangram arkitekta ehf, dags. 20.01.03. Samþykki meðlóðarhafa (ódags.) fylgir erindinu. Einnig lögð fram umsögn skipulagsfulltrúa, dags. 5. febrúar 2003.
Stærð: xx
Gjald kr. 5.100 + xx
Samþykkt að grenndarkynna umsóknina fyrir hagsmunaaðilum að Norðurbrún 18 og 22.

16.03 Hólaberg/Hraunberg, breyting á deiliskipulagi
Lögð fram tillaga Þorsteins Geirharðssonar arkitekts, dags. 31.01.01, að breytingu á deiliskipulagi á lóðunum nr. 5-23 við Hraunberg og 74-82 við Hólaberg. Einnig lagt fram bréf Ásmundar Jóhannssonar, dags. 12.04.99, varðandi byggingu garðhúss og kvists á húsið á lóðinni Hólaberg 80, samkv. uppdr. sama, mótt. 25.05.99, ásamt samþykki nágranna.
Samþykkt að umsækjandi láti vinna, á eigin kostnað, tillögu að breytingu á deiliskipulagi. Grenndarkynna þarf tillöguna .

17.03 Lóuhólar 2-6, breyting á deiliskipulagi
Lögð fram tillaga ALARK arkiekta, dags. 30.01.03, að breytingu á deiliskipulagi á lóðinni nr. 2-6 við Lóuhóla og bílastæðalóð.
Vísað til skipulags- og byggingarnefndar.

18.03 Þjóðhildarstígur 2-6, verslun
Lagt fram bréf Gullhamra ehf. og Léttkaupa ehf. dags. 24.01.03 um leyfi fyrir sérverslun á vesturenda húss nr. 2-6 við Þjóðhildarstíg.
Vísað til skipulags- og byggingarnefndar.