Miðborg, þróunaráætlun
Skjalnúmer : 9413
171. fundur 2009
Miðborg, þróunaráætlun, breyting á aðalskipulagi Reykjavíkur
Lagt fram bréf borgarstjóra dags. 2. apríl 2009 um afgreiðslu borgarráðs s.d. vegna breytinga á Aðalskipulagi vegna þróunaráætlunar miðborgar.
168. fundur 2009
Miðborg, þróunaráætlun, breyting á aðalskipulagi Reykjavíkur
Að lokinni auglýsingu er lögð fram að nýju tillaga skipulags- og byggingarsviðs dags. 15. desember 2008 að breytingu á Þróunaráætlun miðborgar og Aðalskipulagi Reykjavíkur. Tillagan var auglýst frá 2. febrúar til og með 16. mars 2009. Eftirtaldir aðilar sendu inn athugasemdir: Íbúasamtök miðborgar dags. 13. mars 2009. Einnig lögð fram umsögn skipulagsstjóra dags. 23. mars 2009
Framlögð tillaga samþykkt með vísan til 18. gr. 3. mgr. skipulags- og byggingarlaga nr. 73/1997.
Vísað til borgarráðs.
249. fundur 2009
Miðborg, þróunaráætlun, breyting á aðalskipulagi Reykjavíkur
Að lokinni auglýsingu er lögð fram að nýju tillaga skipulags- og byggingarsviðs dags. 15. desember 2008 að breytingu á Þróunaráætlun miðborgar og Aðalskipulagi Reykjavíkur. Tillagan var auglýst frá 2. febrúar til og með 16. mars 2009. Eftirtaldir aðilar sendu inn athugasemdir: Íbúasamtök miðborgar dags. 13. mars 2009.
Vísað til skipulagsráðs.
158. fundur 2008
Miðborg, þróunaráætlun, breyting á aðalskipulagi Reykjavíkur
Lagt fram bréf borgarstjóra dags. 11. desember 2008 um samþykki borgaráðs s.d. um auglýsingu á breytingu á deiliskipulagi Háskóla Íslands, svæði vestan Suðurgötu.
157. fundur 2008
Miðborg, þróunaráætlun, breyting á aðalskipulagi Reykjavíkur
Lögð fram tillaga skipulags- og byggingarsviðs dags. 21. nóvember 2008 að breytingu á Þróunaráætlun miðborgar og Aðalskipulagi Reykjavíkur
Samþykkt að auglýsa framlagða tillögu.
Vísað til borgarráðs.
234. fundur 2008
Miðborg, þróunaráætlun, breyting á aðalskipulagi Reykjavíkur
Lögð fram tillaga skipulags- og byggingarsviðs dags. 21. nóvember 2008 að endurskoðun Þróunaráætlunar miðborgar.
Vísað til skipulagsráðs.
152. fundur 2008
Miðborg, þróunaráætlun, breyting á aðalskipulagi Reykjavíkur
Lögð fram tillaga skipulags- og byggingarsviðs dags. 20. október 2008 að endurskoðun Þróunaráætlunar miðborgar.
Þorbjörg Helga Vigfúsdóttir tók sæti á fundinum kl. 10:00
Samþykkt að fela embætti skipulagsstjóra að láta vinna tillögu að breytingu á þróunaráætlun miðborgarinnar í samræmi við framlagt minnisblað.
13. fundur 2001
Miðborg, þróunaráætlun, breyting á aðalskipulagi Reykjavíkur
Lögð fram að nýju tillaga að vinnureglum vegna afgreiðslu umsókna um breytta notkun á skilgreindum götusvæðum.
Samþykkt.
Vísað til borgarráðs.
11. fundur 2000
Miðborg, þróunaráætlun, breyting á aðalskipulagi Reykjavíkur
Lögð fram að nýju drög að vinnureglum vegna afgreiðslu umsókna um breytta notkun á skilgreindum götusvæðum.
Frestað.
10. fundur 2000
Miðborg, þróunaráætlun, breyting á aðalskipulagi Reykjavíkur
Lögð fram til kynningar drög að vinnureglum vegna afgreiðslu umsókna um breytta notkun á skilgreindum götusvæðum.
Kynnt.
20. fundur 2000
Miðborg, þróunaráætlun, breyting á aðalskipulagi Reykjavíkur
Lögð fram drög að stefnu, dags. 11.09.00, fyrir íbúðasvæði og hafnarsvæði miðborgarsvæðis.
Stefna um íbúðarsvæði samþykkt. Borgarskipulagi falið að samræma hugtakanotkun áður en málið fer í borgarráð. Vísað til borgarráðs.
Stefna um hafnarsvæði samþykkt. Vísað til hafnarstjórnar.
11. fundur 2000
Miðborg, þróunaráætlun, aðalskipulag
Lagt fram bréf borgarstjóra f.h. borgarráðs um samþykkt borgarstjórnar 18. maí 2000 á bókun skipulags- og umferðarnefndar frá 8. s.m. um Þróunaráætlun miðborgar, aðalskipulag, sbr. 12. lið fundargerðar borgarráðs frá 16. s.m.
9. fundur 2000
Miðborg, þróunaráætlun, aðalskipulag
Lögð fram breyting á auglýstri greinargerð sbr. bréf Skipulagsstofnunar dags. 23.03.00 og uppdr. br. 4.05.00 ásamt umsögn Borgarskipulags dags. 4.05.00. Einnig lagt fram minnisblað dags. 14.04.00 og bréf Skipulagsstofnunar dags. 23.03.00.
Samþykkt að leggja til við borgarráð að það samþykki þær breytingar sem fram koma í umsögn Borgarskipulags, framlagðri greinargerð og uppdrætti.
5. fundur 2000
Miðborg, þróunaráætlun, framkvæmd
Lagt fram bréf borgarritara f.h. borgarráðs um samþykkt borgarráðs 22. febrúar 2000 á bókun skipulags- og umferðarnefndar frá 21. s.m. um framkvæmd þróunaráætlunar miðborgarinnar.
5. fundur 2000
Miðborg, þróunaráætlun, aðalskipulag
Lagt fram bréf borgarstjóra f.h. borgarráðs um samþykkt borgarráðs 15. febrúar 2000 á bókun skipulags- og umferðarnefndar frá 7. s.m. um aðalskipulag miðborgar, þróunaráætlun.
4. fundur 2000
Miðborg, þróunaráætlun, framkvæmd
Lögð fram að nýju stefna borgaryfirvalda um framkvæmd Þróunaráætlunar miðborgar ásamt leiðarvísi, dags. 24.01.00, breytt 21.02.00.
Samþykkt. Gera þarf smávægilegar lagfæringar á orðalagi og stafsetningu sbr. athugasemdir sem fram komu á fundinum.
3. fundur 2000
Miðborg, þróunaráætlun, aðalskipulag
Að lokinni auglýsingu er lögð fram tillaga að breytingu A.R. varðandi miðborgarsvæðið ásamt staðbundinni byggingarsamþykkt, dags. 25.10.99, lagf. 05.02.00, reiknireglum, dags. 03.02.00, lagf. 07.02.00, samantekt um breytingar frá auglýstri tillögu, ódags., lagfærð greinargerð og uppdráttur, dags. 07.02.00. Einnig eru lagðar fram að nýju athugasemdir sem bárust: Bréf Lögmanna Skólavörðustíg 6B sf, f.h. L.A. Café, dags. 03.01.00, bréf Lögmanna Borgartúni 33, f.h. eigenda Hafnarstrætis 1-3, dags. 03.01.00, bréf Þorkels Sigurlaugssonar, dags. 06.01.00. Jafnframt eru lagðar fram umsagnir Borgarskipulags, dags. 18.01.00 og 19.01.00 ásamt fundargerðum og samantekt rýnihópa vegna ábendinga og athugasemda.
Fallist á umsagnir Borgarskipulags um athugasemdir.
Samþykkt að óska eftir því við borgarráð að auglýst breyting á Aðalskipulagi Reykjavíkur, 1996-2016, verði samþykkt með þeim breytingum sem fram koma í samantekt Borgarskipulags, svörum við athugasemdum, greinargerð, dags. 07.02.00., með þeim breytingum að vísað verði í reiknireglur í greinargerðinni þar sem það á við og í skilgreiningu miðborgarkjarna komi fram að 50% takmörkunin eigi ekki við um verslun. Jafnframt er samþykkt að óska eftir því við borgarráð að það samþykki að óska staðfestingu umhverfisráðuneytis á staðbundinni byggingarsamþykkt fyrir Miðborgarsvæði Reykjavíkur, sbr. framlagt skjal, og samþykki framlagðar reiknireglur.
Fulltrúar D-lista óskuðu að eftirfarandi yrði bókað:
Í Þróunaráætlun miðborgar felast nýjar og áður óreyndar leiðir til þess að stýra byggðaþróun hérlendis. Ekki er kunnugt um að aðrar borgir á Norðurlöndum hafi tekið upp þróunaráætlun af þessu tagi. Skipting miðborgarsvæðis í landnotkunarreiti hefur í för með sér ákvarðanir í smáatriðum, sem fela í sér hættu á ofstýringu. Við slíkar aðstæður þarf að gæta vel að því að skipulagsyfirvöld fari ekki offari í stýringu sinni. Mikilvægt er því að beita þessu tæki af mikilli varfærni.
Ef þróunaráætlun miðborgar á ekki að snúast upp í andhverfu sína verður að gera ríka kröfu til skipulagsyfirvalda um að vinna náið með öllum hagsmunaaðilum og að vera tilbúin til þess að sýna viðbragðsflýti og skilning á eðli þeirrar starfsemi sem er á svæði þróunaráætlunarinnar. Hvernig Þróunaráætlun miðborgar var beitt við undirbúning að deiliskipulagi fyrir Umferðarmiðstöðvarreitinn ætti að vera víti til varnaðar í þeim efnum.
Leggja verður áherslu á, að við endurskoðun staðbundinnar byggingasamþykktar að ári liðnu verði nákvæmlega farið yfir einstaka þætti og á grundvelli fenginnar reynslu verði nauðsynlegar breytingatillögur gerðar. Komi ennfremur í ljós annmarkar á þeirri breytingu á aðalskipulagi sem hér er verið að gera verði tækifærið jafnframt notað til endurskoðunar á því.
Fulltrúar R-lista óskuðu að eftirfarandi yrði bókað:
Meginmarkmið Þróunaráætlunar er að styrkja miðborg Reykjavíkur sem miðstöð verslunar og þjónustu. Þróunaráætlunin er ný og metnaðarfull leið til að stuðla að uppbyggingu miðborgarinnar. Það er ljóst að til þess að þessu markmiði verði náð þarf að stýra skipulagsþróuninni meira en tíðkast hefur til þessa. Í því felast ríkar skyldur á hendur skipulagsyfirvöldum en jafnframt mörg tækifæri.
Skipulagsnefnd er ljóst að til þess að skipulagsþróunin takist, þarf að vanda vel alla vinnu og undirbúningur hingað til hefur miðast við það. Meirihluti Reykjavíkurlistans tekst þetta verkefni á hendur með jákvæðu hugarfari en forðast neikvæðan tón sem einkennir bókun og málflutning D-listans. Að ári liðnu verður árangur metinn og ýmsir þættir skipulagsáætlunarinnar teknir til endurskoðunar.
Fulltrúar D-lista óskuðu að eftirfarandi yrði bókað:
Það er mikilvægt að allir geri sér ljóst að ýmis atriði Þróunaráætlunar eru þess efnis að reynslan ein getur skorið úr um þýðingu þeirra og réttmæti. Framkvæmdin skiptir miklu og nauðsynlegt að raunsæi og skynsemi sé með í för.
2. fundur 2000
Miðborg, þróunaráætlun, framkvæmd
Lögð fram að nýju stefna borgaryfirvalda um framkvæmd Þróunaráætlunar miðborgar ásamt leiðarvísi dags. 24.01.00.
Lagt fram.
2. fundur 2000
Miðborg, þróunaráætlun, aðalskipulag
Að lokinni auglýsingu er lögð fram tillaga að breytingu A.R. varðandi miðborgarsvæðið ásamt staðbundinni byggingarsamþykkt eru lagðar fram að nýju athugasemdir sem bárust: Bréf Lögmanna Skólavörðustíg 6B sf, f.h. L.A. Café, dags. 03.01.00, bréf Lögmanna Borgartúni 33, f.h. eigenda Hafnarstrætis 1-3, dags. 03.01.00, bréf Þorkells Sigurlaugssonar, dags. 06.01.00. Einnig lagðar fram umsagnir Borgarskipulags, dags. 18.01.00 og 19.01.00 ásamt fundargerðum og samantekt rýnihópa vegna ábendinga og athugasemda.
Lagt fram.
1. fundur 2000
Miðborg, þróunaráætlun, aðalskipulag
Að lokinni auglýsingu á tillögu að breytingu A.R. varðandi miðborgarsvæðið ásamt staðbundinni byggingarsamþykkt eru lagðar fram athugasemdir sem bárust: Bréf Lögmanna Skólavörðustíg 6B sf, f.h. L.A. Café, dags. 03.01.00, bréf Lögmanna Borgartúni 33, f.h. eigenda Hafnarstrætis 1-3, dags. 03.01.00, bréf Þorkells Sigurlaugssonar, dags. 06.01.00.
Lagðar fram athugasemdir sem borist hafa.
26. fundur 1999
Miðborg, þróunaráætlun, framkvæmd
Lögð fram stefna borgaryfirvalda um framkvæmd Þróunaráætlunar miðborgar ásamt leiðarvísi dags. 16.12.99.
Anna Margrét Guðjónsdóttir kynnti. Frestað
23. fundur 1999
Miðborg, þróunaráætlun, aðalskipulag
Lagt fram bréf borgarlögmanns f.h. borgarráðs um samþykkt borgarráðs 26. okt. 1999 á bókun skipulags- og umferðarnefndar frá 25. s.m. um þróunaráætlun miðborgar, staðbundna byggingarsamþykkt fyrir miðborgarsvæði Reykjavíkur og breytingu á aðalskipulagi.
22. fundur 1999
Miðborg, þróunaráætlun, aðalskipulag
Lögð fram drög Borgarskipulags, dags. 21. okt. 1999, vegna reitaskiptinga, forsagna og forgangsröðunar í deiliskipulagi miðborgarinnar o.fl. Einnig lagt fram bréf byggingarfulltrúa f.h. byggingarnefndar, dags. 19.10.99.
Jóhannes Kjarval kynnti drögin og Anna Margrét Guðjónsdóttir og Ívar Pálsson gerðu grein fyrir stöðu mála.
21. fundur 1999
Miðborg, þróunaráætlun, aðalskipulag
Lögð fram tillaga að staðbundinni byggingarsamþykkt fyrir miðborgarsvæði Reykjavíkur, dags. 9.10.99, ásamt tillögu að breytingu á Aðalskipulagi Reykjavíkur varðandi miðborgarsvæðið, dags 16.09.99.
Samþykkt að senda tillöguna um staðbundna byggingarsamþykkt til umsagnar Umhverfisráðuneytis, Skipulagsstofnunar og byggingarnefndar. Skipulags- og umferðarnefnd samþykkir tillöguna fyrir sitt leyti og auglýsingu aðalskipulagstillögunnar svo fremi að ekki komi verulegar athugsemdir við tillöguna um staðbundna byggingarsamþykkt.
20. fundur 1999
Miðborg, þróunaráætlun, aðalskipulag
Ívar Pálsson og Anna M. Guðjónsdóttir kynntu stöðu mála.
19. fundur 1999
Miðborg, þróunaráætlun, aðalskipulag
Lagt fram bréf verkefnisstjóra stýrihóps Þróunaráætlunar miðborgar, dags. 16.09.99 ásamt drögum að fyrsta hluta áætlunarinnar, dags. 16.09.99. Um er að ræða tillögu að breytingu á Aðalskipulag Reykjavíkur 1996-2016 (afmörkun miðborgar og nánari flokkun í landnotkunarreiti) og viðauka um notkunarflokka. Óskað er eftir að viðaukinn verði lagður fram til staðbundinnar samþykktar fyrir miðborg Reykjavíkur, til reynslu í eitt ár.
Þróunaráætlun kynnt. Afgreiðslu frestað
18. fundur 1999
Miðborg, þróunaráætlun, aðalskipulag
Kynnt endurskoðuð tillaga að breytingu á þeim hluta aðalskipulags Reykjavíkur 1996-2016 er fjallar um miðborgina, afmörkun og landnotkun, dags. 26.8. 1999.
17. fundur 1999
Miðborg, þróunaráætlun, breyting á aðalskipulagi Reykjavíkur
Lagt fram bréf borgarritara f.h. borgarráðs um samþykkt borgarráðs 20. júlí 1999 á bókun skipulags- og umferðarnefndar frá 19. s.m. varðandi þróunaráætlun miðborgar, auglýsingu á breytingu á aðalskipulagi.
Borgarráð samþykkti erindið með þeim breytingum að Arnarhóll verði sýndur sem grænt svæði og reitur milli Vitastígs og Barónsstígs við Hverfisgötu verði sýndur sem blönduð landnotkun íbúðar og þjónustu.
16. fundur 1999
Miðborg, þróunaráætlun, breyting á aðalskipulagi Reykjavíkur
Lögð fram að nýju tillaga að breytingu á þeim hluta aðalskipulags Reykjavíkur 1996-2016 er fjallar um miðborgina dags. í júlí 1999.
Skipulags- og umferðarnefnd samþykkir samhljóða eftirfarandi bókun: "Skipulags- og umferðarnefnd Reykjavíkur samþykkir tillögu Borgarskipulags, dags. 16. júlí 1999, að breytingu á Aðalskipulagi Reykjavíkur 1996-2016, og beinir því til Borgarráðs Reykjavíkur að tillaga þessi verði kynnt og auglýst í samræmi við 18. gr. Skipulags- og byggingarlaga nr. 731997. Tillagan felur í sér breytingu á afmörkun miðborgar-miðhverfi á uppdrætti og í greinargerð Aðalskipulags Reykjavíkur 1996-2016. Ýmist er verið að breyta úr þeirri landnotkun í aðrar eða svæðishlutar sem nú eru önnur landnotkun breytist í miðborgar-miðhverfi, samkvæmt nánari skilgreiningu og skýringu í uppdrætti og greinargerð borgarskipulags dags. 16. júlí 1999. Einnig er miðborginni skipt í minni starfsemissvæði samkvæmt nánari skilgreiningu á landnotkun, sem er grundvölluð á tillögu um Viðauka um starfssemisflokka við greinargerð Aðalskipulags."
14. fundur 1999
Miðborg, þróunaráætlun, breyting á aðalskipulagi Reykjavíkur
Lagt fram bréf borgarritara f.h. borgarráðs um samþykkt borgarráðs 1.6.99 sbr. bókun skipulags- og umferðarnefndar frá 31. f.m. um breytingar á aðalskipulagi miðborgar. Borgarráð samþykkti eftirfarandi bókun:
Borgarráð samþykkir að tillagan verði forkynnt í samræmi við skipulagslög og verði að lokinni kynningu lögð fram í borgarstjórn til fyrri umræðu og ákvörðunar um aðauglýsa tillöguna sem formlega breytingu á Aðalskipulagi Reykjavíkur 1996-2016.
15. fundur 1999
Miðborg, þróunaráætlun, aðalskipulag
Lögð fram tillaga að breytingu á þeim hluta aðalskipulags Reykjavíkur 1996-2016 er fjallar um miðborgina dags. í júní 1999.
13. fundur 1999
Miðborg, þróunaráætlun, breyting á aðalskipulagi Reykjavíkur
Lögð fram að nýju, og kynnt, drög að greinargerð um bílastæðamál tengd Kvosinni og byggingu tónlistarráðstefnuhúss og hótels í miðbænum, dags. í apríl 1999 og drög að stefnu í bílastæða- og umferðarmálum.
12. fundur 1999
Miðborg, þróunaráætlun, breyting á aðalskipulagi Reykjavíkur
Lagt fram bréf frá fundi borgarráðs 30.3. s.l., varðandi málsmeðferðarreglu vegna vínveitingaleyfa, dags. 22.03.99 ásamt viðauka og breytingum. Einnig lögð fram tillaga, dags. 10.5.1999, að breyttu aðalskipulagi á Laugavegssvæðinu frá Aðalstræti að Hlemmtorgi. Breytingin lýtur að afmörkun miðborgarinnar og skiptingu hennar í svæði sem auðkennd eru með bókstöfum. Í greinargerð með breytingunni eru sett fram markmið, rökstuðningur þeirra og skipulagsskilmálar fyrir hvert auðkennt svæði.
Samþykkt með 2 samhljóða atkv. að leggja til við borgarráð að tillagan verði auglýst sem breyting á aðalskipulagi Reykjavíkur. (Inga Jóna Þórðardóttir og Júlíus Vífill Ingvarsson sátu hjá).
11. fundur 1999
Miðborg, þróunaráætlun, breyting á aðalskipulagi Reykjavíkur
Lögð fram að nýju drög að greinargerð um bílastæðamál tengd Kvosinni og byggingu tónlistarráðstefnuhúss og hótels í miðbænum, dags. í apríl 1999. Ennfremur drög að stefnu í umferðarmálum og greinargerð um Hlemm og umhverfi, dags. í okt. 1998.
Á fundinn komu Valdís Bjarnadóttir og Gunnar Ingi Ragnarsson og skýrðu hugmyndir um umferðarmál og um Hlemm og nágrenni, en Stefán Finnsson kynnti umferðarmál í Kvos.
">10. fundur 1999
Miðborg, þróunaráætlun, breyting á aðalskipulagi Reykjavíkur
Lögð fram drög að greinargerð um bílastæðamál tengd Kvosinni og byggingu tónlistarráðstefnuhúss og hótels í miðbænum, dags. í apríl 1999. Ennfremur drög að stefnu í umferðarmálum og greinargerð um Hlemm og umhverfi, dags. í okt. 1998.
9. fundur 1999
Miðborg, þróunaráætlun, breyting á aðalskipulagi Reykjavíkur
Lagt fram bréf borgarstjóra f.h. borgarráðs, dags. 30.03.99, varðandi umsögn borgarlögmanns og skrifstofustj. borgarverkfræðings frá 29.03.99 um lögfræðilega þætti sem varða þróunaráætlun miðborgarinnar.
6. fundur 1999
Miðborg, þróunaráætlun, breyting á aðalskipulagi Reykjavíkur
Lagt fram yfirlit, dags. 22.2.1999, yfir skipulagsþætti þróunaráætlunar miðborgar Reykjavíkur.
3. fundur 1999
Miðborg, þróunaráætlun, breyting á aðalskipulagi Reykjavíkur
Kynning á 3. áfanga þróunaráætlunar miðborgarinnar og lögð fram greinargerð Bernard Engle, dags. í janúar 1999 um 3. áfanga þróunaráætlunarinnar. Richard Abrams frá Bernard Engle kom á fundinn og gerði grein fyrir 3. áfanga þróunaráætlunarinnar ásamt Ingibjörgu Guðlaugsdóttur og Hafdísi Hafliðadóttur. Ennfremur lögð fram greinargerð dags. 8.2.99 um skipulagsþátt þróunaráætlunarinnar.
1. fundur 1999
Miðborg, þróunaráætlun, breyting á aðalskipulagi Reykjavíkur
Ingibjörg R. Guðlaugsdóttir skýrði frá stöðu mála varðandi þróunaráætlun.
27. fundur 1998
Miðborg, þróunaráætlun, breyting á aðalskipulagi Reykjavíkur
Lögð fram íslensk þýðing á greinargerð um stefnumörkun fyrir miðborg Reykjavíkur sem lögð var fram á ensku í desember 1997.
26">26. fundur 1998
Miðborg, þróunaráætlun, breyting á aðalskipulagi Reykjavíkur
Lagt fram að nýju bréf Borgarskipulags dags. 20.11.98 varðandi tillögu um starfsemisflokkun og skilmála fyrir miðborgina. Ennfremur lögð fram drög að starfsemisflokkun dags. 20.11.98 ásamt drögum að skilmálum.
Samþykkt að kynna tillögurnar fyrir almenningi.
25. fundur 1998
Miðborg, þróunaráætlun, breyting á aðalskipulagi Reykjavíkur
Lagt fram bréf Borgarskipulags dags. 20.11.98 varðandi tillögu um starfsemisflokkun og skilmála fyrir miðborgina. Ennfremur lögð fram drög að starfsemisflokkun dags. 20.11.98 ásamt drögum að skilmálum.
Frestað
24. fundur 1998
Miðborg, þróunaráætlun, breyting á aðalskipulagi Reykjavíkur
Lögð fram tillaga að landnotkunarkorti fyrir miðborg Reykjavíkur, dags. 4.11.98. Ennfremur lögð fram drög að stefnumörkun fyrir landnotkunarsvæði miðborgarsvæðisins, dags. 9.11.98.
Að gerðri orðalagsbreytingu í stefnumörkunarskjalinu samþykkir skipulags- og umferðarnefnd að kynna tillögu að landnotkunarkorti, dags. 4.11.98, ásamt drögum að stefnumörkun, dags. 9.11.98, fyrir almenningi.
23. fundur 1998
Miðborg, þróunaráætlun, breyting á aðalskipulagi Reykjavíkur
Greint frá vinnu við þróunaráætlun miðborgar.
22. fundur 1998
Miðborg, þróunaráætlun, breyting á aðalskipulagi Reykjavíkur
Richard Abrams og James Morrissey frá Bernard Engle komu á fundinn og skýrðu frá vinnu við þróunaráætlun miðborgarinnar.
19. fundur 1998
Miðborg, þróunaráætlun, breyting á aðalskipulagi Reykjavíkur
Stefán Haraldsson, framkvæmdastj. Bílastæðasjóðs Reykjavíkurborgar kom á fundinn og gerði grein fyrir bílastæðamálum í miðborginni.
16. fundur 1998
Miðborg, þróunaráætlun, kynning
Lögð fram á ný greinargerð Bernard Engle, "Reykjavik City Centre Study, review of progress report", dags. í ágúst 1998.
17. fundur 1998
Miðborg, þróunaráætlun, breyting á aðalskipulagi Reykjavíkur
Kynnt áætlun um kynningar- og ákvarðanaferli skipulagsþátta þróunaráætlunar miðborgar Reykjavíkur.
11. fundur 1998
Miðborg, þróunaráætlun, breyting á aðalskipulagi Reykjavíkur
Lögð fram að nýju drög að stefnumörkun fyrir starfsemissvæði, starfsemisflokka o.fl., sem er hluti af vinnu við þróunaráætlun og unnin er í samstarfi við BEAP. Einnig lögð fram drög að skilmálum fyrir veitingahúsaferli.
Samþykkt að unnið verði áfram á grundvelli framlagðra gagna um stefnumörkun fyrir starfsemissvæði starfsemisflokkun o.fl. Drögum að skilmálum fyrir staðsetningu veitingahúsa vísað til borgarráðs.
10. fundur 1998
Miðborg, þróunaráætlun, breyting á aðalskipulagi Reykjavíkur
Kynnt drög að stefnumörkun fyrir starfsemissvæði, starfsemisflokka o.fl., sem er hluti af vinnu við þróunaráætlun og unnin er í samstarfi við BEAP.
Richards Abrams frá BEAP kom á fundinn og kynnti drögin. Vísað til borgarráðs til kynningar.
15. fundur 1998
Miðborg, þróunaráætlun, kynning
Lögð fram greinargerð Bernard Engle, "Reykjavik City Centre Study, review of progress report", dags. í ágúst 1998.
Á fundinn komu bresku ráðgjafarnir Richard Abrams og James Morrissey frá Bernard Engle, architects and planners og kynntu ásamt Ingibjörgu R. Guðlaugsdóttur stöðu vinnu við þróunaráætlun miðborgar Reykjavíkur.
1. fundur 1998
Miðborg, þróunaráætlun, breyting á aðalskipulagi Reykjavíkur
Kynntar verða hugmyndir að starfsemissvæðum samkv. uppdrætti Borgarskipulags, dags. 24. apríl 1998, sem er hluti af vinnu við þróunaráætlun og unnið er að í samstarfi við BEAP.
9. fundur 1998
Miðborg, þróunaráætlun, breyting á aðalskipulagi Reykjavíkur
Kynntar hugmyndir að starfsemissvæðum samkv. uppdrætti Borgarskipulags, dags. 24. apríl 1998, sem er hluti af vinnu við þróunaráætlun og unnið er að í samstarfi við BEAP.
Einnig kynnt hugsanleg staðsetning tónlistar- og ráðstefnuhúss í miðborginni.
Skipulags- og umferðarnefnd fellst í megindráttum á þá hugmynd að skipta miðborginni í starfsemissvæði sem verða lögð til grundvallar við áframhaldandi vinnu í þróunaráætlun miðborgarinnar.
25. fundur 1997
Miðborg, þróunaráætlun, breyting á aðalskipulagi Reykjavíkur
Lögð fram áfangaskýrsla "Bernard Engle architects and planners", dags. í desember 1997, um stefnumörkun fyrir Reykjavíkurborg.
Á fundinn komu bresku skipulagsráðgjafarnir, Richard Abrams og James Morrisey frá Bernard Engle architects and planners og gerðu grein fyrir efni skýrslunnar. Skipulags- og umferðarnefnd samþykkir að áfram verði unnið að þróunaráætlun miðborgarinnar í meginatriðum á grundvelli skýrslu Bernard Engle architect and planner.
23. fundur 1997
Miðborg, þróunaráætlun, breyting á aðalskipulagi Reykjavíkur
Richard Abrams, ráðgjafi kynnti drög að stefnumótun fyrir miðborg Reykjavíkur.
20. fundur 1997
Miðborg, þróunaráætlun, breyting á aðalskipulagi Reykjavíkur
Hafdís Hafliðadóttir og Ingibjörg R. Guðlaugsdóttir frá Borgarskipulagi kynntu stöðu vinnu við þróunaráætlun miðborgarinnar.
18. fundur 1997
Miðborg, þróunaráætlun, breyting á aðalskipulagi Reykjavíkur
Kynning á framvindu verkefnisins þróunaráætlun fyrir miðborgina.
Lögð fram greinargerð Borgarskipulags, dags. 4.9.97, um þróunaráætlun fyrir miðborgina og ráðningu erlends ráðgjafa ásamt yfirliti yfir þær skýrslur og kort, sem ráðgjafarnir hafa fengið.
Richard Abrams og Jim Morrisey komu á fundinn og gerðu grein fyrir framvindu verkefnisins.
17. fundur 1997
Miðborg, þróunaráætlun, breyting á aðalskipulagi Reykjavíkur
Lögð fram samantekt Borgarskipulags, dags. 04.09.97, varðandi þróunaráætlunina.
16. fundur 1997
Miðborg, þróunaráætlun, breyting á aðalskipulagi Reykjavíkur
Hafdís Hafliðadóttir og Ingibjörg R. Guðlaugsdóttir kynntu þróunaráætlun fyrir miðbæ Reykjavíkur.
12. fundur 1997
Miðborg, þróunaráætlun, breyting á aðalskipulagi Reykjavíkur
Kynnt staða þróunaráætlunar fyrir miðbæ Reykjavíkur.