Lækjargata 5 Menntaskólinn
Skjalnúmer : 9679
12. fundur 1998
Reitur Menntaskólans í Reykjavík, deiliskipulag
Lagt fram bréf borgarstjóra f.h. borgarráðs um samþykkt borgarráðs 19.05.98 á bókun skipulags- og umferðarnefndar frá 18. s.m., um tengibyggingu og lóðarbreytingu á reit Menntaskólans í Reykjavík.
24. fundur 1998
Reitur Menntaskólans í Reykjavík, deiliskipulag
Lögð fram til kynningar tillaga Teiknistofunnar Óðinstorgi að deiliskipulagi reits Menntaskólans í Reykjavík, dags. mars 1998.
Helgi Hjálmarsson, arkitekt, kom á fundinn og kynnti tillöguna.
9. fundur 1998
Reitur Menntaskólans í Reykjavík, deiliskipulag
Að lokinni grenndarkynningu er lögð fram að nýju tillaga teikni
Skipulags- og umferðarnefnd samþykkir að kynna málið, að því er varðar tengibyggingu á milli Þingholtsstrætis 18 og Casa Nova, samkv. 7. mgr. 43. gr. laga 73/1997 fyrir hagsmunaaðilum að Þingholtsstræti 14, 16, 15, 17, 21 og 22, Bókhlöðustíg 10 og íbúasamtökum á svæðinu.
Fyrirvari er gerður um útfærslu og efnisval á útveggjum tengibyggingarinnar.
11. fundur 1998
Reitur Menntaskólans í Reykjavík, deiliskipulag
Að lokinni grenndarkynningu er lögð fram að nýju tillaga Teiknistofunnar Óðinstorgi, mótt. 6.4.1998 um tengibyggingu milli Þingholtsstrætis 18 og Casa Nova og lóðabreytingu ásamt bréfi umhverfismálaráðs, dags. 13.02.98 og umsögn húsfriðunarnefndar dags. 3.4.1998. Ennfremur lagt fram bréf eigenda Þingholtsstrætis 16, dags. 10.05.98 og bréf Teiknist. Óðinstorgi, dags. 15.5.98. .
Skipulags- og umferðarnefnd samþykkir annars vegar sameiningu lóðar nr. 18 við Þingholtsstræti og lóðar Menntaskólans í Reykjavík. Hins vegar fellst nefndin á tengibygginguna. Efnisval í gleri skal vera eins látlaust og unnt er. Bréfi eiganda Þingholtsstrætis 16 vísað til byggingarfulltrúa.
Guðrún Jónsdóttir óskaði bókað:
#Skipulags- og umferðarnefnd samþykkir sameiningu lóða en beinir því til byggingarfulltrúa að hús á lóðinni séu áfram merkt við fleiri götur en Lækjargötu.#
8. fundur 1998
Reitur Menntaskólans í Reykjavík, deiliskipulag
Lögð fram að nýju til kynningar breytt verðlaunatillaga Teiknistofunnar Óðinstorgi, mótt. 6.4.1998 um skipulag reits Menntaskólans í Reykjavík. Einnig lagt fram bréf umhverfismálaráðs, dags. 13.02.98 og umsögn húsfriðunarnefndar dags. 3.4.1998. Ennfremur lagt fram bréf eigenda Þingholtsstrætis 16 og bréf Sverris Ólafssonar og Ingibjargar Hauksdóttur, Þingholtsstræti 14, dags. 09.03.98.
Skipulags- og umferðarnefnd samþykkir að kynna málið, að því er varðar tengibyggingu á milli Þingholtsstrætis 18 og Casa Nova, samkv. 7. mgr. 43. gr. laga 73/1997 fyrir hagsmunaaðilum að Þingholtsstræti 14, 16, 15, 17 og 21, 22, Bókhlöðustíg 10 og íbúasamtökum á svæðinu.
Fyrirvari er gerður um útfærslu og efnisval á útveggjum tengibyggingarinnar.
4. fundur 1998
Reitur Menntaskólans í Reykjavík, deiliskipulag
Lögð fram til kynningar verðlaunatillaga í hugmyndasamkeppni um skipulag reits Menntaskólans í Reykjavík.
Höfundur kom á fundinn og kynnti tillöguna. Vísað til umhverfismálaráðs. Nefndin samþykkir jafnframt fyrir sitt leyti að kynna tillöguna fyrir hagsmunaaðilum næst reit Menntaskólans.
22. fundur 1997
Reitur Menntaskólans í Reykjavík, deiliskipulag
Sagt frá lóðamálum og uppbyggingaráætlunum við húsið Þingholtsstræti 18 á reit Menntaskólans í Reykjavík
Höfundar komu á fundinn ásamt Ágústi Þór Jónssyni verkefnisstjóra. Skipulags- og umferðarnefnd fagnar því að hafist skuli handa við heildarskipulag M.R. reitsins og leggur áherslu á náið samráð við Borgarskipulag varðandi vinnuna. Frekari kynningu málsins frestað.
18. fundur 1995
Reitur Menntaskólans í Reykjavík, deiliskipulag
Lögð fram verðlaunatillaga í hugmyndasamkeppni um skipulags reits Menntaskólans í Reykjavík.
Helgi Hjálmarsson, arkitekt og tillöguhöfundur, kom á fundinn á kynnti tillöguna.
1. fundur 1995
Reitur Menntaskólans í Reykjavík, hugmyndasamkeppni
Lögð fram að nýju byggingarsaga Menntaskólareits, tekin saman af Árbæjarsafni 1994. Einnig lögð fram greinargerð forstöðumanna Árbæjarsafns og Borgarskipulags, dags. 6.1.95.
Greinargerð forstöðumanna samþykkt.
24. fundur 1994
Reitur Menntaskólans í Reykjavík,
Lögð fram byggingarsaga Menntaskólareits, tekin saman af Árbæjarsafni 1994.
Formaður kynnti fyrirhugaða samkeppni um uppbyggingu á reit Menntaskólans í Reykjavík.
Frestað.