Austurstr. 16-Póst. 7, Laugavegur 2, Lækjargata 6B, Smiðjustígur 4A, Holtavegur 23, Langholtsvegur 14, Langholtsvegur 89, Langholtsvegur 188, Laugarnesvegur 112-114, Barónsstígur 18, Lindargata 13, Bauganes 17, Borgartún 26, Frostaskjól 2-6, Neshagi 16, Reitur 1.703/5, Skógarhlíð, Skógarhlíð 14, Vesturgata 21, Árbæjarsundlaug, Grundarhús/Vallarhús, Nauthólsvík/veitingaskáli, Hverfisgata 64A,

Embættisafgreiðslufundur skipulagsfulltrúa Reykjavíkur samkvæmt samþykkt nr. 627/2000.

1. fundur 2003
Ár 2003, föstudaginn 17. janúar kl. 10:30 var haldinn 2. embættisafgreiðslufundur skipulagsfulltrúa Reykjavíkur. Fundurinn var haldinn að Borgartúni 3. 3. hæð. Viðstaddir voru: Helga Bragadóttir og Bjarnfríður Vilhjálmsdóttir. Eftirtaldir embættismenn gerðu grein fyrir einstökum málum: Jóhannes Kjarval, Úlfar Másson, Ágústa Sveinbjörnsdóttir, Ólöf Örvarsdóttir og Margrét Þormar. Fundarritari var Ívar Pálsson.
Þetta gerðist:

1.03 Austurstr. 16-Póst. 7, (fsp) samþykkt íbúð ofl.
Lagt fram bréf frá afgreiðslufundi byggingarfulltrúa, dags. 9. janúar 2003, þar sem spurt er hvort leyft yrði að breyta þaki á austur- og suðurhlið, koma fyrir þakgluggum á vesturhlið og innrétta íbúð á sjöttu hæð hússins á lóðinni Asturstræti 16 - Pósthússtræti 7, samkv. uppdr. Þormóðs Sveinssonar arkitekts, dags. 18.12.02. Einnig lögð fram umsögn skipulagsfulltrúa, dags. 10. janúar 2003.
Jákvætt með vísan til umsagnar skipulagsfulltrúa.
2.03 Laugavegur 2, Veitingastaður/kaffihús/bar
Lagt fram bréf byggingarfulltrúa, dags. 7. janúar 2003. Spurt er hvort leyft verði að innrétta veitingahús, kaffihús, og bar á annarri hæð hússins á lóðinni nr. 2 við Laugaveg. Bréf fyrirspyrjanda dags. 30. desember 2002 fylgir erindinu. Einnig lögð fram umsögn skipulagsfulltrúa, dags. 10. janúar 2003.
Neikvætt með vísan til umsagnar skipulagsfulltrúa.
3.03 Lækjargata 6B, Niðurr., viðb. o.fl.
Lagt fram bréf frá afgreiðslufundi byggingarfulltrúa, dags. 9. janúar 2003, þar sem sótt er um leyfi til þess að rífa hluta af bakbyggingu og byggja viðbyggingu við kjallara sem stækkun á veitingarsal með inngang frá bakgötu, samþykki fyrir íbúð á 2. hæð og íbúðarherbergi á 3. hæð hússins á lóð nr. 6B við Lækjargötu, samkv. uppdr. Stefáns Ingólfssonar arkitekts, dags. 16.04.96, br. 05.12.02.
Bréf hönnuðar ódags. fylgir erindinu.
Gjald kr. 4.800
Frestað. Hverfisstjóra falið að vinna umsögn.
4.03 Smiðjustígur 4A, Kaffihús/bar
Lagt fram bréf frá afgreiðslufundi byggingarfulltrúa, dags. 7. janúar 2002. Sindri Gunnarsson, Hverfisgötu 26, spyr hvort leyft verði að innrétta kaffihús/bar á jarðhæð hússins á lóðinni nr. 4A við Smiðjustíg. Bréf fyrirspyrjanda dags. 30. desember 2002 fylgir erindinu. Einnig lögð fram umsögn skipulagsfulltrúa, dags. 10. janúar 2003.
Jákvætt með vísan til umsagnar. Grenndarkynna þarf byggingarleyfisumsókn berist hún.
5.03 Holtavegur 23, viðbygging
Lagt fram bréf frá afgreiðslufundi byggingarfulltrúa, dags. 16. janúar 2003, þar sem sótt er um leyfi til þess að rífa hluta af núverandi skólabyggingu, byggja einnar hæða steinsteypta viðbyggingu með nýju anddyri í norðvestur, eldhúsi og sal við suðurhlið Langholtsskóla klædda með sléttum og báruðum málmplötum ásamt breytingu á innra skipulagi á öllum hæðum skólans á lóð nr. 23 við Holtaveg, samkv. uppdr. Arkþings, dags. 17.12.02.
Stærð: Niðurrif 173,2 ferm., viðbygging 510,3 ferm., samtals stærðaraukning 336,8 ferm., xxx rúmm.
Gjald kr. 4.800 + xxx
Frestað. Óskað eftir betri upplýsingum um bílastæðamál.
6.03 Langholtsvegur 14, (fsp) aukabílastæði
Lagt fram bréf frá afgreiðslufundi byggingarfulltrúa, dags. 9. janúar 2003, þar sem spurt er hvort leyft yrði að koma fyrir tveimur bílastæðum á lóðinni nr. 14 við Langholtsveg.
Frestað. Hverfisstjóra falið að vinna umsögn.
7.03 Langholtsvegur 89, breytingar
Lagt fram bréf frá afgreiðslufundi byggingarfulltrúa, dags. 16. janúar 2003, þar sem sótt er um leyfi til þess að breyta innra fyrirkomulagi og útliti allra hliða húss og innrétta þrjár nýjar íbúðir í atvinnuhúsnæði í kjallara og á fyrstu hæð hússins á lóðinni nr. 89 við Langholtsveg, samkv. uppdr. Loga Más Einarssonar arkitekts, dags. 13. nóvember og 6. desember 2002.
Samþykki meðeiganda (á teikn.) fylgir erindinu.
Gjald kr. 4.800
Samþykkt að grenndarkynna umsóknina fyrir hagsmunaaðilum að Langholtsvegi 87 og 91.
8.03 Langholtsvegur 188, svalir
Lagt fram bréf frá afgreiðslufundi byggingarfulltrúa, dags. 9. janúar 2003, þar sem sótt er um leyfi til þess að stækka og endurbæta áður gerðar svalir á suðurhlið hússins á lóðinni nr. 188 við Langholtsveg, samkv. uppdr. Atelier arkitekta, dags. í okt. 2002. Samþykki meðlóðarhafa dags. 3. desember 2002 fylgir erindinu.
Gjald kr. 4.800
Ekki gerð athugasemd við erindið.
9.03 Laugarnesvegur 112-114, breyting á verslunarhúsnæði í íbúðir
Lagt fram bréf Guðmundar Pálmasonar, dags. 14. janúar 2003, varðandi fyrirspurn um að breyta verslunarhúsnæði að Laugarnesvegi 112-114 í tvær íbúðir.
Jákvætt að uppfylltum skilyrðum.
10.03 Barónsstígur 18, (fsp) bakhús, br. í íbúðarhúsnæði
Lagt fram bréf frá afgreiðslufundi byggingarfulltrúa, dags. 9. janúar 2003, þar sem spurt er hvort leyft yrði að byggja hæð ofan á og útbúa íbúð í bakhúsi sem skráð er atvinnuhúsnæði á lóðinni nr. 18 við Barónsstíg.
Frestað. Hverfisstjóra falið að vinna umsögn.
11.03 Lindargata 13, flutningshús
Lagt fram bréf Sveins Sig. Kjartanssonar, dags. 15.01.03, varðandi umsókn um lóð fyrir húsið að Lindagötu 13.
Athuga með staðsetningu í næsta nágrenni. Hverfisstjóra falið það verkefni.
12.03 Bauganes 17,
Lagt fram bréf Einars Jónssonar, Fáfnisnesi 7, dags. 12. janúar 2003, varðandi byggingu húss á lóðinni nr. 17 við Bauganes, samkv. uppdr. Sveins Ívarssonar arkitekts, dags. 10. janúar 2003. Einnig lögð fram umsögn skipulagsfulltrúa, dags. 17. janúar 2003.
Jákvætt með vísan til umsagnar dags. 17.01.03.
13.03 Borgartún 26, endurskoðun skipulags
Lagt fram bréf Hróbjarts Hróbjartssonar arkitekts f.h. lóðarhafa, dags. 12.12.02, varðandi breytta notkun á lóðinni Borgartún 26 úr atvinnusvæði í atvinnu- og íbúðarsvæði, samkv. tillögu VA arkitekta, dags. 06.12.02.
Kynnt. Hverfisstjóra falið að gera umsögn.
14.03 Frostaskjól 2-6, deiliskipulag
Lögð fram að nýju tillaga Teiknistofunnar ehf, Brautarholti 6, að deiliskipulagi svæðis, sem afmarkast af Flyðrugranda í norðri, Kaplaskjólsvegi í suðri og Frostaskjóli í vestri, dags. 02.10.02. Einnig lagt fram að nýju bréf KR, dags. 04.06.02. Ennfremur lagður fram tölvupóstur frá Grandaskóla, dags. 14.01.03 og Grýtu - Hraðhreinsun ehf, dags. 15.01.03, varðandi bílastæði.
Vísað til skipulags- og byggingarnefndar.
15.03 Neshagi 16, (fsp) stækkun 3. hæðar
Lagt fram bréf frá afgreiðslufundi byggingarfulltrúa, dags. 9. janúar 2003, þar sem spurt er hvort leyft yrði að stækka til vesturs og suðurs þriðju hæð hússins nr. 16 við Neshaga.
Jákvætt að uppfylltum skilyrðum.
16.03 Reitur 1.703/5, Skógarhlíð, breyting á skilmálum
Lagt fram bréf Arkþings ehf, dags. 27.12.02, varðandi breytingu á skilmálum fyrir lóðina nr. 14 við Skógarhlíð.
Frestað. Umsækjandi hafi samband við embættið.
17.03 Skógarhlíð 14, br.,viðb. og mastur
Lagt fram bréf frá afgreiðslufundi byggingarfulltrúa, dags. 16. janúar 2003, þar sem sótt er um leyfi til þess að byggja 2. hæða stigahús að suðvesturgafli, viðbyggingu fyrir búninga við 1. hæð suðvesturhliðar geymslu tækjabíla, breyta innra skipulagi og reisa 30m hátt fjarskiptamastur sunnan við hús SHS á lóð nr. 14 við Skógarhlíð, samkv. uppdr. Arkþings, dags. 6. janúar 2003.
Bréf hönnuðar dags. 3. janúar 2003 fylgir erindinu.
Stærð: Stækkun vegna viðbygginga samtals 68,7 ferm., 209,6 rúmm.
Gjald kr. 4.800 + 10.061
Frestað. Umsækjandi hafi samband við embættið.
18.03 Vesturgata 21, endur- og nýbygging
Að lokinni grenndarkynningu byggingarleyfisumsóknar er sótt um að nýju leyfi til þess að sameina lóðir nr. 21, 21B við Vesturgötu og hluta lóða 8A og 10 við Ránargötu, leyfi til þess að rífa hús nr. 21B við Vesturgötu ásamt bakhúsi og bílskúr við hús nr. 21 við Vesturgötu, breyta innra fyrirkomulagi og útliti hússins nr. 21 og byggja fjögurra hæða steinsteypt fjölbýlishús með fjórum íbúðum að Vesturgötu auk tveggja steinsteyptra bakhúsa sem hýsa alls fjórar íbúðir allt einangrað að utan og klætt með bárujárni og múrsteini. Samtals verða þá níu íbúðir á lóðinni nr. 21 við Vesturgötu. Umsögn Húsafriðunarnefndar dags. 8. nóvember 2002 fylgir erindinu. Samþykki nágranna Vesturgötu 21B dags. 25. júlí 2002 fylgir erindinu. Málið var í kynningu frá 25. nóv. til 24. des. 2002. Athugasemdabréf bárust frá Jon Olav Fivelstad og Þuríði Hjálmtýsdóttur, Ránargötu 8A, dags. 05.12.02, íbúum Ránargötu 6, 6a, 8, 8a, 10, 12, 12a og Vesturgötu 19, 20, 22, 23, 24, 25, 26a og 26b, dags. í des. 2002, íbúum Vesturgötu 23, dags. 23.12.02, Jóhanni B. Samper, Vesturgötu 23, dags. 23.12.02, íbúum Vesturgötu 25, dags. 22.12.02, Kristjáni Má Kárasyni, Ránargötu 8, dags. 20.12.02, Önnu Garðarsdóttur, Marinó Þorsteinssyni, Hjördísi Marinósdóttur og Þresti Helgasyni, eigendum Vesturgötu 19 og Eyjólfi Baldvinssyni eiganda íbúðar í Vesturgötu 25, dags. 20.12.02. Lagður fram nýr uppdr. Arkitektastofu Þorgeirs, dags. 12. janúar 2003. Einnig lögð fram umsögn skipulagsfulltrúa um athugasemdir, dags. 16. janúar 2003.
Stærð xx
Gjald kr. 4.800 + xx
Kynna fomanni.
19.03 Árbæjarsundlaug, pylsuvagn
Lagt fram bréf Sigurðar Sveinssonar, dags. 6. janúar 2003, þar sem óskað er eftir leyfi til að starfrækja pylsuvagn við Árbæjarsundlaug.
Vísað til umsagnar ÍTR.
20.03 Grundarhús/Vallarhús, leiksvæði
Lögð fram tillaga skipulagsfulltrúa, dags. 12.11.02, að nýju leiksvæði við Vallarhús/Grundarhús.
Kynna formanni.
21.03 Nauthólsvík/veitingaskáli, endurnýjun lóðarleigusamnings, lóð undir hótel
Lagt fram bréf borgarstjóra f.h. borgarráðs, dags. 01.10.02, varðandi umsókn Maríu Björnsdóttur frá 23. f.m. um endurnýjun lóðarleigusamnings og stækkunar vegna veitingareksturs í Nauthólsvík.
Kynna formanni.
22.03 Hverfisgata 64A, br. í veitingasölu
Lagt fram bréf frá afgreiðslufundi byggingarfulltrúa, dags. 16. janúar 2003, þar sem sótt er um leyfi til þess að innrétta veitingasölu (take away) í kjallara húss nr. 64A á lóð nr. 64-64A við Hverfisgötu, samkv. uppdr. Glámu-Kím, dags. 06.11.02.
Bréf hönnuðar dags. 18. nóvember 2002, samþykki meðeigenda dags. 26. september og 26. nóvember 2002 ásamt samþykki meðlóðarhafa dags. 26. nóvember 2002 fylgja erindinu. Jafnframt lagt fram bréf Húsafriðunarnefndar dags. 10. janúar 2003, bréf Árbæjarsafns dags. 13. janúar 2003 og umsögn skipulagsfulltrúa, dags. 20. janúar 2003.
Gjald kr. 4.800
Jákvætt með vísan til umsagnar skipulagsfulltrúa dags. 20.01.03.