Reitur 1.180,2, Víðihlíð 28, Afgreiðslufundur byggingarfulltrúa, Bergstaðastræti 19, Hverafold 142, Kristnibraut 55-59, Laugavegur 22A, Skúlagata 12, Skútuvogur 2, Þorláksgeisli 74-76, Afgreiðslufundir Skipulagsfulltrúa Reykjavíkur, Bleikjukvísl 10, Hringbraut, Hverfaskipting Reykjavíkurborgar, Reitur 1.171.0 , Reitur 1.182.0, Skipulags- og byggingarnefnd, Skuggahverfi, Eimskipafélagsreitir, Smiðshöfði 19, Sóltún 4, Fyrirspurn fulltrúa Reykjavíkurlista um flýtingu framkvæmda í Reykjavík, Spítalastígur 4B,

Skipulags- og byggingarnefnd

104. fundur 2003

Ár 2003, miðvikudaginn 19. febrúar kl. 09:05, var haldinn 104. fundur skipulags- og byggingarnefndar Reykjavíkur. Fundurinn var haldinn að Borgartúni 3, 4. hæð. Viðstaddir voru: Anna Kristinsdóttir, Óskar Dýrmundur Ólafsson, Þorlákur Traustason, Guðlaugur Þór Þórðarson, Kristján Guðmundsson og áheyrnarfulltrúinn Ólafur F. Magnússon. Eftirtaldir embættismenn sátu fundinn: Salvör Jónsdóttir, Magnús Sædal Svavarsson, Ágúst Jónsson, Ólafur Bjarnason, Bjarnfríður Vilhjálmsdóttir og Sigríður K. Þórisdóttir. Auk þess gerðu eftirtaldir embættismenn grein fyrir einstökum málum: Helga Bragadóttir, Sigurður Pálmi Ásbergsson, Nikulás Úlfar Másson og Margrét Þormar. Fundarritari var Ívar Pálsson.
Þetta gerðist:


Umsókn nr. 20251 (01.18.02)
1.
Reitur 1.180,2, Hallveigarstígur, Bergstaðastr., Spítalastígur, Ingólfsstræti
Að lokinni auglýsingu er lögð fram að nýju auglýst tillaga ásamt greinargerð og skilmálum Teiknistofu arkitekta Gylfa Guðjónssonar og félaga, dags. 27.06.02, að deiliskipulagi fyrir staðgreinireit 1.180.2, sem afmarkast af Hallveigarstíg, Bergstaðastræti, Spítalastíg og Ingólfsstræti og breytt tillaga dags. 18.02.03. Einnig lagt fram bréf byggingarfulltrúa, dags. 21.08.02. Málið var í auglýsingu frá 13. des. 2002 til 24. janúar 2003, athugasemdafrestur var til 24. janúar 2003. Athugasemdabréf bárust frá Davíð Ólafssyni, eiganda að Ingólfsstræti 21d, dags. 20.01.03, Pétri H. Ármannssyni arkitekt, f.h. eigenda lóðarinnar Bergstaðastræti 12-12A, dags. 22.01.03, Vigdísi Hjaltadóttur, Hallveigarstíg 8, dags. 21.01.03, Finni Björgvinssyni og Hilmari Þór Björnssyni, Bergstaðastræti 10a, dags. 23.01.03. Einnig lögð fram umsögn skipulagsfulltrúa um athugasemdir, dags. 17. febrúar 2003.
Samþykkt að auglýsa tillöguna á ný með þeim breytingum sem fram koma í umsögn skipulagsfulltrúa og á nýjum uppdrætti.
Vísað til borgarráðs.


Umsókn nr. 30050 (01.78.26)
150538-4249 Sigurður Sverrir Guðmundsson
Víðihlíð 28 105 Reykjavík
2.
Víðihlíð 28, aukaíbúð
Lagt fram bréf byggingarfulltrúa, dags. 6. febrúar 2003, varðandi endurupptöku vegna synjunar aukaíbúðar í húsi nr. 28 við Víðihlíð, sem synjað var 26. október 1998. Einnig lagðar fram umsagnir Borgarskipulags, 07.10.97 og 15.09.98.
Upplýst hefur verið á fundinum að forsendur synjunar frá 26. október 1998 hafa ekki breyst, umsókninn samræmist ekki deiliskipulagsskilmálum, óæskilegt væri að breyta þeim með tilliti til bílastæðamála o.fl. sbr. umsagnir Borgarskipulags, auk þess eru engin fordæmi eru fyrir slíkri samþykkt í hverfinu. Með vísan til framangreinds eru ekki forsendur til endurupptöku málsins samkvæmt 24. gr. stjórnsýslulaga nr. 37/1993. Endurupptöku málsins er því synjað.

Umsókn nr. 26696
3.
Afgreiðslufundur byggingarfulltrúa, fundargerð
Fylgiskjal með fundargerð þessari er fundargerð nr. 238 frá 18. febrúar 2003.
Jafnframt lagður fram liður nr. 5 frá 28. janúar 2003.


Umsókn nr. 24218 (01.18.410.9)
650594-3049 Jörgen ehf
Ölduslóð 6 220 Hafnarfjörður
4.
Bergstaðastræti 19, fjölbýlishús m 3 íb.
Sótt er um leyfi til þess að byggja þrílyft þriggja íbúða fjölbýlishús úr steinsteypu, einangrað að utan og klætt með múrkerfi með marmarasalla, leyfi til þess að koma fyrir tveimur bílastæðum á lóðinni og rífa núverandi matshluta 01 á lóðinni nr. 19 við Bergstaðastræti.
Umsögn Borgarskipulags dags. 16. ágúst 2001 fylgir erindinu.
Umsögn Árbæjarsafns dags. 21. júní og 4. september 2001 ásamt bréfi hönnuðar dags. 7. janúar 2002 fylgja erindinu.
Jafnframt lagt fram bréf skipulags-arkitekta-og verkfræðistofunnar ehf. dags. 02.11.2002, bréf kærunefndar fjöleignarhúsamála dags. 20. nóvember 2002 og umsögn borgarlögmanns dags. 10. febrúar 2003.
Niðurrif: 195,1 ferm. og 381 rúmm.
Nýbygging: Kjallari 14,7 ferm., 1. hæð 105,5 ferm., 2. hæð 97,8 ferm., 3. hæð 95 ferm., samtals 313 ferm., 1039,1 rúmm.
Gjald kr. 4.100 + 49.877
Synjað með vísan til umsagnar borgarlögmanns.
Byggingarfulltrúa falið að ræða við lóðarhafa vegna málsins.


Umsókn nr. 26562 (02.86.260.8)
130354-2119 Einar Sveinn Hálfdánarson
Hverafold 142 112 Reykjavík
5.
Hverafold 142, tímabundin notkun bílg.
Sótt er um leyfi til þess að breyta útliti fyrstu hæðar á suðurhlið og til þess að breyta tímabundið notkun bílgeymslu hússins nr. 142 við Hverafold.
Bréf umsækjanda dags. 10. febrúar 2003 fylgir erindinu.
Gjald kr. 5.100
Samþykkt til 10 ára frá úgáfu leyfis.
Þinglýsa skal kvöð um að leyfið sé bundið nafni umsækjanda.


Umsókn nr. 26688 (04.11.460.2)
530289-1339 JB Byggingarfélag ehf
Bæjarlind 4 201 Kópavogur
6.
Kristnibraut 55-59, Fjölb. m. 19 íb. og 7 bílg. í kj.
Sótt er um leyfi til þess að tvö byggja þriggja hæða steinsteypt fjölbýlishús með samtals nítján íbúðum ásamt kjallara með 7 bílgeymslum undir öðru þeirra og bílskús fyrir þrjá bíla á lóð nr. 55-59 við Kristnibraut.
Stærð: Hús nr. 57 og 59 (matshluti 01) íbúð kjallari 280,3 ferm., 1. hæð 517,2 ferm., 2. hæð 513,3 ferm., 3. hæð 478,2 ferm., bílgeymslur 178,3 ferm., samtals 1967,3 ferm., 6273,7 rúmm.
Hús nr. 55 (matshluti 02) íbúð 1. hæð 208,9 ferm., 2. hæð 205,7 ferm., 3. hæð 205,7 ferm., samtals 620,3 ferm., 2003,1 rúmm.
Bílgeymsla (matshluti 03) samtals 66,5 ferm., 207,8 rúmm.
Gjald kr. 5.100 + 432.715
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.


Umsókn nr. 26680 (01.17.220.2)
550199-4169 GAM ehf
Laugavegi 22a 101 Reykjavík
7.
Laugavegur 22A, íb, hótelíb, atv.húsnæði
Sótt er um leyfi til að byggja fjögurra hæða hús auk kjallara þar sem fjórða hæð er inndregin frá götu, að mestu úr steinsteypu á lóðinni nr. 22A við Laugaveg. Í kjallara verði geymslur o.fl., á fyrstu hæð verslun og veitingastaður, á annarri og þriðju hæð ein íbúð og fjórar hótelíbúðir á hvorri hæð og á fjórðu hæð þrjár íbúðir, samtals fimm íbúðir og átta hótelíbúðir.
Jafnframt er sótt um leyfi til að rífa framhús byggt 1888 á sömu lóð, 145,8 fm og 378 rm að stærð.
Stærðir: xx fm.
Gjald kr. 5.100 + xx
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.
Skipulagsferli er ólokið.


Umsókn nr. 26652 (01.15.220.3)
490500-2510 101 Skuggahverfi hf
Kringlunni 8-12 103 Reykjavík
8.
Skúlagata 12, nýbygging, fjölbýli
Sótt er um leyfi til þess að byggja fimmtán hæða fjölbýlishús með innbyggðri bílageymslu á lóðinni nr. 12 við Skúlagötu.
Jafnframt er erindi 25128 dregið til baka.
Greinargerð um hönnun eldvarna dags. 20. maí 2002 fylgir erindinu.
Stærð xx
Gjald kr. 5.100 + xx
Frestað.
Vísað til athugasemda á umsóknarblaði.


Umsókn nr. 26745 (01.42.000.1)
580302-3510 Umhverfis- og tæknisvið Rvíkurb
Skúlatúni 2 105 Reykjavík
9.
Skútuvogur 2, lóðamarkabreyting
Óskað er eftir, með bréf fulltrúa skrifstofstjóra borgarverkfræðings dags. 14. febrúar 2003, samþykkt á meðfylgjandi mæliblaði mælingadeildar borgarverkfræðings dags. 11. febrúar 2003.
Tillaga að breytingu lóðamarka.
Skútuvogur 2: Lóðin er 10188 ferm., sbr. lóðarsamning nr. 17548/79, dags. 18. júli 1979.
Bætt við lóðina 2976 ferm.
Lóðin verður 13164 ferm.
Sjá samþykkt borgarráðs dags. 21. maí 2002 á umsögn borgarverkfræðings um lóðarmál lóðar Barðans við Skútuvog 2.
Samþykkt.
Samræmist ákvæðum laga nr. 73/1997.

Árni Þór Sigurðsson sat hjá við afgreiðslu málsins.


Umsókn nr. 26675 (04.13.570.4)
600100-2620 Byggingarfélagið Bogi ehf
Nýbýlavegi 6 200 Kópavogur
10.
Þorláksgeisli 74-76, parhús
Sótt er um leyfi til þess að byggja tvílyft steinsteypt parhús með innbyggðri bílgeymslu í hvorum húshluta á lóð nr. 74-76 við Þorláksgeisla.
Stærð: Hús nr. 74 (matshluti 01) íbúð 1. hæð 107,2 ferm., 2. hæð 72,7 ferm., bílgeymsla 28,9 ferm., samtals 208,8 ferm., 683,8 rúmm.
Hús nr. 76 (matshluti 02) er sömu stærðar og nr. 74.
Gjald kr. 5.100 + 69.748
Nefndin gerir ekki athugasemd við að veitt verði byggingarleyfi þegar teikningar hafa verið lagfærðar í samræmi við athugasemdir á umsóknareyðublaði.
Málinu vísað til afgreiðslu byggingarfulltrúa.


Umsókn nr. 10070
11.
Afgreiðslufundir Skipulagsfulltrúa Reykjavíkur, fundargerð
Lögð fram fundargerð afgreiðslufundar skipulagsfulltrúa Reykjavíkur frá 14. febrúar 2003.


Umsókn nr. 20237 (04.23.54)
281064-5179 Ásdís Þórðardóttir
Birtingakvísl 15 110 Reykjavík
12.
Bleikjukvísl 10,
Lagður fram tölvupóstur forstöðumanns lögfræði- og stjórnsýslu dags. 17.12.02, tölvupóstur Ásdísar Þórðardóttur eiganda Birtingakvíslar nr. 15 ásamt álitsgerð Hákons Svavarssonar fasteignasala, dags. 15.01.03. Einnig lagt fram bréf borgarlögmanns, dags. 11. febrúar 2003, varðandi byggingu leikskóla á lóðinni nr. 10 við Bleikjukvísl - breytingu á deiliskipulagi.
Með vísan til álits borgarlögmanns er ekki talið að kaupskylda hvíli á Reykjavíkurborg á húsinu að Birtingakvísl nr. 15 vegna breytingar á deiliskipulagi lóðarinnar að Bleikjukvísl nr. 10 skv. 33. gr. skipulags- og byggingarlaga nr. 73/1997. Í ljósi þess er skipulags- og byggingarsviði falið að ræða við eigendur hússins að Birtingarkvísl nr. 15 og rekstaraðila leikskólans um breytingar á girðingu á lóðarmörkum leikskólans, meðfram húsinu að Birtingakvísl nr. 15, til þess að takmarka sjónræn tengsl og meint ónæði af starfseminni.

Umsókn nr. 20182
13.
Hringbraut, breytt aðalskipulag og deiliskipulag
Lagt fram bréf borgarlögmanns f.h. borgarráðs um samþykkt borgarráðs 11. febrúar 2003 á bókun skipulags- og byggingarnefndar frá 5. s.m. um auglýsingu á breyttu aðalskipulagi og deiliskipulagi vegna færslu Hringbrautar ásamt fylgiskjölum.


Umsókn nr. 30048
14.
Hverfaskipting Reykjavíkurborgar,
Lagt fram að nýju bréf stjórnkerfisnefndar, dags. 16. janúar 2003, varðandi tillögu um skiptingu Reykjavíkurborgar í þjónustusvæði, borgarhluta og starfsemi hverfaráða. Einnig lögð fram umsögn skipulags- og byggingarsviðs, dags. 17. febrúar 2003.

Árni Þór Sigurðsson tók sæti á fundinum kl. 10:00, áður höfðu verið afgreiddir liðir nr. 3-8 og 10-13.

Framlögð umsögn samþykkt.

Umsókn nr. 20250 (01.17.10)
15.
Reitur 1.171.0 , Laugavegur, Ingólfsstræti, Hverfisgata, Smiðjustígur
Lagt fram bréf borgarlögmanns f.h. borgarráðs um samþykkt borgarráðs 11. febrúar 2003 á bókun skipulags- og byggingarnefndar frá 5. s.m. um deiliskipulag reits nr. 1.171.0, sem afmarkast af Laugavegi, Ingólfsstræti, Hverfisgötu og Smiðjustíg.


Umsókn nr. 20051 (01.18.20)
16.
Reitur 1.182.0, Skólavörðustígur, Vegamótastígur, Grettisgata, Klapparstígur
Lagt fram bréf borgarlögmanns f.h. borgarráðs um samþykkt borgarráðs 11. febrúar 2003 á bókun skipulags- og byggingarnefndar frá 15. f.m. um auglýsingu á breyttu deiliskipulagi reits nr. 1.182.0, sem afmarkast af Skólavörðustíg, Vegamótastíg, Grettisgötu og Klapparstíg.


Umsókn nr. 552
17.
Skipulags- og byggingarnefnd,
Lagt fram bréf skrifstofustjóra borgarstjóra f.h. borgarstjórnar um samþykkt borgarstjórnar 6. febrúar 2003 á B-hluta fundargerðar skipulags- og byggingarnefndar frá 29. janúar 2003.


Umsókn nr. 30014 (01.15.2)
18.
Skuggahverfi, Eimskipafélagsreitir, kærur til úrskurðarnefndar
Lagt fram bréf úrskurðarnefndar skipulags- og byggingarmála, dags. 12.02.03.
Forstöðumanni lögfræði- og stjórnsýslu falið að svara.

Umsókn nr. 30011 (04.06.14)
671197-2919 Arkís ehf
Skólavörðustíg 11 101 Reykjavík
19.
Smiðshöfði 19, breyting á deiliskipulagi
Lagt fram bréf borgarlögmanns f.h. borgarráðs um samþykkt borgarráðs 11. febrúar 2003 á bókun skipulags- og byggingarnefndar frá 29. f.m. um auglýsingu á breyttu deiliskipulagi að Smiðshöfða 19, sbr. einnig bréf verkfræðistofu umhverfis- og tæknisviðs, dags. 12. þ.m.
Borgarráð samþykkti erindið með tilvísun í umsögn verkfræðistofu, með því skilyrði að bílastæðum með aðkomu frá Stórhöfða verði fækkað um helming, en heildarfjöldi stæða má vera óbreyttur. Miðað er við að ekki verði gegnumakstur gegnum lóðina milli Stórhöfða og Smiðshöfða.


Umsókn nr. 30040 (01.23)
670700-2320 Frumafl hf
Síðumúla 23 108 Reykjavík
20.
Sóltún 4, lóðarumsókn Frumafls
Lagt fram bréf borgarstjóra f.h. borgarráðs, dags. 29. janúar s.l. um erindi Hannesar Guðmundssonar f.h. Frumafls hf. frá 22. s.m. þar sem sótt er um lóð við Sóltún 4 til að byggja sérhannaða byggingu með þarfir aldraðra í huga. Einnig lögð fram umsögn skipulagsfulltrúa, dags. 14. febrúar 2003.
Jákvætt með vísan til umsagnar skipulagsfulltrúa.

Umsókn nr. 30001
21.
Fyrirspurn fulltrúa Reykjavíkurlista um flýtingu framkvæmda í Reykjavík,
Lögð fram að nýju svohljóðandi fyrirspurn fulltrúa Reykjavíkurlista, sem lögð var fram á fundi nefndarinnar þann 12. febrúar s.l.:
Vegna umræðu um flýtingu verkframkvæmda í Reykjavík vill meirihluti Reykjavíkurlistans í skipulags- og byggingarnefnd leggja áherslu á að farið verði í ýmsar mikilvægar vegaframkvæmdir í Reykjavík. Fyrirhugað er að borgaryfirvöld leggi fram í borgarráði í næstu viku áætlun um flýtingu framkvæmda. Óskað er því eftir upplýsingum um eftirfarandi:
1. Hver er staða skipulagsvinnu vegna framkvæmda við gatnamót Miklubrautar og Kringlumýrarbrautar ?
2. Í tillögum ríkisstjórnarinnar frá í gær um sértækar aðgerðir til atvinnusköpunnar er gert ráð fyrir að einum milljarði króna verði, auk þegar ákveðinna heimilda, varið til verkframkvæmda á höfuðborgarsvæðinu á næstu 18 mánuðum. Kom fram í máli oddvita stjórnarflokkana að mestur vilji stæði til að verja þeirri upphæð til framkvæmda á umræddum gatnamótum sem eru einhver þau fjölförnustu á landinu og mikil slysagildra eins og þekkt er. Hins vegar hamlaði vinna vegna skipulags- og umhverfismála því eins og fram kom í máli þeirra. Af þeim sökum er spurt hvort unnt sé og þá hvernig að flýta þessari vinnu borgarbúum og landsmönnum til heilla. Einnig lagt fram svar umhverfis- og tæknisviðs, verkfræðistofu, dags. 19. febrúar 2003, við fyrirspurninni.
Kynnt.

Umsókn nr. 26618 (01.18.400.8)
22.
Spítalastígur 4B,
Lögð fram að nýju bókun skipulags- og byggingarnefndar frá 99. fundi nefndarinnar þann 15. janúar 2003 ásamt afriti af bréfi byggingarfulltrúa dags. 20. janúar 2003 til eigenda.
Kynnt.